رجعت لكم بقصه ولادتي( بأحلى بنوته) مع بعض النصائح

[نـرجس]

مساء الخير بلقيسيات كيفكم ان شاء الله بخير
رجعت لكم ابي احكي لكم قصه ولاتي للي تبي تستفيد..​

هذا الله يسلكم قبل ولادتي بيوم اللي هو يوم الجمعه 17/6 كنت ابي انام بالليل بس معي حساسيه بجسمي طالعه لي
من دخلت التاسع حبوب تنتشر بجسمي لونها احمر وتحك حك مو طبيعي المهم..
ماقدرت انام منها والبنوته برضو كانت حركتها كثيره جلست لحد 3 الفجر اهرش بجسمي
قال زوجي حطي زيت زيتون ونام وخلاني
حطيت زيت زيتون والله لايوريكم زادت ماعاد قدرت انام رحت تحممت بمويه دافيه وماحطيت شي ابدا ومانمت لحد الساعه 7 الصبح
زوجي صحى وطلع وجلست الساعه 9 وبعدين نمت..
لساعه 12 الظهر صحيت مافيني شي ابدا( ولا فيني اعراض ولاده وبطني ماكان نازل بالعكس كان مرتفع .. سويت حليب وساندويش وافطرت
جا زوجي وسوالفنا شوي بعدين
رحنا ننام ع الساعه 1 ونص
المهم حسيت بوجع مو طبيعي ابدا ابدا ببطني
نزل دم والله يابنات حسيت اني بحلم حطيت يدي على وجهي
هو خاف يقول وجهك طلع اصفررررر وقلت بس بيغمى عليها الحين وابتلش
قلت له وش اسوي هو الدم هذاحلم والا صدق؟
قال قومي قومي نروح المستشفى .. رحنا الساعه 2 الظهر وانا هاديه احس بوجع بسيط ببطني وظهري نسولف طول الطريق
دخلت الطوارئ بمستشفى المشاري وكشفت الدكتوره قالت مشاء الله 5 سم قلت ياسلام حلو <<ماتدري وش الولاده
المهم طلعوني غرفه الولاده وعطوني وانو بكرامه الابره الشرجيه 10 دقايق بعدين دخلت غرفه الولاده
وانا فرحانه اني بولد طبعا ابو الشباب جايب الكاميرا معه يبي يصور الاحداث وطول الوقت يصور الدكتوره وهي مستانسه
والممرضات
طبعا قلت ابي ابره الظهر لاني كنت خايفه قالت الدكتوره اجل لازم نفجر المويه بعدين نعطيك ابره الظهر قلت طيب
فجرت المويه وجلست عندي هي والقابله وزوجي ووممرضتين مره عسل تعاملهم
شوي ع الساعه 3 ونص قمت اشووف نجوم الظهر من الالم كل ماجت الطلقه احس بموت وسبحان الله طلقي صاير على جنبي اليسار فقط
احسه بيتقطع من الالم
وحسيت بالموت صراحه وكنت من الالم ودي اقوم من السرير واجلس امشي ( تذكرت لما كن صغار اذا ضربنا شي قوي تجلس ننطط وندور من الوجع حتى يطيب )
كنت بسويها من اللي شفته
تاخر طبيب التخدير بعدين انفرجت وجا اسمه الدكتور اشرف اخصائي شاطر بالتخدير ومعروف وحمدت ربي انه هو اللي جا
المهم خذت الابره والحمد لله شوي شوي بعدين ماعاد حسيت بشي لحد ماقرب الراس يطلع
وجت دكتورتي اللي رح تولدني وشافت الكاميرا مع زوجي
قالت اخذ صوره <<هنا بغيت انط من السرير واصفقهم لا وتستهبل تقولون شيلي الاكسجين عشان تطلع الصوره معك حلوه وحتى مايفكرنا احد جالسبن نخنقك
المهم صورني زوجي بكل حالاتي وكل شوي يصور الساعه ويصور وجهي بعدين
قالت القابله خلاص اطلع نزل الراس ولاده على الساعه 6
صح اني ماكنت احس بشي بس تعبت من الابر وحده من يديني فيها مغذي والثانيه طلق صناعي والضغط والجهاز على بطني والله كسافه
المهم جت الدكتوره وقالت يلا كل مااقولك ادفعي ادفعي طبعا هنا انا مااحس بشي ابدااااا
كل ماقالت ادفعي اكتم نفسي واحاول بسمااقدر قالت بلا دلع حاولي يلا
حاولت دفعت شوي بس وماعرفت احس اخاف
المهم قالت طيب طيب يلا سستر
وطلعوا على بطني ممرضتين ودفع ودفع قالت الدكتوره ايه ده
بنتك وهي نازله بتحرك راسها وتهزه بتقول لا
جلست اضحك قلت ماتبي تطلع مرتاحه
قالت مش على كيفها يلا سستر
ودفع لحد ماطلعت البنوته لما شفت رجولها خنقتني العبره وجلست ابكي شعور لااااااااااااااايوصف
خذوها وغسلوها وجابوها ماقدرت اطالعها من البكى
المهم طلعوها من الغرفه الا وابوها ينتظر عند الباب وتشك تشك صور خخخخخخخخخخ
وصور الساعه كم
االمهم الدكتوره صارت موسعه وجالسه تخيط وانا مو حاسه بشي ابدا
بعد ماخلصو حسيت بنووووووووووووم
احداث بعد الولاده""
بعد ماطلعت الغرفه طلبنا عشا وتعشينا وبعدين طلبت البنت شفتها شوي وخذوها قلت بنام ماعاد اتحمل
رافق معي زوجي لاني بعيده عن اهلي وماعندي احد
بصراحه امي كانت بتجي بنفس الليله بس قلت ماله داعي انا بجيكم الصبح
بس تندمت كثير لانه بالليل ماقدرت انام ابو الشباب نام وخلاني جت الممرضه وقالت يلا بدلي ملابس
خذتني ودخلت انا وياها وغسلتني وبدلت لي واطيح بدوره المياه وانتو بكرامه دخت
وبعدها بكم ساعه ناديت الممرضه قلت بدخل دوره المياه وانتي خلك برى
دخلت وماقدرت طلعت مالقيتها طحت بالغرفه وانادي جت تركض وخايفه وابو الشبااااب نايم
عاد انا حقدت عليه قلت اوريكوكل ماتذكرت الطلوق
كل شوي اصحيه مره اقول ابي مويه ومره جوعانه ومره حر زود ع المكيف ومره قصر عليه
المهم ياجماعه انا طلعت من هالولاده بشي
اولا ماينفع مرافق رجال صح ماقصر معي بس تعرفون احتياجات الحرمه
ثانيا الخوف ماله داعي ابدا الولاده مو لها الدرجه تخوف بعد كم ساعه ولما شفت عيونها نسيت الالم
ثالثا انصحكم يابنات بمستشفى الدكتور عبدالرحمن المشاري روووووعه بالولادات والتخدير والخياط وبشوشين واهتمام فيني وببنتي
رابعا وهذي نصيحه للي بيولدون لاتشربون خرابيط تبون الولاده تجي الولاده تجي فجأه من غير شرب شي ولا مشي بس المشي عشان يثبت راس الجنين بالحوض
لحد ينصحكم بشرب خرابيط
خامساا انصحكم بابره الظهر هذا انا ترددت كثير وخوفوني الناس منها بس وربي يابنات انها نعمه من الله لاتخلونها
واخيراااااااااااا
نصيحه برضو اتمنى تستفيدون منهااا ( جيبي لك علبه زيت زيتون وحطيها بقدر صغير وحطي كسرتين خوا جوا وكسره مره وملعقتين ملح خشن وخليها تطبخ
وخليها تطبخ شوي بعدين حطيها بعلبه وامسحي فيه الخيوط بدال الكريمات والمراهم اللي يعطونك المستشفى مامنها فايده هذي الخلطه معقمه وتخلي الخيوط تطيح بسرعه
نصحتني فيها وحده واحس مره مرتاحه لما حطيتها حتى ماتجيب لك الشمم
وبس عارفه طولت عليكم بس قلت اكتب اللي بخاطري كله والله يسهل عليكم ياحوامل
وايه قبل انسى الصور كل مااشوفها اللي صورها زوجي اجلس اضحك وحسيتها حركه حلوه وانا اتذكر كل شي
على فكره سميت بنتي ( ديلان) معناه الفرح والسرور ​

 

[عطاء بلاحدود]

الحمدالله على سلامتج وتستاهلين سلامة البيبي


اشكرج اختي على النصايح...اول ما تنشوفين البيبي تنسين كل الالام الولادة

انا بعد الولادة ما ارقد من الفرحة وطول الوقت احط البيبي في احضاني

والله يسهل عليه وعلى كل الحوامل

 

[حبيبة روحها]

الف الف الف مبروك تتربي بعزك وعز ابوها تشوفينها عروس انشاءلله


وعقبال ماتجيني بنوتة بس مابعد حملت ادعيلي
عندي ولدين نخطب ولا عندك مانع لاتخافين بنخليها تكمل دراستها وببيت لحالها ههههههه الله يخليها لك يارب

 

[أنا الألماس]

الحمد لله على سلامتك ومبروووك وماجاكم ,,

 

[ميمو22]

مبرووووك

 

[هموم فتاه]

الحمدلله ع سلامتك نرجس والله يخلي لكم ديلان يارب .. قرة عينكم ان شاء الله

ان شاء الله تكون من الصالحات البارات

 

[شقاوي 2]

الف الف الف الحمد لله على السلامه
كللللوووووش
واخيرا تسهلتو
ها كيف الولاده حلوه
تجنن صح يالله عقبال ماتعيديها مره ثانيه:24:

 

[رقة القـلب]

مبرووووك الف الف مبرووووك
الحمدلله على سلامتك وسلامة بنوووتتك
تتربى بعزكم يارب
​

 

[الزيزفون3]

ألف ألف مليووون مبروك..
ومبروك ماجاكم..وإش رايك بالولادة تنصحين أحد فيها؟؟هههههه
عقبالي يارب وعقبال كل الحوامل..

 

[حبي لهـ وحدهـ]

ماشاء الله تباااااااااارك الله
ألف مبروووك تتربى بعزكم إن شاء الله

 

[الزوجة العفيفة]

الف الف مبروووووووووك حبيبتي ربي يجعلها من الصالحااات ....

 

[حكآية صمت]

مبروووووووووووووووكــ ,,,

تتربى بعزكـم البنوتــه عقبال ماتشوفينها عرووس ,,​

 

[نقااء الثلج]

الف الف مبروك وتتربى بعزكم

 

[ريتال العسل]

مبرررررررررررررررررررررروك

 

[روعه الخيال]

مبروووووووووووووووووووووووك وحمد لله على السلامه
وعقبالي والجميع يااااااارب نقوم بالسلامه

 

[زهور البستان]

الحمدلله على سلامتك وجعلها الله من حفظة كتابه الكريم

 

[انا اغليك]

الف الف الف الف مليوووووووووووووووووووووووووون مبرووك
تتربى بعزكم ان شاء الله

 

[وهج الحياة2011]

مبروك اختي الغاليه نرجس والحمد لله على سلامتك وكلامك صحيح المفروض الحامل ماتشرب مشروبات وخرابيط انا بولدي كنت حاسه بالام بسيطه وقالت لي الدكتوره حسبي الله عليها اشربي زيت خروع + عصير برتقال وشربته وتعالى شوفي شفت الموت والطفل مانزل راسه بالحوض صاير مرتفع وشفت الموت اللين ولدت المفروض نخلى الامور على طبيعتها الين يسهلها الله من عنده...........

 

[دمعه مشتاق]

الف مبروك تتربى بعزك
عقباااااااااااااااااااااااااااااااااااااااااااالي يارحيم

 

[بنت الطاااائف]

الف مبروك تتربى بعزك ياااااااااااارب