رايكم ياالربع بهالمعرس

[سماوي ياحلو]

سيداتي آنستي:24:
بالمختصر عمري 29 سنة وثلاث شهور (يسلملي الدقيق):34: وكنت مالكة وفسخت ملكتي من سنة
حاليا متقدملي واحد اصغر مني بسنة ونص:12:،،، بس هو ماشاءالله رجال وشكلو والله اعلم محترم
محتارة
ترى سالفة انه المرة تكون اكبر من زوجها،،، جديدة علينا ،،، احنا متعودين الرجال دايما اكبر عمرا
فما اعرف اتوكل واصلي استخارة ولا اعتذر للرجال
وسمعتو قبل عن زيجات المرة تكون فيها اكبر من الرجال يعني كيف اتصرف على اني اكبر منه واعقل ولا ادلع واسوي عمري صغيرة،،، لانة والله هو واهله كان على بالهم اني 25 او 26 يعني ماابين كبيرة
والي عندها تجربة تفيدني افادها الله
شكرا:9:

 

[احبهم اخليهم؟]

انا اكبر من زوجي بكم شهر
ومجنني الله يسعدك فكري كويس
لا تستعجلي

 

[اماراتية دلع]

لا انا اشوفها عادي لو انتي ما يبين عليج و لو كمتي تبيني اصغر منه زين ما فيها شي
بس لا تتصرفي وياه على انج اعقل منه لا تحسسيه بالفرق خليج عادي
حتى لو سولف معاج و قالج انتي اكبر مني لا تعصبي قولي له فديتني بس فالواقع انت تبين كبر ابوي هههه
خليج دلوعة و نفس اي بنت مع زوجها
لا تتحسسي و لا تاخدين معاه كثير بهالموضوع عشان هو لو ما يريدك ما كان اختارك من الاصل
موفقة

 

[Mام روز M]

عادي جدا اذا ربي وفقكم واسعدكم هذا اهم شي
بس صلي استخارة والله يوفقكي.......

 

[الحب والعطاء]

عادي انا اكبر من زوجي بثلاث سنين اكذب عليكي احس بعض الاحيان انة يلمح لكن عل مين اذن من طين واذن من عجين والله اتدلع وسوي كل شي ببالي وصلي صلاة الستخارة الحمد الله انا مبسوطة وعندي بيت وعيال ورجال ما عليكي في العمر عليكي في نفسك وكيف تسعديها اللهم ان كان لكي خير ييسرة لكي

 

[رائدة التميز]

إستخيري وأكثري ن الدعاء

 

[حلازيادة]

المراة علي طول هي صغيرة بدلعها وخفتها وضحكتها وانتيى اصلا مازلتي صغيرة والعمر قدامك اللة يوفقك واستخيري والدعاء

 

[om tooti]

حبيبتي انااكبر من زوجي بشهر ولاعمره جاب سيرة هالموضوع ابد بالعكس هذا شي يرجع لقناعة الرجل وشخصيته

يعني مو كل رجل بيقول لزوجته انتي اكبر مني .. طيب لو قالها بعدين وش فيها يعني لو اكبر منك بيوم بسنه بثلاث

الشباب شباب القلب والحياة الزوجيه اكبر من كذا بكثير يعني انتي افهمي شخصيته قبل اذا مو من هالرجال توكلي

على الله وهو ماخطبك الا اكيد عارف عمرك ولازم تتاكدي هل كانوا يعرفون عمرك قبل الخطبه والا توهم يعرفون

لانك بوسط كلامك قلتي انهم يفكرونك 25.. وبرضو لاتنسي الاستخارة وربي يكتبلك اللي فيه الخير يارب ...

 

[مريوم الحلوه]

كلام بلقيسااات صحيح
اول حاجه استخيري
واذا هو مقتنع مااظن راح يدقق في هالامور وغير كذا الفارق في العمر قليل جدا
خليج دلوعه ومثل ماقلوا لاتوضحي له انج افهم منه ومن هالقبيل خليج فرفوشه ومن هالكلام وربي يذوبج فيج الرجال
ترى لرجااال يبون وحده تهتم في نفسهاااا ونظفتهااا ودلووعه ورومانسيه
ومن هالكلام ويذوووب فيها رجال
يعني وربي لو مثلا يحصل له وحده مثل هيفاء وهبي بالدلع وهالكلام فقط وتكون اكبر منه بكم سنه بيقول وبقناعه ابيها

 

[тάтέмά]

اختي شي عادي ذي
لاتنسين الرسول صلى الله عليه وسلم.. كانت خديجة عليها السلام اكبر منه
وهالشي عادي وطبيعي ومثل ما قالو لج الخوات حسسيه انج اصغر منه
ولاتنسين الدعاء والاستخارة
والله يوفقج حبيبتي =) دعواتج لنا

 

[متزوجه ولكن]

العمر مو مشكله بس اهم شي يقتنع بعمرك مو يقول تقدمت لك احسب عمرك 25 والا كان ماتزوجتك

ترى عااادي لما تكوني اكبر منه اعرف وحده مبسووووطه وهي اكبر منه

 

[عشيقة بدوي]

عاااااااااااااااااااااااادي

 

[MNN]

استخيري واتوكلي على الله واذا ربي كتب نصيب ادلعي عليه زي ماتبين وبالعكس حسسيه بدلعك انك
اصغر منه بعشر سنين
الله يكتبلك اللي في الخير ياااارب​

 

[راحةالقلوب2]

مكيرة الموضوع شوي

 

[سماوي ياحلو]

خواتي اشكركم جزيل الشكر على التفاعل والردود:7:
راحة القلوب، عشيقة بدوي، متزوجة ولكن،احبهم اخليهم، اماراتية دلع، ام روز،الحب والعطاء حبيتك بالله،رائدة التميز، حلا زيادة،ام توتي ، مريمو الحلوة، MNN ,tatema

 

[معلمة مغتربة]

عااااادي لنا في رسولنا الكريم قدوة
وعندنا نماذج كثيييرة لزيجات من هالنوع و ناجحة جددددددا
بس لازم العريس يعرف و تشوفوا هل هو مقتنع تماما أو لا و ما يكون مجامل

 

[الحياه لحظه]

الغلا الفرق مب بالعمر الفرق بالتفكير وليتج شفتي برنامج "خطوه" كان يتكلم عن هذا الموضوع ..........

وبعدين الريايل مايهتمون بالعمر يهتمون بالتفكير وان الحرمه تهتم فيه وادلعه .........

وعليج بصلاة الاستخاره
وربي يوفقج.......

 

[ابتسامه مهجوره]

ياما حريم اكبر من رجالهم ومبسوطين ويحترمها احترااام شديد كنها المديره وهو الطالب

 

[ملاك الاحمري]

عادي اخوي متزوج زوجته اكبر منه اربع سنوات الاهم الحب والاحترام

 

[meme99]

الله يسعدك توكلي علي الله​