بادئ الموضوع تاريخ البدء
  • المشاهدات 2,031
  • الردود 8

بسمة أمل

New member
إنضم
22 نوفمبر 2006
المشاركات
52
مستوى التفاعل
0
النقاط
0
السلام عليكم ورحمة الله وبركاته

خواتي عندي مشكله غريبه شوي


وانا بصراحه تعبت منها لاني ساكته صار لي سنه

انا متزوجه لي سنه واربع شهور زوجي انسان ملتزم و طيب وحبوب وعلاقتنا الحمد لله تمام الا احيانا تصير لنا بعض المشاكل البسيطه و نعديها عادي مثل اي زوجين وعندي بنت منه

بس مشكلتي اهل زوجي

اهل زوجي ناس ما قدرت افهمهم للحين لانهم مب عرب ولهم لغه ثانيه غير عربيه بس يفهمون عربي ويتكلمون بس لغتهم مكسره

وانا ما اعرف غير العربي وساكنه في منطقه بعيده عن اهلي واغلب وقتي عندهم وايلس وياهم وكاني وحيده
طول الوقت ساكته وهم يتكلمون ويتبادلون السوالف والقصص والاخبار وانا ما افهم احيانا يفتحون معاي سالفه وبعدين يرجعون للغتهم

وزوجي وااايد متعلق في اهله وهو بعد يسولف وياهم وينساني لما نكون في بيتهم واحيانا يسالني يقولي عرفتي يقولون اقول له لا ما يرد علي ولا يفهمني

وهو يخليني عندهم مره في الاسبوع من الصبح الين الليل وايلس بروحي في غرفه ما فيها الا باب و دريشه يجون اهله ايلسون معاي شوي وبعدين يخلوني بروحي الين الليل واذا يابوا لي قهوه العصر يخلونها ويروحون حتى ما يصبون لي

وانا تعبت من هالسالفه

وعاداتهم وااااااااايد غير عن عاداتنا انا واهلي عشنا حياه وهم حياه ثانيه وااااايد متاخرين

واحس انهم يغارون مني واي شي انا اسويه هم يسوونه

و ريلي يسمع لهم من غير نقاش واي شي اقول انا رايي فيه واهله لهم راي لازم يبدي رايهم

واحيانا اقول له شي يعارضني ومن يسمعه منهم على طول يمشيه

حتى لما كنت حامل امه قالت له مراجعاتي للمستشفى نحن بنوديها بالتكسي وصرت اطلع الصبح من شقتي يوديني بيت اهله وانام الين الساعه 10 واروح المستشفى مع عمي اللي يذوب ويهي من الحيا ومسكين يجلس وياي الين ما اخلص يمكن اخذ لي اربع او خمس ساعات وبعدين ارجع بيت عمي الين يرجع من الدوام يتغدى ويرقد الين المغرب وبعدين نرجع الشقه

كرهت نفسي

هم ناس طيبين بس لهم اسلوب غلط غير انهم يغارون لاني اخذت اخوهم الاقرب منهم

والله اني تعبااانه الين الحينه
وكلمت زوجي عن موضوع اني اتعب من روحة بيتهم من الصبح الين الليل طبعا زعل وسوا لي سالفه بس بعدين سكت بس مو راضي

ما اعرف انا وايد محتاره لان التفاهم وياهم صعب واللي يبغوونه هم لازم يصير اي شي هم يقررونه يمشي لدرجة حتى حملي الثاني هم يبون يحددون متى احمل والله مليييت

وانا احاول اراضيهم واسمعهم احيانا ينغزون بالكلام بس انا كل هذا سااااااااااااااااااااكته

وطبعا اي كلمه منهم يذموني فيه انا راح اروح في خبر كان في نظر زوجي

دلوني شو اسوي والله اني دورت اكثر من حل واحترت لمن اسير اشكي والله ما عندي حد احيانا ايلس اصيح بروحي من كثر الهم الين ارتفع الضغط عندي يوم كنت حامل وربيت بعمليه
والحينه هم مطنشيني وما يبغون الا بنتي احس كاني غريبه عنهم ويوم اغيب عنهم ما يسالون عني غير انهم يقولون لريلي ييب بنتك اشتقنا لها وانا ابد وانا اقول لريلي اني اشتقت لهم وودني بيتهم

طبعا يوم ملجنا صارت لنا مشاكل مع اهله لان اسلوبهم وااايد همجي بدرجه ما تتصورنها وبعدين انحلت الامور بس انا اعاني لليوم


اسفه طولت عليكم بس من همي المتراكم..
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
رد : دلوني مشكلتي غير شوي

اختي مشكلتك حقا غير
اختي لا تكونين ضعيفه ولا تحاولين ترضين الكل وتخسرين نفسج يعني هم صح اهل زوجك لكن انتي ايضا ملك نفسك يعني قرارتك بالحمل والانجاب تاخذينها انت وزجك فقط بدون تدخل شخص اخر
بالنسبة لاختلاف اللغه والثقافه
اختي هذا يعود في المقام الاول لك
يعني حاولي تندمجين معاهم وفي ثقافتهم بس ما تخلينها تاثر عليج فقط للتواصل
اذا كانت اللغه صعبه وما بتقدرين تتعلمينه وين خواته اكيد يتكلمن عربي ليش ما تحاولين تندمجين معاهم وتفتحين مجالات للحوار
 

some1

New member
إنضم
28 سبتمبر 2006
المشاركات
7,559
مستوى التفاعل
2
النقاط
0
الإقامة
Abu dhabi
رد : دلوني مشكلتي غير شوي

والله قصتك قصة ، حبيبتي انت ما كنت عارفة انهم ما يتكلمون عربي قبل الزواج ؟ على كل حال ، هذه مش مشكلة كبيرة ، لو انت شاطرة ، اتعلمي لغتهم واحتكي فيهم علشان تتعلميها ، وبعدين زوجك شوي شوي بيتغير ، ما تنسي انه انت لسه متزوجة مش من زمان ، و ان شاء الله تقدري تغيريه مع الإيام و الظروف هي بتساعدك باذن الله ،،
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
حبيبيتي مع الإحتكاك أكيد بتتعلمين لغتهم ...بس والله ما أشوفلك محاولات للإحتكاك نهائي ...واعذريني على صراحتي ..

يعني يوم تروحينلهم ...معليش على السؤال ...ليش تنتظرينهم يضيفونك ويصبونلك القهوه ؟

لا يا حبيبتي ... لازم انتي الي تقومين بنفسك خلاص صرتي ام بنتهم ما عدتي ضيفه ...

سويلك طبق حلى وخذيه معاكي ... وضيفيهم من عمل يدينك .... وحاولي تجذبينهم بسواليف عن البنت ولا شوفي البنات وش نوع ثقافتهم وش سواليفهم وجاريهم فيها

تقربي من أمه واطلبي مساعدة زوجك بالترجمه وفي بيتك اسألي زوجك عن معاني بعض الأشياء واستخدميها معاهم حتى يحسون انك بديتي تتعلمين منهم
وحابه تندمجين معاهم ...

ويبدولي أنك عندك مشكله بالتكيف مع الأغراب ... حاولي تتغلبي عليها ...وربي يوفقك .
 

بسمة أمل

New member
إنضم
22 نوفمبر 2006
المشاركات
52
مستوى التفاعل
0
النقاط
0
السلام عليكم ورحمة الله وبركاته

مشكوورات خواتي على الرد على الاقل لقيت من يسمعي في مشكلتي ويرد على

خواتي انا احاول اتقرب منهن بالعكس اسولف وياهن وافتح مواضيع بس المشكله انهن يردن لبعض وللغتهن

خواته مو من نفس جيلي انا يعني هن اكبر مني بواايد

واانا ثقافتي غير مره عنهن

و اذا على الحلى اسوي لهم بين فتره وفتره وازورهم بس الحينه بديت اقلل من زياراتي قلت يمكن يغير نظرتهم شوي

وبعد ما نكر انهن طيبات خاصه امه

والحينه انا وااايد خايفه لان ان شاء الله راح نبني لنا بيت ملك لنا وبيتنا هذا راح يكون جنب بيتهم لان طلع لنا ارض مع بعض

وراح اسكن في ملحق في بيتهم مؤقت الين نبني البيت

وانا وااايد احاتي اخاف بكره يتحكمون في طلعاتي وسيراتي واخاف انهم يستغلون زوجي و كل شوي يخلونه يوديهم وييبهم
انا والله والله ما اعارض خاصه اذا كانت امه او ابوه طلبوا منه طلب لانه من بر الوالدين واحب ان عيالي يبروني باجر

بس اخاف اني ما اشوفه ابد خاصه انه ما يرفض لهم طلب

واذكر مره تركني في البيت بروحي الين قرب الفجر عشان يودي اهله لبيت وحده وهو عنده اخوان فاضيين و مب متزوجين


صدقوني احس اني بموووت من كثر محاتاتي

هذا رغم اني احبهم والله واحس انهم هلي

دلوني الله يخليكم اوافق على الملحق وعلى اني اسكن قريب منهم ولا اعارض وزوجي وااايد متعلق في اهله ويبي يسكن قربهم؟؟؟؟
 

وردة الشرق

New member
إنضم
8 أكتوبر 2006
المشاركات
12
مستوى التفاعل
0
النقاط
0
بسمه امل
تتكلمين كانك تتكلمين عن مشكلتي بالضبط
والله مرت علي لحظات كنت احس انه محد بالدنيا يعاني من هاي السالفه غيري

بس يمكن الفرق انه انا ما عندي عيال و انه ريلي شوي متفهم اكثر

بس فعلا اختي حاسه فيج و بالالم الي انتي فيه لاني مثلج

بس يمكن شخصيتي اردى من شخصيتج انا وااااااااااايد اجاملهم على حساب نفسي و ياريته بفايده

انا مثلج هني بنتظر رد الخوات عسى الاقي الي يساندنا

يمكن في من الخوات الي قالو تعلمي اللغه

بس فعلا ترا تعلم اللغه مب شي هين و هذي موهبه في ناس تلقط اللغات و في ناس لا

الله يعينا اختي
 
إنضم
1 ديسمبر 2006
المشاركات
28
مستوى التفاعل
0
النقاط
0
اختى انا كنت مثل حالتك بالنسبة للغة حيث عندما وصلنا هنا بعد حرب الخليج تفاجات ان معظم البنات او العائلات الصومالية من الصومال واحنا مواليد الخليج واللغة الصومالية لدينا قليلة و ثقافتنا وعاداتنا خليجية وشوفى الصعوبة فى التاقلم (( مواقف الله لا يوريك))
المهم اصررنا على تعلم اللغة وكنا نكتب الكلمة ومعناها ان ما فهمنا وكنا نسالهم عن بعض الكلمات ونطقها ولما راوا اننا حقا مهتمين فى تعلم اللغة ساعدونا وانفتحوا لنا وراعونا والان لا تستطيعين ان تميزى ان الصومالية لغتنا الثانية الا ان دققت على مخارج الحروف لدينا اثناء الكلام

اختى هذه اللغة سوف تكون لغة ابنتك و اطفالك فى المستقبل فيجب ان تتعلميها لهم حتى لا يفقدوا التواصل مع اهلهم وايضا ان كانت العادات مختلفة حاولى تفهمها لمستقبلهم لتمنعى انجرافهم ورائها فى المستقبل ان كانت سيئة بحجة هذة عاداتنا (( يعلم الله بعض العادات لدينا تحتاج من يقتلعها واعارضها وامنع اطفالى منها لانها لا توافق الشرع كالختان الفرعونى))

الزواج عمر فحاولى ان تندمجى دون ان تخسرى نفسك ولكن تعلمى حياتهم لتكونى واثقة فى مواقفك
بالنسبة لمعاملة اهل الزوج فغيرى اجدر بالنصيحة لكى منى (( زوجى وحيد هنا))

اختك ام عبدالرحمن
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى