انا مااقول اهملي زوجك وبيتك .. لآ انا قصدي حاولي تكونين واقعيه وتفكرين با الأمور بطريقة صحيحه وتوزنينهآ .. لآنك مانتي ملآك ..
**
اول شي فقدته بعد زواجي ( النوم)
لكن الحين ... لا والف لا .. انوم على راحتي
الزواج مسؤليه كبيره ولاهي الي نتو متصورينها انا كنت اقول وش عاد الزواج بس جربت وصار من جد يبي له احد يداريه ويتحمل
خاااصه الي ما تعود على المسؤليه في بيت العزوووبية لازم لازم تصحين قبل زوجك ..
يعني تخيلي زوجك صاحي وجالس وانتي بسابع نومه احس المسكين بيحس بإحبااط تخيلي يرجع زوجك من الدوام وانتي نايمه لازم يكون فيه تنظيم شوي لنومك .. ولازم لازم تعرفين إنه فيه واحد مسؤله عنه انتي الحين << صار ولدي مو زوجي
يعني لك وبس .. انتي اللي تتصرفين فيه على كيفك .. لو تبي تحرقينه ماحد بيكون مسؤل عنه غيرك انتي وبس ولا احد راح يساعدك عشان كذآ لآزم يكون نظيف ويفتح النففففس
بالنسبه لي احلى وقت للتنظيف ( الصبح) احس بنشاط مو طبيعي بالبدايه حسيت انه متعب شوي .. خاصة الغبااار اللي مدري وش يبي !!
بس مع التنظيم كل شي يصير سهل سويت لي خطه بسيطه اكررها بشكل شبه يومي .. وراح اعرضها هنآآآ ..
اول ماتقومين .. وتاكلين شي يسد جووعك.. تبدين بغرفة النوم .. رتبي السرير التسريحه مسحي اثاث الغرفه عن الغبار ولمعي المرايا افتحي الشباك للتهويه دايم افتح شبابيك البيت .. احس ان بيتي يتنفس
واطلعي ..
شوفي باقي الغرف والصاله .. مسحي الاثاث من الغبار .. رتبي البيت واذا عاد خلصتي .. جيبي المكنسه الكهربائيه .. وكنسي عاد البيت كله مره وحده
ابدي بغرفة النوم .. وبعدين باقي البيت حتى السراميك كنسيه بالكهربائيه وحتى الموكيت ..
بعد ماتكنسين ... جيبي عاد مكنسة السيراميك آو فوطه وحطيها على شطافة الارض عبي سطل بـ ( داك بريحة العود + شوي ديتول ) انا احب هالخلطه مرره بعدين مسحي الارضيه بداية من غرفة النوم الى الصاله وباقي الغرف ... وبكذآ نكون خلصنا من البيت
ياخذ مني تقريبااا ساعه لان بيتي صغنون
** نروح عاد للحمام (الله يكرمكم) اغسله عاد فرك بذمه ( تايد + كرولوكس+ديتول) بس أغسله مره وحده باالأسبوع وكل يوووم بمويه وديتول والحمد الله
اول مااصحى من النوم اصب على المرحاض وارضيه الحمام منه واطلع اسوي شغلي ... اخليه تقريباا نص ساعه او اقل او اكثر على حسب وقتي.. وارجع اشطفه واغسله ,, او متى ماحسيت انه الحمام يحتاج تنظيف .. عاد يصير يلق لق .. ويفتح النفس ..
خلصنا عاد من البيت
وش بقى ؟!
بقى المصيبة العظمى (المطبخ
)
عاد المطبخ حدث ولاحرج
يبي ينحاس بشكل يومي غصبن عنك ولو اتكلم من هنا لبعد بكرآ .. ماراح تكفي * راح اختصر تنظيف المطبخ بنقاط تسهل لك المهمه ,,
1 لاتنامين ابد الا والمطبخ نظيف .. انا ببداية زواجي انام والمطبخ حوسه مرات
واقوم عاد ونفسيتي آآععـ من سبة هالمطبخ يعني انا انظفه والا انظف البيت والا اسوي الغدآ ؟!
2 الزباله تطلع بشكل يومي
3 كل صحن تستعملينه غسليه اول ماتخلصين عشان ماتتكدس عليك بعدين ماتطيح الا براسك 4 الفرن .. آول مايتوسخ غسليه لاتقولين بعدين .. لو حتى حبة رز طاحت عليه امسحي مكانها 5 الثلاجه نظفيها من وقت لوقت وشوفي اللي منتهي صلاحيته او الخضار الخربانه وارميهم اول بأول . 6 لاتنسين تلبسين قفازات ليدك عشان ماتصير جافه وتحافضين على نعومتها هذآ بإختصار
كل مانضمنا وقتنا صار عندنا وقت اكثر خصصي وقت لبيتك وقت لطبخك وقت لزوجك وقت لنفسك .. وهيك
اذا نظمتي وقتك واستغليتيه بتحسين براحه ورضى عن النفس عجييب راح اضرب لكم مثال :قمت الصبح .. مالي خلق انظف البيت ولا اسوي شي ابد ضيعت وقتي ع tv او النت وتروح ساعه ورى ساعه .. ضاع الوقت .. ماسويت غدا وطيراان اسوي الغداء
طبعا مانضفت شي .. والبس ع السريع وانضف على خفيف
يجي زوجي يتغدى ويسولف معي وانا طفشانه ليش ؟؟ عشان ادري وراي شغل بالمطبخ والبيت والغسيل و .. و..و.. اتذكر اني اليوم المفروض ازور اهلي طيراان اجهز نفسي لان زوجي وراه مشوار ولازم مايتأخر كنت ناويه اسوي حلى وآخذه معي
بس ماعندي وقت
اروح لاهلي وانا فيني تكه
لييييييييييش ؟ّ! لأني ما نضمت وقتي صح
ارجع للبيت
اجلس مع زوجي شوي ونسهر مع بعض ... ومازالت كل حوستي مكدسه
تتوقعون بسهر وانا رايقه ؟
عاد لاجيت انام .. اقول خليه بكرى الصبح ويتكدس شغل اليوم وبكرى
**
طيب مثلا لو .. قمت الصبح خلصت شغلي ونضفت كل شي
سويت الغداء برواق ونضفت بذمه
جاء زوجي وروقت معه 100% سوالف وفله ليش ماافلها وانا انجزت .. وخلصت كل واجباتي
راح اصير كل اليوم رايقه ومودي تمام هو الشغل والتنظيف والتعب .. فيك فيك فـ ليش التأجيل
؟ **
حاولي تدونين الاشياء الضروريه بدفتر عندك بالمطبخ وعلى فكره مستحيل الوحده تكون منظمه وقتها زي الساعه .. لابد يكون فيه خربطه شوي عشان كذا اذا خربطتي شوي لاتقولين انا مااقدر انظم وقتي وانا ماتعودت وانا وانا وانا .. لآ الوحده المفروض تحاول عشان ترتب يومها واشغالها .. ماراح اكثر كلام .. اللي حابه اقوله ان تنظيم الوقت له متعه كبيييررره وراحه نفسيه لاتوصف جربوا تكتبون اشياء لازم تنجزونها بكرى واكتبوها اليوم .. وسوو كل شي كتبتوه شوفي كيف الراحه النفسيه
مثلا انتي تدرسين بالجامعه .. وتحبين دراستك كثير وزوجك قالك اتركي الدراسه عشان تهتمين فيني .. الدراسه اخذتك مني !! بهالحاله تتنازلين ؟؟ والا لآ .. !!
لآطبعاا
لاتتنازلين ابدآ .. هذي دراستك وحياتك وكلامه يدل على انانيته .. فـ مايستاهل اسوي شي عشانه ابد
يارب تكونوا فهمتوني اللي ابي اوصله ان الزوج له حقوقه واحترامه وتقديره .. لكن ماهو كل شي بحياتي سوي لك كيان بعيد عنه شوي ادرسي .. توضفي .. ادخلي دورات .. دلعي نفسك
انا لي سنتين و2شهرين واجهت مشكله ....... )(اعذروني ماابي اتذكرها) وتغلبت عليها بالمواجهه و التفاهم ووصلنا لحل يرضي الطرفين
*مقومات الزواج الناجح .. من وجهة نظرك ..؟
المحافظه على مايرضي الرب ومحاوله تجنب المشاكل في الاشياء التافهه
وماازيد عل كلامك لانه من اهم مقومات الزواج الناجح
*طريقتك بترتيب بيتك ..؟
نفس ماقلتي.. منظم اصحى اخلص كل شي وبعدين اجلس وانا مروقه *كيف واجهتي الشبح (الطبخ) ؟!
انا الحمدلله ماعندي مشكله انا من وانا بنت اطبخ لاهلي واسوي كل شي فما كان عندي مشكله بالعكس
*مواقف محرجه مريتي فيها ببداية زواجك .. في الطبخ او اي شي ؟؟
مااذكر بس اذا تذكرت بقول
*الصعوبات اللي واجهتيها ببداية زواجك ..؟ وكيف تغلبتي عليهآ ..؟ امممم مشاكلي مع زوجي يعني اهتمامه فيني بدى يقل وتعبت كثير من هالشي وبعد مشاكل ام زوجي بس ابشرك انا قويه وتغلبت عليهم الحمدلله
*مقومات الزواج الناجح .. من وجهة نظرك ..؟ الاحترام اهم شي والحب وتقدير رغبات الطرفين والاستقلاليه لان هالشي انا فاقدته
*طريقتك بترتيب بيتك ..؟
انا ساكنه بشقه مع اهل زوجي غرفتين وممر وحمام عزكم الله ومطبخ ارتب تقريبا كل اسبوع ونفسك الصباح يكون ترتيبي ولازم اشطب على كل شي عشان ارتاح يعني اول شي غرفة المجلس بعدين النوم بعدين امسح الممر وانظف المطبخ وامسحه والحمام اغسله كل اسبوع وكل يوم ارش فيه ديتول
*كيف واجهتي الشبح (الطبخ) ؟!
بما اني ساكنه عند اهل زوجي فما اطبخ للاسف وحلمي اكون فبيت لوحدي المهم تطبخ الخادمه لان زوجي ياكل مع اهله بس احيانا اسويه له عشاء حلويات خفايف يعني اشياء زي كذا *مواقف محرجه مريتي فيها ببداية زواجك .. في الطبخ او اي شي ؟؟ اممممممم الطبخ لاء ومو متذكره والله من سنه ونص خخخخ ناسيه
*موقف لاتنسينه ابدآ ..؟ اشياء فقدتيها بعد زواجك ..؟ الموقف الي مانساه ابديوم زواجي لما صورت مع ماما وكنت ابوس راسها كنت احس اني بصيح وحسيت فيها تحاول تمسك نفسها الي فقدته بعد الزواج خواتي امممممم الشاي والحليب اخراليل مع خواتي
*نصيحه لبنات مقبلات على الزواج .. او متزوجات حديثآ ..؟
امممم اختي مقبله على زواج فاحب اقولها واقول لكل المقبلات<<تحسب نفسها بمقابله خخخخ ايوه احب اقولهم شي واحد لاتتنازلين عن حقوقك ولاتعطين زوجك اكبر من حجمه نصييييييييييييييييييييييييييييييييييييحه لاتركضين وراه وبث وشكرا موضوعك رائع جدا واسلوبك مره حلو
الحمدلله ..مع اني كنت شايلة همه وتراي طباخه يارب لك الحمد
*مواقف محرجه مريتي فيها ببداية زواجك .. في الطبخ او اي شي ؟؟ في يوم ..رجع زوجي من الدوام ..ورحت بسخن الغدا ..
وعساني سليت واحترق الرز :$
وعلى اسااس بروح احط الغدا ولما استبطاني جا للمطبخ وانا ماسكه القدر وابكي قال فيك شي احترقت يدك ..قلت لا الغدا احترق.. وجزاه الله خير واساني وقال مو لازم رز وانا اللي كنت بسوي رز جديد وعيا ..واكلنا ايدام وخبز ومقالي..والحمدلله
*موقف لاتنسينه ابدآ ..؟ اشياء فقدتيها بعد زواجك ..؟ مره لابسه كعب وماكان عالي حيل ..وصعدت الدرج وكان فيه بآخر درجة زي الشبك وتعلق كعبي فيها وبغيت انقلب على ورى
اشياء فقدتها ..الجلسه مع اخواتي..مع ان حنا اذا اجتمعنا انام عند اهلي بس ولو تغيرت الامور
*نصيحه لبنات مقبلات على الزواج .. او متزوجات حديثآ ..؟ عامليه مثل ما تحبينه يعاملك وعاملي اهله مثل اهلك واحترميهم ..عشان يحبونك وتكبرين بعينهم ..وتعيشين مرتاحه ..
*مواقف محرجه مريتي فيها ببداية زواجك .. في الطبخ او اي شي ؟؟ زلقت بشهر العسل ههه .. واول طبخ رز بشاور طلع مريسه .. كبيته وصلحت جديد
*موقف لاتنسينه ابدآ ..؟ اشياء فقدتيها بعد زواجك ..؟
يوم خروجي من بيت اهلي يوم زواجي..وفقدت دار التحفيظ بعد الزواج.. قوة الشخصية والآن احاول استرجاعها لاني احس صرت حساسة بزود بعد زواجي *نصيحه لبنات مقبلات على الزواج .. او متزوجات حديثآ ..؟
عيشي بواقعية واتركي الاحلام..لاتحاولي تغير شخصية زوجك بل اسألي كيف اتقبلها وأتعايش معها .. مافية شيئ اسمه شخصية وحدة لك شخصيك واهوله شخصيته .. شكرا لك عزيزتي
لازلت ببدايه زواجي توني مالي شهرين ههههههه الحمدلله مافيه صعوبات كايده بس التأقلم مع الحياة الجديدة يبيله وقت
*مقومات الزواج الناجح .. من وجهة نظرك ..؟
التفاهم والاحترام
*طريقتك بترتيب بيتك ..؟
مثل ماقلتي بالزززززبط بس بيتي ياخذ اكثر من ساعه ومتعب في التلميع لان اغلب الاثاث غامق
*كيف واجهتي الشبح (الطبخ) ؟!
عاااااااادي , بس ابتلشت باول يوم من رمضااان !! كان قمه الوسه وانا ماتعودت على نظام زوجي واهله في الفطور لانهم يحطون الاكل كله دفعه وحده وانا متعوده على نظام دفعتين فصارت حوسه الله لايوريكم !!
*مواقف محرجه مريتي فيها ببداية زواجك .. في الطبخ او اي شي ؟؟
بدايه الزواج كنت كاشخه ولابسه وزوجي ناداني انا قلت لا وقمت اتغلى قال تعاااااااااالي يوم جيت قام قطع الورقه من ملابسي انا قمت القط وجهي من الفشيله وهو يضحك علي وانا ارقعها واقول ابيك تعرف ان ملابسي كلها جديده !!
*موقف لاتنسينه ابدآ ..؟ اشياء فقدتيها بعد زواجك ..؟
النوم والكسل والتسدح والتبطح ومشاهده الافلام !!
*نصيحه لبنات مقبلات على الزواج .. او متزوجات حديثآ ..؟
عيشوا حياااااااااااااااااااتكم قبل ماتجيكم المسؤؤليااااات
