دكتوووووره ناعمة والأخت موزة وبنات المنتدى أبى نصايحكم

[همبا]

أنا مشكلتي إني متزوجة من 3 سنوات وساكنه مع اهل زوجي ،في غرفة وحمامهاوعندنا بنت زوجي يصرف على بيت أهله لانه راتبه ماشاء الله زين وعنده إخوان اثنين بس بعد يشتغلون و بس ما احطوووون درهم في البيتوأبوهم بعد يشتغل وأم زوجي الله إسلمها (وايد تكرهني بس طبعاً موووو ما اتبين حق ريلياتخاف منه عن يقطع عنها المصروووف )دوم تطلبه بيزاتمع انها غنية واتقوله انا حاطة كل بيزاتي وديعة ما اروووم اكسرها،واتسوي عزايم وتطلب بوفيهات من المطاعم وادفع ريلي!!!!!
أنا بحكم اني اشتغل ما اطلب ريلي بيزات بس من فتره عرفت انه ام ريلي امدخله ولد ولدها العود مدرسة خاصة على احساب ريلي :icon28:جنه ما عنده ابووووو
اتكلمت مع ريلي وقتله ما اصير انت عندك بنت واجب تصرف عليها مب على ولد اخوووك "قالي انا امي طلبت مني وانا ما أحب اردها في الامور المادية لاني متوفق من وراء دعوته لي دووووم
فقلت له أوكي بس لازم شهريا تعطيني مصرف حق بنتي لانه راتبي بس ساير حق أغراضها وانت ابوها وملزم فيها بس والله يا بنات أمه مب راحمه حالنا دوووم ايقووول لي ماعندي هالشهر خليها للشهر الياي لانه الحبيبه مب عاطية مجال وانا كل ما أكلمه ايقووول لي زين انتي عندج راتب ليش تطلبيين مني اسوي هالشي :icon1366:وامه مب راضيه إيبلي خدامه اتقول ماشي لها مكان وانهم وصخيين وماتبى بنتي تتربي على يد الخدم .... كلمت ريلي ووووايد واقنعته بس من أرمسها خلاص كنك يابو زيد ما غزيت.

والله كل ما ارووح معاها السوق اتخليني ادفع عنها واتخلص بيزاتي واستحي اقول حق ريلي اخاف ايقول عني زطيه ....:shutup::sadwalk::sadwalk:أبى حل حق هالحال الدامر.

 

[أخت_الشيوخ]

اختــي همبــا

حشى مصاصي دمان هاييل هات هات و اسحب و اسحب .....ليش ما تقنعين ريلج انكم تطلعون من البيت و حزتها يوم بيكون مسؤول عن بيته يمكن ما بيقدر يتحمل مسؤولية بيتين....أو ع الاقل يقنع اخوانه يصرفون معاه ع البيت كلهم سوا ...حرام بعد احس كاسرين ظهره الفقـــير.....و بصراحة انقهرت يوم قلتي امدخلين ولد اخوه مدرسة خاصة على حساب ريلج ..جي شو؟؟؟؟؟
و تراه هاي المشكلة ريلج بعد يتحمل مسؤوليتها ...طبعاً ما انقووول لا يعطي امه يعطيــها بس اشله في ولد اخوه ولا ولد الجيراااان...خل يفتح بيت زكاة عيل ........لازم اتفهمين ريلج انهم ما لازم يستغلونه.. أمه يعطيها بس اخوانه ليش مو كل واحد يشتغل ......شو هالمنكر بعد....مثل ما قلتلج كلميه قوليله امك عطها هذا حقها عليك بس اخوانك لااااا.....

المهم مادري ان كان بيفيدج اللي قلته..ان شاالله ....و اتريي رد الخوات ان شاالله ما بيقصرن

 

[همبا]

الغالية عيزت من كثر ما أقوول خل نطلع مووول مب راضي و ينقلب وحش من يسمع هالرمسه لانه ماما شو ابيستويبها؟!!! (ابتتخبل)
قالي انا ما اقدر إذا ما أقوووم اصبح وما أشوووفهم وصارت بيني وبينه مشكله عوووده عسب هالشي ودخلت أبوي في الموضوع وصالحنا وأمه شمتت فيني من الخاطر وين ما راحت اتقوووول إهي (قصدها أنا) طفرانه تبي تطلع بس ولدي عفيه غليه مب أمسويلها سالفة :tears: يعني في النهاية يت على راسي أنا بس.

 

[بشاير خير]

شوفي عزيزتي هي أمه ما تقدرين تقولين لا تعطيها لكن ثقي أنه مادام مقصر عليك انتي وبنته ربي بيحاسبه على هذا الشي لأنه مسؤول عنكم وترى أغلب الموظفات على هذا الحال .
وبالنسبه لروحتك مع أمه السوق مالها داعي إذا انتي بتحاسبين عنها أعتذري منها بأي شي إذا طلبت منك تروحين معاها وريحي راسك .

 

[أخت_الشيوخ]

الله يعينج يا همبا

حليلج و الله ...معظم الرياييل جي اتصدقين ما يرومون يوزعون مسؤولياتهم بالتساوي يعني لازم يقصر في حق حد.......الله يهديه ريلج .....و الله ما اعرف حالياً ما في حل يحضرني ألحين .....بنشوف ان شالله من يطري شي على بالي ...بخليج فالصورة ......

 

[حبيبتي]

الله يعينك أختي
أنا اشوف من حقك يكون لك مصروف حتى لو أنتي موظفه
وأصري على هالنقطة
أطلبي من زوجج أغراض البنت وروحي أنتي معاه السوق وهو يدفع ثمنها
معليش أختي أصبري والله يوفقج
ونصيحة وفري من راتبج
أنا توني أنتبهت لهنقطة صاري موظفه 3 سنوات ولا وفرت الإ هالشهر

 

["هنادي"]

صراحه أنا مستغربه....شكو أتسوق من بيزاتك!!!​

عالعموم هو كرم وطيب نفس منك تعطينها من بيزاتك بس لاتستغلك،،يعني أنتي مستحيه أتكلمين وهي ماتستحي تاخذ من بيزاتك:blow:
نصيحه.....قولي هالسالفه لزوجك تكلمي قدامه بحسن نيه ولاكأنك مضايقه من تصرف أمه بس وضحي أنها خلصت بيزاتك:icon28:

وبالنسبه لصرف زوجك على أهله أهم شي أنتي خوذي منه مصرف لك ولبنتك (حتى وأنتي موظفه هو ملزوم يصرف عليك) وبعدها لاتشغلين بالك وين يودي فلوسه،،،أهم شي أنتي أخذتي حقك​

 

[همبا]

المشكله إني كل ما اقنعه ابشي اتقوم امه اتخرب كل شي والله وابدووون اي مبالغة بمعنى اني اقنعه ابشي وايطلع رووووحي إليما يقتنع وأكوووون متأطده من أنه خلاص استوى اتي هي وبمنتهى الخبث والدهاء اتغير رايه بصورة بيني وبينكم انا مرات اقتنع واتركها عقب اندم لاني اتراجعت مثل موضوع الشغالة انا احتاج وحده اتغسل لس الملا بس واتنظف الغرفة وتهتم في بنتي لما اكون في الشغل وبعدين في كل اسبوع انا وريلي نبى انسير سينما اونطلع بروووحنا تطلع قبلنا مع انه ايكوون عاطنها خبر من قبل بس شووووه اتقوليين ؟!!!!!!

اقووله شفت ليش انضايقها وانضايق رووحنا يبالنا شغالة وخلاص ايقووول صح والله من باجر انشاء الله بس وين اتي الحبيبة ثاني يوم لا حرام عليكم اعقووون الصغيره حق بشكارة اقووول لها مب مشكله انت موجودة بتشوفيها اتقول لا لا ماشي لها مكان وبعدين بنتكم صغيرة حرام ما عليكم انا بخليها عندي ومايحتاي لشغالة ةلا غيره يقتنع ريلي واترد حليمة على عادتها القديمة اتحسيين تضايج من اطلع انا وريلي بروووحنا

 

[عزيزة نفس]

همبا
ما لكي الا هالحل بس عيبه ان مفعوله بطيئ يعني كل كم اسبوع مرة وانتي ما عليه اصبري
اول شئ تسوين مثل امه تحطين راتبكي في البنك وما تجيسينه ابد وراتب فوق راتب وتشترين لكي بيت حبيبتي والله الرجال ما يتآمنون وكل الموظفات يسون كذا
ثانيا تبدين ترفهين نفسكي ( اثاث ذهب ملابس ) عيشي حياتكي وهذي النقطة يبيلها تخطيط وذكاء شغلي عقلكي
يعني مثلا مرة في الشهر تاخذين ليلة فندقية ***** ( بعد ما تخلصين من الدورة الشهرية )
روحي مراكز وسافري وانبسطي انتي ويا ريلكي وبنتكي خليها عند امه او عند اهلكي
كل كم شهر اشتري لكي ولبنتكي ذهب ومجوهرات
حاولي باستمرار تشترين اشياء لغرفتكي وحمامكي دلعي نفسكي حبيبتي طبعا لا تطلبين منه فلوس لالالالالالالالالالا انزلي انتي وياه وروحي انتي وياه استانسي حبيبتي ويا زوجكي متى بتستانسين عيل ليما تعيزين هاذيك الساعة بيقول لكي زوجكي باي باي
شغلي كيد النساااااااااااااااااااااااء​

 

[بيونه]

سبقتني عزيزة نفس في الرأي ....
وهذا هو عين الصواب .... :sly:

 

[حامل المسك]

و الله حاسه فيج الله يعينج كنت اتحرى عمتي انا بس طلع حد ألعن عنها شوفي انا بقول لج شيء اذا عجبك خذي فيه و اذا ما ناسبج طنشي

انتي مسحية تخبريه عن السوق لا يقول (زطيه)
شوفي سيري معاها ويوم تردي بكل براءة اطلبي منه فلوس او مثل ما قالت الاخت روحي معاه و خليه يدفع " لأنه فلوسج خلصن امس عمتج الله يهديها ما بقت شئ ما اشترته و انتي اليوم محتاجه فلوس لان في اغراض تبين تاخذينها "
فهمي انه كل فلوسج خلصن امس وانه مب اول مره يصير كذي و خليج تضحكي و انتي تكلميه و لا كانه هامنج شيء

2- لا تذكري امه بشيء ابدا قدامه لانها شكلها ابدا ما تهون عليه ، و دائما امدحيها قدامه و حتى يوم تسوي حركاتها السخيفة يوم تبو اطلعوا تعذريلها باي شيء يمكن صار لها ظرف طارئ و طلعت حتى لو ما تحبيها خلي عمرج احسن عنها عامليها زين و لا ترددي عليها حتى لو مصختها خصوصا قدامه ( و اذا زودتها حبتين شلي عمرج و روحي لا تردي عليها لانها حسب ما فهمته ان ريلج ما يقدر على زعلها و انها هي اللي متحكمة فاكيد اي شيء بيصير بتوصله لريلج و الله اعلم شو بتحط بهار عليه) خليه يفهم انج اتموتي في امه

3- في موضوع الشغالة ما لازم تدري انكم بتجيبوا شغالة اقنعيه و اطلعوا على طول او حتى اقنعيه برا البيت و سيري مكتب الخدم و اختاري اللي تبيها و يوم تردوا اذا بغا يخبرها الشيء راجع له بس كوني مخلصهامورج ودافع الثمن
طبعا لا تنسي و انتي تكلميه عن الخادمه دمعتيين مني و انتي ادرى بمكر الحريم

اما في موضوع البيت اسمحيلي لاني اروحي ما رمت اطلع عمري فشو اقدر انصحج

اهم شيء لازم تاخذي مصروف بنتج على الاقل اذا مش مصروفج انتي و ياها شو حلال عليهم حرام على غيرهم و بعدين هو ملزوم فيكم و اذا هو ما قد الزواج و مسؤولياته ليش يتزوج يوفر عمره لأهله المهم لا تسكتي عن مصروفكم

 

[همبا]

مشكووورين خواتي على نصايحكم وإنشاء الله بيصير خير