eazy;(ممنوع كتابة أرقام الهواتف نهائياً) قال:
شمس ترا موضوع الفراش ممتاز عندنا واكتر من ممتاز وهو اساسا دايما بيمدح وبيوضح واحتو من دي الجهه يعني من زمان وانا بعمل كدا ومجننتو وانا ابدا ما اجلس في البيت شكلي مو حلو ودايما بلبس لبس حلو وانثوي وحتى وقت الزعل انا محافظة على شكلي وهو عادي يطلبني للفراش وانا بلبي ماعندي مانع اساسا فاصله الشي دا عن باقي مشاكلنا ودا الشي عاجبو جدا ولو قاتلين بعض النهار في الليل يطلبني والبي .. وبالنسبه للبيت والله اني اكلمو برواقه ودلع وغنج وبيقولي طيب وان شاء الله وخلاص بس لما يجي الوقت الفعلي اللي لازم يدور بيقولي مافي شقق ودورت وانا في الف شي في راسي وانا وانا وانا اعصب منو بعد ما يقولي انو حيدفع وماراح ننقل لكن في البدايه اكون رايقه وجدا كمان وبيقول ادري والبيت اهم شي والراحه وانا ملاحظك ايام الخطوبة كنتي طفله توزع الفرح في كل مكان وانبسط لما اكلمك بس دحين سايره العكس وادري انك مو مرتاحه بس وقت الجد بيقلب واقصد بثقيله عليه انو ما يحب يخرجني او ياخذني عند احد او نروح نقضي اشغالنا احسو يبغى يعودني ما اطلع ابدا غير في السنه حسنه وانو ما اطلبو شي ابدا لازم استنى متى هو يعطيني واشكرو عليها يعني حتى اكل من مطعم اشتهيه مصيبه لو طلبتو يحسسني انو مصيبه رغم انو يجيب مالذ وطاب من الاكل معلبات وخضار وفواكه يعبيها كانو حقت عيله كبيره مو نفرين ولو هو بغى يجبلي ايوا احيانا نمو من جنب المطعم ما اقدر اهرج واسكت .. وعلى سيرة ثقيله بحكيكي موقف مره جا معايا عند اهلي عشان عندهم مناسبه لازم يحضرها المهم على اساس نتمشى ونتذكر ايام قبل ونعيش زيها وجا اخذني من اهلي يعد المناسبه رحنا فندق اليوم ثاني على اساس نروح نتمشى وكنت جاهزه قلي خذي اغراضك انا لازم ارجع عندي دوام بكره الظهر وكلامو دا كلن ظهر قلي الطريق 12 ساعه يادوبك اوصل وانام خمس ساعات وتصحيني لدوام ما اعطوني اجازه قلت طيب ورحت وحطني عند اهلي وراح ووصل واتصلت اصحيه ما صحي كسرت جوالو ما صحي ويعد ثلاث ساعات مصورلي الكورنيش يقولي شوفي المنظر سحب على الدوام وخرج يتكشى مع اصحابو على الكورنيش واتعشى في مطعم ومره كمانا كنت اقولو عن مطعم احبو فتح في منطقتنا وبرضو كنت عند اهلي وقال ان شاء الله وسكت اليوم الثاني مصورلي انو هناك يتغدى وانا الى يومك دا ما وداني فهمتي دحين قصدي يبغى يفرض كل شي عليا فرض يبغاني على كيفو تماما ودا مزعلني يبغاني افكر زيو واتصرف زيو رغم انو يعشقني المصيبه العظمه انو الفتره الاخيره ماسكلي هرجة اتغيرتي انتي مو زي زمان وانا اسكت لاني بصراحخ انصدم
ركزي معايا -
كل الي قلتيه هنا على عيني وراسي
خلاص انسي كل شيء قبل وابدي من جديد - واحنا عيال اليوم
الي اطلبه منك الان شغلتين - تركزي عليها الين تخلصي اختبارت :
1/ تنامي عنده بالغرفة ثلاث مرات او اربع اسبوعيا - مش يوميا - ابغاه يصحى احيانا
مايحصلك نايمة - عارفة ليش ؟
لانه ممكن فجأ يقلب مزاجه ويتعصب ويشوتك بره لأي سبب ويشد معاكي في الصباح
فتقومي تتخانقي لانك تعودتي على النوم عنده - لذلك طلبتك تنامي 3 او اربع مرات فقط
2/ الشغلة الثانية ( اعملي ترمس الشاي واكتبي بخط يدك الجميل فوائده وخلي الورقة ظاهرة وواضحة ومايلة
على الترمس يعني وقفي الورقة وخليها ظاهرة جنب الترمس )
ولا تجيبي سيرة للشيء الي عملتيه - اذا سألك ردي بكلمتين ( صحتك تهمني حبيبي )
شرب - الله يحيـــــــــــــــــــــــــــــه - ماشرب ولا كاني شايفة ( اسويه مرتين ثلاثة وبس )
ولسان حالك يقول للي عملتيه عشانه : ( انما نطعمكم لوجه الله لانريد منكl جزاءا ولا شكورا )
