ذبح قلبي وتزوج علي

[كوكا ناجي]

عزيزتي
ما للحبيب الا الحب الاولي
و مصيره يرجعلك

 

[رين]

أخواتي أنا أمرأه متزوجه من ثماني سنوات ولدي ولدان عمري 26 سنه أحببت زوجي أكثر من نفسي وهذي هي مشكلتي تنازلت عن كرامتي وانهنت وسكت عشانه وعشان الولدين خدعني وطعني بظهري تغربت عن اهلي عشانه وبالاخير تزوج عليوداني لاهلي عشان زواج اخوي وبعدها بيومين قالي المشكله مافي سبب لزواجه انا امراه على قدر كبير من الجمال انسانه حالي بحال نفسي عمري مااذيته ولا اذيت احد من اهله ولما اتصلت على امه وابوه قالولي عادي وش فيها لما يتزوج وللمعلوميه العائله بكاملها متفككه الاب مطلق امه والاخوات منفصلين عن ازواجهم اما بالنسبه ليا فانا مكان يهمني الا بيتي واولادي وزوجي طالبته بالطلاق لاكنه رافض ومن ثاني يوم من زواجه وهو يتصل فيني يقولي ارجعي لاكن للاسف ماقدر انا احبه وما اتحمل يروح لوحده غيري افضل اسيبه ولا اعيش ذه أخواتي أناشدكم بالله اريد النصيحه كل من مرت عليها مشكله مثلي تنصحني شنو اسوي انا مااقدر ارجع ليه وهو متزوج ولا ابي الطلاق احبه واحب اولادي وهذا هو ذنبي اختي الدكتوره ناعمه اذا صادفتي مشكلتي ساعديني بحل لمشكلتي ولكم جزيل الشكر ..................:icon26:

أختي انسي الطلاق في الوقت الحالي،
قراراتك في الفترة الحالية لن تكون صائبة لأن عقلك مشوش ومشاعرك مضطربة.

أرى ألا تتركي المجال لزوجك ليعتاد غيابك
ارجعي إلى بيتك لكن ارجعي امرأة أخرى جديدة من الداخل والخارج
أشعر بأنك لم تنضجي عاطفياً بعد،
شدة تعلقك بزوجك تمنعك من تقبل زواجه من أخرى مع أنه كان صاحب علاقات،
شدة تعلق به تجعلك تخلطي بين زواجه واستمرارية زواجك أنت.

لا أؤيد أبدا طلب الطلاق بسبب وجود ضرة،
تقولين بأنه كان مقصر من البداية،
واليوم يترجاك أن تعودي..
إذن عودي بشروط :exclamationpoint:
عودي أنثى جذابة لكن أكثر شراسة حين يتعلق الأمر بحقوقها.

غاليتي الحياة الزوجية أكثر بكثير من جمال أخاذ ونسب أصيل
لا أنكر دور هذين الأمرين لكنهما لا يبنيان حياة زوجية بقواعد متينة متماسكة،
جمال شكلي دون غنج ودلال لا يتأثر بنزواته = 0
حسب ونسب دون ثقة بالرأي وأسلوب متمكن في الحوار = 0

اذهبي إلى مقالات الأستاذة ناعمة الهاشمي وقصصها
وكذلك قسم الزوج والزواج وتصفحي مواضيعه المميزة
سترين أمورا كثيرة غفلت عنها المتزوجات
. الكثير مما تعتبره النساء تضحيات هي في حقيقة الأمر تنازل عن الحقوق يراها الزوج غباء وضعف في شخصية زوجته فيتمادى.
. سكوتك عن المنكرات كي تحافظي على رضاه قد يعاقبك عليه خالقك
إذ فضلت زوج على دينك.
. كبتك لمشاعر الغيرة كي تحافظي على كبريائك أمام زوجك المبصبص أو
اللطيف مع النساء يراه هو نقص في أنوثتك.

أولا وأخيراً فوضي أمرك إلى الله عزوجل ،
فهو من زرع حب زوجك في قلبك لكنك أخطأت حين جعلت هذا الحب
يعمي عينيك عن كسبه بالطريقة الصحيحة،
رغم أنه لا زال متمسكاً بك ويطلب رجوعك.
اليوم عودي إلى زوجك بثقة مستمدة من ثقتك بخالقك فهو وحده من يملك أن يرد زوجك إليك ويهديه وييسر لكما الخير،

ارجعي إلى زوجك وضعي شروطك التي تضمن لك حق النفقة والمبيت والعشرة الحسنة.
بالتوفيق عزيزتي

 

[الماسة مفقودة]

قرأت ما كتبتية يا أخيتي فخذي النصيحة

قوي قلبك وتوكلي على الرحمن واصبري ولا تطلبي الطلاق لعلى الله ان يردة

اسمعي نصيحة محبة تريد لك الخير فا الخيرة فيما أخترة الله

 

[~أغلى الغاليات~]

بصراحه
قهر الله يصبر قلبك مالك الاالدعاء وصلاة الاستخار
وانا ما اقدر اقولك اطلبي الطلاق او تعيشي مع المشكله
بس انا بذكر لك قصة امي مع ابوي وشوف اش يفيدك فيها
امي وابوي متزوجين من 20 سنه وبعدها تزوج على امي بتحدي بينه وبين اعمامي
وانقلبت حياتنا فوق تحت
امي صبرة ورجعت لي ابوي لكن نار الغيره عمى عينه
وصارة لا تطيقناولا تحبنا مثل اول
في البدايه حزنا عليها انا واخواني وخاصة ان امي كانتة لسى صغيره
وتعذبنا وشفنا المر
ورمتنا امي على ابوي تحمل مسئوليتنا وعشان فتره عند زوجته الثانيه الي مسويه نفسها طيبه
شفنا الذل بنظرة الناس لنا وكان ابوي متعلق في امي يحبها بس التحدي الي مع اعمامي خله يصر على موقفه والضحيه احنى
رجعت امي عشان بيتها وعيالها
بس من رجعة صارة امي انسانه ثانيه
ديم في نظرة عينه حزن وتحس انها من كسره
وطول الوقت معصبه وتشتم في هذا وذاك
وعشنا على هالحال 10 سنوات
وجاء الخطاب وخطبونا وانا اكذب عليك اذا قلت ما كنت ابي اتزوج
كنت ابي اطلع من جو العذاب الي احنا فيه ما دريت ان الزواج مسئوليه وهم اكبر
وتزوجت انا واختي
وعرفة ليش امي قلبه محترق وكنت اظن ان قبل زواجي ان هي تحب المشاكل مع ابوي
لكن الحال الحين بينهم ماعد يرضي لا عدو ولاصديق
شبه مطلقين
ابوي
يدخل ويطلع من باب المجلس ولا يفكر يصرف على امي او يعطيها ريال بعد ما كان يركض عشان يرضيها
طار اي موضوع بينهم ينقلب الى مشكله
كرهة ابوي لانه حرم امي اشياء كثيره واقلها حقها الشرعي وهي مسكينه ساكته وصابره
وهي تذوق الالم والناس مالها الا الظاهر يحبها يعشقها يوديها ويجيبها
تخيلي حتى اغراضها من السوق ما يوديها تشتريها
تروح وتجيي بتكسي
وبعد الصبر والذل الي شافته من اهله اول ماتزوجت جاء هو وكمل في النهايه
الرجال ما يبان في عيونهم اصري على موقفك وخلي زوجك يطلق زوجتها
لا تتسرعي وتندمي ويصير حالك مثل امي وانتبهي تبين لي زوجك انك تحبيها ترى بيذليك
والله اني حاسه فيك 13 سنه واحنا نعاني واخرة الصبر هجرها في البيت

اختي حرام عليج زوجته الثانيه مالها ذنب شلون تطلبين منها الاصرار على طلاقها هذي مهما يكون انسانه وتحس اي خذت واحد متزوج بس خذته بالحلال تبي الستر هذا شرع الله مب قاعده تدمر في حياه واحد متزوج وتلعب دور العشيقه وهي بس ماخذه مكالماتها تسليه وتهدم حياه بدون سبب استغفري ربج لو طلقج زوجج لا سمح الله بتقعدين في بيت اهلج ما راح تتزوجين اي شخص بيتقدم لج!! حتى لو كان متزوج!! الحين البنت يالله تحصل لها زوج شلون المطلقه والارمله؟؟..صدقيني راح ترضين لانج تبين الستر والحلال الدنيا دواره الله يهداج بس ..امج مارضت بقضاء الله وهي اللي سعت في البعد عن ابوج ليش الحياه ما فيها الا زوج والعيال سندي اهملهم ليش عشان اعيش الحزن اظلم 2 او 4 اوي اي عدد عشان شخص واحد؟؟..الحمدلله هو تزوج لكنه حي ما مات عشان نقول خلاص الحياه انتهت..هي ابعدته عنها لو كانت تعامله مثل ما تعامله قبل ما راح يتغير عليها يمكن كان بيحبها اكثر..الله يسخر ابوج لامج ..ويوفق كل زوج وزوجه..
​

 

[~أغلى الغاليات~]

أخواتي أنا أمرأه متزوجه من ثماني سنوات ولدي ولدان عمري 26 سنه أحببت زوجي أكثر من نفسي وهذي هي مشكلتي تنازلت عن كرامتي وانهنت وسكت عشانه وعشان الولدين خدعني وطعني بظهري تغربت عن اهلي عشانه وبالاخير تزوج عليوداني لاهلي عشان زواج اخوي وبعدها بيومين قالي المشكله مافي سبب لزواجه انا امراه على قدر كبير من الجمال انسانه حالي بحال نفسي عمري مااذيته ولا اذيت احد من اهله ولما اتصلت على امه وابوه قالولي عادي وش فيها لما يتزوج وللمعلوميه العائله بكاملها متفككه الاب مطلق امه والاخوات منفصلين عن ازواجهم اما بالنسبه ليا فانا مكان يهمني الا بيتي واولادي وزوجي طالبته بالطلاق لاكنه رافض ومن ثاني يوم من زواجه وهو يتصل فيني يقولي ارجعي لاكن للاسف ماقدر انا احبه وما اتحمل يروح لوحده غيري افضل اسيبه ولا اعيش ذه أخواتي أناشدكم بالله اريد النصيحه كل من مرت عليها مشكله مثلي تنصحني شنو اسوي انا مااقدر ارجع ليه وهو متزوج ولا ابي الطلاق احبه واحب اولادي وهذا هو ذنبي اختي الدكتوره ناعمه اذا صادفتي مشكلتي ساعديني بحل لمشكلتي ولكم جزيل الشكر ..................:icon26:

اختي صاحبه الموضوع الله يخفف عليج ان شاء الله ..حبيبتي وكلي امرج لرب العالمين ..واستخيري في موضوعج والله بيكتب لج الخير ان شاء الله بس في البدايه خذي لج اسبوع في بيت اهلج وحاولي تقنعين نفسج باللي صار وخذي لج فتره نقاهه واعرفي ان زوجته الثانيه مالها ذنب زوجج هو اللي راح وخطبها والبنت تبي الستر وتزوجته وحطي في بالج ان بكره ممكن هالشي يصير لوحده من بناتج لا سمح الله ما تتزوج او تتطلق وتنحط في نفس الموقف ..الاسبوع اللي بعده ارجعي بيتج لزوجج وعيالج ..حبيبتي قولي الحمدلله ترى ما انهدت الدنيا بزواجه ترى الحياه مو كلها رجل ..عيالج وين موقعهم من الاعراب..ليش نظرتنا محدوده ما نشوف اللي ابعد من جذيه ليش اذا زوجنا خانا ولا تزوج قعدنا نندب حظنا وحطينا العقده في المنشار وشفنا الدنيا باللون الاسود!! وكانه مات..الرجل موجود مو بس عشان تخدميه وتسعدينه وتدورين رضاه وكانه هو سبب وجودج في الحياه.. الرجل موجود عشان تسعدين نفسج به بالحب و بالجنس وعشان يكون ظهر لج وسند وابو لعيالج..يراعيج يصرف عليج ويقوم بواجباته ويوفر لج حياه كريمه..اختي بتقولين هو مقصر بالذمه مين فينا ما تحس ان زوجها مقصر في حقها من اكثر من ناحيه بس وجود شي يغطي على اشياء وايد يعني تحصلين على بعض من هالاشياء احسن من انج ما تحصلين على شي ..في ناس تقصيرهم في الجنس وفي ناس بالماده ووفي ناس بالمشاعر وفي ناس بتواجده في البيت والى اخره من الانواع ..95% من اللي في المنتدى اذا ما كان اكثر.. عندهم مشاكل وهموم وازواجهم مقصرين في حقهم من وجهه نظرهم..اختي شوفي الحياه بايجابيه وخل عندج امل في الحياه..تقولين بتطلق وبشوف حياتي مع واحد غيره ..وعيالج شبتسوين فيهم ..وشدراج ان اللي بيتقدمون لج مو متزوجين وهذا اللي يصير ما في حد يرضى في زمنا ياخذ مطلقه الا المتزوج نادر ما يخذها ارمل او مطلق ..لانهم يبون بنت وما عندها عيال..يعني بتهدمين بيتج وبتشتتين عيالج وتضيعينهم عشان رجل ما عرفتي سبب وجوده في حياتج الا انج تكونين سعادته بدل ما يكون هو سبب لسعادتج؟؟ اللي ابي اوصله لج انتي تزوجتي في البدايه ليش ؟؟ مو عشان العائله والاستقرار و الحب والجنس وهالاشياء بتحصلينها لما يكون عندج زوج صح ..هذا هو الهدف الاساسي للزواج الحين عندج نفس الزوج + مسؤوليه زايده عليه ( لا حظي مو عليج عليه هو..) خلاص خذي اللي تبينه منه وخلي الباقي لغيرج ..استانسي وعيشي حياتج وصدقيني اذا لبستي نظاره الامل بتشوفين الحياه احلا بوايد من ان احنا نضيعها بمشاكل وغيره وقهر وانج تدورين سبب فيج يمكن مو موجود عشان تلقين له عذر زواجه ..الله يهديج ويهون عليج ويسخر لج زوجج ويكتب لج السعاده ..​

 

[أجمل احساس1]

اختي الله يكون بعونك والدنيا ماراح تنتهي بزواجة لكن الحلال افضل من الحرام تقبلي موضوع زواجه واحمدي ربج على انج بأحسن حال وماتدرين يمكن يعرف قيمتج اكثر بزواجه الثاني ولاتطلبين طلاقها ارجعي لكن انسانه بشخصية ثانيه اقري قصة ام الوليد للأستاذة ناعمه وارجعي بشروط ورضوة ماليه ضروري رضوة ماليه وارجعي مارسي حياتج عادي جدا وتقبلي الوضع الجديد وتعلمي ان السعادة مب بالزوج وبس هو سبب والأولاد سبب والأهل سبب والأصدقاء سبب اي كلها اسباب للسعادة والسعادة الأكبر في طاعة الله وثقي علاقتج فيه وشوفي اشلون الدعاء بيغير حياتج كلها وسلامتج وياريت تقرين قصة الأخت مستغربه في موضوع زوجك خائن في الرابط اللي بأعلى القائمه بقسم الاستشارات الزوجية وكذلك تقرين مقالات ناعمه الهاشمي
وسلامتج**

 

[الكوكب المشع]

قرأت ما كتبتية يا أخيتي فخذي النصيحة

قوي قلبك وتوكلي على الرحمن واصبري ولا تطلبي الطلاق لعلى الله ان يردة

اسمعي نصيحة محبة تريد لك الخير فا الخيرة فيما أخترة الله

 

[بقايا إحساس]

انا اشوف انج تاخذين فترة راحة فبيت اهلك وما تتخذين اي قرار لانج منفعلة الحين وتفكيرك طاخ وطيخ ارتاحي حبيبتي وتعوذي من ابليس وألجئي لرب العالمين فلن يخيب ظنك وشكله يحبك لانه اتصل عليك وبعدين أولادج وش راح يصير مصيرهم ومستقبلهم اتمنى تتركين التفكير بحياتج ومستقبلج وتقدمينهم عليج وتقدمين التضحيات لهم ولا ليش انتي ام بعدين وش يضمنك ان فارس احلامك الجديد كويس ترى كل الحلوات اللي اعرفهم حظهم خايس وانا اولهم جماااااال واخلاق لكن حظي طايح ......
والان ابدئي حياة الكفاح لأجل اولادك ولا تنسين حقوقك راح يكون عليك الامر صعب بالبداية بعدين تتعودين وخليكي شجااااااعة واذا رجعتي له لاتلتفتين له عشان يعرف غلطته وقولي له رجعت عشان عيالي وهذي فرصة لك وخيرة تشرطين شروط للرجعة اشرطي اللي بنفسك بعدين انا اشوف الاهون هو انه يتزوج تدرين ليه ؟؟
احسن مايغازل كل يوم ويحرق قلبي الف مرة خليه ياخذ وحدة تستر عليه
وحدة ولا عشرة يابنت الحلال ولا تزعلين اذا كنت قاسية عليك والله يهون عليك

 

[natalie]

حبيبتي الله يكون في عونج و الله يصبر قلبج , , , صلي استخاره مع ان واضح انج ما تبين تتطلقين بس شتسوين هذا اللي الله كاتبه و انتي ما بيدج شي الا انج تلجئين للي امرج بيدينه سبحانه

 

[غربه؟]

عزيزتي انك مش قادره تتقبلينه فمن حقكج.. اعطيج الحق .. وشعورج ولله مثل شعوري احس اني مستحيل اتقبله ..الله يكون في عونج. الغاليه عيدي حساباتج .. والعوده بشروط الحق المادي لا تتنازلين عنه ..طلعي عيونه ..وخليه على اعصابه لاترجعين بسرعه.

 

[حنين احمد]

اصبري لانك تحبيه و لان معاك اولاد
و مثل ما قالوا الاخوات حاولي تعيشي حياتك و تتأقلمي مع الوضع
و اش دراك يمكن يكون فترة مؤقته و يرجع لك
الله يهدي لك زوجك و يسخر لك و يصبرك
الله المستعان

 

[مرح*j*]

أختي انسي الطلاق في الوقت الحالي،
قراراتك في الفترة الحالية لن تكون صائبة لأن عقلك مشوش ومشاعرك مضطربة.

أرى ألا تتركي المجال لزوجك ليعتاد غيابك
ارجعي إلى بيتك لكن ارجعي امرأة أخرى جديدة من الداخل والخارج
أشعر بأنك لم تنضجي عاطفياً بعد،
شدة تعلقك بزوجك تمنعك من تقبل زواجه من أخرى مع أنه كان صاحب علاقات،
شدة تعلق به تجعلك تخلطي بين زواجه واستمرارية زواجك أنت.

لا أؤيد أبدا طلب الطلاق بسبب وجود ضرة،
تقولين بأنه كان مقصر من البداية،
واليوم يترجاك أن تعودي..
إذن عودي بشروط :exclamationpoint:
عودي أنثى جذابة لكن أكثر شراسة حين يتعلق الأمر بحقوقها.

غاليتي الحياة الزوجية أكثر بكثير من جمال أخاذ ونسب أصيل
لا أنكر دور هذين الأمرين لكنهما لا يبنيان حياة زوجية بقواعد متينة متماسكة،
جمال شكلي دون غنج ودلال لا يتأثر بنزواته = 0
حسب ونسب دون ثقة بالرأي وأسلوب متمكن في الحوار = 0

اذهبي إلى مقالات الأستاذة ناعمة الهاشمي وقصصها
وكذلك قسم الزوج والزواج وتصفحي مواضيعه المميزة
سترين أمورا كثيرة غفلت عنها المتزوجات
. الكثير مما تعتبره النساء تضحيات هي في حقيقة الأمر تنازل عن الحقوق يراها الزوج غباء وضعف في شخصية زوجته فيتمادى.
. سكوتك عن المنكرات كي تحافظي على رضاه قد يعاقبك عليه خالقك
إذ فضلت زوج على دينك.
. كبتك لمشاعر الغيرة كي تحافظي على كبريائك أمام زوجك المبصبص أو
اللطيف مع النساء يراه هو نقص في أنوثتك.

أولا وأخيراً فوضي أمرك إلى الله عزوجل ،
فهو من زرع حب زوجك في قلبك لكنك أخطأت حين جعلت هذا الحب
يعمي عينيك عن كسبه بالطريقة الصحيحة،
رغم أنه لا زال متمسكاً بك ويطلب رجوعك.
اليوم عودي إلى زوجك بثقة مستمدة من ثقتك بخالقك فهو وحده من يملك أن يرد زوجك إليك ويهديه وييسر لكما الخير،

ارجعي إلى زوجك وضعي شروطك التي تضمن لك حق النفقة والمبيت والعشرة الحسنة.
بالتوفيق عزيزتي

هذا رد صائب ويستحق القراءه والتدبر ..الله يجزاك الجنه..:c014:

 

[ام البنات العسل]

ياااااااااااااارب يريح بالج والله يعينج حاسه فيج ياااااااااااااارب