دكتورة ساعديني ** تم الرد **

[جامعة الحنان]

دكتورة

ولدي اللي راح اكلمك عنه الحين راح يخلص 7 سنوات ويدخل 8 سنوات ...

المشكلة اللي عنده انه لما ولدت فيه ماحد نبهني ان ولدي عنده مشكلة

بس لاحظت عليه من اسفل انه مو زي باااقي الأطفال اللي بسنه أو اصغر
بس كنت لما اغير له وامسك اسفل بطنه يصير يصيح ولما وريته الوالده الله يحفظها
قالتلي : الخصيه مو موجوده عنده ...
ولما رحت اختنه نبهني الدكتور ان اللي عنده صغير مو طبيعي
مع ان دكتور الأطفال لما شافه كتب في الملف مشكلته بس ماقالي ولما سالته بعد فتره قالي : نسيت ابلغك ...

لما صار عمره ثلاث سنوا ونص وديته لدكتور وقالي : عمليه جراحيه وراح ننزل اللي جوة البطن والثانية راااح تنزل بعدين ...

وبحكم ان الولد بدا يكبر ويستحي فما خلاني اتابعه

بس جبرته مررره اني اشوفه واكتشفت ان الثانية لسه مانزلت
وديته لدكتور وحدد له عمليه بعد 12 يوم ...

استفساراتي دكتوره

- الدكتور قالي ان ولدي مو مختن ( معا اني ختنته وعمره 3 اسابيع )
وقالي رااح اسويها له مع عملية الخصية اي بعد 12 يوم
وانا خايفه انه يتعب لان الكبير يتعب مو زي الصغير وهو الحين بالدرسه
ومااعرف اتصرف معاه لما يسويها لانه يستحي
فايش هي الاحتياطات اللي لازم اسويها له ...
- دكتوره قوليلي بامانه
انا قريت ودرت النت عن الخصيه المعلقه وقالوا انه لما تكون الثنتين معلقة بانه ماراح يخلف عياااال لما يكبر عكس لما تكون وحده الثانية راح تنوب عنها وهذا الموضوع حاز بخاطري وقلبي يوجعني لما اطالعه واتخيله لما يكبر كيف راح يكون حاله ...
- ولدي يتبول الاارادي لما ينام
وقالت دكتوره اللحميه لها دور وسويت له اللحميه وجلس شهر مايسويها والحين رجع
مع انه بالنهار لما يكون يبغى الحمام يقدر يتحمل اكثر من ساعه مايدخل الحمام
فايش الحل معاه ....

أفيديني دكتوره
وسامحيني اني طولت عليك ...

 

[د/همسه هذيل]

السلام عليكم عزيزتي ..
ابنك يا عزيزتي مو مشكلته الخصية فقط مشكلته عيب في الاعضاء الجنسية نتيجة نقص احد الهرمونات خلال فترة التكوين و شخصه الدكتور على حسب ما تقولين و كتب في ملفه التشخيص و ما قلك!!! كيف ينسى يقول شئ لا يستهان به لازم يحاسب هذا الدكتور و الله حرام ..
العضوي الذكري صغير مع عيب في فتحة البول و في بعض الحالات من غير و عدم نزول الخصية كلها اعراض العيب الخلقي ..
و لو ابنك فتحة البول عنده غير باقي الاولاد اي ما يسمى ب (hypospadias) هذا ما يصير يطهر اصلا
..انتي ما بينتيلي عنده او لا..
لو كان المشكلة في عدم نزول الخصية فقط المفروض الدكتور اللي شافه في الاول شي يتابعها ينتظر عليها الى 6 شهور مش نزلت يعطونهم هرمون في امريكا حبوب و ينتظروها تنزل ما نزلت يسونله عملية بس الدول العربية على طول يسون العملية اضن متأخر شوي 3 سنوات و حتى لو نزلو الاثنين و من بدري ما اكذب عليك و الله قادر على كل شئ 38% من الاطفال لما يكبرو يكون عندهم عقم و في حالة العيب الخلقي الي عند ابنك تزيد هذه النسبة طبعا..
اما بالنسبة للتبول الليلي ف ليس له علاقة باللحمية هذا كله نفسيا و اكيد الولد حاسس انه في شي غلط و انا كتيت علاجه في استفسار اخر انصحك تروحين لدكتور شاطر لا تسلمين ولدك لاي احد.
و بالنسبه للخصية الثانية لازم يساويلها عملية ينزلها لان بقائها داخل مو زين مو بس على العقم و كذا و لكنها اذا ظلت فترة ممكن تسبب سرطان الله يحفظه و يبعد عنه كل شر ...

 

[جامعة الحنان]

رد

دكتورة

هو فتحة مجرى البول في محلها الطبيعي
بس هو صغر العضو عنده ...
وايام البرد احس انه مرره يصغر كمان ...
مافي اي علاج على الاقل ارتاح نفسيا ً ...

طيب دكتوره في واحد اعرفه لما انولد كانت فتحة البول أسفل العضو وسووا له عملية ووضعوها في محلها الطبيعي ..

وبعد ماكبر بدا يشتكي من ضيق في مجرى البول هذا ايش راااح يكون علاجه وهو الحين شااب ورافض يروح لاي دكتور ...

 

[د/همسه هذيل]

اهلا عزيزتي :
اذا فتحة البول طبيعية عادي خلي يسويله تطهير و صغر العضو يعطونه testosterone enanthate 25_50 mg في العضل كل شهر و لكن لازم احد يفحصه و يحدد الحجم بالضبط و هل هو محتاج لذلك او لا و ما يعطونها ايه غير على 12 او 11 سنة و يزيدون الجرعة على مراحل تحت اشراف الطبيب ..في البرد لازم يصغر طبيعي ..
انتي وين عايشة ؟ اعرف دكتور ممكن يفيدك كثيرا .
بالنسبة للولد الثاني اذا مو مسويلة الموضوع اي مضاعفات او التهابات خلاص مو مشكلة .
الف سلامة عليهم .

 

[جامعة الحنان]

انا في السعودية بمدينة الطائف

بالنسبة للولد الثاني

يشتكي انه يتعب لما يتبول
هل يبغاله توسيع مرة ثانية بمجرى البول ؟

وتسلمين يادكتوره وماراح انسى لك جميلك ...

 

[د/همسه هذيل]

مع الاسف عزيزتي ما اعرف احد في الطائف ..
اذا يجد صعوبة ايه لازم يتوسع مرة ثانيه لمنع المضاعفات..
شكرا جزيلا