دلوني هل اللي أنا قلته صح أو خطا

بالنسبة لمدرسة ولدك لازم تخليين ولدك يكلم ابوه او تخلين المدرسة تكلمة عشان مصلحة ولدك
واكثري من الاستغفار و الدعاء لعيالك في اواخر الليل
والله يحفظلك عيالك ويقر عينينك بهم .............اللهم امين
 
حبيبتى اسال الله العظيم رب العرش العظيم ان يفرج همك حبيبتى اكثرى من الاستغفار وثقى انه ابتلاء فاكملى صبرك بصنيع المعروف وتذكرى دائما والكاظمين الغيظ والعافين عن الناس والله يحب المحسنين اصبرى وادعى كثيراااااااوالله قادر فى لحظه ان يفرج لك كربتك وعامليه بلطف وعامليه بود وحسن العشره وتذكرى له كل خير رايتيه منه واعلمى ان الدنيا دار ابتلاء فارضى واستغفرى وتعاملى معه بالحسنى واسعدى نفسك قدر المستطاع انتى واولادك ولا تجعليهم ينظرون الى والدهم على انه متهم ففى الاول والاخر هذا والدهم وعليهم بره حتى ولو ظلمهم وابشرى فان مع العسر يسرا ان مع العسر يسرا ااااااااااااااسفه على الاطاااااااااله​
 
اختي لقيت نفسي فيك
مشكوره وانتي صادقة أنا تأكدت من هذا الكلام 100% لأن تجربتي مع زوجي اكبر برهان والله يأخواتي إني كنت حريصة عليه وعلى ماله وصحته وسمعته كنت له سكرتيره وكهربائي وسباك وطباخ وبناء وكل المهن كنت مااخليه يجيب احد يصلح لنا شي في البيت الااذا كانت المشكلة كبيرة مااقدر عليها وفوق كل هذا ام لعيالة وبعد اساعده في حل مشاكل الناس اللي يهمونه يعني كنت له سوبر ومن بس في النهاية قال انا أبي وحده صغيرة تقوم بي في كبري يعني الحين قالوا لك انت ابو 25سنة انت شايب عمرك 70سنه وانا من سن بناتك يعني انا باعجز واهلك وانت توك على قيد الحياة ماشاء الله على الامل اللي عنده والله اني يااخواتي ماضحيت بجلوسي في البيت الاعشان عيالي اللي ابي اساعدهم لين يعتمدون على انفسهم وبعدين ماراح اجلس على ذمته لو يوم واحد عشان ارد كرامتي صح ادعوا لي تراني في حاجة دعواتكم
 
اختي شباصة الكترونية واختي يادليز
مشكورات يالغاليات على المرور ومن ناحية مدرسة ولدي المدير الله يكفيني شره يقول ماابي اكلم ابوه في التلفون
لازم يجيني هنا والاخ مطنش يقول عندي شغل مااقدر اجي
وبالنسبة للمعاملة الطيبة والله اني ضاغطة على اعصابي وماشاف مني في اليومين اللي جلسها عندي الاكل خير بس يقول المثل اذا اكرمت الكريم
الله لايريكم مكروه ويفرج لي ولكن
 
ربي يفرجها لك

شوفي اذا هذا الأسلوب نفع معاه..



لازم تكونين عند كلمتك.. والزمي سجادتك ومصحفك.. واكثري من الذكر والاستغفار وبتفرج يا غاليه..

وشوفي قصة رنومتي يمكن مشابهه لوضعك ولعلها تفيدك وتقوي من عزيمتك..
 
بنوته كيوووووته قال:
الزايديه اصبري حاسه فيك بس مدري وش اقولك
حملك ثقيل وماتطيقه امرأه!!!
الله مع الصابرين يا الزايديه
واذا احب الله عبدا ابتلاه اسأل الله العلي العظيم في هذه الساعه انه يفرجها عليك
واستعيني بالصبر والصلاه
معك قلب وقالب
اسأل الله رب العرش انه يجيب اليوم اللي تبشرينا فيه بعودة زوجك الى رشده والى احضانك
أنقر للتوسيع...
الله ياجرك ويعوض عليك فعيالك
 
الله يفرج همك ويفك كربتك ويسخرلك أبو عيالك

ويهدي عيالك ويسخرهم لك ..الزواج لايعني أنه لا يعدل

يجب عليه العدل ..

وأنتي عليك أن تمشي أمورك بماهو واقع الآن ..

أجتمعي مع أولادك وبدون تجريح لوالدهم أخبريهم

أنهم سندكم ومصدر فخرك وأطلبي منهم أن يعاهدوك على

الجد والإجتهاد والتضامن فيمابينهم .

وأنتي أتجهي لربك وأنتي ساجدة وألحي عليه أن يسخر لك

زوجك ..والله سبحانه كريم ولايرد عبده ولا أمته ..

تحري أوقات الإجابة بين الأذان والإقامة وفي جوف الليل

ها لا تنسي سهام الليل لا تخطيء .

وأخر ساعة من يوم الجمعة ..

كلمي إمام المسجد يكلم مدير المدرسة ويوضح له أن الأب غائب

وهو ينوب عنه لعل الله يكتب مافيه الخير للجميع ..

ولا تقنطي من رحمة ربك ..الله يطمن قلبك ويسخرلك خير عباده .
 
مشكورة اختي واثقة
الحمد لله لجوئي لله هو طوق النجاة اللي تمسكت فيه والاكان يمكن انا الان في مصحة عقلية لان مافيه احد عرفني وقال انك ماتستاهلين زوجك بل على العكس كان الكل يتسأل وشلون قدر يتزوجني لاني من عائلة واللي عرفني لازم يحبني لاني ولله الحمد اتمتع بشخصية تجذب الكل بس ماادري ليش هو سوى كذا وخرب علينا سعادتنا حتى هو كان يقول الكل يحسدوني عليك ويحسون اني حصلت عليك بكبر حظي
يعني بدل مااعيش اخر عمري انا وهو على الذكريات السعيدة حط هو اكس احمر على كل ذكرى حلوه عشتها معه صرت اتذكر ايامنا اول والمواقف اللي صارت وابكي من الالم
 



70 سنة !!!!

ما شاء الله ...

جملي حبيبتي معاه جمليها...

أعرف مو عشانه بس اورثيه مو غير هال.... ما دري شقول؟؟

<< بس خليج شاطرة واحسبيها بتفكير تجاري...

ما ينفع معهم غير كذا والله ولا همج طلعي وانبسطي وخذي مصروفج ولا حتى تفكري فيه وزعي وقتج بينج وبين عيالج ولا تخلي على قلبج صبغات وعناية بشرة وغيره حبيبتي وخليه عظهره ...

وعيالج طلعي معاهم وانبسطي ولا تخلي عليهم ولا عليج وعيشوا من الناحية المعنوية وكأن عيالج أيتام...

وحاولوا حل مشاكلكم وعيالج يتحملو شوي المسؤلية ويساعدوا بعض عشان يصيروا رياييل...

والله فيه نماذج نجاح كثيرة ومنهم زوجات عمي الله يرحمه وحده عندها 5 والثانية عندها 3 وربوهم أحسن تربية وما تزوجوا والحين شايلينهم الحمد لله واغلبهم ملتزم....

الله يوفقج ويجعل عيالج قرة عين لك ....

ويرد زوجك على عراقيبه غصب عنه وصدقيني الدنيا قلابة ولا فيه وحده صغيره اتزوج شايب إلا وله نهاية هو كتبها على نفسه الله يصبرج ويعينج ولا عليك منه مالت عليهم رياييل مراهقة متأخرة ....

ولا تقولين منك خطا او فيج عيب حبيبتي هذي بطر النعمة وكثييير والأغلب جذي ومنهم أبوي الله يهديه عنده اربع اخر وحده عمرها 20 وهو نهاية الستين !!!!!

لا وفرحان بعد الخطبة يقولي بكل وقاحة شبهج وطولج يا بنيتي!!!!

وأنا .. فشخت فمي هااااااااااااااااااااااه
<< والله حسسني ماني ببنته حشى عارضة ولا مذيعة !!!

ههههههههههههههههههه

عادي حبيبتي هذي بسبة النعمة اللي حطها ربي بيدينهم واستعملوها خطا ....

آسفة طولت عليج بس والله اني حاسة فيج ونفسي تعيشين حياتك ببسط...

الله يبسطك ويفرح قلبك بعيالك..
​
 
اخواتي زوجة حنون ورواق الخريف
اشكر لكم تفاعلكم صدقوني اني احس الحين ان كل وحده ردت علي كأني جالسة وانتم حوالي تمسحون بيديكم على رأسي وتربتون على كتفي وتشدون من ازري الله لايحرمني منكم ولا من دعواتكم اللي تشرح الخاطر ولكل واحدة دعت لي اقول ولك مثله واثابك ربك وجعل كل حرف كتبتيه لي شاهد لك بيوم القيامة واشهد انا معه لك باأني استنصحتك ونصحتيني ودعوتي لي بارك الله فيكم
 
اختي sunset أشكر لك ردك الرهيب والله كلماتك دعمتني واجد كلامك صحيح أنا صرت أسأل نفسي هل هو شاف فيني شي ماشفته في نفسي والله صدقيني حسيت نفسي قبيحة وناقصة بس يوم كلمتني وحده من معارف اهله قالت والله ان أبوي وأخواني ناقدين على زوجك ليش هو تزوج ويحلفون انه راح يندم على ماسوى وانه بيجي يوم يحس انه اخطى بكسرته لخاطرك
ياحياتي الله يكون بعون امك بس صدقيني انا ماهمني هو بكثر ماهمني انا نعيش حياة طبيعية يعني بكره بيكبرون عيالنا وبناتنا ويحتاجون وجوده معنا يعني هو ببلد تبعد عنا الالاف الكيلو مترات يحتاج سفر بسياره وبطيارة عشان يوصل بالمكان اللي حنا فيه يعني هو كل ماله يكبر وبعدين بيصير تنقله صعب عليه وماراح يقدر يجي لنا حتى لو في مناسبات تخرج عيالة زواج بناته واولاده لو تقدم خطيب لبناته وشلون بيقابله نقول رح سافر لابوها مايقدر يجي بس الله يعيني على اللي جاي وفعلا انا فكرت مثل تفكيرك قلت لازم اجلس على ذمته عشان اورث فيه حتى لو في راتبه لان انا ماعندي عمل ولاابي احتاج احد بس كرامتي زي ماقالوا المصريين تنقح علي يعني اذا فكرت قلت وشلون ارد له الكف اللي عطاني افكر بقلبي ويقول اطلبي منه الطلاق بعد مايكبرون عيالك واذا فكرت بالعقل يقول لا لازم تجلسين معه لين يكتب الله له اللي مكتوب وتقدرين تحصبين على شي من اللي تعبتي معه فيه والله ان الحرمه مسكينه حياتها مع زوجها على كف عفريت استغفر الله من هالكلمة بس مافيه امان مع الرجال مهما كان
 
حبيبتي عليك بالدعاء أولا والصبر على البلاء ثانيا
بالنسبة لطلبات أولادك لا تتصلي به أنت بل هم من يجب عليهم أن يطالبوه بحاجاتهم
يا اختي أنا أعذرك بغضبك وعصبيتك وكان الله في عونك لكن إن احتسبتي أجرك في الصبر عليه عند الله لكان لك الأجر العظيم من الله فجزاء الصبر بغير حساب فلا تضيعي جزاءك
وإن احتسبتي الأجر حاولي أن تنسي أن الفترة التي يغيبها يكون فيها مع زوجة اخرى وحاولي إشغال نفسك عن التفكير به وبتضحياتك معه كي لا تتعبي نفسيا أكثر فمن منا لم يلاقي الإساءة من أقرب الناس ومن منا من لم يصدم في من أعطاه الثقة والأمان لكن الله تعالى موجود ولن يضيع أجرك فارحمي نفسك وأعصابك لأنك إن مرضت لن ينفعك الحزن ةالغضب
أختي لقد سمعن أخصائيا نفسيا بأحد البرامج في رده على إحدى المتصلا التي تزوج عليها زوجها وقال لها الأخصائي انسي أنه تزوج واعتبري أنه مات مثلا وأنت أرملة ( هذا الكلام ينطبق على الزوجة التي يظلمها زوجها ولا يعدل بين زوجاته ) وعيشي حياتك وتوقفي عن التفكير به (أعلم أنه أمر صعب لكن لا مفر منه
أما بيتك حين رجوعه إليه فاجعليه هادئا لأنه يجد في بيته الجديد الهدوء والسكينة ولا يجد عندكم سوى الطلبات والمشاكل والرجل بطبعه أناني يحب نفسه فاملئي بيتك بالسكينة واطلبي من الأولاد معاملة والدهم بطريقة جيدة كأن شيئا لم يكن (وهذه طريقة مجربة ليست مجرد كلام )
وليرسل له أولاده رسائل بالجوال كل فترة تعبيرا عن شوقهم له ولجلسته معهم ولحديثه لهم ولا تكن كل اتصالاتهم مشاكل كي لا يتهرب منهم
وأنت اهتمي بنفسك لأجلك أنت وليس لأحد أخر حتى إذا نظرت في المرأة لا ترين امرأة ضعيفة ذابلة فأنت تستحقين أن تكافئي لا يهم من يكافئك سواء زوجك أو أنت من تكافئي نفسك نعم اسعدي نفسك فالسعادة ليست كلها مرتبطة بالرجل فالسعادة التي ستشعرين بها بعد قيام الليل لن ترينها في أي وقت أخر وكذلك الراحة النفسية والبدنية
سعادتم بنجاح وتفوق أولادك سيشعرك أنك نجحت في أداء رسالتك
سعادة أولادك وضحكتهم أمامك ستبث فيك الأمل من جديد وتعطيك الوقود للاستمرارنعم يا أختي فالله تعالى خلقنا لعبادته أساسا ثم علينا أداء واجباتنا تجاه من حولنا فحاولي الوصول لأهدافك وضعي لك العديد من الأهداف ولا توقفي حياتك بسبب نزوة أو خطأ من الزوج بل استمري في العطاء ولا تجعلي ردة فعله توقفك بل استمري فأولادك بحاجة لك ولأم قوية ترعاهم وتراقبهم وانسي وجوده وصدقيني أنه هو الذي سيسعى لكم بإذن الله تعالى وسيحاول أن يجد له مكانا بينكم من جديد

 


مرحبا اختي الزايديه1
اعتقد هذا موضوعك اللي تستفسرين عنه
حبيت ارفعه لك


​
 
أختي رمال البحرالله يعطيك العافية على كلامك اللي يزيح الهم عن الخاطر ويعطي دفعة للامام ونظرة متفائلة وفعلا انتي صادقة عيالي بحاجتي وأنا باأعتبر نفسي ارملة عشان ارتاح
ومشكوره جدا أختي خزامى على فزعتك لاخلا ولاعدم يالغالية
ماتتصورين وش قد انا محتاجة للبلقيسيات ووقوفهم معي كلامهم زي الماء البارد اللي ينزل على قلبي جزاهم الله الف خير عني
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل