دوم على لسانه يهدد ويتوعد فيني انه يطردني

[جرح الهوى]

السلام عليكم خواتي ..........كل عام وانتوا بالف خير يارب


مشكلتي كالعاده مع الشمالي االشرقي .......سوا لي مشكله اليوم باقولها لكمـ

اليوم من العصر كنت ببيت اهلي مع اولادي جات المغرب دقيت على ش ش الساعه 8

اخذ راايه انه يطلع الاولاد ويروح معاهم الالعاب ....قالي لا انا تعبان قلت له طيب بعد ساعه

بتصل عليك يمكن ارتحت ونروح وياهم ينبسطوا قالي طيب يعني فهمتها يمكن يوافق ...وعدت الساعه

ورجعت دقيت عليه مره مااارد وانتظرت ربع ساعه واتصلت مره ومرتين وثلاث انشغل بالي

مايرد علي ابد وصلت الساعه عشر الاربع واتصلت بعدها رد انا عند الباب طيب

سألته ليه ماتردعلي اتصالاتي شغلتني .....انهال علي بكيفي ماابغى ارد عليك وانا ادري

انك تبغي ترجعي البيت وانا بكيفي اجيك بالوقت اللي يريحني قلته ليه تحقرني كذا

قالي احقرك واحقر اللي اكبر منك بعدانتي ماتفهمني يعني كبر الموضوع وقوم الدنيا وقعدها

عشان كثره اتصالاتي مايبيني اتصل به ...وقال لي بعدها كلام وتلفظ بالفاظ سيئه

وقبل شوي رحت كلمته بشويش قالي تبعان راسي يوجعني روحي عني الظاهر انك

مابتظلي معي واني باقوم اللحين اضربك ولا اطردك من البيت عشان ارتاح

اقل شىء يصير منيصاير هو يكبره ويعصب مني بسرعه ويفسر كل شىء على هواه

ويتلفظ بكلام شىء وهوبيكفه يقول مااحد يقدر يسكته وله الحق يسوي اللي يبي

وانا مو عاجبني هالوضع يطردني اقل شىءوالله روحي بيت اهلك هاللكلمه سهله عنده


شنو الحل معه ...... تعبت مو حاسه بالامان معه .....ولااستقرار ابسط مشكله تصير

يطردني بس انا مااطلع .....بس هذه اهانه لي كثير بالله عليكمـ شووورا علي


ربي يوفقكم ويسخر لكم ازواجكم

 

[ref8150]

عادي ياختي الحال من بعضه عسى الله يهديهم ان شاءالله

 

[نحمدة ونشكره]

وقفي عند خدة ولما يطردك قوليله قوليله قوم وديني عند اهلي وشوفي لو هو فعلا مو جاد وبس يريد يخوفك راح يوقف ويفكر الف مرة بس كل مرة يطردك وانتي ماتطلعي ولا تعرفي توقفي عند حدة لا تتوقعين راح يغير من اسلوبه لانه ماشاف احد واقف بوجهه الشمالي اذا ماوقفتي عن حدة يدوسك ومايسال عليكي ويجي يوم يقولك انتي ماعندك كرامه كم مرة طردتك وماطلعتي من البيت وبهذا تكثر اهاناته لكي

 

[logic-active]

هههههههههه قوليله عيل بتم جالسة معاك يلا وديني فندق ماريد بيت اهلي اريد استانس بروحي ومش من زين اسلوبك اجلس معاك

قوليها وانتي تضحكي

 

[أسماء زكي الدين]

ربنا يهدي ويعينك ويقدرك

هو اعتاد طردك وهو متأكد من أنك لن تذهبي

لو في أحدى المرات قلتي له إذا فأنا ذاهبة ولا تحملي معك طفلا من أطفالك ...

فلن عيدها ثانية ... ​

 

[popse]

مع أحترامى لرأى الأخوات عندما رفض من أول مرة كان يجب أن تعرفى أنه لا يريد والشمالى الشرقى لا ينفذ غيراللى براسى دقيتى علية وما رد خلاص بتركة براحتة ليدور هو عليكى وما تفتحى الموضوع معه الله أعلم شو شاغل راسة ...(سألته ليه ماتردعلي اتصالاتي شغلتني ) ما تسالى الشمالى يحب هو اللى يسال ويدور ما توصلى الامور ليسمعك كلام هو بالاصل ما يقصده أقرئى عن كيفية التعامل مع الشمالى الشرقى

 

[اسيرة فكري]

انتى مدام تعرفي نمطه المفروض ماتلحي عليه العيال الي يبونه هم يطلبونه ولما يعصب تركيه يولي ياكل نفسه وانتى عيشي مبسوطه مع عيالك واذا طردك عاقبيه بالطناش وقطعي عنه الدلال كم يوم وشوي شوي بيقل الطراد لكن مستحيل ينقطع انا عايشه مع شوشو سنين يطردني الحين بالسنه على الاقل 12 مره واعتبر نفسي منتصره لانه كان يطردني اكثر من كذا والرد انا لما تبي تطردني عطنى ورقتي عشان اذا طلعت ماحب ارجع وبالفعل عندي عزم اني لو طلعت ماراح ارجع

 

[سهم العشق]

لا حول ولا قوة الا بالله 000 ​

 

[مشتاااقه]

الشمالي الشرقي على حسب تصنيفااااتكم
يعني لاتدقين وتلحين علييييييييه كثير دقيتي مره
وطول رسلتي رسااااله وخلاص خلييييييييه متى ماهو حاب يدق او يجي على راحته
عشان تتجنبي المشااكل معه وان كان في سبب رجعتك للبيت قووووي اولادك بينااامو و مارد
خبريه برسااااله سبب في رجوعك للبيت او اتصاااااااالك

وعشاااااان مايطردك من البت ابتعدي عن مجااااااادلته خلي بتكلم لمن يتعب
وانت في هذا الوقت استغفري اذكري رربك بس لاتردي عليه ولا بينهااااااال عليك من السب والشتااايم

وذا شفتيه مروق عطيه اسبااابك المقنعه لازم تجبين له شي يقنعه شي يقحمه ويسكته
بس بسلوووب وصوووت انووووثه وفيه شوية زعل ودلع

خليه هذا اسلوبك مع الشماالي طتنيييييييييييش لاتردي عليه بس اشلي نفسك بالاستغفارر
هو بيتراجع طبعا مارح يوضح لك بس انتي افهميها وعديهاا له


وسبب طرده لك من البت لانه عاااااااااااارف وباام بالعشر انك ماراح تطلعين
وذا مو حابه تطلعين وتأدبينه على كلامه
تجنبي المشاكل معه
وان شاء الله يسخره لك​

 

[بـكـرا أحلــى]

صح كلامهم اذا طردك روحي ولاتاخذي اولادك لانه مايربيه الا هالحركه
ربيه وخوفيه انك انتي تتركينه خليه يمسك لسانه
لان الرجال مايربطه الا لسانه

 

[دنيــا]

اخخختي اذا مره طردك قومي لمي اغراضك وقولي ودني يلا لااهلي ولا تاخذين ولا بزر خليه ياكل تبن ويعرف ان الكلمه مو لعبه الله يسسعدكم ويوفقكم دعواتك ليااا

 

[توتونجد]

الله يهديك انتي بعد اثقلي شوي قالك تعبان يعني مستحيل اوديهم حبيبتي شكل زوجك يحب المره الثقيله اللي تخليه براحته متى كا يرضى يرضى
لا تحاولي تكلميه بفتره زعله خليه براحته
طنشيه واذا قالك بيت اهلك لا تبينيله انك متضايقه خليك عااااادي

 

[حبيبةحمودي]

شوفي حبيبتي انا مااعرف نمط زوجي لكــــــــــن

من خلال فترة زواجنا اللي عرفته منه ومن اخوي

انه الرجال مايحب كثرة او تكرار الاتصال

مره وحده وبسسسسسسسسسسسسسسس انا كذا

ومتفقين ان كان عنده احد يحط مشغول

انتي خليكي احسن منه ان عصب لاتردي ولاتروحي تتفاهمي معاااااااااااااااه خليه يرووق وبعدها افتحي الموضوع

حطيله اعذاااااااااااااار وان رفض اسكتي لاتناقشينه لانه مرده يفكر ويرجع بقراره ويوافق

اتوقع زوجك كان متضايق من شي وماهو رايق انه يكلمك

 

[saniaend]

حبيبتي كان اتصلتي مرة واحده بس الشمالي لا يحب الإلحاح واذا قالك تعبان قولي له براحتك حبيبي انت ارتاح واذا عقب حبيت تطلعنا اتصل علي وكدا تكوني حطيتي الكرة بملعبه وهذا اليجنن الشمالي لانه هو اللي راح يصر يطلعكم لانك قلتيله ارتاح وعقب لو تحب تطلعنا يعني صار قراره.
بالنسبة لموضوع الطرد هذا لا يجوز والشمالي لا يطردك ويهينك الا اذا حس انك تنجرحين وتتعبين من اهاناته الافضل انك تتركيه يصرخ ويشتم ولا تردي عليه وتتحكمي بملامح وجهك ولا تكوني عابسه ومكشرة ولا تكوني عاد مبتسمه خليك بلا اظهار للاحاسيس بوجهك ابداً وانظري الي عينيه بهدوء لا ضعف وقولي فقط بداخلك اللهم اجعل غضب زوجي وشدته وقوته برداً وسلاماً كما جعلت النار برداً وسلاماً علي سيدنا ابراهيم وواصلي الاستغفار بدون ما يحس وعندما يخلص موال الشتائم اتركي له المكان اللهو موجود فيه وابداي التطنيش بثقل وانوثه وحياتك تستمر عادي وتنسي وجوده مع فعل كل واجباتك.
اذا أصر علي موضوع الطرد بعد كل هذه الخطه عندها عاد لازم توقفينه بانه تقولي له علي عيني وراسي البس وخدني بيت اهلي الحين بس ما تشددي علي موقفك و تقعدين تلحييييين لا لا قولي لي هذا الكلام فقط بثقه وثبات واتركيه وروحي غرفتك وواصلي الدعاء والاستغفار وهو عندها سيصاب بالذهول ولن يلحقك ولن يقول لكي روحي اعتقد انه هو راح يدعي الله انك ما تطلعين وتتركيه ويمكن يلحقك يعتذر منك ههههه كبيرة علي ش ش
الشمالي الشرقي يفلح فقط في الصراخ والصوت العالي والتحطيم والعناد والتهديد بس ساعة الجد كله فقط كلام كلام لا تخافين وتسلحي بالدعاء
دمتي بخير وطمنينا عليج**

 

[جوري الشمالي]

ان مع الاخت مشتااااااااقه

 

[رندا كووول]

لاتخرجي من بيتك
اذا طردك ف ساعة غضب اخرجي من الغرفه وروحي غرفه ثانيه او كملي شغلك...
الخروج من البيت سهل ولكن الرجوع صعب..
والشمالي اذا عصب يقول كلام مايقصده لاتردي عليه ولا تناقشيه اتركيه الى مايهدأ..
اقرأي نمط الشمالي لتفهميه ....موفقه

 

[بنوتة بلادي]

و أخيييييييييييرا وحده قالت لا تطلعين....

مثل ما قالت دانه الخروج سهل مثل شربة الماي... بس تعالي على الرجوع... تطلع روحج ليما ترجعين بيتج...

 

[خوووخاا]

هذا ماعنده ماعند جدتي انا متأكدة انك لو تطلعين يجيبك من اليوم الثاني ولانه تعود اذا طردك ماتطلعين من البيت فصار اذا يبغاك تخافين يقولها وبقولك شي الشمالي الشرقي مايحب الاتصالات الكثيرة واذا بغيتي تتطمنبن عليه ارسلي مسج والله يعينك

 

[حلااميرة الزوق]

لاتخرجي من بيتك
اذا طردك ف ساعة غضب اخرجي من الغرفه وروحي غرفه ثانيه او كملي شغلك...
الخروج من البيت سهل ولكن الرجوع صعب..
والشمالي اذا عصب يقول كلام مايقصده لاتردي عليه ولا تناقشيه اتركيه الى مايهدأ..
اقرأي نمط الشمالي لتفهميه ....موفقه

عين العقل وطنشى واثقلى

 

[جرح الهوى]

الف شكر لكم خواتي


حبيت اوضح لكم خواتي العزيزات انه تكرر اتصالي له وهو مايرد علي فنشغلت عليه وصرت
ادق عليه اكثرمن مرهـ ........وبعدين المسجات اللي ارسلها مايقراها ابد ....

فكيف ادق عليه ولا اتصل عليه لما ابي اكون برا وابيه يجيني .....وازيدكم بنات بعصبيبته دووم يكرر
لوظروفه تسمح له كان فتح بيت ثاني وانه مايبيني ....زوجه بس ام لعياله ووجودي مكمل مثل الديكور
والاثاث بالشقه مو له ....<< امانه منويتحمل هالمعامله


الف شكر لكم مره ثانيه


وربي يسخر لنا ازواجنا ويهدينا ويهديهم