راتب زوجي بيصير زين ومن دريت وانا قلبي مقبوووض يازين الفقر ...

[دنـــيا غريبه]

اي والله زي ما قريتو بالعنوان


زوجي خلاص سدد كل ديونه باقي عليه الحين بس قسط واحد وهالقسط ما يخصمون من الراتب كثير يعني ياخذون اقل من ربع الراتب

وانا من دريت انه اموره الماديه بتزين وانا زعلانه وفيني بكا وقلبي مقبووووض:30:
ادري بتقولون خبله بس وش اسوي
هو شمالي غربي :30::30:
ولما جالسنا نتناقش عن ترتيب الميزانيه الجديده تخيلووو قالي في 3 الاف كل شهر ارفعها ولو وشووو ما اخذ منها شي قلت ليش والين متى يقولي كذا قلت طيب خلها لبيتنا الجديده عشان نختار الاثاث والبيويات الجديده قالي لااا
قلت طيب لايش بالضبط قالي حقتي يمكن ابي اسافر يمكن ابي اشتري سياره >>على فكره سيارتناا جديده يعني كذب بها الشغله
نكمل قالي يمكن اسافر يمكن اشتري سياره ويمكن اتزوووووج
انا من قال هالكلمه وانا قلبي انقبض تذكرت انه كل مازعل مني والا كل ماتهاوشنا هوشتنا العاديه حقت الحياه يقولي انا بتزوج انا بدلع نفسي عا د الحين بتجيه الفلووووووس وبيجمع راتبه وانا الي بضيع ياااربي يازين ايام الفقر بس
تكفووون وش اسوي والله مقهوره واحس فيني اكتئاب بس افكر احس اني كرهته مدري ليش
تكفون وش اسوي ادري مشكلتي تافهه بس والله عندي مو تافهه ومأثره فيني مره ابي ارتاح ذبحني التفكير

 

[طيف الروح]

الحـآل من بعضه

الله يعينا
بس يوم شفت اموره تيسرت والله اخذت مصروفي الف ريال

وعاد هوه بكيفه

ودي*)​

 

[لقيت نفسي فيك]

الله يعينك ويفرج همك

 

[أم أمة الرحمن]

مجهزة الربطة قبل الفلعة : )

اول شي الله يبارك لك ولزوجك بالراتب الجديد

وانتي واسلوبك شوفي جوانب النقص حاولي تسدينها والتجئي لله انه يكفيك شر ما اهمك , والمصاريف حاولي ترتبين بيتك شوي شوي وبدون مشاكل وبالمعروف وبالاسلوب الحلو

ونصيحتي لك لا تشغلين بالك كثير لانك بتضيعين وقتك في الفاضي وبتتعبين نفسيتك على ولا شي

لانه الرجال متى ما طقت في باله يتزوج بيتزوج من دون شور ..

توكلي على الله يا اختي واشغلي وقتك بالمفيد

بالتوفيق

 

[حياتي استفهامات]

عادي ياحب الرجال في هالكلمة بتزوج
انا زوجي من ايام الملكة كان يقولي هيا ولو يبغى يتزوج ماراح يقولك بجمع
عشان اتزوج
احسني الظن فيه واذا انتي مو مقصرة معاه خليك واثقه من نفسك
وطنشي كلامه

 

[شموع وورد]

هدددددي باالك يااختي ولووو تررى بس كلاام الراتب مه ماااكثر ميبقى منه شي لاتحسبينه بيقدر يووفر 3000الاف صدقيني من يوم يجي اوسطه وهو مخلص بس شوووفي تفااهمي معه وبااطيب مو بالقووه قوليله عاد بمناسبة ان خلاص القسط لاززم تعطيني مصروف واعتبره هديه بس اذا رفض لاتتسببو مشاكل بسبببه حاووولي كل راتب تااخذي لك شويه او تشتررري لك ذهب او لبيتك عشان مااايبقى شي ههههههه

 

[اسيرة فكري]

الله يساعدك عليه الي بيزوج مايهمه الفلوس حتى لو ماعنده يدين انتى لاتشيلين هم لاكن لاتقصرين على نفسك وعيالك بشي خليه يحس ان البيوت تبي مو اهم شي بزوج والسفر كل سنه قعدي تحلمي فيه والحج والله يبارك لك فيه وفي راتبه

 

[o.o]

شمالي غربي يعني اكيد يحب السفر ..قعدي معاه ورويه اماكن تروحون لها ادخلي منتديات السفر وبس سولفي وتخيلي نفسج معاه انتي واليهال في دوله يعني شوفي متى اجازته ولاتشاورينه ممكن نروح قولي احنا بنروح حتى لو قالج على كيفج او من قالج .. او طالبيه بمصروف ..نصيحه لا تاخذين اقل من 2000

 

[سوسو ناصر]

الله يعينك ان شاء الله صلي وادعي ربك

 

[ملكه حدي]

انتي قلتي بنفسك:كلما تهاوشنا وزعل مني وو..قال بتزوج
دلعيه وابسطيه وانتبهي لاتكوني حنانه اهتمي بنفسك واهم شي ارضيييييه بفراشه
ماراح يفكر دام بتكونين معاه كذا
اعرف وحده وربي ملكة جمال ونفس بالطبخ مو صاااحي ماشاالله بس للاسف نكديه وتزعله كثير راح تزوج عليها
وحاولي تحافضين على مملكتك وكرهك له
راح يخليه يفكر بهالشي مو من صااااااالحك ابدا

 

[*..الحلوة..*]

حبوبة طولي بالج وثقي بنفسج وحاولي تسحبين الفلوس من عنده بذكاء وانا مع الاخت O-O بكل كلمة

 

[امونته]

اصرفي الفلوس على جمالك <<<سوي عنايه واهتمام بنفسك لاتحرمين نفسك من شي

 

[طيوف الامل]

لا تضايقي حبيبتي .... يمكن كان يتمسخر معش عشان يغيضش.. حتى زوجي دايما يقولي ابغي اتزوج بسنا ملينا كل يوم دياي نبغي سمك.... ويضحك وانا اعرف ما بسويها لان الديون راكبه من ساسه لين راسه.... ريحي بااااااااااااالش...

 

[طموح أنثى’’]

ياحبيبتي والله الرجال اذا في راسه زواج لو يتسلف بتزوج

بس انتي حاولي تغيري من نفسك

خليك نعومه ودلوعه والابتسامه ماتفارقك ولاترفضي له طلب

وغيري من شكلك كل بعد فتره

واكشخي ودلعي روحك

وطبعا خليه يحدد لك مصروف شهري ذابت لك

قوليله انا صبرت على حالتك من قبل والحين دام ربي فتحها عليك تمشيلي مصروف شهري

واللي كاتبه ربي بيصير

 

[ابتسامه مهجوره]

على بالهم الزواج راحه مادرو انه هم وكثرة مشاكل

 

[راحةالقلوب2]

الاستخارة

 

[أغسْطسْ]

يا عمري انتي .. كلنا نحاتي هالشيء ..
آحيانا ما آتمنى ان زوجي يمسك منصب عالي او يزيد مرتبه حتى ما يتغير علي
و في كل الحالات المكتوب بيصير .. لا تضيعين متع اليوم اللي بيدك على هموم الغد .. اللي ممكن تصير وممكن لأ
واللي كاتبه ربي بيصير رضيتي اولأ .. حاليا وسعي صدرك بفلوس زوجك .. وانصحك دام ان اموركم متيسره انك تشتركين في الدورات او المجلات اللي في المنتدى زي سبايسي .. عشان تكتسبين خبره وتجديد اكثر من اللي عندك .. والله يسخر زوجك لك

 

[المتغيرة للأفضل]

استغفري ربك اختي واحمدي الله على زوجك فهذا هو الشمالي يحب ان يدخر للازمات وللظروف فلا تشغلي بالك طالما انه موفر لك كل احتياجاتك فعيشي حياتك واسعدي انت وهو ولا تفكري بسلبيه ودائما توقعي الخير تجديه باذن الله

 

[همس*]

صح ممكن قالها كدا عشان يخليكي تغاري وتجني شوي بس الرجال وقت بده ما يقولها انتي خليكي كويسه معاه ولا تشغلي بالك وان شالله خير

 

[شذا الليل]

انت بعد زيدي مصروفك وزين انه يكلمك بهالأمور في رجال ما يناقشون زوجاتهم في أمر الراتب يعطوهم المصورف وخلاص لا تحاتي بس أهم شي كوني حكيمه ولا تكوني عصبية