دكتور ة ناعمة ساعديني أرجوك

[حبيبة الكويت]

سوف أرجع لأبو ولد بعد طلاق دام سبع سنين وعندي ولد ؟؟ دكتورة بصراحة كيف أتعامل معه لقد نسيت كل شئ عن الحب وغيره والرجال متزوج وعنده ثلاث أطفال و ولدي لا يحب أبوه ودائماً أقول عيب هذا أبوك لكن ماكو فائدة لا تلومونه لأن من يوم هو صغير أبوه ناسي عنه توه تذكره من سنة ..... أرجوك دكتورة ساعديني لأن كذا مرة اتصل على المركز ومحد يرد عليّ أنا من الكويت أرديد الحل لأن بعد شهرين راح أرجع حق أبو ولدي كيف أتعامل معه وكيف أحبب الولد فيه ....

 

[القلب الكبير]

رد : دكتور ة ناعمة ساعديني أرجوك

هلا والله حبيبتي حبيبه الكويت

اختي الغاليه دوام المركز يكون من الاحد الى الخميس من الساعه 8 الى الساعه 12 ( بتوقيت الكويت ) .. في رمضان فقط

والاسبوع الجاي عطله

حاولي الاتصال في الاوقاتي التي ذكرتها لك

وياليت لو تكونين معانا في دوره الدكتوره ( كوني ملكه ) .. اقرأي عنها في قسم الدورات

بالتوفيق انشالله يالغاليه :bye1:

 

[أ.ناعمة الهاشمي]

رد : دكتور ة ناعمة ساعديني أرجوك

شكرا لك القلب الكبير على المداخلة................

عزيزتي حبيبة الكويت:

أحتاج إلى بعض التوضيح،

لماذا طلقك زوجك ؟؟ ومتى ؟؟ هذا مهم جدا لكي نعرف كيف تبدأين معه من جديد.

الطفل سيحب أباه بناء على معاملة والده له فلا تجبريه ودعي الأحداث تاخذ مجراها.

 

[حبيبة الكويت]

رد : دكتور ة ناعمة ساعديني أرجوك

أختي الغالية أ.ناعمة الهاشمي

تزوجت سنة 1999 وقعدت في شقتي ثلاثة أشهر كلها مشاكل لم نتفاهم أنا وأبو ولدي وهذا من تدخلات أهلي وأهله (بسبب سيارتي ومعاشي)) لأن الرجال ماكان عنده سيارة فيستعمل سيارتي وإذا احتاج فلوس ياخذ مني آخر مشكلة كانت بسببها وأهلي رفضوا أرجع وكنت حامل في الشهر الثاني ولم أرجع له وقعدت في بيت أهلي لما حصل الطلاق سنة 2001 والآن هو كلم واسطة حتى نرجع بس ينطر الوالد لأنه مسافر في رحلة علاج بعد شهر راح يرجع بس أستاذة لما يتصل فيني كلامه حلو بس ما عرف شنو أرد عليه خايفة ما أسعده تدرين أستاذة يقول لما يكون مع زوجته يتذكرني حتى إذا ...... يتخيلني أنا بس كل ما يقول هذا الكلام أتضايق وأكره زوجته أستاذة الله يخليك أريد الحل كيف أتعامل معاه ومع زوجته التي تكرهني وطلبت إذا رجعت له بأن لا أدخل بيتها نهائياً مع العلم بأني قلت لأبو ولدي أبي شقة بروح أبي أبتعد عن المشاكل يا ليت يا أستاذة تجين للكويت وتسوين دورات لأن صعبة أروح دبي



ملاحظة : أبو ولدي لحد الحين ما عنده سيارة يستعمل سيارة زوجته وقد طلب مني إذا رجعت له أفتح له سيارة وطلب كذلك إني أدفع أجار الشقة لأنه ماخذ قرض من البنك ويبني بيت لزوجته وبناته وطلب إذا احتاج فلوس لا أبخل عليه.

لا أدري ماذا أقول لأن نفس مشكلتي (السيارة والراتب) تكون الطلاق .

 

[نسائيات]

رد : دكتور ة ناعمة ساعديني أرجوك

أختي الغالية أ.ناعمة الهاشمي

تزوجت سنة 1999 وقعدت في شقتي ثلاثة أشهر كلها مشاكل لم نتفاهم أنا وأبو ولدي وهذا من تدخلات أهلي وأهله (بسبب سيارتي ومعاشي)) لأن الرجال ماكان عنده سيارة فيستعمل سيارتي وإذا احتاج فلوس ياخذ مني آخر مشكلة كانت بسببها وأهلي رفضوا أرجع وكنت حامل في الشهر الثاني ولم أرجع له وقعدت في بيت أهلي لما حصل الطلاق سنة 2001 والآن هو كلم واسطة حتى نرجع بس ينطر الوالد لأنه مسافر في رحلة علاج بعد شهر راح يرجع بس أستاذة لما يتصل فيني كلامه حلو بس ما عرف شنو أرد عليه خايفة ما أسعده تدرين أستاذة يقول لما يكون مع زوجته يتذكرني حتى إذا ...... يتخيلني أنا بس كل ما يقول هذا الكلام أتضايق وأكره زوجته أستاذة الله يخليك أريد الحل كيف أتعامل معاه ومع زوجته التي تكرهني وطلبت إذا رجعت له بأن لا أدخل بيتها نهائياً مع العلم بأني قلت لأبو ولدي أبي شقة بروح أبي أبتعد عن المشاكل يا ليت يا أستاذة تجين للكويت وتسوين دورات لأن صعبة أروح دبي



ملاحظة : أبو ولدي لحد الحين ما عنده سيارة يستعمل سيارة زوجته وقد طلب مني إذا رجعت له أفتح له سيارة وطلب كذلك إني أدفع أجار الشقة لأنه ماخذ قرض من البنك ويبني بيت لزوجته وبناته وطلب إذا احتاج فلوس لا أبخل عليه.

لا أدري ماذا أقول لأن نفس مشكلتي (السيارة والراتب) تكون الطلاق .

اختي هذا يخدعك بالكلام المعسول الريال محتاج ماديا بسبب الضغوط والديون قال من وين اييب بيزات قال ما عندي غير ام ولدي
هذا الصنف من الرجال اتكالي يعني لو تصدين شمال وشرق وغرب وجنوب بتشوفين الشباب قبل الحرمه يحطون لهم سياره فليش هو غير عنهم ليش يعتمد على زوجاته وسياييرهم من بدايتها يقول لج بيزاتج وفلوسج و سيارتج
انتي الحين في بر الامان مرتاحه سيارتج لج و بيزاتج لج
قبل لما كنتي راسج براسه ما استحملتي استغلاله لج والحين بعد ما صار عنده عيال وبيت وبتردين له ؟؟؟؟؟؟؟
راح تصرفين عليه وعلى حرمته وعياله
انا اقول فكري الف مره قبل لا ترجعين خطوه للوراء لانه رجوعج لزوجك ما هي الى خطوه للوراء
اختي الوحده منا ما تحس بانها انثى الا اذا صرف عليها ريلها مو هي اللي تصرف عليه يعني انا ما احس بالامان لحد ما احصل لي سند انا اتكئ عليه مش هو اللي يدور سند يتكئ عليه
زواجك شكله في نهايته راح تطلبين الطلاق مره ثانيه
الحين عندج طفل واحد بكره راح يكون عندج اكثر من واحد
ففكري الف مره او اكثر قبل الرجوع خطوة للوراء
انتي الحين في احسن حال ما عليج من كلامه باين عليه يداهن سير ويعرف نقطة ضعفج
الحياة مش ورديه يعني القصص مش دوم تنتهي بحفل عرس وبورد
وفي الختام الخيره في ما اختاره الله صلي الاستخاره وربي يوفقج

 

[جلنار]

عزيزتي حبيبة الكويت
ردج الثاني متضمن اجابتة سؤالك اذا تردين له أو لا
نفس السيناريو بيتكرر وبأوقح مما كان
ان شاء الدكتوره ترد عليج بالرد اللي يسعدج

 

[دمعة نيران]

السلام عليكم

اولا: هذا الرجل استغلالي الا ترك ولده 7 سنوات اعوذ بالله

ثانيا: كيف تردين له وانتي ما تزوجتي ... يعني الزواج غير صحيح في حالة انج ما تزوجتي من شخص اخر

نصيحة ابتعدي عنه

 

[الحنونه]

رد : دكتور ة ناعمة ساعديني أرجوك

انا مع كل الي قالته اخت حكاوينا

يا اختي هذا واظح جدا انه استغلالي

ولا في احد ينسى ولده هذي الفتره كلها

معليش انتي كنتي تبغين اشتشاره في كيف تتعاملين معاه

لكن انا اقولك هذا ما ينفع والفلم بيتكرر من جديد لكن هذي المره بيستغلك وبيستنزفك اكثر

يا عزيزتي فكري الف مره وعشان تتأكدين سويله اختبار

مثلا قوليله انك مارا ح تقدرين تدفعين الاجار او مثلا انك راح تستقيلين عشان انك تبغين تتفرغين لرعايته هو وولدك

وصدقيني اذا انه يبغاك لشخصك بيرحب بالفكره واذا غير ذلك ..............!!!!!!!!فتصرفي ساعتها

واولا واخيرا استخيري........استخيري ...........استخيري فمن استشار الله ما خاب..

والله يوفقك لما يحبه ويرضاه...

 

[ملكة بيتي]

بصراحه امرك عجيب الى هالدرجه حاقرة نفسك
لا وبعد يشترط بيت وسيارة على حسابك


بصرحه هو يستغل غبائك


الحين تصرفين عليه وعلى مرته الثاني وعلى بناته


انتظري الرجل
الي يجيبلك بيت وسيارة ويصرف عليك حتى لو كان معك راتب

لانه هو المتكفل بك وبمصاريفك مو العكس

ويمكن بعد ما يخلص بيته الي بيبنيه لمرته وبناته ولا يحتاج فلوس يرميك مثل ما رميتيه اول


اسفه لاني كنت قاسيه بالرد بس حطيت وحدة من خواتي بموقفك فكان هذا ردي

 

[باقة ورد]

اكيد راح توقيعن في نفس مشكلتك الاولى للي كانت سبب طلاقك
و بعدين هذا بيساومك عشان يرجعك....
المفروض انه يكسبك بالود و يشتري وزنك ذهب اذا كان فعلا يحبك و رايدك لكن شكله داخل على طمع و لو انا مكانك ما ارجع له ابدا......
هذه وجه نظري اقولها لك بكل صراحةكأني اكلم و انصح اختي.......
و من غير ما اظلم:يمكن تكون زوجته لها طرف في القضية ...يعني تقول له اشترط عليها و تؤكد له ان ده من حقه طالما سيعود لابنه ..لكن هي بالحقيقة تريد تعجيزك انت حتى يتم الرفض من طرفك و بذلك يخلو لها الجو ....
اقول الله اعلم........
و استغفر الله ان كنت ظلمتها...........