دلوني هل اللي أنا قلته صح أو خطا

[الزايدية1]

أخواتي لايخفى عليكم وضعي مع زوجي وقد كتبت عنه من قبل فهو تزوج على من بنت صغيره وعاش معها في بلد بعيد عنا ويغيب عنا بالشهور
المهم أنا قصتي طويلة وتاريخي طويل مع زوجي بالصبر والتضحية التي كافئني عليها بااسلوب راقي يليق بزوجة عاشت معه 20سنة وبيضت وجهه في كل مكان
السؤال المهم كلمني زوجي من فتره وكان قبل دايم يواعد انه بيجي ولكنه كان يخلف الوعد وخاصة ان لدى احد ابنائي مشكلة مع مدرس المفروض انه يهتم على الاقل بوضع ولده قال لي أنا مشغول ويمكن أتاخر في الجيه لكم أنا زعلت مره وقلت له أسمع ياأبن الناس انت رجال بتجي عشان عيالك حياك الله عيالك قدامك في البيت أما أنا فلا خلاص أنا برمجت حياتي على عدم وجودك وماعندي مشكلة لان وجودك زي عدمه عندي فاأنت مسخ كريه عن زوجي اللي الله يحسن عزاي فيه وانهيت المكالمة ياناس أنا باأموت من هالرجال وتصرفاته ماكن عنده عيال شباب وبنات مراهقات بحاجته ليه خلاص انهى دوره في حياتهم دلوني وشلون اتصرف اطنشه واسحب عليه والا اصر عليه انه لازم يجي مع إني احس انها اهانه لي وتذلل لطلب حق واضح منه

 

[شوق وكلي ذوق]

السلام عليكم ورحمة الله وبركاته

الله يعينج ويصبر قلبج وياجرج ان شاءالله

حبيبتي كلامج محد يلومج عليه من حرقة قلبج وعقب هالعشره شي اكيد تتكلمين جذي واكثر بعد

بس العيال مالهم ذنب لازم تضغطون على نفسكم لين يعدون مرحلة المراهقه تراها مرحلة الخطر بالنسبه للأغلبيه

ميخالف حبيبتي خلي احد من العيال يكلمه يمكن يحن قلبه ويرد يراعيهم او دخلي احد كبير ذو عقل حكيم ويقدر يساعدج

هذا اللي اقدر اقوله حاليا وان شاءالله تلاقين الرد الشافي اللي يخفف الشقاء اللي تشوفينه

تقبلي رايي ومروري

تحياتي

 

[سهم العشق]

عيشي معاه عشان اطفالك 0 انت باين عليك تعبت - واذا كبروا اطفالك واعتمدوا على انفسهم - يكون فيه حل اخر

 

[حبيبه فهد]

الله يكون بعونك اتمنى يفدونك الأخوات

 

[الدانــهــ 11]

الله يعينك ويصبر قلبك
بصراحه ماتنلامين
بس اضغطي على قلبك وفكري بالعقل
والله يرده لك ولعيالك يارب

 

[**sunset**]

الله المستعان ....​

الرجال استخفوا والله...​

حسبي الله عليهم...​

بالنسبة لوضعك حبيبتي​

خلي عياله يتفاهمون معاه..​

دامهم كبار ويفهمون...​

والله يعينج ويوفقج​

 

[مازال عندي امل*]

غاليتي كلامك قوي لوبه احساس كان حس

لكن انتي الان اخرجي من الصوره وشوفي من اكثر ابنائك من الاولاد او البنات ياثر فيه ويكلمه ويستعطفه

ترى الابناء فيه مرحله يستطيعوا ياثر بالاب اكثر من الزوجه

وحاولي ان عيالك يسيروا كثير الاتصال والسؤال وابداء الشوق له

وانتي اهتمي بنفسك وصحتك (باين عليك قوية ماشاء الله) وتجاهليه تماما يعني اعتبريه ضيف وبس ان اتى

اهتمي بعلاقتك بربي واكثري من الدعاء والصدقه وقيام الليل

اقري القران لترتاح نفسك

اذهبي الى المحاضرات وكوني صداقات جيده تساعدك في ملئ وقت فراغك وقت تتعرف بناتك على بناتهم وتكوني صحبه صالحه تعينهم على السير بالطريق الصحيح

كذلك حاولي تجلسي الى ابنائك وبناتك تحدثي معهم بالطرفه والفكاهه وتحدثي عن المستقبل هم الارض التي يجب ان تزرعي فيها استمعي لهم دون تذمر

والله وحده هو من يملك قلوب البشر فدعيه بتذلل وانكسار يعيده اليك كما وانك زوجة جديده له يعشقها ويبحث عن رضاها

اسال الله لك راحة البال ويسخل لك ابنائك ويرزقك خير الدنيا والاخره

 

[مفارقني الدلع]

الله يعينج كثري من الاستغفار

 

[بنوته كيوووووته]

الزايديه اصبري حاسه فيك بس مدري وش اقولك
حملك ثقيل وماتطيقه امرأه!!!
الله مع الصابرين يا الزايديه
واذا احب الله عبدا ابتلاه اسأل الله العلي العظيم في هذه الساعه انه يفرجها عليك
واستعيني بالصبر والصلاه
معك قلب وقالب
اسأل الله رب العرش انه يجيب اليوم اللي تبشرينا فيه بعودة زوجك الى رشده والى احضانك

 

[عاشقة مجودي]

الله يعينك حياتو

 

[حلمي الماجستير]

خلي ابوك او واحد من اخوانك يكلمه ويقله عيالك ربيهم
الحرمه ما بتقدر عليهم ومن ذا الكلام لين يفوووق

 

[ملكةالاحاسيس]

لاحول ولاقوة الا بالله .... ربي يهدم سعادته يارب فرحان بالجديدة وتارك مسؤولية ابناءه !!! وين ايمانكم يارجال اتقوا الله يابشر اتقول الظلم

 

[دلووعتك]

لاتحطي في بالك انه الحياة بتوقف عليه
عيشي حياتك لك انتي مش له اهو
خليك معه بس علشاان العياال
وخليه عندك نفس الطووفه داامه مضايقكك
ربي عيالك بنفسك دامه كذا مطنش طنشيه
لاتفكري فيه ولا تتصلي
اهم ماعليك نفسك انتي وبس
بالتوفيق يالغلا​

 

[دلع مجود]

بالعكس لاتنسحبي 00000دقي عليه قولي محتاجينك انا وعيالك لاتملي 000000اذا انسحبتي من حياته ولاادقين عليه راح ينبسط ويتفرغ 000اقلقيه باتصالاتك عشان يرجع بس لاتكلميه بقسوه بالعكس باللين وحده من قريباتي تقريباانفس مشكلتك والحين رجع زوجها 00000

 

[لعزتي]

بصراحه اختي لازم انتي الي تتفاهمي معا مواولادك بعدين مصير تتنازلي عن حقوقك

 

[انثى رقيقة]

الله يفرج عنك ويخلف عليك بصلاح اولادك , حاولي تخففي شوية من حدة كلامك واتحمليه في الله فهو مسلم وله حق عليك الكلمة الطيبة وانسي المشاكل ومادام الوضع متوتر هدي اعصابك لان الغضب لايحل مشكلة فقط اعتبريه شخص غريب اطلبي طلبك منه باحترام حتى لاتخسريه بالكلية لان اولادك في مرحلة حرجة محتاجين ابوهم جدا جدا ولن تستطيعين القيام بهم وحدك , خللي قلبك كبير يسع ويحتمل واحتسبي عند ربك لن يضيع ابدا , الله يعينك ويوفقك .

 

[الزايدية1]

أخواتي عاشقه مجودي مفارقنى الدلع بنوته كيوته
مازال عندي امل sunset الدانه 11 حبيبة فهد سهم العشق شوق وكلي ذوق حلمي الماجسيتر
ملكة الاحاسيس دلووعتك
دلع مجود انثى رقيقه لعزتي
اشكركم جزيل الشكر على تفاعلكم وتراني ماشكيت عليكم الا من الحره اللي بقلبي حاول ولدي الكبير يكلمه قال له مانقص عليكم شي من مصرفكم قال ايه ياابوي بس خواني في حاجة لمن يتابعهم قال له وانت وش شغلك لازم تكون رجال وتنتبه لهم قال ياابوي ماعليش لو كنت فاضي بس انا مشغول طول اليوم في الكلية واخوي الثاني مايقدر لحاله وبعدين حتى مسئولية توصيل اخواني للمدارس صار اخوي يطلع قبل نهاية حصصه عشان يقدر يجمع اخواني وهذا يأثر على مستواه الدراسي قال ماعليه يشد حيله ويذاكر وبيعوض أنا خلاص معتمد عليك تشيل معي المسئوليه قال ياابوي وشلون اشيل معك انت خليت كل الحمل علي قال الله عليك انا مخليك تصرف عليهم انا اعطيهم مصروف وبالله وشي المسئوليةاللي خليتها عليك خلاص خلوني ارتاح واعيش على الطريقة اللي انا ابيها انا ماقصرت مع امكم ومعكم جلست معها لين صرت رجال وتتحمل احمدوا ربكم ماني مثل غيري اللي ماعاد عطى عياله ولاريال ومن هالكلام اللي يغث لدرجة ان ولدي ماعاد يبي حتى يكلمه يسلم عليه لانه اذاكلمه يعطيه كل مره محاضرة والله اني اشوف الانكسار في عيون ولدي الكبير بعد مايكلمه لدرجة انه قال انا باأترك الكلية وباأشتغل عشان تقولين خلاص مانبي منك شي ونفتك منه قلت له لاياولدي لازم تشد حيلك انت توك في اول سنه لازم تصبر لين تخرج وتتوظف زي الناس المهم الرجال الله يعوض فيه والله انه يمر ياليومين وبالخمسة مايتصل علينا حتى لو يسأل عن احوالنا تصدقون يوم جاء المطر القوي اللي غرقوا الناس فيه ماتصل يسأل عن عياله عسى ماجاهم شي بس الله حسيبه على تضييعه لرعيته ارجوا من الله ان يحفظ ذريتي من كل سوء ويعوضني في عيالي

اختي مازال عندي امل كلامك نزل علي مثل البلسم والله ودي اطلع بس مسئولية العيال انتي عارفة مجتمعنا مااقدر اروح واجي واجد بيقولون من يوم اعرس رجلها وهي حطت رجلها وبعدين ماابي اخلي الاولاد لحالهم في البيت اخاف عليهم والله صرت اخاف عليهم من كل شي اقول لاقدر الله يتورطون في شي لان ماعاد عندهم اب يحسبون حسابه الله المستعان
اختي بنوته كيوته ياحلو كلامك ماادري كلامك يلامس احاسيسي بشكل مباشر واحس كان اللي تكلمني اختي الحقيقة الله يوفقك بس انتي متزوجة والا لا ولو كنتي متزوجه عندك عيال تدرين ليش اسأل أبي ادعي لك في صلاتي مشكوره يالغالية على كلامك العسل ياعسل
اختي انثى رقيقة كلامك اكثر من رائع ودي اكلمه بهدوء بس من اكلمه او اشوف رقمه تزيد نبضات قلبي وتجيني كتمه من القهر واصير احاول انهي المكالمة بسرعة قبل ماتجيني جلطة دعواتك لي

 

[رحـى]

مساء الخير و البركة ,,
الله ييسر كل أمورك نحو الأفضل لك ثم لأولادك(الله يحفظهم),,
إلزمي الدعاء لذاتك ,,إنو ربي يصلح حال زوجك الغالي بكل أحواله,و يرزقكم خيره , و يكفيكم شره,,اللهم آمين ,,
و صدقيني ,,بإذنه تعالى ربي راح يفرجها قريباً عاجلاً عليكي و على ذريتك ,,و بأخبار تبهج صدرك و تفرحك,,اللهم آمين يا رب,,

 

[لقيت نفسي فيك]

الله يعينك حبيبتي
بس التضحيه ابدا ما تنفع مع الرجال

 

[الزايدية1]

الله يخليك ياأختي رحى
جعل الله رحى الدنيا تدور لك بالخير دائما كلماتكم لو تعلمون كم تسليني وتواسيني جعلها الله في موازين حسناتكم وجمعنا الله في ظله من المتحابين في الله لان كل وحده جالسه ترد علي تعني نفسها وتتفاعل وهي لاتعرفني ولابيني وبينها اي مصلحة سوى انها تعلم اني اخت لها في الاسلام واشتكى فهى من الجسد المسلم الذي يتداعى بالسهر والحمى لشكوى عضو منه
الله يفرج كربتي وكربة كل مسلم ومسلمة