رحمتك ربي <<قصتي>> ارجوا الدخول والرد

[الوردوالياسمن]

الله يعينك

 

[نفوفه]

الله يكون في عونك وينحفني وينحفك ربي بالعافية ويرزقك الله بالذرية الصالحه ويحنن بنات زوجك عليك ويحنن قلبك عليهم ويسخرك لزوجك ويسخر زوجك لك اللهم امين

 

[خوافي]

السلام عليكم حبيباتي البقيسات .....مشكورات فراااداا فردااا عالردود الحلوووه والمشجعه ربي يسعدكم جميعاا .....

بالنسبه لبنت زوجي تصدقون لين الحين متغيره علي :33: الله يهديهااا بس والله لا يبليني ببنات مثل طبيعتهااا قولوا امييييييييين يارب عيالي يطلعون حبوبين علي وعلى ابوهم وعلى باقي اخوانهم ....
ويارب ما اجيب عيال دبيييييين يارب......كفااايه علي بلووواي


يا بلقياسااااااااات باقي عن عمليتي 4 شهوووور دعواتكن لي أكثر شيء يمكن اسوي تكميم معده عواتكم لي بتقريب الموعد يارب .....بسويهااا فمستشفى التوام فالعين ربي يفرجهااا يارب...

طبعاا سويت رجيم بس مب راضي يضبط ابداااا:39:

وانا الحمدلله اموري تماااام ويا زوجي ولله الحمد والشكر.

 

[دمعة الذيب]

حلو ان زوجك مايتدخل بينكم انتي وبناته

 

[zahrt alkoon]

الله يوفقج يالغلااا .. ونشوووووفج مثل باربي ههههههه... وييي صج ترقت الدنيا طلعت بدالها فلة ههه
تحياتي القلبية

 

[حياتي لعيالي]

الله يوفقك في حياتك ويديم عليك السعاده مع زوجك وبرزقك بالذريه الصالحه

وحبيبتي لالا توقفين عن الأستخاره من شان العمليه لأخر ساعه قبل موعدها والله يكتب لك اللي فيه الخير

 

[دمعة الذيب]

كملي سوالفك .. اعجبني رحابت صدرك << ومنكم نستفيد

 

[خوافي]

مشكورات حبيباتي عالردود الطيبه

عااااااااد انا باربي والا فله يااااااااااااااااااااااااااليت اصير مثل جسمهم خخخخ بسني لو صلت 65 ....يارب من يعلم

دمعت الذيب مشكوره انتي اللي قلبك رحب ووسيع انا تستفيدين مني ياليت والله انا احس اني انسان محطمه مزيفه ماادري كيف ......

اخباري ......
بصراحه كل ما اوهم نفسي انه زوجي تغير احسه مرات شحيح بخيل ......هو صحيح يعني تغير بنسبه 65%
بس ياليته يكون كريم...
تصدقون اصلا هو احسه واااايد يحاتي عياله يعني مثلا اولاده ما يبخل عليهم بشيء بمرررررره هذا شيء طيب صدقوني انا مب ضده بس وانـــــــــــــــــــــــــا وين من حياته؟؟؟؟؟؟؟؟؟؟!!!!!!!!!!!!

يعطيني 500 بس شووووه يسدهن في هذا الزمن والله اني ارفع من معنويات نفسي واخافني في يوم اتحطم الله يستر بس
تعرفون شوه مصبرني عليه وعالحياه بهذا الشكل .......سمنتي صدقوني

انا الحين عندي هدف اني بصبر عليه وبتجنب كل المشاكل سواءا ويااه والا ويا ناته عشان خاطر اضعف واسوي العمليه ......
تصورا اليوم شوه يقولي يقولي عطيني 500 اريد اساعد فيهن ولدي>> يقصد مصروفي اللي يعطيني اياه كل شهر
انا انصدمت قالت فخاطري : هذا شقول؟؟؟؟!!!!!!! انا 500 واقول الله كريم باجر يزيدني......والحمدلله 500 زينات لبعض الاشياء ....انا لو الود ودي يسوي لي العمليه ع حسابه بس ابداااااا ما صارحته بهالموضوع لاني عااااارفه انه مستحييييييييييييييييييييييييييييييييييييييييييل بخيل يااااس ..او بدال ما اقول بخيل اقول لكم هذا يعتبره اسراف واني اريد العب بفلوسه !!!!!!!
بالله عليج ياللي تقرين انتي لو وزنج 115 ومحتاجه عمليت سمنه هل زوجج مستعد يسويهاا لج ع حسابه.؟؟؟

يمكن حد نعم وحد لا.....ولكن شوه موقف الزوووووج اللي بمعني الكلمه زووووج شوه موقفه؟؟؟
اعتقد لو احد غيره عادي بسويهااا لي خصوصا انه ما عليه قاااااااصر بمرررررررررررررره .....
اااااه بس اه ماادري احس افكاري متلحبطه ...
المشكله اني انصدمت منه يوم طلب مني 500 درهم ريلي سياسي يعني يريد ياخذهن عني باي طريقه ....
انا من كم شهر وانا اجمع منهن عشان اشتري هديه لاخوي بمناسبه زواجه .....وفعلا هديته هديه حلوه عباره عن عطورات ويكب .... وزوجي ما دفع شيء من عنده.....ويوم عطيت اخوي الهديه قالت لامي وخواني وخواتي هذي هديه متواضعه من زوجي......
دوووووووووم اطلعه بصوره حلوووه بس شذمبه قلبي يعاني في صمت .....متى يارب متى تفرج علي كربتي
تعرفون بنات انا حتى لو سويت العمليه وتخبل علي العالم باسره وصرت اجمل بنات بلادي ما بتركه لانه راح يكون له فضل بعد الله تعالي في اني اتخلص من همي اللي هو هم السمنه ......بس كل اللي اطليه من ربي انه يزيد زوجي كرم علي ......
انا ما اقولكم انه انسان سيء لا بس هو انسان طبعه البخل او كما يسميه هو الأقتصاد!!!!!!
عمري ما عرفت الأقتصاد الا لما تعرفت ع شريك حياتي .....
عموما هي كذا الحياه فيهااا الحلوو وفيهاا المر وانا والحمدلله لين الحين ما ذقت غير طعم المرررر....
الله يفرجهاا ونذوق الحلوو يارب
اجوكم ادعولي بظهر الغيب ربي يفرج علي كربتي وعوضني خير.

 

[خوافي]

حلو ان زوجك مايتدخل بينكم انتي وبناته

لا والله يا اختي ابداااااا مو حلووو المفروض كلمة الرجال تكون بثقل البيت اللي اهوفيه ....المفروض يقولي انا طولي بالج وقول لهم احترموهااا ترى لوما امكم تراها عمتكم وتربي اخوانكم الصغار ....
بس انا افضفض واطلع اللي قلبي لكم لاني مااريد الناس اللي تعرفني تحس اني حزينه او اي شيء يقلل من قيمتي او قيمة زوجي ....

 

[دلع قلبه]

يغلق لتجاوزه ال200 رد