بادئ الموضوع تاريخ البدء
  • المشاهدات 8,710
  • الردود 11

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
السلام عليكم ورحمة الله وبركاتة...
انا بنت مثل كل البنات ابي اعيش حياتي الزوجية بثقة وطمانينة ابي تدور بيني وبين زوجي الثقة التامة ابي احس بالاستقرار....لان الحياة اذا ما بنيت على هذة المبادئ سوف تهد من اساسها ولن يحس الزوجين بالاستقرار...
المهم مشكلتي انا زوجي بس مالكة علية بس للحين ما اقمنا العرس...
من عاددتة انة لا يساني وين رايحة ووين جاية وانا اتوقع انة من حقة بس هو يحس انة شي مو وقتة يحس ان انا الحين بمسئولية اهلي وذا تزوجني يصير خير وهنية يسالني وين رايحة ووين جاية...المهم مشكلتي بدات امس كانت عندي محاضرات بالجامعة من الساعة12 الى1 الظهر فقط وارجع البيت لكني تاخر ت بالجامعة لغاية3الظهر وهذا كان يوم الاثنين لان عندنا امتحان يوم الاربعا وكنت بدرس مع البنات حق الامتحان وبعد ماخلصت الساعة3رجعت البيت(لم استاذن من امي لان امي تعرفني وواثقة مني اقصى حد اتاخر فقط ساعة او ساعتين لانها تعرفني اذا تاخرت هذا يعني اني عندي دراسة وهي بالعادة اذا تاخرت فقط عشر دقائق بعد المحاضرة تتصل بي وتسالني عن سبب التاخير واستاذن منها اني راح اتاخر او مرات انا اذا حسيت نفسي بتاخر اتصل فيها واعلمها)امي كانت في يوم الاحد يعني قبل يوم تاخري بالجامعة كانت رايحة لبيت اخوي تنام عندهم...
المهماصل علي خطيبي الساعة4 العصر وكنت نايمة لاني تني جاية من الجامعة ورحت انام وبعد ما قعدت الساعة6 دقيت علية قالي ليش ما رديتي علي؟؟؟قلتلة كنت نايمة ؟؟قالي ليش متى رجعتي من الجامعة؟؟قلت الساعة3؟؟قالي ليش تاخرتي وانتي محاضرتج تنتهي الساعة1 قلت كان عندنا امتحان وقعدنا ندرس انا والبنات؟؟خطيبي عصب قال شالخرابيط ومدري ايش وقلتلة انا كنت بعطيك خبر بس تراجعت بكلامي (وانا فعلا والله كنت بعطية خبر بس قلت موداعي يعني انا طول الوقت ما اسويها الحين بسويها؟؟؟) فقالي طبعا انا ما اهمج قلتلة بالعكس بعدين يا حبيبي انا استاذنت من امي وهذا الشي يكفي؟؟؟؟
فقالي متى استاذنتي من امج قلتلة امس يوم الاحد قالي بالضبط الساعة كم قلتلة تقريبا المغرب او الساعة10 بليل قالي اشلون استاذنتي قلت هي كانت قدامي وصديقاتي دقو علي واستاذنت منها وهي قدامي قالي انتي كذاااااااااااابة:sad_1: انا انصدمت من كلمتة قلت ليش تقول كذي قالي لان امج امس رايحة من الصبح حق بيت اخوج اشلون كلمتيها بليل وكانت جدامك(انا كنت ناسية ان امي رايحة لبيت اخوي وانا والله نيتي مو اكذب علية بس لان هو شخصية معقدة واهلي واثقين مني ماحبيت اقولة ان احنا نطلع بدون شور امي وبعدن انا ماقدرت ادق علي امي عند بيت اخوي لحظة ما تاخرت لاني ماعرف رقم بيت اخوي توه جديد البيت وامي ماعندها موبايل وانا كانت نيتي اني ما احط بيتنا واهلي بصورة مو حلوة انة يوقل ان احنا نطلع بدون شور امي لانة هو شخصيتة دايم ينتقد بيتنا وهو اقل مستوى تفكير من بيتنا يعني عندة البنت مو حلوة تسوق سيارة او موحلوة تدرس ومن هذا القيبيل اما بيتنا فري بس بحدود يعني تدرسين وتتعلمين وتسوقين سيارة عادي وهو دايم ينتقد فما حبيت انة يقول ينتقد بعد اكثر)
المهم قالي انتي كذابة امج من الصبح عند بيت اخوج انا بصراحة انحرجت بس قلتلة لا امي انا مستاذنة منها قالي اوكي انا الحين بدق علي بيت اخوج واسال متى امج راحت لبيت اخوج قلتلة روح دق بس كنت اقولها بطريقة خوف وباينة اني غلط؟؟؟الهم سكر السماعة راح يدق على بيت اخوي يسال وسبحان الله تذكرت ان امي راحت من البيت الساعة7 المغرب بس انا كنت ناسية الوقت؟؟وانا قلتلة انا مكلمة امي ومستاذنة المغرب او تقريبا الساعة10؟؟؟ولما سكر هو السماعة راح يتصل على بيت اخوي مادق بعدها ودقيت علية انا قلتلة بكل ثقة (دقيت هاه اشصار تاكدت وهو صار يضحك من الاحراج قالي صح امج راحت المغرب بس انتي قلتيلي انج مستاذنة بليل الساعة10 قلتلة انا قلتلك المغرب او10 لان الدنيا كانت ليل وماعندي ساعة فكنت مو متاكدة؟؟؟فقالي بس انتي كذاااااااااااابة وانا اكتشفت فيك هالميزة قلتلة بصوت عصبية وتقولها بكل حراة لي؟؟قال نعم انتي كذاابة ققلت اشتبي بزوجة كذابة؟؟؟قالي زوجتي تكذب على اهلها صح بس عندي اوقفها عند حدهاااااااا:crazy: ؟؟؟؟ انا انصدمت قلتلة صج تنك قليل ادب؟؟قالي لا تخليني اغلط عليك قلتلة فيك خير اغلط وكنت حييييييييييل معصبة قال تبيني اغلط قلت اي وردها تبيني الغط قلت اي وبعدين انا قلت اسد السماعة ابرك لي من ان كرامتي تنهان؟؟؟قالي انا ماهنت كرامتج ورحت سديتة بوجهه السماعة؟؟دق علي ومارديت وبعدين دز مسج يقولي انا اعلمج واخليج تندمين لانج سديتي السماعة بوجهي؟؟؟
وبس للحين ما كلمنا بعض؟؟؟بس دزيت لة مسج بعد ماسديتة بوجهيقلتلة(انا ماحزت بخاطري اني اصارحك بكل شي وبالاخير تقولي كذابة انا باستطاعتي اقولك رديت من الجامعة الساعة1ومحد شاف ولا درى بس لاني حبيت اقولك بكل خطوة علمتك بكل شي وبالاخير تقولي كذابة؟؟؟)
وبس انقطعت الاتصالات والمسجات؟؟
وربي موقصدي اكذب علية لان اهلي عارفين وضعي وواثقين فيني بس هو لانة للحين ماعاش معاي ومو عارف وضعي صار يعاملني كذي؟؟؟
لما قلت حق امي السالفة قالت كان ضحتي لما قالج كذابة وقلتي مو مهم تصدق بس المهم اني انا عارفة نفسي وواثقة من نفسي؟؟؟بس انا قلت في نفسي اذا سويت جذي راح يتمرد انة ينطق كلمة كذابة مرة ثانية امامي عشان جذي راحت صرخت بوجهه وسويت الي سويتة؟؟؟

ادري اني لطانة لاني كذبت بس انا عندي ظروفي الي خلتني اكذب ما احب احط اهلي بصورة مو حلوة امامة لان هو دايم ينتقد اهلي حتى مقابلاتي معاه يقولي انتي ماتستحين ماتعلمين اهلك انك تقابليني؟؟؟؟هو شخصية مجنونة عاد قبل الهوشة بيوم فتحلي محاضرة عن البنات القليلات الادب ومدري ايش وبس سوالفة هذي خانت زوجها وهذي تروح مخيم مع صبيان والعياذ بالله وهذي مدري ايش وسوالفة كل عن العلاقات المحرمة بين البنات والشباب لان هو صاحب هذي العلاقات عشان جذي صار يفكر هالتفكير؟؟؟
يا بنات قولولي صح الي سويتة اني تهاشوت والا كان الافضل شنو اسوي انا ادري اني غلطانة اني ماصارحتة بس اني كنت خايفة من شي وطحت بشي؟؟؟اشلون اتعامل معاه اذا سوى جذي مرة ثانية لانة اكثر من مرة انا صادقة وهو يوقلي انتي كذابة وانا كنت فعلا صادقة؟؟؟
 

سوبر ناني

New member
إنضم
26 أكتوبر 2006
المشاركات
169
مستوى التفاعل
0
النقاط
0
العمر
44
اختي زوجك مستواه التفكيري اقل من مستواك التفكيري احذري من ذلك كثيرا ربما اليوم لن تحسي بذلك لكن غدا ستشعرين
بما انه يحتقر تصرفات اهلك اليوم بكره بعد الزواج راح يكون اكثر جراء ووقاحه من الحين
العيب اليوم انه الوحده عشان تهرب من قطار العنوسه تتعلق باي عربة او مقصورة بالقطار ويالله خل تعدي
بس بعد الزواج تظهر العيوب والفروق الاجتماعيه
فهل انتي على استعداد لتغير زوجك وتحمل تفكيره وشكوكه
زوجك شكاك
صلي الاستخاره
وانشاء الله راح يردون عليج البنات
 

المها

New member
إنضم
27 سبتمبر 2006
المشاركات
422
مستوى التفاعل
1
النقاط
0
رد : دكتزرة ناعمة ويا بنات ساعدوني زوجي يكذبني ماذا افعل؟؟؟

هلا بج الغالية


ترى السالفة والله ما تسوى اللي صار؟؟؟؟

وبعدين حطي نفسج مكانه هو متعود أن الوحدة ما تطلع من بيتها الا بشور أهلها ومتضايق منج بسبب هالشي وحاط في باله اذا تزوجتوا ان هالشي راح يتغير شتتوقعين يقولج؟؟؟

وبعدين ترى هذا مو معناه مستوى تفكير أقل أو أكثر ؟؟

هاي مسألة خوف على البنت ؟؟؟

يعني اذا انتو فري على قولتج هل هذا معناته ان تفكيركم أعلى من تفكير خطيبج؟؟؟

اعذريني أختي على صراحتي بس شي في قلبي وبقوله أبدوا حياتكم على الصراحة عشان تنبني على الثقة والتفاهم وتحملي نهائيا انج تكذبين عليه دامج تشوفين أنج مسوية شي صح وما يخالف دينج ولا عاداتج خلاص قوليه له بدون ما تخبين...


وياريتج تتصلين فيه وتعتذرين ترى الرجال مهما كان ما تتحدينه وتبينين له انج أقوى منه بالعكس تاخذين اللي تبينه وهو يضحك لأنج معاه مو راس براس انتي زوجته وسكنه اللي يلجألحضنها لي ضايقته الدنيا ...

أتمنى كلامي هذا يدخل قلبج

تحياتي لج

(اللهم يارب يا كريم ألف مابين قلب اختي حبارى وزوجها واجعل المودة والحب في قلوبهم) أمين​
 

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
انا اصلا ابي حياتنا انا وياااااااااااااااااااه ثقة بس انجبرت اكذب زانتم عارفين ليش؟؟
بس انا الحين اسالكم هل صحيح الي سويتة او كان المفرووض شنو اسوي؟؟؟ واشلون اخلية ما يكذبني مرة ثانية ؟؟؟لانة يكذبني حتى وانا صادقة معاه؟؟؟
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
رد : دكتزرة ناعمة ويا بنات ساعدوني زوجي يكذبني ماذا افعل؟؟؟

اختي ليش يكذبج انتي كذبتي عليه من البداية وبعدين فيه شيء لازم تعرفينه زين اذا كنت حاسه انج ما مسوية ششيء غلط
خلاص لا تخافين
اما عن اطباع اهلج قول له يوقف عن حده وعلميه انه ما يبدي تعليقات سخيفة على سلوك اهلج لانه هو ماخذج انتي
مش اهلج
بعدين سكة التلفون في وجهه ؟؟؟؟؟؟؟؟راح احط عليها 1000 اكس غلط غلط غلط
لا تصكين التلفون حتى لو غلط عليج
قول مع السلامه وسقكي التلفون
انتي الحين الغلط ركبج من ساسج لراسج بسكج للتلفون
اذا شفتي ريلج معصب كونتي انتي هادية لا تكونين شعله تحرق اللي قدامها
واما من ناحية التكافئ الاجتماعي والفكري فهذا موضوع مهم انتي لم تفتحيه ان لم تكوني تفكري فيه وخايفه منه في داخلج
تعلمين انك ستخرجين من بيئه لبيئه اخرى
الانسان عندما يرغب في التطور ينتقل من غرفة لمنزل بغرفتين وصاله
ومن شقة لمنزل بحوش كبير
اتمنى تكوني فهمتي قصدي
لازم لما تقبلين بانسان وترتبطين فيه تكون مقتنعه فيه على الاقل 60%
واذا هذا الانسان فيه مميزات حلوه خلج تقبيلنه فلا تخسرينه
اتصلي بس لا تعتذري عن الكذب قول انا زعلانه لانك تكذبني وهذي مش حياه
طرشي له مسج قول فيه انا اسفة لاني سكرت التلفون في وجهك
او ارسلي له بوسه وهدية
بس لا تدقين عليه خليه هو يدق وبيني انج زعلانه بس بدلع
والله يحل مشكلتكم على خير
 
إنضم
20 أكتوبر 2006
المشاركات
30
مستوى التفاعل
0
النقاط
0
خليه يهدا شوي ولاتكلمينه الحين لانه معصب مثل ماانتي معصبه ومتضايقه :icon28:


وبعد فتره دزيله مسج ودقي عليه ليما يشتاق لج وتقدرين تلفين راسه ولازم بعد ماتردين له لازم تناقشينه انج تضايقتي ليش انه جذبج عشان مره ثانيه مايجذبج فهمتي .. وقوليله ماتوقعتك جذي تفكر اني اجذب واحنا ناس انا وياك متفاهمين على طول ومثل ماانا واثقه فيك انت واثق فيني وفهميه هالكلام ولاتحطين اللوم عليه يعني بس قولي هذا سوء تفاهم حصل بينا صغير وربي يوفقج ويسخره لج

واذا تبين تردين ثقتج:: :smoke1:

الرجال اذا شاف المره كل يوم تقوله الصج مو بس فتره ساعتها يثق فيها على طول مهما بعد فتره طويله تجذب عليه راح يصدقها وردي ثقتج بحيث انج اهم اهم شي توثقين في نفسج وهذا الاساس وانج تبينين له الصج بحيث انج تقولين الصج مع ثقتج وانج مع ربي بالدعا ودايما دايما قوليله الصج وخليه يثبت هالشي من نفسه يعني اهوة راح يركض وراج عشان يشوف كلامج صح والا لا وانتي عاد بعدها تكونين كل شوي كلامج صج اهوة بعدين راح يتاكد انج صاجه ويسكت عنج وبس :smoke1:


اختج الغاليه في الاسلام :smoke1:

يارب تزوجني :blush-anim-cl:
 

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
المشكلة اني ماعمري كذبت علية وماعمرة سالني سوال الا وبالاخير يكتشف اني قلتلة الصج يعني مثلا من فترة كنت رايحة السوق كنت توني طالعة من الجامعة وفجاة دق علي قالي انتي وينج قلتلة انا طالعة من جامعتي رايحة السوق قالي انا وراج بالسيارة تخيلو يا بنات طلع شايفني ويبي يكتشف هل انا صادقة والا غلطانة؟؟؟
ومرة من المرات كنت قاعدة اكلمة وفجاة دقت علي اختي وقلتلة باي اختي تدق بكلمها وارجع ادق عليك تيلو شنو سوى؟؟؟راح يدق على اختي يبي يكتشف اني هل صحيح اني اكلم اختي؟؟وفعلا اكتشف اني صادقة واكثر من موقف حصل واكتشف اني صادقة....انا مستغربة منة تخيلو اول ماكلمتة وبداية خطبتي معاه يعاملني هالمعاملة؟؟؟لو انة شايف علي شي او صاير موقف قلت اوكي ما الومة بس المشكلة مو شايف شي علي؟؟؟
انا دايم اقول الي مايعرفك ما يثمنك يمكن لانة مايعرف شخصيتي ومايعرفني عدل وماعاش معاي عشان ذي يتعامل جذي لانة ما تاكد من شخصيتي؟؟؟
بس الحين شنو اسوي ما ابي ادق علية ولا ادز مسج لانة هو غلط علي وانا دايم اتنازل لة وهو تعود اني اتنازل؟؟تخيلو ماعمرة تنازل لي ابدا؟؟؟
حتى اذا تذكرون سالفة العيد لما انحرجت اتقابل معاة لان وجهي طلعلي حبوب؟؟؟قالتلي الدكتورة ناعمة دقي علية وصارحية وقولي انج ماقابلتية لان طلعلج حبوب وانج تبين يشوفج بصورة حلوة؟؟؟فعلا دقيت علية وقلتلة هالكلام تدرون شنو رد بطريقة تكبر وبدون نفس انة هالسالفة خلصت خلاص وقالي صراحة انا مو مقتنع بكلامج مايدش العقل تلغين مقابلتنا عشان حبوب؟؟؟ وماصدقني قلتلة مو مشكلة بس اهم شي اني قلتلة سالفة حارقة قلبي اني ما صارحتك فيها؟؟؟واليوم الثاني قالي جذااااااااابة بسالفة تاخري بالجامعة؟؟؟
بذمتكم هذا شخص يحبني لو يحبني كان عذرني كان قالي كلام يطيب الخاطر تخيلو وانا اقولة عذر الغاء المقابلة كنت اقولة بطريقة حلوة كنت اقول لان عيونك غالية علي حبيت اكون احلى بنت فيها وكلام والله يلين القلب وبالاخير يوقلي بطريقة تكبر هالكلام؟؟؟
عشان جذي انا خايفة ادق واهين نفسي لان انجرحت من حركتة اخر مرة؟؟؟لا تلوموني يا بنات زوجي راعي علاقات مع بنات تخيلو يمنعني من الكلام الحلو ويعطية البنات قالتلي الدكتورة يمكن لانج ما تتكلمين معاه بالجنس عشان جذي ما يميل لك وغيرت طريقتي صرت اقولة عطني بوسة تدرون شنو رد علي؟؟؟ ما ابي ؟؟قلتلة ليش؟؟قالي ما ابي تطلع بوستي بدون نفس؟؟؟تخيلو يعني لما يعطيني بوسة بالتلفون مالة نفس لي؟؟؟والبنات بليل مشتغل عليهم تلفونات ومسجات غزل؟؟؟
عشن جذي انا قلبي يحترق ويحترق كلة انا الي احاول معاه وهو ماعمرة تنازل عن شي طول الفترة انا اتنازل معاه؟؟؟
احسة مو ماخذني مو زوجة عشان يكمل حياتة معاها؟؟ احسة بس ماخذني للجنس فقط؟؟؟تخيلو اقولة اشرايك نروح مطعم هاليومين قالي لا انسي شي اسمة مطاعم؟؟؟انا مو مال مطاعم تبين تاكلين اكل البيت موجود واذا باجر تزوجنا انسي شي اسمة مطعم؟؟وذاك اليوم اقولة اذا طلعنا انا وياك قال شنوووووووو؟؟؟انا اطلع معاج وين قاعدين؟؟؟روحي بس انسي اطلعج ليش انا لعبة لج افر فيج الديرة؟؟؟بذمتكم هذا رجال والا شنو؟؟اذا هو ما طلعني منو بيطلعني؟؟؟احسة حيييييييييييييل معقد اوووووف صج صج معقد
لا تقولون تطلقي منة لان انا عندي ضروف ما اقدر اتطلق منة ابداااااااا ؟؟؟ انا ابي اغير هالرجل للافضل لحياة افضل
 

دمعة حزن

New member
إنضم
28 أكتوبر 2006
المشاركات
15
مستوى التفاعل
0
النقاط
0
اسمحيلي كلامك يخوف عارفة إنه عنده علاقات وباقية عليه إحمدي ربك إنك لسه ماتزوجتيه وجبتي اطفال ياأخيتي استخيري الله في موضوعك مع زوجك لأن تصرفاته كلش ماتطمن . أنت الآن في البر تقدري تتصرفين أحسن ماتكونين بعد الزواج فريسة للامراض النفسية بقية عمرك.
الله يوجهلك الخير
 

حباري

New member
إنضم
18 أكتوبر 2006
المشاركات
53
مستوى التفاعل
0
النقاط
0
لا تقولون اني افكر بزواجي منة او افكر اني اتطلق؟؟؟انسو هالشي لان انا عندي ضروف مااقرد اتطلق منة بس خلاص هذا نصيبي؟؟؟هو احسة بس كلاااااااااام بس لما يشوفني جدامة تنقلب شخصيتة الشرانية فوق حدر...يعني مثلا طول الوقت يقولي انا اذا تزوجتج بخليج بالبيت وما اقعد عندج انا طبعا اقولة كيفك عادي انا مايهمني زلما ما احط للموضوع اهمية تلاقونة24ساعة مقابلني؟؟؟
يعني مثال اخر يقولي شوفي مالج دخل بتاثيث شقتنا(عش الزوجية)ليش انا لعبة لج لانة اخوة متزوج اختي ومخليها تاثث الشقة بدون تدخل اهلة وطبعا من كثر كلام اهلة الي مالة فاضي وبنظرهم ان زوجتة لعبت فية صار يقولي هالكلام؟؟قلتلة انا مالي دخل بشقتك انا الله يخليلي ابوي باني بيت جديد لنا وقاعدة ااثث غرفتي على ذوقي وسويت نفسي مو مهتمة وفعلا بعد مرور فترة يقولي ابيج تختارين الشقة والوانها ومدري ايش؟؟
يعني احسة بس كلام بدون فعل بس انا ابي اغيرة اشلون ما ابية يفكر بهالامور لانة يتاثر حيييييل بكلام الناس ويخاف يستانس معاي عشان بس الناس لا يضحكون علية ويقولون اني لاعبة فية بنظرتة الهمجية؟؟؟
وبرجع لكم لسالفة انة يكذبني يا بنات انا لما جيت اسكر بوجهه السماعة قلتلة باااااااااااااااااااااي وسديتة ما سديتة منية والطريج وهو يا ما سوى هالحركة فيني اكثر من مرة؟؟؟
جاوبوني شنو اسوي اذا حدث هالشي مرة ثانية وشنو كان المفروض اسوي؟؟وشنو اسوي الحين؟؟؟واشلون اغير تفكير زوجي ليرتقى لتفكير افضل؟؟؟واشلون اخلية ما يتاثر من كلام الناس؟؟؟
 

المها

New member
إنضم
27 سبتمبر 2006
المشاركات
422
مستوى التفاعل
1
النقاط
0
رد : دكتزرة ناعمة ويا بنات ساعدوني زوجي يكذبني ماذا افعل؟؟؟

شوفي الغالية زوجك شكاك للأسف!!!!

يعني أول شي تركزين على بناء الثقة بينكم.....

ومادامج دايما صادقة معاه هذا المطلوب...

وحتى لو كذبج وسوا حركاته لا تتنرفزين وتطبين في بطنه (مع اني أدري ان أكثر شي يقهر هالشي!!)

أنتي واثقة من نفسج قوليله صدقت والا بسلامتك!!!

وعطيه شهر عالأقل لي شفتيه ما تحسن قوليله أنا أبي أعرف السبب اللي يخليك ما تثق فيني؟؟

اذا خربط وقال في تصرفات ما تعجبني ومادري شنو قوليله شنو هي؟؟

وناقشيه دامها تصرفاتج صحيحة وموافقة دينج وعاداتج خلاص قوليله هاشي واذا قالج كلام مب مقنع قوليله احنا لي الحين عالبر تبي تكمل على أساس من الثقة والا بسلامتك!!! (تهديد بس)

والشي الثاني:

تقولين زوجك يتأثر واجد بكلام الناس صح؟؟

أنا عن تجربة الناس المحيطين بي والله مر علي أكثر من نموذج اللي مايرضى مرته تروح أعراس واللي قايلها ما بجيبلج خدامة واللي قايلها مافي طلعات في البلاد . و..واللي واللي واللي...

اللي بغت حل سريع انفصلت عن زوجها ودورت واحد ثاني!!!!

واللي بغت حل وعادي تاخذ فيه مدة صبرت وصبرت وعقب سبحان الله تبدلوا!!!

وحدة منهم عجبتني زوجها لما خذاها شرط انه ما يطلع من بيت أهله (ملك على وحدة قبلها وطلقها لما شرطت انها تكون في بيت بروحها!!!)

هي وافقت ...وعقب سنتين نزلت بيت جديد...لا وتقول مب عاجبها بتنزل بيت أكبر منه لما يبنيلها زوجها!!

هي أرضت غروره انه هو الرجال واللي يبيه بتسويه وأرضته من الناحية الجنسية وجابت منه ولد وحبوبة في تعاملها معاه...

وكل شوي صارت تقوله خاطري أسويلك الحركة الفلانية بس لو أنا في بيت بروحي!!
والا اليوم طلع أخوك في وجهي وانا ما كنت لابسه عباتي!!
والا ودي أطلع ببنطلون واتمشى بالبيت بس ما أقدر!!!
(مع انها كان لها غرفة وصالة ومطبخ وحمامين!!)

عقب ماشالله أقتنع وطلعوا ببيت قريب من بيت أمه
وطلعت هي الكسبانه في النهاية!!!

أتمنى تستفيدين من هالقصة وترى أتوقع اذا خذتي تحليل الشخصية مع الدكتورة بتفيدج واجد وبتعرفين شلون تضربين عالوترا لحساس وتقنعينه بكل شي وهو يضحك..:bye1:
 

لحظات الم

New member
إنضم
4 نوفمبر 2006
المشاركات
185
مستوى التفاعل
0
النقاط
0
اختي عليك بالدعاء في الثلث الاخير من الليل ا شكي همك كله لله والله يوفقك
 

بنت تعز

New member
إنضم
8 مارس 2009
المشاركات
7
مستوى التفاعل
0
النقاط
0
صراحة ياأختي اشوفك تمشي وراء مشاعرك من غير تحكيم علقلك ...........فكري شوي وصلى استخاره لساكم على البر
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى