دوام وأطفال وشغل البيت ...متى الاقي وقت للدلع؟؟؟

[حبيبة اخوانها]

واللي ظروفها المادية صعبة ومحتاجة للوظيفة ايش تسوي؟؟؟
ترى انا نفس حالة الاخت....ولا تقولولي شغالة صعب علي ومالي احد بهاذي البلد ارجو اعطائي حل جديد...

 

[الحور العين - 1]

انا حالتي نفس حالتك

اقوم الصبح أودي بنتي عند أمي واروح للدوام وارجع آخذها واوديها البيت وابتدي بأشغال البيت

من تنظيف بس..

لأن الغسيل مخصصة له يومين إلى 3 أيام في الاسبوع (مثلا: الأحد - الثلاثاء - الجمعة أو الخميس عى حسب)

وتنظيف البيت كله ( بوم الأثنين والجمعة)

وانا بعد ما عندي شغالة

بس اعتمد جدول انظم فيه امور البيت

وايام الاجازة اكوووون مجهزة كل شي قبل فترة كافية.

مثلا: إذا انا كنت حابه اني اسوي ليلة عشا رومانسية ، اشتري زينة الحجرة قبلها باسبوعين وأجهز العشا قبلها بليلة (لأن اكيد بيكون هالشي يوم الجمعة.. حيث أن السبت اجازة) ويوم الجمعة أحاول ام زوجي تطبخ الغدا فأنا في هالفترة اسوي العشا والحلا والعصرية اخلي زوجي يطلع اليهال وانا ابتدي ازين الحجرة وبعدين ابتدي اهتم في نفسي آخذ لي حمام طويييييييل واريح جسمي واتعدل والبس واجهز العشا حق زوجي ونقضي الليله في أحلى رومانسية)

هذي رايي أنا .. لأني أنا ما احب الخددم ولا اقدر استغنى عن وظيفتي...

اتمنى أني اكون افدتج

 

[مرسى المحبين]

انا مع الاخت صروح المحبة ، شغالة تشتغل كل اليوم و تكون عندك لا تجيبين ، خذي لك شغالة من دشيتي البيت تدخل معاكي و تشتغل 3 الى اربع ساعات تنظف و تغسل و تكوي و تطلع حتى زوجج ما يشوفها، و انتي تكوني على الاقل فضيتي حق عيالج تدرسينهم ساعة و بعد المغرب على طول تحميميهم و تعشيهم و تنيمينهم بكذا تكوني وفرتي شوية وقت لنفسك و زوجك ، الحين المشكلة الي عندج ان ما عندج احد يمسك عيالج مثلا انا اشتغل من الصبح الساعة 7:30 لين 5:30 بعدها يا آخذ بنتي و اروح البيت يا اخليها عند امي اروح اغسل ا لملابس و انظف حجرتي و استحم يكون صار المغرب اصلي و اطلع انا و زوجي و بنتي يعني العشا مرات بعد ما ارجع اطبخ شي على السريع بس يكون حلو و مرات نشتري من برا و ما دام انتي و زوجج تشتغلون دلعي نفسج شوي و و جيبي خادمة بالساعات ، واذا جبتي خدامة على طول وديها بيت اخت ريلج منها تساعدها في اهتمام بعيالج و منها راح تساعدها في بيتها و تنبسط منك ، بس لازم تراقبيها عدل لان ما وراهم الا المشاكل و الاذية و فضي عمرج شوي لزوجج ما يصير جيزي بعدين بتندمين

 

[ندى الكلام]

هاتي شغالة واذا شفتي نفسج ما تقدرين تخلين الاطفال عندها وتروحين للدوام شيليها مع الاطفال وخذيهم عند عمتهم بهالطريقة بترتاح عمتهم شوية وانتي بيكون ضميرج مرتاح..وفي نفس الوقت عمتهم يمكن ترتاح مع الشغالة وتمسك الاطفال وتخلي الشغالة تشتغل لها وتنظف

:icon30::icon30: انا معك في هالراي والله يساعدك ويوفقك

 

[الحلوه ميمي]

الله يرضى عليكم ويسعدكم
والله ردودكم واهتمامكم اسعدني ماتتخيلون قد ايش وفعلا فكرة الخادمه الي باليوم حلوه يعني على الاقل تشيل شغل البيت عني بدون ما تضايقني باقي الايام
ياعزيزاتي انا من شمال الرياض والله يسعده الي تقولي على حضانه اقدر احط بزراني فيها وطلب ثاني اذا سمحتوا ابي ارقام شغالات باليوم بس ياليت اذا تجي هي بنفسها مو انا الي اجيبها وارجعها
وشكرا مره ثانيه للجميع وماقصرتوا