ذبحت زوجي من كثر الغيره والسبب والدي واخوانه واخواني المغازلجيين ساعدوني

  • بادئ الموضوع بادئ الموضوع **lala**
  • تاريخ البدء تاريخ البدء
الله يسعدكم يارب كل اللي نصحتوني واخذتوا بيدي وان شاء الله اخبركم اذا طورت من حالي

ولا تنسوني من دعواتكم...اختكم...
 
تعوذي من ابليس وعيشي حياتك بلاشك
وقومي بحقوقك على اكمل وجه ترى اذا شافك على هذا الموال بيطفش منك
ومدام مالقيتي عليه دليل ليه الشك :no:
ادعي الله ان يجعلك احب النساء الى قلبه
واحذري من وساوس الشيطان لاتخربي بيتك بيدك :no:
ولايعني ان ابوك واخوانك ماشين في هذا الطريق ترين كل الرجال كذا بالعكس لي ايمانك بالله قوي
اختك:blushing:
 
فسريله السبب...بس ياماما لا تشكين فيه...حاولي تظغطين على عمرج...ترى الريال مايحب الغيره لهالدرجة...الله يوفجج
 
تعوذي من ابليس اختي .. وحاولي تعطين زوجج الثقة وحسسيه انج واثقة فيه وانه غير عن اخوانج وابوج ...

لانه لو انتي تشكين فيه دايما وهو ما مسوي شيء راح يمل منج ومن شكج في النهاية وراح يقول في نفسه بما انه النتيجة وحدة وهي راح تشك سواء كنت على علاقة او لا .. فليش ما اسوي علاقة واستانس وهي في كل الاحوال تراها تشك .. حاولي اختي انج تعطين الحب لزوجج لانه اكيد محتاجج وما يبي ياخذ هالشيء من وحدة برا .. فانتي اعطيه هالشيء عشان ما يطيح اللوم عليج في النهاية ويقول انتي ما اعطيتني الحب وكله كنتي تشكين فيني
 
اكيد مشكلتك من نفسك انتي -وخيالك هو الي اوجد لك التوهمات وسوا لك قصص وحكايات علشانك مقهوره من والدك واخوانك بس والله ما الومك - وترا مافيه رجل يغازل وزوجته ماتدري الا اذا كانت صماء وبكماء وعمياء في نفس الوقت لأن المغازلجيه كلهم اغبيااااااااااااااااااء ولابد يبان عليهم ولابد يغلطون غلطات تفضحهم - انتي زوجك ماشفتي منه شي صح؟ خلاص معناته انتي تتوهمين صدقيني واصلا شكله تحت رقابه مشددددددددددددددددددده (الله يعينه) هههههههههههههههههههه ما اظنه يقدر حتى يفكر في الموضوع ههههههههه وسعي صدرك وعالجي نفسك بنفسك او شوفي استشاري مافيها شي عادي- ولا تظلمين الرجال تراحرام والله رجال عن رجال يفرق اذا كان زوجك طيب اسعديه ولا تنكدين عليك وعليه بدون سبب.الله يفرج همنا وهمك.
 
حبيبتي انا نفس مشكلتج

مرحبا عزيزتي
والله ياعمري انا نفس مشكلتج ، أغاااااااااااااااااار على زوجي موووت مع اني ماشفت عليه شي
وهو يتضايق ويزعل ويقول لازم تثقين فيني مثل ماانا اثق فيج ، واقول خلاص لازم اعقل دام اني ماشفت اثبات لانه دايما يحط جواله عندي ويروح ، بس والله مادري يرجع الشيطان يوسوس لي ويقول لي زوجج عنده اسرار ويخونج ، (يمكن لانه يشوف مواقع اباحيه احس امه يسوي شي ومن وراي)
والله مادري ومب عارفه شسوي مع ان سمعة زوجي حلوه وماعنده هالسوالف بس غصب عني |.
الله يعيني ويعينج حبيبتي وانا والله حاسه فيج.:tears:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل