دكتورتي ...طفرت .. وطلعت من البيت :(

[ضاع الوفا]

السلام عليكم ورحمة الله وبركاته ...



بقولكم قصتي بس اتمنى ان تكونون حقانيين وياي .. ولا تجاملوني بليز ... واتمنى من الدكتورة ناعمه ترد عليي يهمني رايج يا دكتورتي...


باختصار شديد عشان تعرفون قصتي كامله .. هذا رابط بداية المشكله
http://www.niswh.com/vb/showthread.php?t=2476&highlight=%CE%C7%ED%E4+%E6%E6%E1%CF



والجديد حاليا ...

مازال يحاول ارضائي بأي طريقه مع استمراره في الخيانه ... مع اني امسك عليه اشياء وايد ومنها صور ويا عشيقاته احتفظ فيها عشان تكون دليل ضده لليوم الأسود ... بس اللي مب مخليني اتقرب منه اسلوبه البايخ وياي ... اسلوبه دايما في استفزاز متواصل واحتقار احيانا .. بس اذا يبغي الجنس خلاص .. يتغير ... ومن يحصل مبتغاه .. يرد نفس ما كان ..
المهم .. من يومين فالليل قبل لا ننام وكانت الساعه 1 ونص تقريبا قال لي : تعرفين ؟ سمعت في الاذاعه (الظهر ...ركزوا متى ...... الظظظظظظظظظهههههههههرررررررررررر ... ونحنا فالليل ............كان موضوع الحلقه عن الزواج من اجنبيات بالنسبه للمواطن والعكس .... ويقول : بس ضحكتني رد واحد من الشباب واستانست وايد على رده وعجبني .. هني قلت له شوهالرد ؟ قال : قال الريال ان لو ماشي في الشرع ان الرجل حده بس يتزوج اربع حريم ..جان بتزوج من كل قاره حرمه .. روسيه ... لبنانيه .. امريكيه ..تايلنديه :shutup: .... هني سكتت عنه ومسكت عمري وقلت في خاطري الريال ناوي على شر لأنه يحب ويتلذذ يوم يشوفني متنرفزه ويضحك في ويهي بعد .. بس هو تم وراي لين ما رديت عليه .. وقلت له : الله يرزقك ان شاء الله بأربع حريم ..... ضحك .. قال لي .... ما يستوي وانتي على ذمتي .. قلت له ... لا حبيبي .. لأن ساعتها مستحيل اتم على ذمتك لأني بعدني شابه وان شاء الله الله بيعوضني وبتزوج .... يوم شافني جاده ... قال لي : لا .. انتي الأم وانتي اللي بتربينهم ..... (((( طبعا وهو يضحك ))))) قلت له بس حزتها انت اللي بتربيهم وحرمتك اليديده ...... هني بدا يعصب ..... وكلام مني ومنه وبدا يغلط عليي لدرجه اني قلت اني اقدر اتطلق منه اذا عندي دليل عليك .... وهو يعرف ان الصور عندي بس ما يتجرأ يفاتحني فالموضوع .... فهم النغزه وقال لي : يعني شو .. بتسيرين فالشارع وبتركبين ويا اي ريال عشان تطلعين خاينه واطلقج :smoke1: ......... هني قلت له : مب مستعده اكلم ياهل ... هني صفعني كف جدام عيالي ... بنتي صرخت وقامت تصيح ... قلت له لا تمد إيدك مره ثانيه .... وكل ما اقوله لا تمد إيدك يضربني زياده .... قلت له ان ضربتني مره ثانيه بطلع من البيت ... قال لي ما تقدرين انا الريال مب انتي ودرزني عالفراش بالقو:shutup: ... وقلت له مب مشكله اضربني .. بس باجر برجع من الدوام وبسير بيت ابوي وما برجعلك هني ... قال لي عادي سيري بس خلي اليهال !!!!!!!!!!!!!!!!!!!!!!1 ..... قلت له : منو قالك اني باخذهم !!!!!!!!!!!!!!

سكت شوي ... وقال : ان ما رديتي باجر من الدوام ورجعتي بتوصلج ورقة طلاقج وحلف يمين ان الورقة بتوصلني:dunno: ....

ويلس يسب ويشتم وانا ساكته عنه ....

واليوم الثاني ... استأذنت من الدوام ولميت اغراضي وبضاعتي كوني اتاجر فالبيت وشليت بعض ذهبي وفلوسي وجوازي ....... قبلت عيالي وكانوا نايمين ....

وانا الحين كملت من البارحه في بيت ابوي .. لا اتصل ولا طرش لي مسج .... بس وانا اكتب القصه .... اتصلت عمة عيالي اللئيمه ... رديت ... طلعت بنتي اللي عمرها 3 سنوات :no: وقالت لي : ماما وين انتي .... قلت لها : انا فالدوام حبيبتي .. سكتت شوي ... وقالت : بس عمو قالت انتي فالطياره :sly: ..... مع العلم ان بنتي ما شاء الله عليها نبيهه وما يفوتها شي وشكلها فشلتهم ..... ومشيت وياها على اساس اني اطلع من الدوام واركب الطياره عشان اشتريلها العاب ... وكانت مستانسه وتضحك ..... مع اني متأكده انهم ما بيتحملون عيالي لأنهم صغار واهل ريلي من النوع اللي دايما يطلعون وما ييلسون فالبيت أبد وعيالي بيكونون ثقال عليهم ...... اتمنى ذلك....


اللي حواليني قالوا ...
1 _ انا الغلطانه لأني طلعت من البيت : صح هي اول مرة اخلي عيالي لأني اعرف نقطة ضعفه واعرف ان ما عنده شخصيه ... وانا طلعت من البيت لأني متضرره من ضربه لي .. مع اني عندي تقرير من المستشفى يوم ضربني اول مره بس ما عرف اذا هالشي بيثبت لي مع مر السنين اني فعلا اتعرض للضرب من ناحيته .

2 - يلوموني كيف تركت عيالي وينصحوني اني ارد : اذا رديت ... عادي يشوفني بهالصورة اني مستسلمه وهو يحب انه يذلني وعادي يطردني بالتالي بيفتخر بالانجاز اللي سواه ... وعيالي هو اصلا دااااااااااااااااايما يذلني فيهم واسكت .. دايما يوم اتضارب وياه يهددني فعيالي .... فما توقع اني اقول له : بخليلك عيالك !!!



ابغي رايج يا الدكتورة ناعمه ارجوج .... وابغي اعرف اللي سويته صح ولا غلط وهل انا استعجلت في اني طلعت من البيت .... بس والله مليت من اهاناته لي واحتقاره لي بهالصورة:shutup:


هل اعتبر مطلقه ... لأنه قالي بخليج معلقه وباخذ عليج حرمه ثانيه .. مع اني احس انه ما عنده الجرأه لهاي الخطوه :dunno: ويمكن يتجرأ ويسويها ...

 

[زهرة البوادي2006]

اختي ما قدرة ما رد عليك وانا اعرف انك تنتظري رد الدكتورة الغاليه لكن الي سويتيه عين العقل خليه يحس بقيمتك وهو ما ناوي يطلق لو ناوي كان نطقها الكلمه لا ترجعي بنفسك خليه هو يجي يرضيك ورجعي له بشروط والله يوفقك

 

[موزة خلفان]

اختي الكريمه الغلط ليس خروجك من البيت بعض الضرب الغلط ساعة نقاشك مع كان الافضل لك الصمت وعدم مجاراته ف كلماته
فكلمه منك وكلمه منه ادت بكم لهذا الوضع لو تراجعين شخصية الرجل المعتدي بالضرب ستعرفين حجم الخطاء الذي وقعتي فيه


لكن الان ما حدث قد حدث و قسمه لو خرجتي بيت اهلك انت طالق اسالي فيه مفتي فقد يقع الطلق وقد لا يق و خاصه انه في حالة نفعال ويستطيع ان يعود فيه

الان استثمري فترة جلوسك في البيت ولا تردي على اتصالات احد ولا تستمعي لاحد ارتاحي لحد ما يرجع ويعتذر لك
ان رجعتي مستسلمه ستنالين من التحقير والضرب ما لا تطيقين
فاصبري قليلا حتى تهدا النفوس وكما قلتي لن يستحمل اطفالك غيرك فاصري
و ان شاء الله تهدا الانفس قريبا

 

[احاسيس*]

الله يعينك يالغاليه............................لاتنسي الاستغفاااااااااااااااااااااااااااااااار :icon30:

واله ثم والله ان السبب في كل مشالك هو سكنك مع اهل زوجك...................
لاترجعي الا في بيت مستقل وسيتغير زوجك جذريآ وقولي ماقالت احاسيس................
تدرين ليه لان اهل زوجك.....ماسحين شخصيته وحاس بالضعف وحاط حرته كلها فيك..................
وناقصه اشياء كثيره منك ولاتقولين السبب هومايبي يطلع من البيت ومعجبه بيت اهله.......
لانه بعدين يبدا يلومك ويقولك انك ماكنتي تسوين له كذا وكذا ولاتلبسينله ووو

 

[المحبة لربي الله]

الله يكون في عونج

اسال الله ان يفك كربك وهمك ويهدي زوجك

 

[f700]

الله يفرج كربتك ويردك لعيالك سالمه غانمه
وعليك بالاستغفار وقراءة البقره وثقي بالله تعالى لن يردك خائبه

 

[الشحرورة]

شوفي عين العقل الي سويتية

مع انج طولتي السانج عليه بس

يالله الي راح راح اهم شي ما تردين له


إلا وهو ياي ومعتذر وحركة عيالج عجيبة لانج بالطريقة هذي لويتي اذراعة

تعرفين حتى لو لا سمح الله استوى الطلاق ترى الحق وكل الحق معااااااااااج انتي

وهو ما يقدر يخليج معلقة لان المحكمة ع طوول اطلق لو شافت الصور الي عندج ولا حتى تقرير المستشفى


الله يسعدج ويسر لج اموورج نفس ما قالوا الخوات ردي له بشروطج

 

[روعة القصيد]

الله يكون بعونك و يفرج همك

 

[وجدان ام سارة]

اختى ضاع الوفا
للاسف خليتى الشيطان يدخل بينكم ماكان لازم تجارينة بالكلام هذاك شفتى كيف تطور الكلام وقلب خناق بس الى صار صار ونا اقول لكل الاخوات ترا ولله الشيطان يتحرى اى فرصة ويدخل بين الزوج وزوجتة لاتعطونة فرصة ولو شفتو الموقف تأزم استغفرو الله وتعوذو من الشيطان
انتى رحتى بيت اهلك لاترجعين الا اذا جاء يمك وعتذر عن مد ايدة عليك وخذى تعهد منة ويريت يكون احد من رجالك موجود ابوك او اخوك علشان يحس بشناعة ماسواة ولاتتصلين ابد اتركية فترة ويهدى من نفسة
وربى ييسر امورك ويسخرلك زوجك وكل المسلمين امين

 

[حبيبة زوجها]

انامعاك 100% واولادك في رعاية الله ان شاء الله ربنا يحفظهم لك انت خليتيهم في بيتهم مو في بيت غريب خليك على

موقفك ان شاء الله ربنا يهديه ويجيك يعززك ويكرمك ويندم على مدت يده

 

[سحابة حب]

وانا كمان اختي ماانصحك ترجعي بيت زوجك
لانك لو رجعتي راح تضيع كل حقوقك ويزيد في احتقارك والاستهزاء فيك
قوي قلبك واصبري وانا معاك والله محد يتحمل الاطفال الا امهم غير كدا محد يتحملهم
وحتى لو صبروا راح يكون عناد فيك مو حب وصبر عليهم
باين من كلامه لك انه يشوفك ضعيفة وعديمة شخصية عشان كدا مهمشك ومو معطيك اي قيمة
لكن انت حسسيه انك قد كلمتك واللي تبغيه مااحد يقدر يردك عنه
صحيح فراق اطفااااالك صعب لكن قوي قلبك واصبري عشان ان شاء الله لما ترجعي له
يكون تأدب ويعرف انك قد الكلام اللي تقوليه وانو مايهمك شي الا راحتك
ويحسب حساب اي فعل ممكن يسويه وحتى وان سواه اقللها يعتذر

الله يوفقك ويكتبلك اللي فيه الخيررر

 

[bent-uae]

الله يعينج اختي...
والله انه حظج رامج مع ناس ما يقدروووووووووووووون طيبج واخلاااقج العاليه...
ولو هو دار الدنيااا ماراح يلاقى وحده تتحمله مثل ما تحملتيه انت واتحملتي هله...
الله يعوضج عوض خيررررررر...

 

[الجوووري4]

الله يعينج الغاليه ..
رايي من راي خواتي ...
اصبري حتى يأتي الله امرا كااااااااان مفعولا ...
ارتاحي في البيت وعياج ماعليهم شر انشالله بيكونون بأمان وهم اهلهم مهما صار واذا رديتي ردي بشروطج و حطي النقط على الحرووووووف وابدي معاه صفحه يديه ان شالله

 

[دقايق]

خلييييييييييييييييييييييج لا تردين البيت
بيحس بقيمتج
وبيردج

 

[امرأة عصرية]

بصراحة يا اختيا لا تردين لزوجج ولا لعيالج إذا كنت متأكده ان أهله ما راح يتحملونهم هذي خطوة --------------------
ثانيا لا تردين على اتصالته أو اتصالات أهله وبالأخص عيالج عشان اتحسسينه ان لج القدرة على العيش من غيرهم صح انه شوي صعبة لكن تحملي ------ الله مع المظلوم
ثالثا كلما طالت المدة لا تخافين راح يكون عليهم ضغط من قبل العيال فيرضون بأي شروط تشطرطينها عليهم غصب عنهم.
ولا تنسين ان اهناك قوانين عندنا بالمحاكم خاصة محاكم (بوظبي) تعطي حق للمرأة المضروبة وإلا خانها زوجها خاصة بالزنا هجرانه لج في الفراش والمصروف إلا لازم يصرف عليش وكذالك إذا طالت مدت الطلاق فوق ثالثة شهور ومارجعج راح يكتب لج عقد جديد ومهر جديد هذي في الطلقة الأولى أما الطلقة الثانية فلابد من عقد ومهر جديد على طول-------------
لا تردين ثم أكرر لج لا تردين لا تردين لاتردين له إلا بالشروط الا توقفه عند حده طبعا كله موقع بالمحكمة وبالقانون ---
مثل 1- فتح بيت يناسب الحياة لج ولعيالج .
2- عدم التعرض بالضرب لج ولو بأي حركة .
3- عدم تدخل أهله في حياتكم الزوجية .
4- يصرف عليكم بالزين
5- قطع أي علاقات محرمة وخيانات زوجية ، واهنا اشطرتي للمحكمة انها تتخذ الإجراءات الازمة في حال وقوعه في الخيانه مرة أخرة.

 

[ليليان وبس]

لا حول ولا قوة إلا بالله العلي العظيم

الله ينتقم من كل زوج يستقل ضعف زوجته بالضرب أو الإهانه,, حسبي الله ونعم الوكيل فيهم

حبيبتي سمعي كلام الأخوات .. أنا مع كلام أمرأة عصرية.. ترى العيال بالموت تتحملهم أمهم .. فلا تخافين انشالله تقر عينك فيهم ويجمعك وياهم في ظروف أحسن من هالظروف..

الله يكون بعونك ويسخر لك و يفرج همك.. اللهم آمين.. وطمنينا عليكي حبيبتي

 

[وجدتها]

مشكلتنا نحن الحرييييييييييييييييييييييييم لسانا طوووويل ما نسكت

والا الرياييل عقووولهم فركبهم....لازم نصبر عليهم

ابى اسالج ليشششششششششششششششششش ليين اللحينه ما سرتي شخصيا للدكتوره


لازم تسيرييين وباسرع وقت

وجدتها....وجدتها.....وجدت سعادتي بالصلاة على النبي محمد

 

[شواطئ]

الحمد لله الذي لا يحمد على مكروه سواه

ما ضاقت الا فرجت :tears:

فرّج الله عنك وعنا بحق محمد وآل محمد

والله يحفظ لك عيالك ويكونون لك خير سند يارب

الله يهدي سرك ...

 

[وجه المرايا]

اللي يسمع مصيبت غيرى اتهوون عليه مصايبه
الله يساعدج يالغاليه ويصبرج والله هالريايل مايملا عينهم غير التراااب
تضحيه تضحيه تضحيه
واخر شي ولا سال عليج
حسبي الله عليهن بنات الحرام اللي خربن الرياييل عليناااا

 

[شفافة الروح]

بلعكس عجبني تصرفك

كان لازم من زمان تحطين له حد يوقف عنده

اللي تسكت عن اول مدت يد خلاص يتعود يضربها باستمرا

اولادك في رعاية الله وفي بيت اهلهم وماعليهم خوف

وتصرفك رائع بس لاتضعفين انتبهي