ذبحني القهر والحزن..

[لوليتا]

صباح الخير لكل من يقرا الان...



بنات انا من فترة كتبت عن مشكلتي الا وهي سفر زوجي للخارج ولدول مشبوهه...


الحين طلعت لي مشكله ومو عارفه احلهاا.. بنات كنت اتعبث في تلفون زوجي وهو قاعد عندي

طبعا اهو من النوع اللي عادي عنده التلفون يعني مايخش شي..لكن الصدمه يابنات وانا اتفرج رحت للصور


فجاه لقيت صور ة واضح انها مصوره عن غير قصد وعدم معرفه من اللي ماسك التلفون فيها نص بطن لرجل عليه فوطه ومبين طرف ساقه وقاعد على غنفه وتحت مبين طرف رجل وحده لابسه شحاطه



طبعا انا على طول سالته شنو هذا؟؟


مسك التلفون وطالع الصوره شكله يبي يتذكر اشلون تصورت وعلى طول قال شدراني ومسحهاا

انا طبعاا انواع الصراخ وكلام.... وهو يقول والله مادري يمكن احد ماخذ تلفون ويمكن ويمكن


تبرير انا عارفه ومتاكده بداخل نفسي انه كذب







انا بموت من القهر ولاني عارفه شنو اسوي؟؟؟؟؟؟؟؟؟؟؟؟؟؟؟؟


تكفون ابي نصيحتكم ودعاؤكم.....

 

[ليل الشتا]

الله يكون في عونك
لكن أختي يمكن هالصوره بالغلط وصلته وبدليل انه ما يهتم بالتيلفون

 

[أم خالد99]

سبحان الله


الله كشف ستره

اشلون تتصرفين هذا راجع لك

اذا تبين تعاقبينه على الخيانه

او تسامحينه بس بشرط ماعاد يسافر خير شر
ولو سافر يكون اخر شي بينكم

وانتي حره

 

[جمرة غضى]

شي مب يديد من هالرياييل

كل شي لازم تتوقعين منهم

الله يهديه ويهدي كل الرياييل ا

 

[أم ذياب]

الله يعينج حبيبتي

ماعرف شو ارد لج ...

انتي شفت وقت التقاط الصورة؟؟؟

لان اهني بتعرفين اذا هو ولا لا..

 

[قموره كويتيه]

يمكن صج بالغطلط
والله يكون بالعون

 

[اللوتس]

الله يهديه ويصلحه يارب

 

[عزيزة نفس]

اختي ليييييييييييييييييييييييييييييييييييييييييييش التجسس حتى لو كنتي تشكين في زوجكي ما يجوز لكي تتجسسين عليه انتي ما تقرين قران 0 ولا تجسسوا ولا يغتب بعضكم بعضا 0 0 ولا تسالوا عن اشياء ان تبدى لكم تسؤكم 0 تقدرين تقولين لي وش استفدتي هالحين هو ما يقدر يحط له موبايل ثاني انتي ما تشوفينه واذ يبي يسوي اي شئ يقدر يسويه من وراكي صح او لا با بنات نصيحة من اخت تحبكن في الله لا تفتشين اشياء زوجكي الشخصية والله هذا الشك من الشيطان واذا كنتي متيقنة وليست شاكة في شئ تقدرين تطلبين من زوجكي انكي تشوفينه هذا اذا تريدين اصلاح وليس تخريب علاقتكي بزوجكي صدقوني والله عن تجربة

 

[أم حمد]

أختي قد يكون ما تظنينه صحيحا...... فكثرة السفر للزوج من غير الزوجة أمر خطير ولا يمكنك تجاهله........ أقنعيه بالعدول عن هذه السفرات هدديه أو أنه يسافر ولكن معك وليس لوحده.

 

[أم خالد99]

بصراحه بعض الردود ترفع الضغط وش تجسس وخرابيط هذا زوجها اذا ما فتحت عينها عليه بيخليها واخذ وحدة ثانيه تفتح عينها عليه

وبعدين من يقول انه حرام تفتش ورى زوجها
انتو تفتون على كيفكم
بعدين اصحو من هالغفله قبل ما يوقع الفاس في الراس

 

[زهرة البوادي2006]

الله يكون في عونك

 

[لوليتا]

اشكر كل انسانه مرت وقرات مشكلتي سواء ردت او لم ترد

وجزا الله خيرالاخوات اللي دعوا لي

اختي عزيزة نفس لم اكن اتجسس ولو قراتي كلامي كنت اتعبث فيه وهو موجود وهذي حركة عاديه متعوده عليه

وهو مايمانع من هالشي وقلت في كلامي زوجي مايهتم بالتلفون او عنده خصوصيات بتلفونه...

بالنسبه لموضوع السفر ماذكرت لكم يابنات انه بفضل المنتدى والخوات اللي فيه الطيبات مثلكم وقصصهم وردود الاستاذه عليهم قدرت اخليه مايسافر وكم مره ينوي السفر وبفضل الله تكنسل السالفه


ومن قراءاتي في صفحات هالمنتدى جزا الله كل انسانة خطت بكلمة ونصيحه مفيدة لاخواتها الف خير....حاولت ان اتغلب على الشك...لم استطع ان اتبين الحقيقه ولكن عسى الله يصبرني ويهدي زوجي وازواج المسلمات


اتمنى انكم ماتحرموني من دعاء في ظهر الغيب