رجولته ...ام انوثتي....تجننت ساعدوني

معك حق

السلام عليكم أولا ثانيا معك حق وكل أمر تجاوز حدّه انقلب ضدّه يعني جميل من زوجك أن يقدم يد المساعدة لاختك ولكن للموضوع حدود يعني ماتطلبه في أي أمر ..يجب أن تطلب مساعدته فقط في حال غياب زوجها أو أحد من أهلها وكان الأمر طارئ ولاتستطيع القيام به لوحدها...واعتقد من اللائق أن تطلب مساعدته عن طريقك أولا..ضعي للموضوع حدود وضوابط.وتقبلي مروري
 
مير أختك ماتستحي ولا تنتخي وقلة أدب هي وزوجك بعد اللي مطاوعها

والله لو أنا ماخليتهم

المشكلة أمك عاادي ومأيدتها

وش صار يادنيا لو أنا أموت قهرر

ماعليه يخدم أهلي بس بوجودي مو من واراي قلة أدب
 
من جد عش رجبا تجد عجبا ~ ترى الشيطان حريص ~ عندي لك راي يمكن يفيدك وهو انك تسوين نفس اللي تسوي اختك يعني تطلبي من زوجها بعض الطلبات بحجة انشغال زوجك وشوفي وش بيصير~ بس انتبهي اذا كان رجلك من النوع الغيور جدا
 
أنا من رأيي أختي الغاليه أنك تفهمي زوجك أنه يعتذر منها أنه مشغول وما يقدر يوصلها بدون أي احراج لا من أختك ولا أهلك وأكيد زوجك بيكون متعاون معاك ...
 
كان اللة فى عونك الرسول صلى اللةعلية وسلم قال (الحمو الموت) قيسى اختك على هذا الأمر
 
الموقف كله غلط سواء متزوجه او عزباء خصوصا ان اهلك موجودين .وبعدين انا فهمت حتى وزوجها موجود تطلب .لوكانت تطلب منك عادي اما من زوجك هذا غلط.باالنسبه لزوجك لاتهاوشينه ولابيقول عيب تشكين في اختك ويوصل الكلام لاهلك ويصير شكلك غلط.اضافه بيقول هذي مافيها خير لاهلها .ولكن عليك بااختك قولي لها ان زوجي يتحرج يرفض لك طلب ولكنه يطفش ويهاوشني .فحافضي على كرامتك. واذافيه احد تثقين فيه كلميه يكلمها .المهم لاتسوين مشاكل حتى لاتخسرين كل شيء.
 
لا الشرع ولا العادات تبيح اللي حاصل بين زوجك وأختك .... ولا تتنازلين عن مبدأك
 
اختك ما تستحى
وانتى لا تستحى فى انك تحرجيها
وخلصى نفسك من الالم
لان معك حق تضايقين
قولى لها اعتبرى ان زوجى مسافر ومش موجود كنتى هتتصرفى ازاى
 
حبيبتي لا تسكتين لهم خليج وراهم هو مو محرم لها علشان تطلع معاه شوفيلج حل معاهم قبل لا يطيح الفاس براس
 
انا اشوف انك تكلمي زوج اختك
لانه اختك الكلام ماينفع معاها وبعدين الاولى اخوان زوجها يساعدوها مو زوجك
انتبهي على زوجك من اختك
 
تبين الصراحه من حقج تزعلين وماتكونين مرتاحه

هي متزوجه وعندها اخوااان بعد!!! وماتطلب الا من زووجج ليششش

غريبه!!!!
 
كل مشوار حق أختك روحي معاه ولاتخلينهم بروحهم أبدا ووقفي بوجه أختك ولاتخافين من زعلها أبدا وقولي حق امك إنها تقدرك مثل ماتبي تقدر اختك وإذا زادت السالفه عن حدها وحسيتي انه زوجك بعد مصخها قوليله إذا السالفه عندك عادي أنا بكلم زوجها هو ملزوم بخدمتها مو أنت وعندها اخواني وانت شيل أيدك من خدمتها ............. ملاحظه يمكن أختك السانها حلو وتمدح وتشكر وزوجك لاقي نفسه عندها وعاجبه المديح الزايد ههههههههه.....لاترضين لنفسك التهاون وخلي الكل يحترم خصوصيات حياتك خليك قويه ومتماسكه ​
 
ضحكي عليه وقوليله ابوي واخواني بخيب ضنهم فيك أكثر بها الطريقه ............. وقولي حق اختك قاعده اتصير مشاكل وايد بحياتي بهالسبب حسسيها انها طفوليه ومسكينه راكبه على ظهر الغير عشان اتمشي حياتها لاتخافين منها دائما أهينيها واتكبري عليها بعد وخليها تحس انها ناقصه جدامك لاتقولين أختي أكبر مني أخاف اتصير مشاكل وقفي بوجه الكل بكل تحدي وبكل كيد ولاتقولين مابيهم يقولون اني غيرانه من أختي خلي يقولون اللي يبونه بس انتي حطي هدف واحد وهو قطع المهزله هذي وزوجك لايحس بهذا كله يمكن تنحل مع أختك بس إذا ماجابت نتائج من ناحية اختك دخلي زوجك وخليه يحس انه إذا ماقدر طلبك ومشاعرك بترك خدمة أختك راح يخسرك قوليله بالحرف الواحد رجولتك وكرامتك قاعده تخرب بيتك وتجيب الفرقه والنزاع مع اهلك ​
 
الله يعينج حبي
لا تزعلين بس هذا من أسباب البعد عن الدين
لأنه شكلكم عائلة شويfree ولا ايش عرفها برقم زوجج؟؟
وشكلها طايحه الميانه بينهم لدرجه كل شوي تطلب منه شئ!!!!
الله يسعدها ويبعدها عنج وعنه ومعاج حق تزعلين..
الله يفرج همج يــــــــــــــارب
 
الله يكون بعونك بس لو اني في مكانك كان ماسكت ؟ ؟ ؟
 
والله برائي تراقبينهم مستحيل الشيء هذا طبيعي

وكلمي زوجها وابوك يشوفون لها صرفه صراحه مو اسلوب هذا وش هالميانه ليش ماعندها زوج يكفي طلبتها
 
معك مليون حق تتضايقين !!! فانتبهي ... انتبهي ... انتبهي !!!
 
التعديل الأخير:
حبيبتي افتني بينهم يعني استخدمي كيدالنساء انا مرة قرات لوحدة هنا في المنتدى انه كان زوجها دايم يتميلح قدام اختها ويسوي دمه خفيف وطبعا اختها فرحانه فمرة من المرات بعد مارجعت من عنداهلهااول ماطلعت في السيارة جلست تبكي وتسوي انها مقهورة قام يسألها ايش في ؟ قالت (فلانه) الي هي اختها قهرتني طول الجلسة وهي تستهبل فيك وتقول قاعد يتميلح قدامي ومن هذا الكلام عصب زوجها منها وقالها ماعليك منها وهذي قليلة ادب وصار يكرهها :31:الشاهد انتي حاولي تنقلي كلام لزوجك انها تضحك عليه وتقول سواقي وزي الطرطوراضحك عليه بالكلام الزين عشان هو ينقهر على نفسه ويحرم يسوي كده:icon28:
 
مشكلتك صعبه لان في الاخير انتى بين نارين زوجك واهلك
بس كمان لازم تحسنى الظن مهما كان هذي اختك ومتزوجه ومعاها عيال
واكيد ماراح يكوف في بالها شي غلط
وبعدين اذا زنيتى في الموضوع ممكن تدخلي الفكره براس زوجك
لازم تكون ثقتك بنفسك كبيره

الله يفرج همك​
 
بنات اشكر اهتمامكم وردودكم انا مو ساكته تكلمت ومالقيت اذن تسمع
واللي تقول كلمي زوجها هذا مو حل لان زوجها بنفسه يقول يافلان (زوجي) انتبهي لعيالي معاك
زوجها هو اللي قايل لها عندك فلان لابغيتي شي كلميه ,,,يعني زوجها لحاله يبيله من يعدله ويفهمه
واللي تقول روحي معاهم كل مشوار اقول لها ما ينفع اخذ عيالي صغار كل مشوار ؟؟؟عندي 3 صغار
وسبق قلت لزوحي لما تعبت بنتها انا وانت نوديها واختي خلها بالبيت قال ماراح ترضي بتقول بنتي ولازم اكون معاها
قلت خلاص ماتروحوا لحالكم خذ امي معاكم قال طيب لكن اكتشفت ان امي لانها تقول امي رفضت مع اني متاكده انها تكذب لاني سبق سالتها ليه ماكلمتي اخونا فلان يوديك قالت قلت له وقال بانام لما سالته ليه ماوديت اختك قال ليه سلمات ايش فيه
يعني تكذب ما كلمته
بنات حسبي الله على من نواني بالشر حتى لو انها اختي
وانا لله وانا له راجعون
بس اعجبتني فكرة (طرحتها بالقيسية ذكيه) راح اجربها والنتيجه باذن الله طيبه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل