دق جوالـي وأحـس القلـب يومـه دق .. دق

[اتعبني وفااي]

دق جوالـي وأحـس القلـب يومـه دق .. دق
صفر خمسه أربعه .. وآخـره خمسـه سبعتيـن

قلت في بالي وش الطاري عسى المحبـوب رق
من ثمان شهور مايسأل عسى الطـاري حنيـن


المهـم أنـي ذكـرت الله .. وقلـت الله حــق
واضغط الزر المحدد .. سم .. عفوا .. أنت مين؟


قلتها وأنـاأعرفـه ميـر الثقـل حـل وسبْـق
قال أنا اللـي متصـل وأرجـوك زيّنهـاتزيـن


قلت ( يعني) قال يعنـي شوفنـي ميـت زهْـق
ودي أسولف معك من غير جيـم وغيـر سيـن


قلت تآمر قـال تسلـم وابتـدا كشـف الـورْق
واسمعه دق (السبيكر) قلت .. عونـك يامعيـن


قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن


قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن


قال شعرك .. قلت شعري .. لا ابد طـب وتنْـق
كل خفّاقي قصايد .. مـن يسـار ومـن يميـن


قال كبه .. قلت أكبه .. قـال والمركـب غـرْق
قلت مركب ايش هذا .. قـال طحـت بهالكميـن


ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن


بالغلط دقيـت .. وأحمـد ربـي الـرازق رزْق
والله أعلم انـك مشبـه علـى شخـص ثميـن


قلت لحظه ماهي الدعوه صحـن خبـز ومـرْق
اصبر اصبر خلني أعرف مكـان اللبـس ويـن؟

قمت أراجـع رقمـك الموجـود واشوفـه فـرْق
أنت خمسه سبعتين وذاك سبعه خمستيـن!!
مما راق لي,,,
​

 

[هدوء أميرة]

سعيدة بوجود مواضيعك كثيراا

يعافيك ربى على تواجدك الطيب

لا عدمنااطلالتك القاادمة والجميلة
كل الشكرو التقديرلك مودتي
ملاحظة يمنع فتح اكثر من موضوع في اليوم الواحد ​

 

[اتعبني وفااي]

ام همس المعطائية : ​

اولاَ /كل الشكر على مرورك وردك الطيب لمتصفحي ​

ثانياَ/انا ماحطيت بهالمنتدا اكثر من موضوع بيوم واحد الا لحبي لهالمنتدا والطيبات المشتركات فيه ​

ثالثاَ/ الموضوع الثاني اللي قفلتيه (اكتبي اجمل واحلى بيت شعر قريتيه او سمعتيه )؟؟!!/غير مشابه لموضوع (عبر عن حالتك النفسية )غلاتي في فرق يوم اعبر عن حالتي بشعر ويوم اكتب شعر حبيته وعجبني او الفته ....الخ ​

اتمنى ماتزعلين مني .​

 

[فرآشة مكة]

تسلمين على أختيارك القصيدة تجنن الله يعطيك العافية

 

[اتعبني وفااي]

فراشة مكة فديتك مرورك الارووع​