راح اخسر ابنتي ايش اعمل ؟ صرخه ام

[رسيل1973]

السلام عليكم

الكل تقريبا في منتدي يعرف قصتي

هي موجده علي هذه الرابط

http://www.niswh.com/vb/showthread.php?t=10471

المشكله الحين ابنتي

كالعاده اخلي بنتي تشوف صورة ابوها فتحت جهازي صرت اقلب بالصور اقول لها من هذه

جت صورة ابوها قلت من هذه قالت بابا قلت لها يالله بوسه لبابا حبيبي

تعرفون ايش سويت صارت تضرب الصوره والجهاز كاد الجهاز يقع الارض لو ماسكته منها قلت لها بهدوء هذه بابا حبيبي قالت لا تف تف تف
صارت تف تف تف قلت لها بس صارت تزيد في صراخ
قلت لها تعال حبيتي
صرت تزيد من تف تقول بابا ينع
بعدين راحت عند الشغاله خلتها تاخذها للحوش وقفت مذهوله بنتي رفضتي

البنت تبغي ابوها صار عندها العض بشكل كيبر مجرد طفل يحب ابوه تعضه ذبحتها بنت اختي عض
كل ما تشوفها مع ابوها
البنت صار لها تصرفات غريبه
تصدقون بالليل تصح تقول ماما حبيبي تقبلني تنام علي طول وتمسك بيدي
بنتي كانت هاديه منذ ولادتها
الحين احسها عصيبه تبغي تضرب تصرخ
وللمعلوميه البنت ماشاءالله تبارك الله عليها ذكاتها اكبر وفهم الكل يقول تصرفاتها اكبر من عمرها
ايش اعمل اكيد تبغون تعرفوا عمر بنتي 8 اغسطس يصير عمرها سنتين

ساعدوووووووووووووووووووووووووووني

تحياتي​

 

[رسيل1973]

لحد الان ما احد رد علي ليش ؟؟

 

[× قلبي الصغير ×]

الله يكون في عونج يالغالية و الله ما عنجي لج حل بس حبيت أني اكون معااج و ان شا الله ما بنساج من دعائي

 

[(( نبأ ))]

الله يكون في عونك حبيبتي ماراح انساج بالدعاء

 

[Pink Dove]

حبيبتي انا ماافهم السبب لهذا الامر ,, متهيألي على الرابط .. ان شاءالله أقرأه غدا لضيق الوقت عندي ولي عودة باءذن المولى

 

[Pink Dove]

حبيبتي انا شوفت الموضوع وتذكرته فنا قرأته من قبل ,,

بس السؤال .. ايه يوصل كل هذه المشكلات للبنت ؟؟ أكيد تتحدثي امامها .. يعني الخطأ خطأك وخطأ كل من يتحدث أمام البنت ,,

حبيبتي هذه المشاكل او الحديث في المشكلات لا يتم امام الطفلة لانها بديهيا بتترجم كل شئ بعواطفها وتنساق لأمها في المشاعر وبالاخص لانها تعيش معك أغلب الوقت ,,

في البداية لا تتحدثي معها في اي مشكلة ولا تأتي بالسيرة أمامها نهائيا ,,
ثاني شئ ياريت تحببيها في والدها وكثير آباء متزوجين أكثر من زوجة ,, فليس من مصلحتك أو مصلحة البنت كرهها لوالدها ,, والحل في ايدك وليس في سواك ,, كلميها عن والدها اشتري هدايا وقولي ان والدها هو من ارسلها خليه يكلمها في التليفون ولو امكن تخرج معه في نزهه ,, اخبريها كم يحبها ويسأل عنها وعن صحتها دوما ,, الحل بسيط ولكن ابداي فيه قبل تعاظم المشكلة ,, والله يعينك

 

[رسيل1973]

اختي المشرفه

جزاك الله كل خير اشكرك علي تعاونك ابوها في مدينه ثانيه غير اللي اسكنها

انا اتصلت علي ابوها من ثلاث اشهر قلت له كلم ابنتك دايم تمسك الجوال تقول

ماما بابا الو الو

لكن هو رافض يقول ما اقدر اكلمها رفض حاولت معه قال لااااااااااااااا لا

ارجوك لا انا دايم اوريها صوره ابوها اقول يالله حبه لبابا تحبه مافي
اي مشكله فجاءه من شهر صارت كل ما تشوف احد يحمل بنته او ابنه تروح
تعظه بشكل غريب و مؤلم 0000الغريب انها الحين اذا شافت صوره ابوها
تضربها
00000 العفو تف تف تف بعدين تهب للشغاله حتي انا ترفضيني لحظه نفسها

وربي محتارها معها اجلس العب معها عندما تشوفيني ابكي او زعلانه

تجلس بجنبي تبكي مثلي 0000 يارب ساعديني

 

[Pink Dove]

سبحان الله أذكى من الطفل مافي ,,

حبيبتي لازم تصارحي والدها لان الحل في يده والطفل ماشاءالله يأتي بالحنان والعطف انتي حاولي تحببيها فيه واخبريها بس انه مشغول وسيأتي لها مرة أخرى ,, حاولي تتصلي بيه وكلميه عن حاله البنت أو وسطي شخص بينكما حتى يتفهم ان مصلحة البنت تقتضي رعايته وسؤاله عنها ,,, سبحانك يارب كيف كل هذه القسوة على البنت الصغيرة منه ,, غيره مايطول ظفر طفل برئ ويتمناه ,,

سامحيني لو قلبت عليكي المواجع بس صدقيني الحل في يده ,, ولو مافي أمل منه حاولي تأقلمي البنت على الوضع وتشغليها بألعاب واشياء اخرى فكم من اطفال عاشوا بدون أب ونشأوا أسوياء ,, وياريت لا تبكي امامها وحاولي تبتسمي في وجهها دائما والعبي معها لعلها تنسى الالم هي الاخرى .. والله يعينك ويقدرك على رعايتها

 

[رسيل1973]

اختي الله يعطيك الف عافيه واشكرك علي تعاونك بس في الوقت الحالي ما اقدر

ما راح اكلمه الا وقت ما يجي بعد شهر ليشوف البنت

 

[Pink Dove]

خلاص حبيبتي لما ييجي يشوف بنته كلميه ,, والله يوفقك لما فيه الخير ,, بس خلال هذا الشهر اشغلي البنت وحاولي تفرحيها بكل قوتك ,, والله يعينك

 

[رسيل1973]

ولا يهمك راح انف كلامك عيوني الف الف شكر علي تعاونك

تحياتي

 

[(( نبأ ))]

اختي العزيزه
احتوي بنتك بكل الحب والحنان
وانسي موضوع ابوها
كوني لها الام واب والاخ والاخت
ولا تخلين موضوع ابوها يشغلك او يشغلها
انتي شايله هم ابوها ومتأثره من الي صارلك
ومعاك حق والله يلوم الي يلومك
لكن الدنيا ما انتهت
والامل كبير والفرج قريب
انتي كل الي عليك انك تشبعي بنتك بالحب
ولاتشغلينها بأبوها
اعتبري ابوها (توفى) وطلعيه من حياتك وحياتها
وان ذكرتيه فاذكريه بالخير
واقتربي من بنتك اكثر وماله داعي وجودها الدايم مع الشغاله
ابعديها عنها
الشغاله خليها بوقت الحاجه الضروريه
يمكن مشكلة بنتك مو في عدم وجود ابوها
يمكن مشكلتها بشي ثاني
اقتربي منها وانسي مشكلة ابوها وعيشي حياتك في وجود افضل نعمه وهي نعمة العافيه والبنت المزيونه
وربي يوفقك حبيبتي
وسامحيني على الاطاله​