ربة منزل فاشله

[saima]

انامتزوجه ليه سنه وعندي ولد عمره شهر وزوجي مايحب الرز ولا المعكرونه وانا ماعرف اسوي غيرهم
وطبخي مايعجبه يقول طبخك موحلو بدون طعم وش اسوي ساعدوني

 

[يالوردي]

عندك النت مليان ادخلي قسم الطبخ بالمنتديات
تلقين بطريقه وبصوره
واذا اعجبتك طبخه من اختك اخذي طريقتها
من صديقاتك استفيدي واتعلمي..

 

[saima]

سويت زي ماقلتي يقول انتي تجربي فيه ومايعجبه يقول ماعندك نفس في الاكل وعلى طول يقول انتي فاشله في حياتك

 

[أسأل الله الفرج]

الله يغفر له اصبري ،ولك طريقة ذكرها الشيخ أبو بكر الجزائري حفظه الله وهي قال تبغين طبخك لذيذ انضجيه بالتسبيح فنعم هذه مشاهدة فكم من نساء تطبخ شيئا بسيطا ليس به تفنن كما نرى من صور الطبخات في الصور ومع هذا لذيذا والسبب أنها وهي تطبخ تذكر الله افعليها وسوف تدعين لي​

 

[ام وليد دبي]

جربي انج تخلين حد غيره ياكل من طباخج و اذا قالوا حلو قوليله انا اللي مااعرف اطبخ والا انت اللي ما تعرف تاكل
و لا تخلين له مجال يقول انج فاشله خلي بيتج دائما نظيف و مرتب و سويلج جدول دااااااومي عليه و لا تغيرين شي
من النظام اللي بتتبعينه

 

[اثير234]

شوفي الكووسه المحشيه او ورق عنب حامض اطبخيها اكيد راح تعجبه

وسوي زي ماقالت الاخت ام وليد

 

[حياتي بناتي وبس]

سهله مره ابدعي في السلطات والكبه والمشاوي والشيش طاووق والمقبلات والخبز وصواني دجاج مع بطاطس بالفررن واطباق كثيره
جيبي بهارات نوعيه كويسه واطبخي بتاني وقلبي الاكل كويس

 

[كيفي حره بنفسي!]

شوفي وش الاكلات اللي يحبها انا تزوجت وماكنت اعرف غير الكبسه ومحروقه كمان وانواع التهزيئ منه
والحين الحمد لله يقارن اكلي باكل امه وامي يقول فنانه ونفسك بالاكل حلووووو اول شي البهارات سر الطعم بالاكل وتعلمي الاكل اللي هووا بيحبوا عشان يرضى صاحب السمو

 

[نور1406]

الانستغرام حلو كتير لمواضيع الطبخ ضيفي بنات متخصصات للطبخ وراح تستفيدين كثير
خصوصا الزوج اذا كان متعود على طبخ اهله ما يبقى طبخ اقل مستوى

 

[السحابه الثلجيه]

والله كتب الطبخ ماخلت شئ
انا تزوجت حييل صغيره وماعرف اطبخ
وانواع الاحراج يوم ملح ويوم مافي ملح ويازينه ساكت
بس شوي شوي الواحد يتعلم انصحك بكتاب اطباق النخبه
مره حلو والمقادير غالبا تكون متوفره بالبيت
وخفيفه وسهله انتي ابداي والله معاك ياقلبي

 

[السحابه الثلجيه]

صح بقول حاجه اكبرغلط انك تنعتين نفسك بالفشل
ولاتسمحين لاي واحد يقولك صفه ماتحبنها ايا كان

 

[ميهاف العتيبي]

حبيبتي محد فينا انولد متعلم واذا قالك فاشله لاتخلين هالشي ياثر عليك لانك لما تطبخين شي وانتي من داخلك حاسه انه ماراح يضبط معك اكيد ماراح يضبط وربي انا نفس حالتك صار لي سنه متزوجه والله ماكنت اعرف اسوي الشاهي وشوي شوي تعلمت واي شي ابيه ادخل النت بس اكون واثقه انه بيضبط معي والحمد الله كل شي تمام