رابطة صاحبات الشعر المتعرج حياكن الله

ط

طعم الفرح

New member
إنضم
2008/07/20
المشاركات
45
السلام عليكم..

تحية عطرة تفوح بالمسك والعنبر المنثور برقة على تعرجاتكم :)

أكيد إن الصفة المشتركة بيننا وجود مدرجات رائعة فوق رؤوسنا
وقد تنقلب أحيانا إلى أسلاك تليفون..
هههههههه

أختكم ما خلت شي إلا وتشرفت شوشتي الموقرة باللقاء به..
* زيت عافية وحلبة..

* حناء وسفن أب..

*حناء وجرجير,,

* زيت الجرجير..

* عسل وزبادي..

* زبدة مذوبه..

* مايونيز..

*مكواة السيراميك.

* كريم سيلك.

* بديل الزيت من بانتين..
.........................................ألخ


ولا فاد إلا قليل من اللمعان والطول...

وش الحل ؟؟
من جد تعبت ساعة أستشور وإذا وصلت مشواري ألقى اللفلفة راجعة أموووووووت من القهر
وليت التجعيد حلو عليه كان أرتاح بس مايطلع حلو أبد أبد... ؛(


ليت نتجمع هنا ونفيد بعض ونستفيد يمكن ألقى عندكم حل...


محبتكم..

طعــــــــــ الفرح ــــــــم
 
ههه بجد ضحكتيني

أنا مثلك .. وسمعت انه فيه فرد حلو بالشرقية

ياليت اللي سامعة فيه تفيدنا
 
دخلوني وياكم
انا والله بعد مثلكم
شعري مجعد والحمدلله والشكر موحلو
ومافيه شي يفيد الا الاستشوار او التمليس
وطبعا التميس ما وراه الا البلاوي
 
أم الكادي..

هلا وغلا..

ماجربت الفرد ويقولون إذا فردتي مرة لازم تداومين عليه..

مرورك أسعدني
 
أزهاار..

حياك الله البيت بيتك.. لاتمنعي شوشتك من التمتع معنا.. ههههه

صدقتي يالغالية بس ليت الإستشوار يثبت..
 
وين الباقين؟؟

يمكنهم نايمين بالحرير(( الله يرزقنا ولايحرمهم))

يالله نبي تجاربكم وش الحلول المفيدة مع (( صاحبات الفخامة)) شوشنا الموقرة..


أنتظركم حبيباتي..
 
هذه شوشتي تريد الانضمام لشوشكم لانها شايشة اكثر منهم ولله الحمد :evil_lol:

والاستشوار والتمليس لااستخدمهم الا نادرا اخاف ازيد الطين بلة :a043:​
 
ياحيا الله الشوشة المقبلة....

هلا وغلا بالمعلمة الراقية

إن ماشالتك الأرض تشيلك شوشنا

وش نظام تعاملك مع موقرتكم؟
 
مرحبا

شحالكم ؟؟

جذبني موضوعكم لان شعري متعرج ع قولتكم خخ

بس أنا ما شي مساعدني غير الاستشوار و السيراميك و شعري غليض مشا الله بس المشكلة قصتي << أو قدلتي أو بكلتي

ما اعرف شو تسمونها استوت خفيفه وايد و شكلها يبين الي يجوف شعري و قصتي يستغرب لان الشعر غليض مشا الله

و الحين اسبوعيا احط دهان يديد و ما شي فايده :(

و الله حالتج مثل حالتي يوم استشور عشان حفلة ولا المدرسة يوم اوصل القصه متموجه و مب حلو شكلها بس مرة ضحكت على صديقتي يوم قالت لي : انتي اي صالون تستخدمين عشان تموجين شعرج ههههههههه ضحكت عليها و قلت بكل فخر طبيعي .. خخخخخ

اسمع عن الخلطات الي عقولتهم تخلي الشعر حرير بس ما اصدق ما دري ليش :(

و سمحولي ع الاطاله ^^

على فكرة أنا شعري دهني و الشعره نعيمة بس متموجة و كل خواتي نعيم شعرهن الا انا اهئ بصيح بس الحمدلله ع كل حال
 
يشرفني الإنضمام الى رابطتي الموقره طبعاا كلنا نفس المعانه
انتفاش الشعر + عدم ثبوته عند الاستشوار ولكنني لقيت الحل وهذا فضل من الله ورحمه
رحت عند مستشفى الحبيب عند اخصائيه الجلديه وعطتني كريم حلو اسمه (ريجنريتنج )(ومكتوب تحته كريم مقوي لشعر ورمزه بالانجليزي vb) تلقونه في صيدلية الحبيب استخدمه بعد كل شور (وشعري رطب) واضعه في الجذور وامسح مسحه خفيفه على كامل الشعر هذا في حالتين الي هي عدم الاستشوار والاستشوار
اما في التجعيد
اضعه في الجذور وعلى كامل الشعر بس أكثر لما يمتلي
كريم اخر لتجعيد وهو دابر فاتيكا اللون الأصفر املي شعري منه بالمعقول وان كثرتي صار شعرك مو حلو
 
التعديل الأخير:
يابنات لحقوا علي

بيوقف قلبي من الضحك وعيوني دمعت والله وانا اضحك

اسلوبكم ماشاء الله رهيب ويضحك خاصة طعم الفرح

والله حبيتج انتي وكشتك الموقره ههههههه

عاد انا شعري مموج بس حلو الحمدلله ,,,, ان شاء الله تلقون الحل المناسب اللي يريحكم

بس حبيت اسلم عليكم
 
اهلين ياشوشات ترى انا معاكم بس جربت زيت املا مع خيشة الرز حرقتها لحد ماسارت رماد

حطيتها في الطحانه سارت نااااااعمه حطيتها في زيت دابر املا وسرت احط على شعري حسيت

شعري احلووووووووو ونعم وفيه لمعه ولمن استشور بسرعه ينفرد بس جيت امريكا وماقدرت احرق الخيشه خفت

من اجهزت الانذار جربوها و قولوا لي رأيكم .....
 
انا الحمد الله شعرى متعرج اشوى لاكن بعد الزيت اللى قلتلكم عليه بموضوعى قلب شعرى 180 درجه من ناحيه النعومه والكثافه والطول
 
مرحبا حبيباتي..
ربي يفك عسرنا من شعورنا من غير شر يارب,,,
(القلب الرؤوم )** وش سالفة الخيشه ؟؟ممكن تشرحين ياعمري ؟؟؟؟
 
حبيت اعقب على كلام ورددودكم الحلوه
انصحطك بتزيت الشعر دايم
وابدئي بزيت دابر املاء صحيح ريحتة قوي
بس من تغسلين شعرك حطي على شعرك حمام زيت ومن تطلعين من الحمام
سشورية تتخلصين من الريحة
ومع كثرة الاستخدام راح يتغير الشعر
رتح تكون الشعره طرية وفيها حيوية وشكرا
:cupidarrow::surrender:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل