ربي فرج كربتي عاجل غير آجل

[نفسسي عيوف]

​السلام عليكم

ارجووو من ذوات الخبره مساعدتي فأني في هم لايعلمه غير الله
خواتي انا كتبت موضوعي قبل فتره هنا (زوجي تزوج ع)
انا الحيين معلقه وزوجي عاايش بالعسسل ولاهو ناوي يرجع وقطع مصروف عياله ومكلم وحده من قريباتي يقول اذا بغت ترجع هنا احط له شقه بجنب شقة ضرتي يعني هي ترجع انا مو جااايهاا شوفوا الوقاااحه انا اهلي يقنعوني ارجع ببيت بروحي بعيد عن اهله وضرتي ورافظه يجي هو يقول ترجع ببيت اهلي علما ان بيت اهله صغير شقتي حاط فيها زوجته ويبي يبني الشقه اللي جنبها وهي صغيره ماتكفيني انا وعيالي
حسبي الله ونعم الوكيل
ارجوكم ساعدوني شسوي ارفع قضيه خلع خاصة انه يمششي بين الناس ويقول ماراح اطلقها ادا تبي ترجع احط لها شقه اذا ماتبي ترجع بكيفهاا ومبين انو مستانس مع زوجته
يعني المختصر مايبي يردني ولايبي يطلقني
حسبي الله ونعم الوكيل
انتظر ردودكم خواتي واللي ماعنده خبره تدعي لي ان الله يفرج كربتي انا وابنائي ع خيرر عاجل غير آجل​

 

[شهد الغامدي]

والله يا أختي لو انا مكانك ما ارجع منذله لو ايش مايسير فيا اشتري راحتي يجي ياخذني بكرامتي ولا مع السلامه ، ءاخرتها حيقلك انتي جيتي بنفسك محد قلك تجي والله كمان حتعيشي مهانه بما انو سعيد مع الأولى وظلمك صدقيني ماراح يعيش مرتاح ، أرسلي عيالو لو خليه يعرف قيمتك ويتورط فيهم ساعتها راح يجي ويراضيكي بنفسو ومرتو ماراح تتحملهم ، معليش يا أختي والله قلبي انحرق عليكي ماقدر العشره اللي بينكم حسبي الله ونعم الوكيل الله ينصرك يارب ، دائماً ادعي ربي احكم بالحق وأدعي ربي يسوقو لكي ويذلو عندك وربي قادر على كل شي قدير
صدقيني لازم يرضيكي وترجعي بيتك كمان سامحيني هادا مرا خسسسسيييييس وأنسيه لاتنتضريييه الانتظار متعب ، شيلي من بالك وحاولي تتقربي من ربنا واهتمي بنفسك مرا ، انحفي وبيضي وحبي نفسك ولا تزعليها على واحد مايستحقك ، وصدقيني راح يعرف قدرك وقيمتك لا تستعجلي على الرجعه ، وربي يكتب لك الخير :32:

 

[ذكريات لا تغيب]

نفسي عيوف فرج الله همك
حبيتي ؛
سبحان الله كلامك تغير عن اول
اول كنتي رافضه الرجوع نهائي
الحين متقبله للفكره
اسمعي ياقلبي :
زوجك تزوج على سنه الله ورسوله هذا شرع الله ما نقدر نخالفه أبدا لكن ربي أمر بالعدل ويكون يقدر يفتح بيتين
مشاكلك الاولى كانت بينك وبين اهل زوجك وهي سبب الخراب
الحين هو ما قدر العشره بينكم اخذ شقتك وحط فيها زوجته ومبسو ط بالعسل
ويبغاك ترجعي في شقه صغيره وكله كلام من الناس تسمعيه ممكن صدق وممكن كذب
بتلنسبه للنفقه كلمي احد كبير من عائلتهم يكلموا
او ارفعي عليه قضيه نفقه في عقد النكاح هل طالبتي ببيت شرعي ولا مو مذكور هذا الشرطه
بالنسبه لي ما أنصحك ترجعي من نفسك تزوج عليك ولا راضاك ولا صرف على عياله
واذا حاسه ان حمل الأولاد كبير عليك رجعيهم عند أبوهم والله ما يتحملهم ابدااا وراح يجي ويصرف عليهم غصب عنه اذا. كنتي خايفه على نفسيات عيالك من تشتت والضياع
اصبري يا قلبي واطلبي الفرج من الله وان كنتي مظلومة ربي راح يأخذ حقك منه
لكن. ما أنصحك ترجعي من نفسك خليه هو يجي
واستخيري الله وتوكلي عليه في جميع أمورك

 

[ذكريات لا تغيب]

نفسي عيوف
كم طفل. عندك ؟ كم أعمارهم ؟
هل وضعك في بيت اهلك مريح لك انتي وأولادك ! ولا العيشه مع الأهل صعبه ؟
كيف وضع اهلك المادي يقدر. ابوك يصرف عليك ؟
عندك سعاده وتقدري تتوضفي ولا لاا ؟ فكري بحلول بديله لك
وانتي الله يهديك على ما اعتقد كنتي مرررره عصبيه ؟ انا ما ابغى اقلب عليك المواجع لكن الخطاء كان من الطرفين ؟

 

[شهد الغامدي]

ياعمري دوبي قرأت موضوعك الأول اااه يالقهر الله يكسر يدو هادا مو رجال وإنتي مجنونة لو رجعتيلو ، وانتي عندك عيال والله راح يشيلوكي احسني تربيتهم ، وماعليكي منو ولاتفكري فيه ، روحي ارفعي عليه قضية طلاق وراح يطلقك لانو بكل بساطه يضربك في سبب لو من دون سبب خلع ، وتشرشحيه وبيعه خليه زي المهان يجي يطلب عيالو ، واطلبي نفقه لهم غصبن عنو يدفعها هادي حقوق واجبه عليه ، وعيشي مرتاحه دوري لك وظيفه ولا كملي دراستك واحمدي ربك الله فكك منو هاد ما يخاف الله فيكي

 

[نفسسي عيوف]

مشكوره اختي شهد ع ردك
بسً بوضح لكم شغله انا رافضه الرجعه حتى لو هو جاء يطلب رضااي مابيه بس اهلي يحاولون فيني عشان عيالي

نفسي عيوف
كم طفل. عندك ؟2
كم أعمارهم ؟واحد سنه واحد 3سنين
هل وضعك في بيت اهلك مريح لك انتي وأولادك ! ولا العيشه مع الأهل صعبه ؟ مريح جدا بالنسبه لي تحسنت احوالي بحيث اول كنت نحيفه جدا لكن الحين فتحت وسمنت شوي لاني ابتعدت عن زوجي كان معيشني بهم ومشاكل كثيره ومقصر بحقي واهلي موومقصرين ابد فيني وبعيالي
كيف وضع اهلك المادي يقدر. ابوك يصرف عليك ؟ يقدر نوعا ما لان ابوي دخله متوسط يادوب دخله يكفي اخواني المراهقين وطلباتهم
عندك سعاده وتقدري تتوضفي ولا لاا ؟ ايه عندي شهاده بس مافيه وظايف الابواسطات ومن وين الواسطه بس ربك كريم
وانتي الله يهديك على ما اعتقد كنتي مرررره عصبيه ؟ انا ما ابغى اقلب عليك المواجع لكن الخطاء كان من الطرفين ؟قدر الله وماشاء فعل
انا ودي ارفع قضية خلع بس ودي اتزوج واحد يقدرني هذا مااابيه كرهته بس عيالي يذكروني فيه واخاف لوتزوج افترق عن عيالي محتاره ومتشتته
حسبي الله ونعم الوكيل
ع فكره اهلي يبوني ارجع وانا رافضضه بس مستحيل ارجع كذا بيرجع ني ببيت ورضاوه بس انا مابي لاني كرهت زوجي ومافيه امل اعيش بسعاده معاه ماخلى شي ماسواه بحقي

​

 

[ذكريات لا تغيب]

حبيبتي
اولادك باقي صغار والله انا كنت افتكرهم كبار الله يرزقك ويرزقهم
حبيبتي بنسبه لموضوع الرجعه لزوجك استخيري الله ورمي حمولك على الله فهو أدرى بحالك ووضعك
حبيبتي
( وقل استغفروا ربكم انه كان غفارا يرسل السماء عليكم مدرارا ..... تكمله الايها) الزمي الاستغفار لكثره استغفري كثير صدقيني راح يفرجها عليك ارحم الراحمين
انشغلي بنفسك بطاعتك بعبادتك حاسبي نفسك وتقصيرك مع الله اصلحي مابينك وبين الله يصلح الله حالك
اكثري من قراءه القران فهي شفاء لمافي القلوب
ادعي الله دائماً. تقربي من الله
تقربي من الناس الصالحين
سجلي بتحفيظ عالجي روحك التعبانه بالقرب من الله
تقدري تقدمي في الضمان الاجتماعي بانك معلقه يعاملوك مثل المطلقة ويصرف لك من الضمان
تقدري تقدمي على وظيفه في مصنع او شركة براتب كويس 5000 او 4000. ولو تبغي أسماء شركات راح ابحث في النت وأدلك
الحمد لله ان اهلك مو متضايقين منك انتي وعيالك هذي نعمه من الله وجزاهم الله الف خير على تعبهم معك وصبرهم عليك
الخلع ما اايديك فيه راح تضطري ترجعي لزوجك المهر وهذا تعب ومشقه على والدك
اعتبري نفسك مطلقه. واصبري بس سنه وشوفي اوضاعك يمكن تتعدل وينصلح حالك
انسي زوجك لا تفكري فيه أبدا ولا تجيبي سيرته قدام احد وعلى ما اعتقد هو ولد عمك لو احد تكلم عنه قدامك قولي أبوي اولادي وولد عمي والله يستر علي وعليه
لا تذكريه بسوء أبدا
افرشي سجادتك وتقربي من الله ادعي الله في هذا الشهر الفضيل يفرج همك ويساعدك ويعينك على تربيه أبنائك

 

[رندا كووول]

عزيزتي ابحثي عن حلول بعيده عن الطلاق
اطفالك صغار ماحد يتحملهم .اهلك اتحملوك على امل ان ترجعي .وهو اذا اخذ اطفاله يرميهم ع اهله يربوهم لان زوجته الثانيه ليست ملزمه بتربيتهم .وضحية عنادكم اطفالك .
_____________
وسطي احد حكيم يكلم زوجك وترجعي بشروطك:
بيت مستقل بعيد عن اهله .لانهم سبب المشاكل
مصروف شهري لك وللاطفال.
غير ملزمه بزيارة اهله او مقابلة زوجته.
انتي كذا تكوني اعطيتيه فرصه لاعادة بناء الشتات .
واذا وافق ع شروطك .انتي ترجعي لشقتك الجديده بنفسك مو مهم هو ياخذك او انتي تروحي .المهم نفذ اللازم.

---------------
ولاتنسي الاستغفار والدعاء .والاستخاره ربي يكتب لك الخير .وييسر امورك

 

[نفسسي عيوف]

اطفالي صغار وانا بعد صغيره وفيه فرصه الحين اتزوج بس اذا رجعت لزوجعي ماعندي الا طلقه وحده وهذا موعاقل والطلاق بلسانه يعني بأي لحظه توقعوا انه يطلقني وشروطي ماراح يقبلها بيقول لاهلي ان شالله بس اذا جيت بيته يقول تنفذي اوامريً غصب عنك يعني المختصر ماعندك احد واموري مومستقره عنده ابد مااحس بالامان اصلاعمره ماحسسني بالامان معه دايم يهددني بالطلاق شبي فيه عيالي صغار عارفه بس اللي خلقهم مابيخليهم ان شالله عسئ ربي يعوضني ويفرجها ع عاجل غير اجل

 

[نفسسي عيوف]

رندا كول مشكوره ع ردك من تبيني ادخل العايله كلها خبيثه خليهم بس يقارنون بيني وبين ضرتي ومن احسسن عسى ربي يعوضني ان شالله واذا يبيني جد يطق بابي بس هو ماله وجهه ابد يجي لان يهاب ابوي وبعدين زوجته اكبر منه واقل من جمالي وتعليمي بس شاطره تركض لامه

 

[ذكريات لا تغيب]

نفسي عيوف حبيبتي
اذا تطلقتي ..... متأكدة انك راح تتزوجي ادري الزواج قسمه ونصيب
خيارات المطلقه اما معدد كبير في السن يعني نفس وضعك ودائما الزوجه الثانيه ع كف عفريت يعني مو دائماً يتمسك فيها زوجها بذات ادا تزوجها عناد بالأولى اول ما يتصالح مع زوجته الاولى يسحب ع الثانيه او تتزوجي مطلق او أرمل ومعه اولاد وتربي عيال غيرك وما تقدري تربي عيالك
واحتمال كبير ما تتزوجي
هذي أرزاق كلها من الله
لكن اذا اعطيتي. نفسك وزوجك فرصه وعملتي بكلام اختي رندا وغيرتي من تصرفااااتك وعصبيتك ونظرتك للحياة الزوجيه ونفسك صدقيني ماراح زوجك يطلقك وراح تربي اولادك بينك وبين أبوهم ًدائما السنوات الاولى صعبه في الزواج
وصدقيني كم من زوجه تزوج عليها زوجها ورجع لها افضل من اول
واذا لا قدر الله تم الطلاق تكوني اعطيتي نفسك اخر فرصه عشان ما تندمي وتقولي ليتني استعجلت
وفي مثل يقول ( اصبر على قردك لايجيك الي اقرد منه ؛؛)

 

[نفسسي عيوف]

كلام صحيح اختي ذكريات لاتغيب عبالك مافكرت بهذا الشي فكرت بكل الاحتمالات وعارفه زوجي انا لورديت له مابي اشوف زوجته ولابيها تشوفني لكن كيف اقنعه هذا مريض مستحيل تمشي معه الشغلات هذي بيقول لا انتن زوجاتي وخلكن مثل الخوات مايفهم بس اهم شي اننا نصير خدمات لاامه وخواته هذامستحيل يحط لي بيت بروحي لانه شكااك وامه ماراح توااافق انو ولدها يطلع عنها عاد انتي شوفي الامور تعقدت حيل واحسسن شي لي اشتري كرامتي وراحة بالي واولادي ربي يتكفل فيهم واما من ناحية الزواج الارزاق بيد الله ماندري يااختي يمكن القى واحد يعيشني احسن من عيشته ويربي اولادي احسن تربيه ماندري بس نتفائل خاصة اعرف بنات اكبر مني مطلقات وعندهن بزر ووحده بزرين تزوجن ربك كريم
انا اللي مضيق صدري ان معلقني ويسبون فيني بين الناس شوهن سمعتي خواته حسبي الله ونعم الوكيل

 

[رندا كووول]

رندا كول مشكوره ع ردك من تبيني ادخل العايله كلها خبيثه خليهم بس يقارنون بيني وبين ضرتي ومن احسسن عسى ربي يعوضني ان شالله واذا يبيني جد يطق بابي بس هو ماله وجهه ابد يجي لان يهاب ابوي وبعدين زوجته اكبر منه واقل من جمالي وتعليمي بس شاطره تركض لامه

ياحبيبتي ماقولك دخلي احد من عائلتهم .لو من برا العائله كامام المسجد او احد اخوالك ..اعمامك .وماترجعي الا بعد مايجهز شقتك لو كانت صغيره المهم تعيشي مع اطفالك ويكون مسؤول عنهم ويلبي طلباتهم..
والخطا منك ومن اهلك ليه ماطالبوه بتأثيث بيت خاص من البدايه.

ولاتهتمي بكلامهم ومقارنتهم بينك وبينها .انتي اهتمي ببيتك واطفالك وحياتك .انتي ف حالك وهم بحالهم ..
ولانها جديده وماعندها اطفال طايرين فيها لكن بعد العشره تتغير المعامله .
انتي اصبري على زوجك وحيتغير واحسني معاملته ..كونه رافض الطلاق هو متمسك فيك .وقد يرضخ لشروطك عند محاولتك الاصلاح .ز
بالتوفيق

 

[حلمي انقتل]

اهلين نفسي عيوووف الله يفرج عنك يارب ويكشف ضرك وكل مسلمة انا نسيت هو يصير ولد عمك ويقرب لك معليش انتي قهرتيني بسكاتك اول ماضربك سكتي عنه ليييه ماعندك كرامة بغض النظر عن عيالك ليه اسكت وكرامتي تنداس عشان عيالي ﻻياعيوني اذا انتي كرمتي نفسك وعزيتيها فعيالك بيعتزون واذا انتي بيدك ذليتيها بسكاتك فعيالك بيعيشون الذل بسببك تعرفين معنى ( بسببك ) ..ﻻحول وﻻقوة الا بالله انا زوجي وانا حامل دفني على جنبي وضربني معه .. وسكت له وبعدها بكم يوم كان يكلمني وانا سافهته لاني متخاصمة معه ويجي يلحقني من الشر ويدفني ،، من هنا بدت يده تطووول علي ،،انا بس اسكت وابكي من ضعفي ،، ماقدر حملي و على باله يحبني ..ﻻ حبيبي قانون الحب مافيه اهانات ..بس اني انقهرت ورحت له بالغرفةوهو جالس يطالع بالتي في و يوم دخلت مطنشني ،، قمت وناظرت بعين قوية و قلت : اشوف يدك طايلة هاليومين ويبيلها قصصصوهو سكت ،، قمت وجلست بالغرفة ، ثمين خذت مخدة المربعة ذيك ورميتها فيه ،، وانا اقوله تحسبني بسكت عنك ،، هو على طول التفت وصار يضحك يتلاحق نفسه و قلبها مزح وانا مسوية ثقل خير ان شاء الله ، ﻻ تحسب سكوتي ضعف ، ترى هالاسلوب يطيحك من عيني الف مرة و احسبها عليك ، ﻻتحسبني من غير اهل والا ماعندي عزوة .. وربي اشارة مني تلاقي نفسك مع اهل المقابر ،، وارمي عليه المركة او التكية ، المهم صار يجي و ماعتذر ﻻ بس قام يقول ﻻتسفهيني طيب ﻻ تقهريني ،،،،،،الخ وصار يعتذر بطريقة غير مباشرة انا اتذكر وحدة زوجها كان يضربها كثير كثير كثير وممكن احيانا يطلع دمها بس ايش كانت تسوي كان عندها اخو ابوها متوفي تجي هي ويا امها واخوها للبيت وهي ساكنة ببيت اهله تجي هي ساكتة ماتحكي امها تهاوش الرجال الاخ يضرب الرجال قدام عين زوجته وامه واهل الزوج اهانه لان اهان اخته و حذره لو يسويها ثانية بيشوف شيء مايسره وانتي عارفة الرجاجيل يخافون من بعض واللي مايخليك خوف ما يخليك رحمة انتي قاهرتني ليه ساكتة ليه !، ودي اصيح قهر منك الله يصلحك والا شخلى زوجك واهله يتمادون عليك ؟ سكوتك .. مو تقولي زوجي يخاف من ابوي مدري اذا انتي او وحدة ثانية نسيت هههههه بس ﻻزم تخلي لنفسك هيبة و لاهلك وخاصة ﻻزم تحسسين زوجك ان وراك رجال زوج خالتي ايش اللي مخليه ياكل نفسه بنفسه مع انه طلقها وحدة ومبهذلها ويهددها بالطلاق بين فترة والثانية وهي معها 3 اطفال منه وهي الزوجة الثانية اان الرجال اللي ورى خالتي يسكتون ومرة يحكون يعني مايثبتون ،، دايم المرأة هيبتها من هيبة اهلها ،، عادي خلي ابوك او اخوك يهاوشونه يوقفونه عند حده خليهم يضربونه لو تطلب الامر ﻻتصيرين رحيمة خليهم يسيخونه وقسي قلبك هالمرة بس وبعدها بيعتدل صح ممكن يرجعك ويحقق لك مطالبك ويمكن يخطط ينتقم بس بيصير يخاف من رجالك اللي وراك اسفة ع الاطالة الله يكتب لك اللي فيه خير

 

[نفسسي عيوف]

مشكوره اختتي بس بوضح لك شغله اني انا كل يوم اقول لابوي ودني للمحكمه عشان ارفع قضيه لاني ماابيه ومستحيل ندخل اي احد يصلح هو ادا بيجي يجي من كيفه

 

[نفسسي عيوف]

حلمي انقتل مشكوره ع ردك سكت لانه كان يجيني ويراضيني واحيانا يبكي تعبت معاه شسوي انا اعرف لو رحت عن بيتي زوجته امه لانها ماتبيني وشوفي اول ماطلعت زوجوه ع طول الله يعين ويكتب لي الخير ياربي

 

[الحياه وقفات]

لاترجعي له بدون كرامه امايرجعك زوجه ع سنة الله ورسوله ولك كامل حقوقك او بيطلقك واذا ماطلقك ارفعي عليه دعوى تضرر الاشكال هذه ماتجي الا بالقوه والتحدي اما السكوت عن حقوقك وضياعها فلا ومستحيل يصير هذا الشئ
انتي لازلتي صغيره والحياه ماوقفت ع هذا الرجل اصلا مافيه خصال جميله لتضحي من اجله
وعلى ايش تجلسي بشقه وجنب ضرتك وهو بسلامتو مقاطعك بلا هالعيشه الممله والله راح تندمي ع هالعيشه التعيسه
انصحك بخيارين اما يعيشك زوجه بكامل حقوقك وبشروطك كمان او الطلاق واذا ماطلق بالطيب بيطلق بالقوه وارفعي عليه دعوى تضرر من الزواج انو انتي معلقه او شوفي اي طريقه بيطلقك الشيخ منو بسهوله

 

[نفسسي عيوف]

جزاك ربي خير اختي الحياه وقفات والله ميته ع الطلاق تعرفون كلمة ميته مابيه كارهته ودي انفصل عنه اليوم قبل بكره هذا ماقدرنيً ولاحترمني مبين للناس انو مايبيني وانو ماهميته وش ابي فيه بس اللي لاوي ذراعي عيالي اقول اصبر وشوف خلني اتحمل عشان عيالي وشوف ايش النهايه بس هالشي تعبني مرضوني بكلامهم وسبهم لي ومدحها علما اني ماقصرت بحق اهله ابد
حسبي الله ونعم الوكيل هذا اللي اقدر اقوله

 

[^عطرالندى^]

يالله والله المتني قصتتك مرا حسبك الله ونعم الوكيل،،والله ذا الرجال يبغاله دعسسسس ادعي ربكك ينصرك عليه ويذل هالرجال الله لايوووفقه لادنياولااخره واخواته لاتخافين ربك بياخذحقك منهم الدنيا دواااره ..الي ظلمك من امه واخواته الله يكافيهم ويعجل بعقوبتهم يارب،،
ولد عممك ويسوي كذا لااله الاالله المفروض يستحي ع وجهه والله يبيله دعسسس اااه بس

والله اني اعرف ناس تطلقوا طلقه ورجعو بعدها احسن من اول واناماتقولك منهم بس الحمدلله بعدالطلقه الي طلقني زمان تقريييبا صرنانفهم بعض وكلو بقضل الله ثم هالمنتدى..والله لولاكان عندي بنت منه ماهمني والحين عندي الثاني الله يصلحهم ويحفظهم ودايم لاتهاوشنا يقول الباب عندك مع السلامه تعودت عليه بس عياااالي والله مقدر اصبر عنهم وزوجي مصيييييه لولاسمح الله حصل بيننا شي كان ماتشوفهم،،وانتي ادرى بزوجك اذابيخلي العيال عندك ؟؟او بيتغير،؟

بس والله احسه تاثير امه واخواته كبيييير

 

[رندا كووول]

ياختي عيوف تريثي ف موضوع الطلاق .بكره عندما يكبر اولادك ويكونوا ف سن المدرسه تعرفي قيمة الاب بالنسبه للابناء ..وحتتذكري كلامنا.
....
واقولك قصة وحده مشابهه لقصتك زوجها طلقها وامه واخواته زوجوه فالبدايه كانوا يمدحوها وطايرين فيها بس بعد فتره قلبت ولدهم عليهم وصاروا مايحبوها
ورجعت الزوجه الاولى عشان اولادها..وماهو مقصر بشيء .بس الغيره بين الاثنتين لابد منها.
.....
مدام هو شكاك اشرطي السكن يكون قريب من اهلك
هو راح ينفذ شروطك لانه خايف تضيعي منه.وعشان كذا رافض الطلاق.
طالبوه الان بالمصروف والنفقه ..
وابحثي عن وظيفه..
انتي تفكري بالطلاق وكرهتيه لانك ف بداية المشكله .وتسمعي من الناس كلام يغيضك.لاتهتمي لكلامهم .
اهدأي وخذي وقتك بالتفكير لاتستعحلي .
ربي يلهمك الصواب