رحلتي الى تركيآ

[*رنيم]

رحلتكم ماشاء الله جدا ممتعه
تابعي وانا اتابع معاكي بحماااااااااااس

 

[كسرني الالم]

تآبع تقرير رحلة الاثنين .. (بورصا
نزلنآ.. من الغرفه .. الى اللوبي
توجهنآ الى بوابة الفندق
وركبنآ السيآره ..
وع طول السيآره .. رح تودينا لعند القروب
يعني العالم ف القروب ناطرتنآ ..
بورصا زحمه وناس ورجه بس ف هالوقت
كانت الكاميرا بح شحن خلص مافي
اشتغلنا تصوير من جوالاتنآ ...
طلعنا المرشد الي في بورصا اسمه سلطان
ورح اوريكم صوره .. من خلال الصور الجايه
يمكن في يوم تروحون بورصا وتشوفونه وتذكروني خخخ
صارت سالفه
طبعا كان يتكلم سوري وشوي خليجي يعني ملخبط
بس المعلومه ماتوصل بسرعه بصراحه
قال رح نروح ع قريه تصور فيها مسلسل
بصراحه انا ماتابعت المسلسل
مسلسل قصة شتاء
رح انزل لكم صور من النت
وايضا من عدستي

اسم القريه الي يظهر باللون العودي الي تصور فيها المسلسل

مدخل القــريه ..

ويلآ مشي ع الاقدآم مع المرشد والقروب ...



طبعـاً القــريـــة عبـارة عن بيــوت يسـكـنهـا ناس و يفتحـون بيـوتهم في النهـار للسـوّاح و بعـضـهم حـوّل بيـته إلى مقهى أو مطعـم في النهـار و الآخـر يعـرض منتجاتـه و لكـنـهم أناس طيبيــن إلى أبـعـد حـد ..

تـُبـاع المـربيـات و المخـللات الطازجــة و حبـوب للشـوربـة في مـدخـل القـريــة ..

هـنـا أحــد البيـوت فـتح فناءه كـمـطعـم يـُقـدم المأكــولات

يتبع .. وهذه فعلا مررت منها وتوقفنا مع المرشد للحديث عنها ولكن للاسف
كانت الكاميرا خلص مفيش شحن اضطريت انزل لكم صور لم اصورها من
النت

يتبع ​

 

[كسرني الالم]

تآبع لرحلة القـريه

احد الاخوات كآنو معآنآ ف القروب

طبعآ هذآ المكآن زي المقهى والمطعم في الدور الثآني
طبعآ لازم مانكون لابسين الجزم وانتو بكرآمه
او نلبس عليهم اكيآس ...

كرمال ندخل ونتصور ف هالامآكــن

وبعض الصور

هذآ المآء ينزل من جبل الالوداغ ... ماء جاري سبحان الله

من ممرات القريه ...
طبعا المرشد حدد لنا 45 د نتمشى في القريه ونتعرف
احنا على الامآكـــن وهيك

المنـزل الذي تـم تحـويـلـه إلى مطعـم و المنـزل أصبح يأخـذ شهـرة كبيـرة بسـبب تمثيـل المسلسـل التـركي ( قصـة شـتـاء ) فـي هـذا المنـزل

وهذه احدى غرف المنزل ...

العآلم كآنت بتدخل وتتصــــور وهيك ...

جلسنا في هالمكان وكان الجرسون .. واحد عجوز يزنن اسمه مراد
هو الي يقدم الطلبات ...


وهذه احدى سيدات المنزل تعمل المخبوزات التركيه

وبعد ذلك تمشينآ في القريه ... الى انا وصلنا الى القروب
والى الباص بالتحديد

يتبع ​

 

[كسرني الالم]

انتهى الوقت في القريه
ثم توجهنآ الى اعلى الجبل لمزرعه صغيره فيها مناهل العسل خلايا نحل وكمان لبيع العسسل الي هما يسسوووووهـ
كآن بس رجال وزوجته هما الي يسسووون كل شي
وبيت صغير

واعطونا صحـن مقسم لثلاث اقسآم
وضعو بعض العسل ليتذوقه السواح
وملاعق وهيك
بس انا بصراحه ماذقت شـي مـره ..
واشترينا وهيك من العسل والقروب كمان تعرفون
سواح لازم ..
المهم وبعدها طلعنا ع الباص رح نتوجه للمطعم .. فيه شلال صغير
نازل من اعلى الجبل بس كان قوي للاسف مابينت الصوره
لانه بعيد بالمـره
والظريف انو الجرسون الي ف المطعم كان مستلطفنا انا وزوجي بالذات من بذ القروب يمكن ارتآح لنا
كآن يسوي حركات ويضحكنآ وهيكـ
الله يسعده
اليكم الصور

هاي صور للمطعم في اعلى الجبل
​

 

[كسرني الالم]

ايضآ من الصور
طبعا الغذآ كان ع القروب برضو
كان الموجود استيك دجآج وسمك
ولاحظت شي يحبون يقدمون الزبادي بصحن
بكميات كبيره عشان كذا يمكن ماعندهم كروش
يعني الزبادي شي اساسي عندهم ف الوجبه

وكمان هاي الصور

هاي السمك تبع زوجي .. لاحظو الزبادي صحن لي وصحن لزوجي ...

يتبع باقي الرحله ​

 

[كسرني الالم]

اخر جوله مع القــروب هــي سوق القطنيات ..
عاد تعرفون تركيا وقطنيات ....
المهم دخلنا .. تفتيش .. زي تفتيش المطآر ع الشنط
واحنا كمان
اشترينآ تسوقنا طلعنا برآ شربنآ تركيش كوفي ...
وع البآص .. خلاص انهلكنآ نبي نروح نريح ف الفندق .. احنآ جايين مشوار من اسطنبول ولفينا هالفرفره كلهآ ....

وصلنآ للفندق كير فنسراي ترمـــآل ..... هذا اليوم الاول ف بورصآ

خلاص دايخين طلعنآ ارتحنآ قآلنآ المرشد بكرا الساعه 7 صبآحآ تكونون ف اللوبي ...
وبرضو احنا اول فندق
يمر عليه البآص ومن ثم جولات لباقي القروب في الفنادق

ع الساعه 8 ونص جعنآ وقال لزوجي يلا خلينا نطلع نمششي
جنب الفندق يمكن نلاقي مكان وهيك
وخصوصا انو اشترينا كرت تركي ونبي نشتري له شحن
وهيك ومانعرف نتكلم تركيش ولا انجلش
ومشـي ع الاقدام
واحنا ماشييين العآلم تطالع فيني لابسه عباية ونقاب
شكلي بالنسبه لهم غريب شوي
حسيت اني معلم يتحرك ولازم يتصور
عدينا من مكان كان زحمه
انتظار للمترو طبعا ماقدرت اصور العالم كلها تطالع فيني
وقفنا عند كوشك يبيع كروت شحن
ويلا يلا عشان نفهمه ويفهمنا
طبعا مايعرف ولا حتى طقطقه انجلش
ع الاقل انا فيني شوي طقطقه اما
الاخ تركي بحت يعني مافي امل
المهم طلعت له جوالي وشريحتي واقوله كرت
واكشط بيدي ع البطاقه الين مافهم
وزوجي بيطق من الضحك علـي
قلت له شوف ازين شي الاشاره
الي ماعنده اشاره بعد راح وطــي
ورحنا لمحل شآورمآ .. ومااعرف اقول شاورما
لا بالانجلش ولا بالتركي اصلا حتى لو عرفت
اسمها بالانجلش يفحط التركي مايعرف
اشرله زوجي وبالاصابع 2
تقولون اطفال يبون يتعلمون الكلام
والله احنا ويآهم ..
صور من الطريق

دخلنا مني ماركت ... اشتريت شوكلاتات
ومكسرات يعني لوازم الجلسه ع البلكونه
قالك متحمسه مـرهـ
واحنا طالعين من الماركت
واحد تركي يجي عمره 19 او 20
شاري بقلاوه وكنافه .. من محل جنب الماركت
قالنا سيآح هذا المحل اكلاتو كتير طيبين ..
طيبات الله ..
قلت لزوجي يلا خلنا نشوف
دخلنا وصرنا ناشر حط وناشر بس
وطبعا اول مادخلنا جابو لنا علبة مويه وحبة بقلاوه بالمنديل والله حركات هالاتراك
لا وحكى لنا قصته واحد متزوج وعنده ولدين
والثاني مو متزوج كلو بالاشاره
<< وش تبين تحكين في قصصهم ..

​

 

[كسرني الالم]

انتهت جولة الاثنين في بورصا
وسآكمل لكم الجوله الثانيه
الثلاثاء .. في بورصآ
دآيم اذكر هالسفره واقول
ايآم حلوه كانت ايآم هالسفره ... ​

 

[حربيه ذوووق]

بس بشهر 1 الدونيا برد مره

سبقتيني كنت راح اساللك كيف راح يكون الجو ف شهر واحد لاني بجد اكره الببببرد
حسيت اني معلم يتحرك ولازم يتصور

ههههههههههههه


هههههههههههه

[/QUOTE]

 

[المتحرحرة]

يسلموووووووووووووووووووووووووووو

 

[المتحرحرة]

كملي يالغلا موضوعج شيق والتصوير راااااااااااااائع

 

[حربيه ذوووق]

وحكى لنا قصته واحد متزوج وعنده ولدين
والثاني مو متزوج كلو بالاشاره

عندي فضول مين اللي فيهم متزوج الطويل ولا القصير .. وحده مرره ملقوفه

 

[نفوفه]

ماشاء الله ياكسورة ان شاء الله الوجهه تركيه
بس برجيم والا بدون رجيم ههههههههههه

 

[كسرني الالم]

شآكره لكم مروركم
حربية ياقلبي يقولون ياشين اللقافه خخخخ
امزح رح اقولك
الطويل هو المتزوج ... بس والله كتير حباببين بالمره
ام القصير ع مافهمت منه بالاشاره مايبي
يتزوج متعقد بس يقولون يبون حج وعمره
الله يبلغهم ان شاء الله
نفوفه
ايه والله كانت الوجهه الى تركيا في شهر 7 الي طآف
وقبلو في شهر 1 كنا بسسوريآ
بس كان الجو في سوريآ برد مآره ماتقدرين تتحركين
وبس تبين تتدفين وتنامين ... هنا القهر سوريا طبيعه حلوه
بس لما شفت تركيا بصراحه تحسفت اني رحت ع سوريا ):
يلا الحمدلله
انا قلت لزوجي اذا بتسفرني برا السعوديه
ابي 3 محطات وبعدين لك الخيار
قلت له ابي اروح سوريا وبعدين تركيا وبعدين ايطاليا
الله يكتب لي سفره لتركيا مره ثانيه وروما .. ​

 

[كسرني الالم]

رح اكمل ثآني يوم في بورصآ ... الثلاثاء
ف الغد ان شاء الله ​

 

[كسرني الالم]

الثلآثآء .. بورصآ
صحينا ع 7 ونزلنا ع الفطور في كيرفنسراي ترمال
قاعة الافطار

ومن ثم توجهنا الى خارج الفندق
كانو مسسوي جلسات وهيك

وكان المرشد هو البنت الي معاه جالسين برا
ينتظرونا ... لميس ويحي ع قولة بنات القروب

طلعنا .. جلسنا معاهم شوي نتكلم مع المرشد
اسمو سلطان اكيد عرفتو اسمو من اليوم السابق
والبنت الي معاه اسمها جآن .. خطيبتو مافي رحله
الا تحط رجلها فيها وتعرفون الاتراك ,, مايحتاج حركات لايف ..

طلعنا الباص وتحركنا ..
كانت البدايه سسوق لثرات بورصا

والشوارع كانت زحمه مـــره

رايحين ع السسسوق

وكان المرشد ع كلمه رح نخلص فلوسكم
رح نخلص فلوسكم .. :24::24: << زوجي يقول يافرحة امك فيك والله

والرجال اتوقع كانو .. مسوين نفسهم مايسمعو المرشد

والحريم حماس .. سوق اكيد رح نشتري .. :31:

طبعا في بنات اتراك كثير يعني مع كل شخصين في القروب وحده
ويتكلمو عربي وفي منهم الي كلامها مكســر ويحنو
عليك بشغلاتهم .. وهيك مطلوب المهنه

اخذت لي كم قرض يذكرني بها البلد وهالمكان بورصا ...
يتبع .. خلوكم معـــي :34:
​

 

[كسرني الالم]

في نفس المكان كان يتواجد جامع
اسمو الجامع الاخضر والله المرشد
تعنى وجاني لعندنا انا وزوجي وقال
روحو من هنا للجامع الاخضر قال كلام
كثير عن الجامع بس نسيت ... :25:
رح ادور لكم عن المعلومات الي قالها المرشد

الباص كان واقف في نفس المنطقه

واليكم الصور واحنا رايحين الجامع .. الاخضر او المسجد الاخضر

مشوارنا الى الجامع كانو في سوواح ...

الى الجامع

زوجي مارضى يدخل قالي ادخلي انتي اذا حابه انا بجلس برا ..
وجلس زوجي مع احد الاخوان ف القروب
وانا مشيت جايه اتفرج مو جايه اجلس لاحقه ع الجلسه
في بيتي ... :22:

دخلت ابي اشوف الجامع من الداخل .. وماسك الكآميرا بتاعتي
وابي اصور

شــوفو هالانسسآت يطآلعو فيآ ... خآيفين منـــي خخخخ
شايفيني بالعباية ... ​

 

[كسرني الالم]

من بعد السسوق توجهنآ الى التلفريك
تلفريك بورصآ ...

التصوير ليس بعدستي ولكن نفس المنطقه ونفس الزحمه

هاي المكان محطة التلفريك الاولى عشان نطلع
طبعا التذاكر من القروب ... ووزعها علينا المرشد
واحنا في الدرج

يتبع ​

 

[كسرني الالم]

صوره ... جايه بالغلط خخخ

لميس ويحي

طبعا واحنا محلقين بالجو من التلفريك
طبعا التلفريك يشيل 30 شخص ...

الصوره هي عكست كرمال القزاز خخخ

ليست جميع الصور بعدسسستي وانما نقلتها لانو نفس المنظر مافي فرق
غير التصوير ...


صور ه من المرتفع طبعا نزل محطة في النص كرمال نطلع تلفريك اخر ...

صور من التلفريك ايضآ

المحطه الثانية الي وصلنا لها .. كرمال نطلع باقي الرحله ... توقفنا عشان نستنى التلفريك
يجي..

وصلنا ونزلنا .... ​

 

[كسرني الالم]

وصلنا لمنطقه بارده جدا ...
والقروب راحو يشترون ملابس ثقيله
وقآلنآ المرشد اذا تبون تطلعون
الجبـــل ع كل نفر 30 ليره ...
المهم القروب كلو وافق
ثلج ثلج اكيد بنروح ...
ومن الصور

هاي الباصات الي تنقل الجبل اما الباصات الكبيره ماتطلع
لانو طريق مو مزفلت يعني طريق وعر وحجاره وهيك
وتعرفون جبل كل هالتعب كرمال الثلج

وهالمنطقه بارده والقروب انقسم لقسمين ...
يعني في سيارتين ...

والاغلب كانو سعوديييين اذكر بس 2 من الامارات والباقي كلو من السعوديه

بصراحه المنطقه خطيره وتجنن .... ورووعه قليله فيها
وهاي صورة الثلج وع فكره مو في فصل الشتاء
في فصل الصيف .....

العالم كلها طالعه ع فوق تبي تلعب بالثلج
ولو تششوفون اشكالهم واو بصراحه
مفتقدين الثلج
ومن بعد هالمشششوار رجعنا نفس مشوارنا
وبعدين طلعنا بالتلفريك مره ثانيه عشان ننزل
والحين رآيحييييين ع المطعم كرمال نتغذآ ...
تغذينآ وكمان ع القروب
كآن الغذآ مششويآت مشكله بس ماصورت .. !

ومن بعد المطعم الى مصنع الجلديات ... غالي غالي غالي
جاكيت فوق 2000 ريال وعليه ....
بصراحه اتفرجنا بس ...
وبعدين من زود البرد عندنا

من داخل مصنع الجلديات

ومن ثم ذهبنا الى السسسسوق بصراحه زوجي اشترا
انا ماناسبني شي بصراحه ...

ومن بعد هالسسسوق رح نرجع الفندق
تقريبا كانت السسساعه 5 العصــــر
توه عصر عندهم ....
وووصلنا الخلق للفنادق وكان اخر يوم مع هالقروب
بصراحه حبيت هالقروب لانو كلو سعودييييين ...
تحسين انك مع اهلك والله ...
رجعنا للفندق ولله الحمد وانتهت رحلة اليوم في بورصا
وكان اخر يوم في بورصآ ....

يتبع
​

 

[كسرني الالم]

طبعآ الفندق .. مسسسوي كرت للمياة الكبريتيه
مجانآ ..
انا ماكنت نآويه اروح ...
بس لما كنا في منطقة المسجد الاخضر جلست اسولف مع
وحده قآلت دخلت في المياه الكبريتيه مره رووعه تنظف وفيها
شفآ وخليت وحده تسوي لي تنظيف .. روحي قلت لها
مااقدر اروح .. بروحي ..<< اخآف :22:
كآن تنظ وحده من السعوديه تقولي انا في نفس
الفندق نروح سسسوآ قلت لهآ خلاص
اذا بتروحين اتصلي عـــلي واتصلت علي
ع 7 لسسه عصــر
واخذنآ منآشفنآ والكرت ومشينآ
ونزلنا طبعا الدخول لازم من مكان الرجآل

طبعا هي المكان للرجال لازم نمر منه كرمال الدخول لقسم النسآء

دخلنا وعطينآهم الورقه قلت لها ابي اسوي تنظيف بالاشاره
قآلت 15 ليره
وطبعا الاخوات مايفهمون عربي وانا ماافهم تركي ولاحتى الاخت
الي معاي
المهم نقولهم رح ندخل المياه الكبريتيه بالشورتات ..
طبعا رفضو ... :10:
تاششر بيدها لا وانو لازم تدخلين بوشسمه قلت لها انسسي يابنتي بالاشاره
راحت جابت لنا قطعتين من المناشف وقالت لفوها ع نفسسسكم
المهم سمعنا الكلام ولفيناها ودخلنا المويه كانت حاره ماره
مره حاره

كانو في اجانب الاخت الي معاي ماعجبها الوضع لانو معاها اطفال
والمنظر ماكان تمام

التنظيف كان امام الكل .. ويعني اكشفي كل شي عشان تنظف ...
وانا اقولها مااابي تنظيف قدام الكل وهيك
خليتها تنظف اماكن معينه وبعدين اخذت شاور ومشيت

وصلت تقريبا الساعه 9 المغرب
ولقيت زوجي ينتظرني جانا تلفون اجهزو بكرا الصبح ماششين ع اسطنبول
وبهيك انتهت الرحله الى بورصآ .... ​