دلونى اعمل ايه

[رنونه الدلوعه]

حصل معايا موقف بجد حرق دى ومش عارفه اتصرف ازاى المفروض انى كنت باعته لزوجى حاجات مع صديق ليه مسافر المهم ضاعت الشنطه من صاحب زوجى فانا زعلت وقولت لزوجى ان صاحبه ده مهمل والمفروض ان دى امانه كان لازم يحافظ عليها اكتر من كده المهم وبعدين حصل خلال المكالمه مناوشات بينافى مشاكل تانيه غير الموضوع ده هى فى حاجات تافه ومتستهلش بس انا اللى كانت اعصابى تعبانه فكبرتها وبعدين قفلنا السكه المهم بعدها اتصلت بحماتى قلت اطمنهاعلى ابنها وبعدين حكتلها الموقف اللى حصل من صاحبه وخلاص الموضوع انتهى على كده بعد كام ساعه بكلم زوجى فوجئت انها اتصلت بيه قال ايه بتاخد بخاطره وبتقوله مايزعلش نفسه اصلا هو مش زعلان بس ليه الموقف يعدى على كده وطبعا قعدت تقوله حاجات طلعتنى فيها ولا اسوى حاجه المهم بعد ماخلصت المكالمه مع زوجى اتصلت بيها لان كان حصل لزوجى موقف وهى ماقلتليش هى طبعا اتفاجئت انى كلمته وعرفت منه اللى حصل هى مكنتش عايزانى اعرف فى اخر المكالمه لاقيتها بتقولى متزعلهوش منك انا حسيت ان زوجى حكالها كل اللى حصل بعدين حاولت افهم منها توهت فى الكلام وخلصت المكالمه حماتى كلامها ناعم جداا ساعات بحس انها طيبه وساعات بحس انها عايزه تطلعنى وحشه قدام زوجى هل اتصل بزوجى واعاتبه انه حكى ليها اللى حصل خصوصا انى حذرته قبل كده ان مامته بتاخد الكلام منه وتقوله لاخواته واللى عرفتنى بكده سلفتى لاقيتها عارفه المشاكل اللى حاصله بينا ونصحتنى ان اخلى بيتى مقفول عليا ومشاكلى ماتطلعش برانا وانا حاولت افهم زوجى كده لقيته مصمم يحكى لمامته قال ايه بيفضفض معاها ولما قولتله انها بتحكى لاخواته راح عاتبها طبعا اتمسكنت قدامه ولا كأن حصل حاجه انا حسبت أنه لما يسافر الموضوع ده هينتهى بس واضح انه لسه منتهاش انا مش عارفه اعمل ايه اتصل بيه واعاتبه ولا انا اللى غلطانه لانى حكيت لمامته بس انا عارفه انها كده كده هتعرف موضوع الشنطه فقلت احكيلها تيجى منى احسن معرفش انها هتتصل بيه وتعمل كده وطبعا راح جوزى حاكيلها على باقى اللى حصل دلونى ازاى احط حد للموضوع ده انا بجد اتحرق دمى :icon28::icon28::icon28::icon28: