دورة اسس اختيار شريك العمر

[رنين الصدى]

بعد سنتين واكترمن تصفحي لهالمنتدى الرائع


شفت العجب العجاب بمشاكل الزوجات مع ازواجهن وخاصة بقسم الزوج والزواج والاستشارات الزوجية



ومعظم هالمشاكل بتكون: خيانة-ضرب –سب واهانات- كذب دائم-اهمال-بخل – شذوذ الخ ...






طبعا البلقيسيات ما بيقصرو بقسم الاستشارات والزوج والزواج


وكمان المشرفات الغاليات والاستشاريات الله يجزيهن كل خير






بس اذا تاملنا شوي باللي عم يصير


رح نلاقيه مصداقا لقول النبي عليه الصلاة والسلام


(اذا جاءكم من ترضون دينه و خلقه فزوجوه


الا تفعلوا


تكن فتنة في الارض و فساد كبير)


صدقت يا حبيبي يا رسول الله


وهيدا اللي صار :



فتنة كبيرة في الحياة الزوجية وتفكك العائلة المسلمة ودخول ابليس من الباب العريض على بيوتنا

بعد ان تراخينا و تساهلنا في اختيار نصفنا الاخر اللي رح نكمل معو بقية حياتنا




منشان هيك



ولاني بخاف على بيوتنا وعلى بناتنا من شبح الطلاق والعذابات النفسية



عملت هالموضوع الكن انتو:

لكل صبية بعمر الزواج

عم تحلم بفارس احلامها










لكل مخطوبة

و مكتوب كتابها

عم تشوف خطيبها بعين الرومنسية فقط لا غير











لكل مطلقة

حابة تتزوج مرة تانية وتبتدي حياة جديدة


وتتعلم من اغلاط الزواج الاول












لكل زوجة و ام عندها بنات

مسؤولة عنهن وعن توعيتهن قدام رب العالمين




رح كون معك باذن الله خطوة بخطوة حتى ساعدك تختاري الزوج الصالح اللي بيستاهل فعلا يكون زوجك وابو ولادك


اختكم

​

 

[رنين الصدى]

انما الاعمال بالنيات وانما لكل امرئ ما نوى
اللهم طهر قلبي من النفاق وعملي من الرياء واجعل كل ما كتبته
و اكتبه, خالصا لوجهك الكريم , و نافعا لامة نبيك محمد عليه الصلاة والسلام

 

[نعم ولكن]

واصلي فنحن نتابع
وان شاء الله نستفيد
​

 

[الوحيدة1]

جزاك الله خير
احسنتي كلام رائع متابعين

 

[$دمعه غلا$]

ماشاءالله عليك اختي موضوع رائع ويهم الجميع واصلي معك وجعل عملك خالص لوجهه الكريم

 

[**بنوووته**]

تابعي اختي
الله يجزاك الجنه موضوع كنت ابحث عنه ونفسي فيه​

 

[رنين الصدى]

حتى نفهم االمعايير الصحيحة لاختيار شريك العمر
لازم نتامل ونتدبر

بكلام خير البشرية ومعلمنا وقدوتنا حبيبنا محمد عليه الصلاة
والسلام:
التدين هو الشرط اللي حطو حبيبنا لحسن اختيار الزوجة المسلمة
(.....فاظفر بذات الدين تربت يداك)

بينما في اختيار الزوج ,

زاد على شرط التدين شرط تاني هو

حسن الخلق(.... دينه و خلقه )

ليش؟

حتى نعرف ليش , لازم نفهم انو الرجل مختلف عن المراة:

1- المراة عندها فيزيولوجيتها الخاصة من تغير هورموناتها من بداية مرحلة البلوغ والى ما بعد سن اليأس
وتبعا لهالتغيرات بتتغير نفسيتها و مزاجها وبالتالي بتتاثر سلوكياتها مع زوجها واولادها والمحيطين فيها :

كلنا منعرف اديش بيزيد التعصيب قبل وقت الدورة الشهرية باسبوع تقريبا ,
واثناء الحمل في اشهرو الاولى (الوحام) ممكن تتصرف الزوجة تصرفات غريبة او تنفر من زوجها

حتى بعد الولادة ممكن تصاب بحالة اكتئاب ما بعد الولادة واللي

ممكن ببعض الحالات يتطور ويسحب معها لسنتين واكتر



2-من جهة تانية المراة كائن انفعالي عاطفي حساس و رقيق

ادنى كلمة بتجرحها , وابسط لفتة بتطيبلها خاطرها

وهي الين في الاستجابة
اسرع تاثرا بالخطاب الديني اذا لامس اوتار العاطفة عندها

, دغري بتلاقي دمعتها نزلت (ممكن كتير نسوان يكونو عكس ما

ذكرت وهودي بيكونو شواذ والشواذ لا يلغي القاعدة)


فاذن:


هالكائن الحي العاطفي والمتذبذب في الانفعالات وتغير المزاج مارح يكون على نفس الوتيرة في السلوكيات مع زوجها ومع محيطها
منشان هيك كان الشرط الاساسي لاختيار الزوجة
ان تكون صاحبةدين تخاف الله عز و جل
حتى لما تغلط بحق زوجها بيخوفها بالله

و بيذكرها بحقوقه عليها كزوج
(انما هو جنتك و نارك)
(ان الله لاينظر الى امراة لا تشكر لزوجها و هي لا تستغني عنه)

, ولما تقصر مع اولادها بيذكرها بالحديث الشريف
(كلكم راع وكلكم مسؤول عن رعيته)

رح ترتدع وتراجع نفسها لانها بالاساس صاحبة دين ترجورحمة الله وتخشى عقابه

( وما كان لمؤمن ولا مؤمنة اذا قضى
الله و رسوله امرا ان يكون لهم الخيرة من امرهم )الاية.

وهي بطبيعتها ما رح كتير تكابر ونسبة الكبر عندها اخف بكتير
من الرجل لانو

الرجل اللي تربى من زغرو بمجتمع ذكوري
تعود انو دائما يكون على حق وبالتالي بيرفض النصح خاصة
من العنصر اللي بيعتبرو ادنى منو مستوى :المراة

وبيصر على الغلط مكابرة حتى لو كان عارف انو غلط



ولذلك:

كان شرط الخلق شرط تاني فوق شرط الدين للرجل , لانو
لو فرضنا انو الزوج سئ الخلق وحبت مرتو توجهو وتنصحو
للتغير او حتى لمحتلو بضرورة التغيير , رح تاخدو العزة بالاثم
ورح يزيد عنادا واستكبارا على الحق.​

 

[رنين الصدى]

وعين المحب عن كل عيب كليلة
ولكن عين السخط تبدي المساويا


لما بيكون الزوج عاصي و سئ الخلق وبتتقبلو مرتو ,وبتحبو حب اعمى بسيئاتو و حسناتو

بتصير بدافع الحب وعاطفتها القوية تشوف اللي عم يعملو هوالصح او اضعف الايمان تلتمسلو العذر
و ممكن يكذب
وتصادقلو على كذبو قدام الناس بحجة انو زوجها ولازم تدعمو
بكل الاحوال

وبالتالي بيموت فيها حس انكار المنكر وبتشاركو بالاثم
(المرءعلى دين خليله فلينظر احدكم من يخالل)
(الاخلاء يومئذ بعضهم لبعض عدو الا المتقين)الاية


الدين ما بينفصل عن الخلق (خيركم خيركم لاهله)
فالتدين وحسن الخلق هم وجهان لعملة واحدة هي المؤمن

والانسان الملتزم دينيا واللي بتشوفي منو سوء خلق هون اعرفي

انو تدينو والتزامو غير كامل وما وصل للجوهر المطلوب



المتدين هو الانسان اللي بيقتدي بالنبي عليه الصلاة والسلام
(لقد كان لكم في رسول الله اسوة حسنة لمن كان يرجو الله
واليوم الاخر و ذكر الله كثيرا ) الاية
(من اطاع الرسول فقد اطاع الله)الاية
,ونبينا عليه الصلاة والسلام اكد علينا بضرورة تهذيب النفس للوصول الى حسن الخلق:
( لاتغضب)

(ليس الشديد بالصرعة انما الشديد الذي يملك نفسه عندالغضب)


(خيركم خيركم لاهله )

(المؤمن لا يكذب)
(الابتسامة في وجه اخيك صدقة)
(....و خيرهما الذي يبدأ بالسلام)

قال ابن القيم رحمة الله علية :
( من زاد عليك في الخلق زاد عليك في الدين)



لما بيكون الزوج متدين و خلوق , رح يحتوي مرتو بمختلف
احوالها و تغيراتها المزاجية , و رح يتقبل كل شي بيجيه منها
بصدر رحب ويعالج امور بيتو ومشاكلو بحكمة ورح يفكر
مليون مرة قبل قرار االطلاق


حاليا اذا الزوج عصب من مرتو بتلاقي كلمة الطلاق عا راس لسانو وبيطلقها مية مرة بعد التلات طلقات وكل مرة بيركض على المشايخ :
افتوني في طلاق زوجتي كنت غاضبا يا شيخ
ليش في رجال بيطلق مرتو و هو مبسوط؟؟؟؟
والمشايخ بيفتولو عا حسب كلامو , انو الطلاق ما وقع لانو كان
غضبان وبالتالي رح بيعيشو سوى في زنا دائم

للعلم , طلاق الغضبان الذي لا يقع هو فقط في حالة غضب
الاغلاق :
غضب شديد لدرجة يغلق على الانسان كل مدارك
التفكير وبيخرج عن طورو 360 درجة ولما بيروق وبيذكروه
بالكلام اللي قالو ما بيتذكر منو شي ابدا .





فاذن




الأسرة المبنية على الأسس الصحيحة لن يحدث فيها العنف ،


ولن نلمح فيها شبح الخيانة



لأن الزوج المتدين والخلوق لن تمتد يده لزوجته وأبنائه ،


ولن يطلق بصره فيما حرم الله ,



وتلك الزوجة التي أُختيرت على أساس دينها سيمنعها صلاحها


من الوقوع في مستنقع الاكثار من اللعن وكفر العشير

تابعوني
اختكم

​

 

[رنين الصدى]

اللهم امنا في بيوتنا واوطاننا وارفع مقتك و غضبك عنا و توفنا
وانت راض عنا

ربنا هب لنا من ازواجنا و ذرياتنا قرة اعين واجعلنا للمتقين اماما
رب اوزعني ان اشكر نعمتك التي انعمت عليي وعلى والدي وان
اعمل صالحا ترضاه واصلح لي في ذريتي اني تبت اليك واني
من المسلمين ​

 

[رحـى]

ماشاءالله,,
إبداع,,
متــــــــــــــابعتك بكل الود,,

 

[رنين الصدى]

دمعة غلا
نورتي موضوعي يا قلبي و بانتظار مشاركتك في النقاط القادمة

رحى
الابداع هو بفضل الله
دايما بقول لحالي:مش انا اللي عم اكتب انت يا ربي اللي بتلهمني اللهم استعملني فيما ينفع عبادك و يرضيك عني

شكرا لمرورك العطر

 

[رنين الصدى]

نعم و لكن
الوحيدة1
بنوووتة

باذن الله تعالى رح تكون هالدورة غنية ودسمة وما رح اترك فيها زيادة لمستزيد

ورح اعمل جهدي حط فيها ان شاء الله كل خبراتي اللي حصلت عليها من المحاضرات والدورات التدريبية اللي تابعتها قبل زواجي ,

بالاضافة الى الامثلة الواقعية لنساء بعرفهن شخصيا في سياق نقاشنا لنتائج معاييرهن الشخصية في اختيار شريك العمر

تابعوني فالقادم اجمل واغنى باذن الله

 

[نســـرين]

ماشاءالله كلامك قمه بالروعه والابداااع
سلمت اناملك
لاعدمناااااك​

 

[$دمعه غلا$]

ماشاءالله طرح رائع ومبدع مثبت بالادله والبراهين المقنعه صدقتى اختى الغاليه لو لتبعنا هدي الرسول في الا ختيار لما كان هناك مشاكل فالاسلام لم يترك لنا كبيره او صغيره ولا شارده ولا وارده الا اخبرنا عنها
جزاك الله كل خير ونفع بك وجعل ماكتبتي في ميزان حسناتك
واصلي في انتظار الباقي ممتع

 

[وردة الحنون]

ابدعتِ وفقك المولى
موضوع مميز يستاهل التثيت والتميز
سلمت اناملك ووفقك الله لكل خير

 

[هذا رأيي]

السلام عليكم

رائع ماخطته يداك...

وصدقت..لو اتبعنا منهج نبينا في كل أمورنا لفلحنا وسعدنا

تابعي فهناك من يلتقط الدر ليصنع منه عقداً جميلاً

لك كل الود من أختك...

 

[$دمعه غلا$]

طبعا الوقايه خير من العلاج ودرهم وقايه خير من قنطار علاج ولو التزمنا بحسن الا ختيار لاختصرنا الطريق الي حياه سعيده خاليه من المشاكل ولم نري من مانراه اليوم ونسمع به من خيانه وطلاق وكثير من المشاكل

 

[lavie]

ماشاءالله كلامك قمه بالروعه

 

[الحسماء]

السلام عليكم ورحمة الله

موضوع في غاية الروووووعة حبيبتي ربي يجعل كل كلمة ونصيحة ومعلومة كتبتيها في موازين حسناتك ان شاء الله

صراحة أنا في حاجة ماسة لهذا الموضوع لأني بحاجة لمعرفة أسس اختيار شريك الحياة ومحتاجة للمعلومات في هذا الصدد لذلــــــــــــــــــك تقبلي شكري وتقديري لك

متابعة لك

سلمت يمينك

 

[سلسبيل 6]

جزاك الله كل خيرا و انا معاك لتكملة الموضوع