دورتي ماتنزل مثل اول علموني السبب الله يكرمكم

[خوخه أم تولاي]

السلام عليكم ورحمة الله وبركاته ​

مباركـ عليكم الشهر
مثل ماقلت لكم في العنوان دورتي من شهرين مو مثل قبل.......​

قبل ماتنزل بيومين والا 3 أيام يطلع بس شي خفيف مو بني وحاجه بسيطه يعني مو خيوط أصغر من الخيوط ومايل لونها للبياض ويطلع كمان معها طهاره بيضاء هذا اللي أستغربه أكثر شي يعني اليومين الأولات من الدوره يكون كذا و3 يوم والله طاهرهـ مافيني شي وبعدها تنزل الدورهـ هذا الشهر اللي راح وأنا وربي محتارهـ مدري وش السبب لإني اللحين أصلي وهالشهر كذا بعد من يومين وأنا ذبحتني آلامها ونزل معاي نقطة دم صغيرهـ مررررهـ واليوم ماشفت شي وأنا ماكانت دورتي كذا كانت إذا جت تجي مرهـ وحدهـ ​

إعذروني على هالأسلوب لاني والله مو عارفه ش أقول وآسفه على هالألفاظ .....​

 

[ياربي ارحمني]

حللي تحليل منزلي .. يمكن حامل​

 

[سبحان الله ..]

يمكن حمل !!

وإذا مو حمل روحي اول يوم دوره ممرخه تمرخك

ماتشوفين شر ياقلبي

 

[هيدروجين]

ان شاءء الله ياااااااااااااارب حااااااااااااااااااااااامل
لاني في البكر نزلت علي يوم وبعدين حللت وطلعت حاااامل
الفال لج

 

[،طيف الود،]

اتوقع ان شاء الله انك حامل واذ كان مو حمل اكشفي
على مبايضك اوشوفي الهرمون عندك مرتفع واكشفي بعد
عن الغده والله يطمنك ان شاءالله

 

[اجمل مافي الكون]

يمكن عندك لخبطة بالهرمونات او تكيس مبايض روحي اكشفي عليها
والله يسهل علي وعليك

 

[ام فيصل و دانه]

اتوقع ان هرمون الحليب مرتفع عندك هو اللي يسوي بالدوره كذا

او سوي تحليل دم ممكن حامل ان شاء الله مو تنسين تبشرينا

 

[فررررح]

انا الدورة كذا عندي الشهر هذا كذا دورتي خفيفة بس سلوك دم
وكانة بياض معة بعد

والشهر اللي فات مرخت عند ممرخة والشهر هذا سويت اكواب هواء ولا طلع شي واخر تحليل لي لهرمون الحليب نسبتة 8
واكل لهوم من الممرخة ​

 

[خوخه أم تولاي]

لا ماأتوقع حمل يابنات لان الشهرين اللي طافوا بعد كذا كانت دورتي قبل شهرين زينه مره مدري وش غيرها الله يستر بس

وبطني من تحت السرهـ يصير فيه ضربات قويه زي الكهربه الله يستر من هالأعراض الغربيه ​

 

[خوخه أم تولاي]

لاإله إلا الله محمد رسول الله

 

[الجواااان]

ان شاء الله ياارب حامل ...وانا سمعت ياخوخه ان الدوره اذا تلخبطت على الوحده باذن الله انها بتحمل والله يفرح قلوبنا يااارب

 

[ورود جورية]

خوخه حبيبتي والله حالي مثل حالك

لي سنه من بعد الاجهاض وانا دورتي كذا

اقل شي تجلس يومين خيوط من الدم مع افرازات بيضاء عاديه
وبعدها بيوم كم نقطه وبعده تزيد نقطه وبعد هالموال تنزل

وانا الحين مدري وش وضعي تعبت من هالدوره الي تنقط في البدايه عدة ايام بعيدن تنزل

تأكدي من الهرمونات

 

[خوخه أم تولاي]

الجوان لا موحمل لانه قصت ظهري من الوجع ونزلت اليوم والله يفرح قلوبنا جميعاً
ورود الله يرحم الحال بس مشتاقه لك يالدوبا ​

 

[خوخه أم تولاي]

فوق...............

 

[ربي ارزقني]

هلا خيتي خوخه اخبارك وربي واحشتني شوفي حبيبتي جربي عشبة المدينه والزنجبيل وان شاء الله تسلك

 

[خوخه أم تولاي]

ربي ارزقني وين أيامكـ وانا والله مشتاقه لك ........
استعملت عشبة المدينه لكن التغير بسيط مو مثل مايقولون عن العشبه

 

[خوخه أم تولاي]

رمضان كريم

 

[رائحة العود]

كم عمرك

 

[ورود جورية]

والله وانا مشااقه لك ياعثل ماصرنا مثل اول الله يرحم ايام الهبال والسهر
ورمضان كريم وكل عام وانتي بخير

يارب اخر دوره نشوفها وماتجي الا بعد 9شهور

 

[(طبعي أنا غير)]

ربي يرزق كل محروم ومحرومة يآرب ..
وكل من يتنمى ريحتهم يااارب