رابطة الزوجات الأوليات >>> لاتبكــــي على الاطلال

[الغلا كله222]

ياليت لو في وحدة توضح كيف متقبلة الموضوع وكيف عرفت انه متزوج وادا شافت الثانية ولا لا؟ وكيف تقبل اهل الزوج واهل الزوجة الاولى للموضوع؟ ولي عندها اطفال هل بتخلي عيالها يباتون عند المراة الثانية ؟وين ساكنة لوحدها ولا معاكي ؟

 

[الغلا كله222]

ريمانوفا ومرمرة وينكم يالغاليات يهمني اعرف رايكم حتى خواتي اللي في المنتدى محتاجة اعرف رايكم

 

[*الجوري*]

حبيبتي يالغلا كله

تبين تعرفين زوجي ليش تزوج ...

يقول يبي يجرب الحريم !!!!!

ومرات يقول انتي اللي حببتيني بالحريم !!!!

ومرات يقول عندي حب استطلاع !!!

ومرات يقول اصحابي كلهم تزوجوا !!!!
ويقول ..إذا هذا حظي من اول مره كــــــــذا ...وشلون حظي بالثانيه !!!


وش رايك ؟؟؟؟؟؟؟!!!!!!!!!!!!!!!

والله ياقلبي الرجال بوقتنا الحالي هم على القلب ...:sadwalk:مادري وش نقول عنهم بالضبط(مراهقين ولا بزارين ):busted_red:

صرت افكر بنتي واقول الله يستر منهم اخاف تتزوج وتتغربل
ماعتقد فيه رجل بمعنى الرجوله.

الله لايحرق قلبي على بنتي :tears:

 

[الغلا كله222]

عزيزتي الجوري بس كلامه غير مقنع قوليله بنات الناس مولعبة ما شاء الله عليك احسك قوية شخصية انا لو زوجي قالي كدا بنهار

 

[ريمانوفا]

عزيزتي الجوري بس كلامه غير مقنع قوليله بنات الناس مولعبة ما شاء الله عليك احسك قوية شخصية انا لو زوجي قالي كدا بنهار

هل قرأتي الموضوع من اوله..................؟؟؟؟
حجة الرجل تطبيق السنه ؟؟
لانه لايجد عنده سبب لاختيار امرأة غيرك...
فأنت انثى كامله
لاتبحثي عن اسباب لانه لاتوجد اسباب .............الزواج الثاني 99% نزوه...............يجد ان من حقه التعداد فيظن انها لعبه سهلة ولاتطورات فيها............فيتفاجأ بأن الزواج الثاني جر علية ويلات لم يحسب لها حساب فيرمي بالثانيه في بيت اهلها غالب الوقت وتظن المسكينه انه حب فيها ؟؟؟؟؟وهو هروب من المسؤليه التي يعاني منها............ومع السنين يحمل مسؤوليتها لأخوانها ؟؟؟؟كبرياءه وغرورة تمنعانه من الأعتراف بخطأة...........لاتوجد اسباب حقيقيه للزواج الثاني الا النادر من الحالات.....الا تلاحظين ان الاغنياء يحبون التعداد؟؟؟؟
لأنهم يملكون المال لتحقيق نزواتهم ....ان لم يكن بالحلال يبحث بالحرام...وهكذا
هو في الاصل غباء في ادم....وشهوة حيوانيه ...فقط لاغير
__________________
لاتقابلي زوجته الثانيه ابدا.........ارتاحي من التفكير بها فهي عندما تزوجته هل فكرت بك:thumbdown:
عن نفسي لم اقابلها ابدا.....مر على زواجها ثلاث سنوات واكثر...
_____________________
لاتتركي اطفالك معها ستفقدينهم مع الزمن وسيكون ولائهم متساوي بينكما وستستخدمه غدا كسلاح للتخلص منك.....يكفي انك خسرتي نصف زوجك فلا تخسري اطفالك..
..يبيتون في حضنك ولو دارها مقابله لدارك.....
تريدين استمرار حياتك الزوجيه ابتعدي عنها وكأنها غير موجوده....
_____________________
انقطعت عنكم لسفري ورجعت وكلي شوق لكم ​

 

[*الجوري*]

عزيزتي الجوري بس كلامه غير مقنع قوليله بنات الناس مولعبة ما شاء الله عليك احسك قوية شخصية انا لو زوجي قالي كدا بنهار

اكيد غير مقنع ..
وصدقيني اغلب الرجال مايهمه بنات الناس قد مايفكر في نفسه

طيب لوقلت لك وش الكلام اللي يدور بين زوجي واصحابه في العمل وفي العزيم وتجمعاتهم مع بعض ..جزءمنهم يبون يتزوجون للمره الثانيه ويبونها (عقيم -ولو كانت موظفه ياسلام عشان يرتاحون من الطلبات )
والجزء الثاني ماعنده مشكله تكون بنت لانه ماتفرق عنده لو طلقها
ياعزيزتي الرجال تفكيرهم (............) إلا من رحم الله منهم فهو غير قادر على القيام بمسؤولياته كزوج وأب للأسره كيف يتزوج ويزيد العبئ على نفسه
واكبر دليل على كلامي زواج المسيار ...قد مايقدرون استغلوه لصالحهم

..زمن عجييييييييب

 

[*الجوري*]

​

هلا والله بريمانوفا ..نور المنتدى برجعتك يالغلا

لاتتركي اطفالك معها ستفقدينهم مع الزمن وسيكون ولائهم متساوي بينكما وستستخدمه غدا كسلاح للتخلص منك.....يكفي انك خسرتي نصف زوجك فلا تخسري اطفالك..
..يبيتون في حضنك ولو دارها مقابله لدارك.....
تريدين استمرار حياتك الزوجيه ابتعدي عنها وكأنها غير موجوده....
_____________________

آآآآآآآآه ياعزيزتي والله كلامك عين العقل
انا امي مطلقه وتزوج والدي من امرأه ذقنا علي يدها الويلات
وبعد ماكبرنا بمكرها ودهائها قدرت تقنع والدي من تزويج اخواني الذكور من اختها وقربيتها
والأن اصبحنا اغراب مع بعضنا وامي حرمت منهم وهم احياء فهم لايهتمون بها ولا يفكرون فيها اصلا ​

 

[ريمانوفا]

وامي حرمت منهم وهم احياء فهم لايهتمون بها ولا يفكرون فيها اصلا

ارأيتي يالغلا222
الله يزيد غلاك في قلب زوجك امين يارب
:icon30:
حبيبتي جوري منور بوجودك والله ....
اشكرك على استلام الدفه في غيابي ولا انكر دور البلقيسيات
:icon26:
في الرد على الغلا 222
​

 

[ريمانوفا]

حيرونه:icon26:
متى لبستي ازرق
وااااااااااااااااااااااااااو
مبروووووووك حبيبتي
تراك معزومه عالقهوة والذي منه والكل معك شرفوا............
سأزورك هناك بموضوع​

 

[الغلا كله222]

فديتكم عزيزاتي صدق ما عندهم سبب مقنع كلامهم تافه كل واحد منهم يقول سبب نفسه سنة اريد اجدد انا كل هدا ما يهمني اللي شاغل بالي عرسه اه بتيلس على الكوشه وبتسير شهر عسل والمصيبة المقارنات هي صغيرة حلوة صح ان ما ينقال الكلام قدامي بس اسمع

 

[أكيد أحلى]

الحمدلله على السلامة ريوووومة

أشوف المنتدى منور هههههههه

،،،،،،،،،،

فعلا الرجل ماعنده عذر مقنع للتعدد

اقرأن أنت أم الاخرى للاستاذة ناعمة

فعلا
وهذا ما التمسته من كلام زوجي إالى الآن وجمعت أكثر من 5 اعذار وحجج
منها اولا سنه وهذه فطره بالرجل و او عشان والوالده ضغطت علي ومنها ان البنت يتيمة ومسكينة تبي الستر ومنها ابي ذريه وزيادة بالعيال يشيلوني وانا كبير
والأغرب من ذلك والعذر اللي ابيكم تحكمون فيه وتردون على هو ان يبي وحده بيضا
طيب انا وشو انا ماني سوداء يا حريم ولا غامق لوني بالعكس ما امدح نفسي لوني قمحي مايل للابيض
ورديت عليه
صحيح دورت على البياض لكن نسيت القلب والملامح والجمال والطيبه والحب

عطوني رد مقنع لهالرجال

 

[الغلا كله222]

عدر اقبح من دنب

[quoteصحيح دورت على البياض لكن نسيت القلب والملامح والجمال والطيبه والحب

بصراحة سبب يضحك :shiny: اصلا هو من البداية ما عنده عدر يبى يتزوج وخلاص ما يهمه بياض ولا شي ثاني بس حبيبتي ما نجرحتي يوم قالج كدي كيف يعدل ونت حضرتي العرس ولا لا تعرفين اعرف حريم يوم انخطبوا يعني من واحد متزوج شرطهم كان رضى الاولى احس بهده الطريقة ما في مشاكل

 

[عزيزة.نفس]

فديتكم عزيزاتي
انا كل هدا ما يهمني اللي شاغل بالي عرسه اه بتيلس على الكوشه وبتسير شهر عسل والمصيبة المقارنات هي صغيرة حلوة صح ان ما ينقال الكلام قدامي بس اسمع

الغلا كله222
اسمعي مني وسافري يوم عرسه
وبعد خليله العيال عشان يستانس عدل ولا تقولين اصغار ومدري شنو
والله لو تميتي قاعدة عنده بيتزوج ويستانس ويسافر وانتي تناظرين وبتموتين من القهر
نصيحة لا تقعدين بالبيت بهاليوم

 

[عزيزة.نفس]

[quote اعرف حريم يوم انخطبوا يعني من واحد متزوج شرطهم كان رضى الاولى احس بهده الطريقة ما في مشاكل

وبعد الزواج شنو شرطهم
ترى قبل الزواج شي وبعده شي ثااااااااااااااااااااااااااااااااااني

 

[الغلا كله222]

زوجة جديدة

وبعد الزواج شنو شرطهم
ترى قبل الزواج شي وبعده شي ثااااااااااااااااااااااااااااااااااني

كل على حسب الزوج ادا الزوج عادل مافي مشكلة مب قلببه مع وحدة اكثر من الثانية وبعدين ادا الاولى راضية ليش المشاكل بلعكس هدا معناه ان كل صغيرة وكبيرة ياخد راي زووجته الاولى

 

[ريمانوفا]

نعم زوجي بدين مهمل جدا بثيابه وبدنه ورائحته...
..يأتي من العمل متثاقل يخل لغرفة نومي وبدون ان يلقي تحية الاسلام..
.ويرمي بجسده ثقيلا على سريري.....
............لكني تحملته وبقيت معه.........
لأني مسلمه وتذكرت قول نبينا وخاتم المرسلين..
..( لا يفرك ( لا يبغض ) مؤمن مؤمنة إن كره منها خلقاً رضي منها آخر )
>>>>>>>>لأنها اصيله
نعم قد يمرض الزوج وتقف بجانبه زوجته تشرف على راحته وتناول العلاج في وقته وتخفيف حرارته....ووطأة المرض عليه....
وتمنع عن زيارة اهلها
>>>>>>>>......لأنها اصيله
يمرض مرض مزمن...لم يعد قادر على المشي ؟؟؟؟
كيف ينقلني واطفالي ويقضي حاجياتنا؟؟؟
يصاب بمرض عضال يقعده في سريره..
.تسهر على راحته وتبكي اخر الليل وترفع اكفها للرحمن
ليشفي حبيبها ورفيق دربها..
.>>>>>لأنها اصيله
لكن ما أن تمرض زجته ...حتى ينسى كل خلق يسره منها وينسى كل سُنن الاسلام ..وحقوق الزوجه وواجباته ويهمل في رعايتها ....وينسى لمسات الحنان التي كانت تؤازره بها في لياليه الثقيله بالمرض.....ليتذكر نزوه؟؟؟؟؟؟؟
لأنه >>>>>> >>>>>>>>>>>(................)
__________________
نعم قبلت به زوجا رغم معرفتي بزواجه من امرأه ارفع لها قبعتي تحية لأخلاقها الرفيعه
فنعم المرأه هي..؟؟؟هذا مايقوله خطيبي
لماذا يريد الزواج منك؟؟
زوجته مريضه....
هل مرضها اقعدها عن خدمته........
لا لأعلم عن حالتها وشدتها....
هل تصدقين كل كلمه قالها خاطبك....
توترت وترددت واخذت تنظر يمنه ويسار متحاشيه عيني...
ثم قالت...
ان لم اتزوجه سيتزوج بغيري....
؟؟؟؟؟؟؟؟؟؟؟؟؟؟؟؟؟
الحمدلله الذي انعم علينا بالعقل....
الانانيه ممهله صاحبها غدا فلا تستعجلي ايتها الزوجه الأولى
وافق شٌن طبقه...
اناني لن تقبل به الا انانيه
تلتمس لنفسها عذر ........اجده اقبح من ذنبه​

 

[عزيزة.نفس]

فعلا
وهذا ما التمسته من كلام زوجي إالى الآن وجمعت أكثر من 5 اعذار وحجج
منها اولا سنه وهذه فطره بالرجل و او عشان والوالده ضغطت علي ومنها ان البنت يتيمة ومسكينة تبي الستر ومنها ابي ذريه وزيادة بالعيال يشيلوني وانا كبير
والأغرب من ذلك والعذر اللي ابيكم تحكمون فيه وتردون على هو ان يبي وحده بيضا
طيب انا وشو انا ماني سوداء يا حريم ولا غامق لوني بالعكس ما امدح نفسي لوني قمحي مايل للابيض
ورديت عليه
عطوني رد مقنع لهالرجال

الشرهة مب عليه
الشرهة عليكي اللي قاعدة تكلمينه هالكلام
والله حرام تهينين نفسكي كذا
والله الواحدة لو هي ملكة جمال عنده والله كاتبله يتزوج بيتزوج حتى لو الثانية ( شيفة )
ليش ما تبينيله انكي واثقة بنفسكي وشوله تقعدين تكلمينه كلام لايسمن ولا يغني
سامحيني على هالكلام بس لأني احبكن كلكن مثل خواتي :icon26:

 

[عزيزة.نفس]

الغلا كله222;ياليت لو في وحدة توضح
كيف متقبلة الموضوع

1 تقبل الموضوع كل واحدة حسب شخصيتها وظروفها

2وكيف عرفت انه متزوج

2كيف عرفت بزواجه كل واحدة حسب ظروف زواج زوجها وانا كان عندي علم انه بيتزوج

3واذا شافت الثانية ولا لا؟

3 كل واحدة لها اجابة عني انا ما شفتها ولا ابي اشوفها

4وكيف تقبل اهل الزوج واهل الزوجة الاولى للموضوع؟

ما اتكلم في هالموضوع ابداً لا مع اهلي ولا مع اهله واللي يتكلم معي بهالموضوع لا يلوم الا نفسه :a043:

5واللي عندها اطفال هل بتخلي عيالها يباتون عند المراة الثانية ؟

غريب هالسؤال ( ينامون عند الثانية ؟ :c028: )

6وين ساكنة لوحدها ولا معاكي ؟[/QUOTE

مو معي

الغلا كله222
صراحة اسئلتكي غريبة لكنها تدل على شخصيتكي
اعتقد انكي طيبة زيادة عن اللزوم

 

[حوريــــــــــه]

السسسسسسسسسسسلام عليكن حبيباتي
الحمد لله على سلامتك ريوووومة ....
مبارك عليكي حيرووووووووووونه اشراف قسم الروايات....
الغلا كله/ لا تشغلين نفسك بالأسئلة وانسي انه متزوج وعيشي حياتك كأنك الوحيده ....
الحبيب:santa_1: اتزحلق في بيته الثاني وجاني في حاله يرثى لها .... بالقوة يمشي ... حنيت مرررررررره لحاله ... وبدأت معه مراحل التمريخ .... طبعا الاولى (اللي هي أنا:nosweat مهتمة قول وفعل اما الثانية فاستسلمت وراحت بيت اهلها ما قدرت تتحمل مرضه .... والله صدقتي ريوووومه (اناني لن تقبل به الا انانيه
تلتمس لنفسها عذر ........)
طبعا بعد ما تعافى نوعا ما كافأني بسفره ممتعة حسسني فيها اني الاولى في قلبه وعقله ....
وبسبب هذي السفرة انقطعت ...
بصراحه وحشتوووووووووووني :msn-wink:..

 

[عزيزة.نفس]

الحبيب:santa_1: اتزحلق في بيته الثاني وجاني في حاله يرثى لها .... بالقوة يمشي ... حنيت مرررررررره لحاله ... وبدأت معه مراحل التمريخ .... طبعا الاولى (اللي هي أنا:nosweat مهتمة قول وفعل اما الثانية فاستسلمت وراحت بيت اهلها ما قدرت تتحمل مرضه .... والله صدقتي ريوووومه (اناني لن تقبل به الا انانيه
تلتمس لنفسها عذر ........)
طبعا بعد ما تعافى نوعا ما كافأني بسفره ممتعة حسسني فيها اني الاولى في قلبه وعقله ....
وبسبب هذي السفرة انقطعت ...
بصراحه وحشتوووووووووووني :msn-wink:..

شيماء الجنوب
من طول الغيبات ان شالله تكونين استانستي وبو الشياب هههههههههه
والله عندي تفسير ثاني للي قلتيه بس اخاف تفهميني :harhar1:
عالعموم الله يهنيكي ياوخيتي اهم شي تنسين الثانية وطوايفها والله يستر ما يقولك ابي اعدل واسفرها مثل ما سفرتك
يسوونها :a115: