دورو لي حل

سجينه الامل

سجينه الامل

New member
إنضم
2009/03/29
المشاركات
73
مساء الخير خواتي انا من مدمني هالمنتدى ويوميا امر عليه رغم مشاركتي القليله لكن اللي دعاني للكتابه ضيقي وابي منكن المشوره مااطول عليكم
زوجي سافر للصين والسفره السنويه له عاده كل سنه في بلد وانا بالصراحه مليت عياله كبروا ويبون احد يسفرهم الوناسه مهي له لحاله
بنات تعبت وربي من الموال السنوي دايم مسافر لوحده مايهمه الانفسه واذا تناقشت واياه زعل وين الثقه انا مااجادل عند الثقه ان لي حق انا وعيالي
متزوجه لي اكثر من 14 سنه وكل سنه اقول هاذي اخر سنه لكن اشوف المده طولت
وانا صبري فاض هالحين انا جالسه عندي اهلي لحد مايرجع لان عيالي يحبون خوالهم كثير
وينبسطون عندهم
وامي وابوي يعاملوني بدلال انا وعيالي لكن ان استحي منهم عيالي خمسه لازم مصروف كثير لهم
لانه طلعات ومهرجانات لازم اصرف من عندي لاني استحي من ابوي
ومرت اخوي ساكنه في شقه معنا واحس تضايقني نفسيتي ضايقه مره واهلي حرصين علي مره مايبوني اتضايق ودايما لاتزعلين تكلمي لاتسكتين لاتفكرين رجاء ساعدوني احس اني على حافه الانهيار
 
يابعد قلبي وسعي صدرك
اتفاهمي معاه على حل وسط يرضيكم يعني مثلا اذا اجازته السنويه 30 يوم يقسمها بالنص انتوا15 يوم وهو له 15 اتوقع ان هذا حل وسط يرضيكم
والا انتى شرايك
وع فكرة اذا شافك مصرة بيوافق
 
الله يكون بعونك
سلطي عليه عياله وانت معهم وكثر الدق يفك اللحام
 
14 سنة وتوج زعلاااانة
الله اكبر
يعني انتي متعودة وراضية من زماااان
وهو فهم هذا الشيء ان ماعندج مشكلة
انا لو مكانج
اولا بنوي نية التغير والتدرج في التغير
في سفرته هذي لا تغثينه او تلومينه لانه هو عارف هالشيء
اذا رجع من سفرته بستقبله ولا احلىىىى استقبااال
وقبل لا يرجع طبقي هذي الخطه

عندي خطه حلوووة وشفتها في مسلسل تركي
اكتبي مسج لربيعتج مثلا( مساء الورد حبيبتي وحشتيني حياااج نلتقي في المارينا او في مكان الصالون)
وهذا رسالة غير مباشرة له انج عايشة حياااتج
وعقب فترة طرشي مسج لربيعتج وفيها( ههههههههههههههههههههههههه والله ضحكت من قلبي
فديتج )
وعقب فترة طرشي مسج ( والله ريلي هب موجود مسافر وانا لحالي والله احس بالحزن مدري شو اسؤي)
وطرشي لريلج طبعا بالغلط*_^
انقليله شعورج بطريقة غير مبااشرة
اذا رجع ورتااح
حاولي تتعمدين ترمسين ربيعتج كالتالي ( هلاااا شيخه اخبارررج
والله
قولي والله
سافرتي وين
والله مالقط الاسم
والللللله
اللله اللله اكيد تيب العافيه
لا والله ما سافرت ريلي بروحه سافر وانا ما سافرت ياا حظج

وبعد فيه افكار غيرها
مثلا اشتري شنطة سفر حلوة وكشخه
اختاري اماكن تحبين تسافرين لها وحطي صورها على الباب او في الحمام
اكتبي اسم دولة تحبين تسافرين لها في البلوتوث

والله يوفقج ويرد الله ريلج سالمن غانم
 
ربي يكون بعونك لاكن الحمدلله ان اهلك طيبين ويعاملونك معامله كذا
ربي يخليهم لك

بس لازم تتكلمي معه ..المفروض يبطل سفر مع اصحابه

ربي يكون بعونك
في حفظ الله
سبحان الله وبحمده سبحان الله العظيم عدد كل شئ
 
broker قال:
يابعد قلبي وسعي صدرك
اتفاهمي معاه على حل وسط يرضيكم يعني مثلا اذا اجازته السنويه 30 يوم يقسمها بالنص انتوا15 يوم وهو له 15 اتوقع ان هذا حل وسط يرضيكم
والا انتى شرايك
وع فكرة اذا شافك مصرة بيوافق
أنقر للتوسيع...

مشكورره حبيبتي على مرورك وكم مره اطلب منه نصف الاجازه لكن لاحياه لمن تنادي الله يعين بس
 
قلبها الماسي قال:
14 سنة وتوج زعلاااانة
الله اكبر
يعني انتي متعودة وراضية من زماااان
وهو فهم هذا الشيء ان ماعندج مشكلة
انا لو مكانج
اولا بنوي نية التغير والتدرج في التغير
في سفرته هذي لا تغثينه او تلومينه لانه هو عارف هالشيء
اذا رجع من سفرته بستقبله ولا احلىىىى استقبااال
وقبل لا يرجع طبقي هذي الخطه

عندي خطه حلوووة وشفتها في مسلسل تركي
اكتبي مسج لربيعتج مثلا( مساء الورد حبيبتي وحشتيني حياااج نلتقي في المارينا او في مكان الصالون)
وهذا رسالة غير مباشرة له انج عايشة حياااتج
وعقب فترة طرشي مسج لربيعتج وفيها( ههههههههههههههههههههههههه والله ضحكت من قلبي
فديتج )
وعقب فترة طرشي مسج ( والله ريلي هب موجود مسافر وانا لحالي والله احس بالحزن مدري شو اسؤي)
وطرشي لريلج طبعا بالغلط*_^
انقليله شعورج بطريقة غير مبااشرة
اذا رجع ورتااح
حاولي تتعمدين ترمسين ربيعتج كالتالي ( هلاااا شيخه اخبارررج
والله
قولي والله
سافرتي وين
والله مالقط الاسم
والللللله
اللله اللله اكيد تيب العافيه
لا والله ما سافرت ريلي بروحه سافر وانا ما سافرت ياا حظج

وبعد فيه افكار غيرها
مثلا اشتري شنطة سفر حلوة وكشخه
اختاري اماكن تحبين تسافرين لها وحطي صورها على الباب او في الحمام
اكتبي اسم دولة تحبين تسافرين لها في البلوتوث

والله يوفقج ويرد الله ريلج سالمن غانم
أنقر للتوسيع...

مشكوره افكار حلوه واااايد والله ماكنت راضيه عن سفره دايم ازعل واحيانا اسايره لكن مامنه فايده مليت منه وصبري له حدود لكن اللي قاصم ظهري عيالي وابطبق افكارك ان شاء الله
 
إرتـــدآد قال:
ربي يكون بعونك لاكن الحمدلله ان اهلك طيبين ويعاملونك معامله كذا
ربي يخليهم لك

بس لازم تتكلمي معه ..المفروض يبطل سفر مع اصحابه

ربي يكون بعونك
في حفظ الله
سبحان الله وبحمده سبحان الله العظيم عدد كل شئ
أنقر للتوسيع...

مشكوررررررره اختي على مرورك
 
الامراة الشامخه قال:
بردي على قلبك واجلسي بيتك لانه اذا رحتي عند اهلك بينبسط بتكونون بامان بعدين العيال مسؤليه حتى لوجاملوك اهلك ماشاءالله خمسه مصيرهم يتكلمون لو تلميح والله يساعدك وهذا هو حال كثير من الرجال لامسؤليه حسبي الله ونعم الوكيل
أنقر للتوسيع...

صادقه والله حبيبتي العيال مسؤوليه ولله فكرت اجلس بيته لكن اهلي يرفضون وان بعيده عنهم ويقولون فرصه نشوفك
والله يكون بالعون
 
حبيبتى اذا لقيتى لك حل خبرينى
انا زوج يسافر اسبوعين ماصحابه ويرجع شهر ولا اشوفه الا نادرا وبعد شهر يرجع سافر وانا حاطه يدى على خدى انتضر تى السفره الجايه الا وين ؟
ماخلى ديره الا راح لهامع اصحابه
الله يعينك ويعينى
 
المشكلة يا حبيبتي من البداااااااية ..
لأنه تعود خلاص .. انا من الحين أقول لزوجي ما تسافر مكان الا رجلي على رجلك .. و اذا حاول يلف و يدور أقوله خلاص اذا وديتني بيت أهلي ما لي رجعة عندك انته اختار .. انته ماخذني عشان أكون زوجتك ولا عشان أجلس في بيت أهلي ؟! ..
بس انتي الوضع هذا معاج من زمان .. ما أدري شو اللي بينفع .. بس حلوة فكرة < قلبها الماسي > جربيها ..
و اذا ما مشى الحال معاه .. قوليله هذا حق من حقوقنا انا و عيالك .. و هو ما له أي حق يمنعج من الحصول على حقوقج
 
السلام عليكم ورحمة الله
شوفي كل مشكلة تحصل للشخص ، أصله من الذنوب ، قال الله تعالى ( وما أصابكم من مصيبة فبما كسبت أيديكم ويعفو عن كثير ) ، فإذا شفتي مشاكل أوتصرف ما أعجبك ، اعلمي أن هذا أكيد من الذنوب ،واسغفري رك وتوبي إليه ,انت حاسة بحرقة بقلبك من الذنب
وسترين أن كل شيء تغيير
الذنوب منها كبائر القلب مثل الحسد والحقد والكبر والعجب بالنفس وووووو
وكبائر الجوارح مثل : الكذب ، التسخط من قدر الله ، الغيبة ، النميمة ، السب والشتم ، كشف الوجه ولبس العباء الكتف ، وضع العطور على ثيابك قبل الخروج من المنزل،لبس البنطلون ،،،،،،،،وووووو
تعرفي على الذنوب بالقراءة عنها وتوبي منها ،والله والله والله سترين العجائب ، وسترين كل الذين حواليك يتغيرون في معاملتهم معك ، وأكثري بدعاء الهداية لزوجك فالله يحب دعوة العبد ، حتى أن الله ينشأ لك الحاجات حتى تدعيه وتستعيني به . (ادعوني أستجب لكم ،إن الذين يستكبرون عن عبادتي سيدخلون جهنم داخرين )
 
حبيبتي مالك غير ربك اللي خلقة وخلقة



ادعي بقلب مخلص



وانتي تعرفين عجايب الدعاء



والله وياكِ
 
اختي سجينة الأمل...والله اني حاسة فيك لكن لا تيأسين و كفايه السنين اللي راحت من عمرك ..

ولا تضيعين الايام الجاية عليك انتي من حقك تسافرين وتنبسطين مثله ...

وكوني قوية شوي وحطي حدود لسفرته ولا ترجعي له الا بشروط:...يسفرك كل سنة انتي وعيالك ويترك السفر مع

أصحابه أو على الأقل يخفف منها ....

والله يسخر لك زوجك يااارب ...
 
الله يعينك


ويساعدك

بالكلام الطيب تاخذين منه كل شيء


بس تحلي بالصبر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل