معلومات شذا الـورد
- إنضم
- 17 أكتوبر 2010
- المشاركات
- 26
- مستوى التفاعل
- 0
- النقاط
- 0
رجعت لكم من جديد تعالو أعطوني مشورتكن
بسم الله الرحمن الرحيم
أنا جنوبية غربية
زوجة شرقي شمالي مشكلتي أنه جدا غامض و يحاول دايم إنه يمسك القرش يعني بخيل هو إلي أختارني زوجة له وكان مره يبغاني
هو جدا خجول يعني يستحي أمسك يده أمام أولادنا
يحب التقاليد جدا متدين بل متشدد النت ممنوع التلفون ممنوع لكن عندي جوال وجهاز كمبيوتر شخصي
قبل تقريبا أسبوعين فاتحني في موضوع الزواج التاني
أنا أنفجرت عليه أهاوش وقلت له أنا بشوف نصيبي هو خاف وقال كيف يعني قلت له أنا بستناك يعني لا أنا بشوف نفسي <يعني بتركه وأتزوج غيره >
تركته وأخذت أولادي
وصار يرسلي رسايل حب بالجوال بعد ثلاث أيام جاء المهم هو كان يقول تعالي لبيتك معززة مكرمة أنا قلت له يا أنا يا الزواج التاني و قال أنت والزواج التاني أنا قلت يا أنا يا الزواج التاني
وهو قال نفس الكلام قلتله خذ عيالك معاك أنت ربيهم
المهم أخواني جاءو الكبير يقولي ليه تمنعين الرجال من الزواج الله يهديه
و أخواني التانين كانو يتفاهمون معاه
رجعت البيت بعد ما تمت شروط للزواج الثاني
وهي مرة صعبة بالنسبة له
أنا دحين نفسي أفهمه لأنه رجل صامت وما يخبرني بأسراره مرة سمعت كم راتبه بالغلط كان يتكلم بالجوال يعني دايما يقول أنا ما عندي وهو الله منعم عليه
نفسي أشتري من الأثاث الفخم لكنه ما يرضى يقول غالي وكأنه بتجيه سكتة قلبية
هو يعطيني راتب لكن أنا وأولادي وبالنسبة لراتبه ولا شي
نسيت أقول يوم رجعت البيت ودانا السوق بعدين المطعم بعدين رجعنا البيت وأول ما دخلنا
أنا رحت غرفتي أبكي
أنا بتكلم عنه يمكن تفهموه وتفهموني هو دائم الخروج يحب المحاظرات
ما يجي إلا متأخر
أسراره ما هي عندي
عمره ما خرجنا لحانا دايم يجمع الناس معانا حتى وأنا عروس وأنا أعني كل حرف
نفسي يوم أخرج معاه لوحدي
خجول حتى فالجنس خجله مو طبيعي <كيف أقضي عليه >
الأفكار تلف وتدور فيني أقول يمكن يتزوج بالسر أنا تعبت
الله يسعدكم أنا النت مو متوفر عندي كيف أقنعه أجيبه وكيف أخليه يزود الراتب
أنتظركم
سلام أخواتي هذي مشكلتي قبل ثلاث شهور دحين الأوضاع تحسنت عن أول
دحين بستشيركم في حاجة تانية
إيش رايكم أتوظف هل تنصحوني بالوظيفة ولا لا أنتظركم حبيباتي
سلام
اسم الموضوع : رجعت لكم من جديد تعالو أعطوني مشورتكن
|
المصدر : الأستشارات الزوجية العامة