معلومات Mona 5657667
- إنضم
- 5 سبتمبر 2020
- المشاركات
- 19
- مستوى التفاعل
- 4
- النقاط
- 3
رايكو في طريقه خطيبي
مشكلتي مع خطيبي ... انا مخطوبه من سنه ونص لواحد بيسافر الامارات ماشوفتوش غير كام مره بس بس ارتاحتله وارتاحلي وحبيته والمفروض هو كمان قالي أنه بيحبني بدايه الخطوبه كانت حلوه وهاديه وكل حاجه جميله وبعدين بدءت تحصل مشاكل عاديه زي اي اتنين مخطوبين المهم آخر مشكله حصلت بينا أنه انا كنت طالعه رحله تلات ايام مع الشركه اللي بشتغل فيها واستاذنته وقالي روحي واتبسطي يوم الرحله بالليل نام وماكلمنيش بعتله رساله بعاتبه فيها أنه نام ع اساس هيصالحني الصبح معملش كدا فأنا انفعلت ومسحت البرنامج اللي بيبقي يتصل عليه وقولت لو حب يبعتلي هيبعت ع الواتس اب ومن يومها عدي 22 يوم لحد دلوقتي مااتكلمناش واخته كلمتني تقولي انا عرفت منه انكو مش بتتكلمو وهو زعلان أنه صحي يتصل بيكي ملقاش البرنامج بس انا بقول هو اللي بينا برنامج حتي لو مسحته ميسالش مسحته ليه انا المرادي اللي مخليني معانده ومش هكلمه أنه اخر فتره كان كدا كل خلاف يقعد للايام وانا مكنتش بستحمل اكتر من خمس ايام واروح أكلمه فالمرادي قولت اجيب اخره .. احساسي اني هونت عليه وازاي اسافر وارجع ومايطمنش وعرف اني تعبانه وماكلمنيش كل دا مزعلني وخوفي من أنه يكون من النوع اللي بيخاصم بالشهور رعبني المشكله اني زعلانه كان نفسي الأمور ماتوصلش لكده حسه اني معتش مطمنه ومكسوره وخايفه ومش حسه بالأمان كل يوم اقول يارب بقي يكلمني النهارده بلاش تزيد الايام عن كدا كل مابتذيد بقسي اكتر نفسي يكلمني نتعاتب حتي لو مش هنكمل عاوزه بس رايكو ومعلش طولت عليكم
اسم الموضوع : رايكو في طريقه خطيبي
|
المصدر : الأستشارات الزوجية العامة