دعوة من القلب لكل من تنصحني

ج

جميلة و انيقة

New member
إنضم
2015/01/14
المشاركات
10
هلا خواتي. . أسعد الله مساكم و ريح بالكم من كل هم
انا أم و زوجه و لدي 3 أولاد
مشكلتي :
أريد مقاضاة زوجي للطلاق لضرر أو الخلع
السبب
لا أحس بالامان معاه...صار كم موقف و إخوانه غلطو بالكلام و لم يدافع عني هالشي خلاني اكرهه واااااااايد لانها 5 مواقف تقريبا بس انا أخذ حقي بنفسي مااسكت. .

يدعي ماعنده فلوس و راح خذ سيارة موديل جديد ب250الف! !!!
انا عندي فلوس خبيتهم عند امي...من الوالد الله يرحمه
صرفت منها قريب 150 الف خذت لي سيارة و اثاث للبيت و قلت لزوجي خذت دين من امي عشان يدفعني اللي خسرته. ..طبعا يوعد و يخلف و انا اتوهق. ..
قبل 6 سنين لين الحين و هو يقول خذي فلوس من أهلج عشان أجيب خدامة و برجعهم و مايرجعهم مره اخوي دفع و مرتين امي
عطاني شيك اكتب فيه المبلغ اللي أباه كدليل انه بيرج الفلوس و لا شفت درهم

تعبت منه سيارتي منتهيه و عليها مخالفات و لا يسأل .. انا مااداوم خدامتي كملت سنتين و متأخرة ماعطاها رواتبها حق 4شهور و مفروض تسافر من 4شهور ماسافرت هو اخرها باهماله .... اتفقنا يجيب سواق لعيالي و ماجاب لأن مدارسهم بعيدة ماشي مواصلات كم مره يجيب سواق باليومي و العيال يغيبون كثير لهالسبب...
تعباااااااااااانه نفسيا كملنا 14سنه انسان اتكالي يقول لي ماعندي دبري فلوس!!!!
جبت خدامه جديده تشتكي من تأخر راتبها
نسيت اقولكم زوجي مديون بمليون ونص طبعا كلللللللها لعب و سبارات
كملت دراستي بفلوسي بس ماخلصتها بظروف مادية ماساعدني ابداااااااا
سابقا كان يمد ايده وااأايد لين اشتكيت عليه و تاب
اتهمني زمان كردة فعل لشكواي. ..اتهمني اني سرقت فلوسه من غرفة النوم !!!!
و رفعت عليه قضية نفقه زوجيه و كانت ردة فعله أبشع من الأولى اتهمني اني أقابل شباب و فتح بلاغ فالشرطه و ليتني طلبت الطلاق ساعتها. ...تميت معاه عشان مااتطلق و يشوه سمعتي ظلم. .. الناس يمكن تصدقه. ..طبعا تفكيري خاطئ ساعتها و هذا من 3سنين

انا أخبركم كل شي عشان تقولولي هل أصبر أو خلاص

حاليا يعطيني مصروفي بمذللللله .... و متعبني لا يجدد سيارتي و لا يهتم لدراسة الأولاد و توصيلهم أبا استقر تعبت كيف يتأدب أبا كيد النسااااااااء
انا مواطنه من بوظبي و اقدر اخلعه أو اتطلق لضرر شو تنصحوني عمري 36 سنه
تعرفون قوانين بوظبي كل شي لمصلحتي و مصلحة عيالي
ايجابيات زوجي يحب عياله و حنون عليهم

شو الحل كرهت سلبيته و أولهم مايدافع عني لو حد غلط علي
 
حيا الله اهل بوطبي

انتي ليييييييييييييييييييييييييييييش تطلعين فلوسج وتخليه يعرف انه عندج

انتي الي خليتيه يكون اتكالي

المفروض تعيشين على قد ماينفق عليج

انا لو مكانج مااخليه يشوف مني فلس

تصرفاتج كلها غلط في غلط معاه حتى مع اهله

انتي لازم تتغيرين عشان هو يتغير بعد وتعيدين ترتيب حياتج


اول خطوة انج تكونين حازمة وياه من ناحية المصرف لانه هو الريال

توقفين كل مصادر الانفاق على بيته خله هو يتحمل

وللحديث بقية
 
مممممممممممم متل ماقالت لكي اختي غيمة76
 
انا ما أنفق على البيت بس لو شي في خاطري أخذه و أقول من امي و دين عليك و يوافق و ماينفذ. ..شو غلطي مع أهله! !!!! إخوانه مش ساكنين معانا.
 
اختي ماتزعلي مني بس في اشياء كويسة بزوجك وبعدين خليه يتداين وتركبه ديون مو احسن مايجمع ويبخل عليك وهو معه ،، من ناحية الضرب والشكاوي كلهم لهم ردة فعل انا زوجي تركني عشان شكيته ،،بعدين معليش ليش سواق مدام انتو 2 معكم سيارات يعني في شي يعوض عن شي يالحبيبة لاتكوني شديدة انتي كمان لازم ترخي والله يفرجها علينا وعليك

ومن ناحية دفاعه عنك قولي الحمدلله انه يخليكي تردي غيرك يمنعها ترد على اهله حتى لو غلطو عليها يعني لايدافع معها ولا يبيها تدافع عن نفسها اهدي اهدي وفكري بايجابيات الرجال مدامه لسى شاريكي بعد الشكاوي
 
حبيبتي جميله غلطت انك تاخذين وتقولين امي كان صبرتي وخاليتيه هو يدفع تعود اهلك يدفعون استخيري الله بمشكلتك والله يعينك احس مافيه رجوله من كثر ماقريت بمنتدى
 
المفروض يكون فيه رسمية في التعامل مع اهله

لايغلطون عليج ولاتغلطين عليهم

زوجك لاتتوقعين منه انه يدافع عنك هاي سوالف حريم انتي الي لازم يكون عندج دهاء في التعامل معاهم

زيارتك تكون رسمية مب اكثر من ربع ساعة من باب التواصل فقط ولاتحتكين فيهم واااايد

في ها الزمن البعد عن الناس غنيمة

ركزي على بيتج وعيالج واهتمي فيهم

وريلج يبيله تكونين حازمة وياه مب بالصريخ والمشاكل

لا بالصبر

خله يتحمل المسؤولية لانه ريال ووقفي عنه كل مصادر الدخل

لاعاد تستخدمي السيارة وهي عليها مخالفات وحتى لو اليهال ماراحوا المدارس

لازم يعرف اخطاءه

ادبيه ولاتروحين محاكم ولاشي خلي القوة آخر الحلول

التزمي الصمت والهدوء ولاتعصبي واصــــــــــبري ولاتشتكي حتى لاهلج

سويلج خطة وشغلي مخج واشتغلي من سكات
 
ابغي ارد لو سمحت انت من الاول غلتي كثير الرجل يا اختي هو لي بيصرف على بيتو وزوختو وعيالو بس زوجك لا ليش.؟ ممكن تسالي نفسك ها السؤال وراج اجيبك لانك انت علمتيه انو يتكل عليك هو بيقول عندها فلوس . ماتطلبي طلاق لان ابغض الحلال عند الله الطلاق في رايي تأخذي وقت وتذهبي لمكان مريح بعيد عن زوجك وتفكري مليح كيف راح نغيري من تعاملك يجب ان تغيري شخصيتك وتضعي حدا لمعاناتك وبعدين ترجعي لبيتك وانت مرا ثانية بشخصية قوية ومتزنة وقادرة على تغيير كل ما هو خطا في حياتك ولتمنى ان تكون قد افدتك ولك كل التوفيق في مهمتك هذه
 
تشرفت باهل ابو ظبي ولو افدتك ارجوكي ادعيلي بالدرية الصالحة
 
غيمة و سعادتي و أهل الجنة و أم محمد جزاكم الله خير و رزقج بالذرية الصالحة يا أهل الجنه
 
غيمة انا ذكرت مواضيع قديمة عن إخوانه. ..بس كتوضيح أن هالشي أثر فيني عدم دفاعه... من زمان في حدود بيني و بين أهله ..فرضت احترامي .. بس إخوانه ماغلطو في ويهي من ورأي. ..و اتصلت من قهري طبعا أنكرو الكلام. ..ماضي و راح. ... البعد غنيمه و راحه و الحين يحسبونلي الف حساب باحترامي و هيبتي. ...أهل الجنة صدقيني بتكتك هالمره والله يعين
 
زوجك شخصية غير ناضجة وهذي من السخصيات المعروفه في علم النفس غير مبالي ولايتحمل مسؤليه قراراته سريعه وبدون تفكير وتخطيط ينظر لليوم واللحظه فقط هذا ملخص شخصيته
اولا،،انتي خطاك انك واضحه معه عرف شخصيتك وانك ماتصبرين تقدرين تدبرين فلوس اذا بغيتي وتقدرين تردين علئ من اساء لك عشان كذا مخلي المسؤليه عليك ومايدافع عنك
ثانيا،،اهله انتي غير مطالبه بصلتهم ماهم ارحامك وغلطوا عليك حتئ رجالهم فنصيحه لاتعطيهم وجهه وللابد خلك رسميه يعني بالاعياد سلمي وزوري وفي المناسبات الكبرئ والعزئ فقط اما كل اسبوع وخرابيط لاااااااااااا نصيحه من مجربه اذتني ام زوجي وتحملت وحاولت اعاملها معامله حسنه مااحد عمره عاملها كذا ولكن للاسف اكتشفت انها تحرض زوجي كل مايروح لها وانها سبب مشاكلي وصرت رسميه في الاعياد فقط ازورها ومن يومها ارتحت حتئ زوجي صاااااار عسل ماشاءالله تغير ورب البيت

ثالثا،، وهو الاهم ،، دام الموضوع الكبير عدئ علي خير وتصالحتوا عقبها اللي هو اتهامه لعرضك فالباقي يهوووون
لكن خذذذذذذذذذذذي حذرك منه لايرجع ويغلط او يتهمك بشرفك ثاني مررررره
واسالي نفسك هالسوال هل انتي لما تتطلقين بتتزوجين واحد لك لحالك يعني ماعنده زوجه ثانيه وعيال ؟؟؟
فرضا الاجابه نعم اسالي نفسك
هل بيحب عيالك ويعاملهم مثل ابوهم ؟هل عيالك بيتقبلونه خااصه انهم عيال بيكبرون ويراهقون وبحاجه لاام واب مهما كانوا اهلهم مهملين والله محتاجين لاامهم وابوهم

رايي بصراحه
بصراحه عيالك محتاجين ابوهم وهو يحبهم ويحن عليهم ومااحد غيره بيتحملهم
زوجك هذي شخصيته غير ناضج مايتحمل مسوليه فانتي تصرفي معه شيلي يدك من كل شي خليه يدفع اللي يخص عياله والبيت اما شي يخصك حاووولي اذا بدا يماطل ويستهبل طنشيه وحققي رغبت نفسك لاتحرمينها مالك حل ثاني
ياكثر الحريم اللي رجالهم عندهم خيررررررر وبخلاء مايصرفون علئ حريمهم
خلك مع زوجك وتحمليه ولاعاد تعطينه فلوس ماعليك منه تحملي عشان عيالك لايضيعون ودلعي نفسك ترئ الدنيا مووو زوج بس الدنيا حلوووه عيشيها بالطول والعرض لايهمك شي الديون علئ ظهره والهموم عليه خليه بتعلمه الدنيا كيف يحفظ القررش وكيف يتحمل مسوليه ويسعد ام عياله
وعليك بالدعاء ماتدرين لو بتتزوجين بتاخذين اخس منه ياواحد مصايبه كبار ولامعه زوجه ثانيه ولا شايب ولابتقعدين بدون زواج تصرفين علئ عمرررك نفس الحاله اللي تعانين منها واكثررر بعد ايقول المثل مسك قريدك لايجيك اقرد منه ههههههه الله يسخركم لبعض ويهديه ويصلح الحال بيتغير اصبري وحاولي وحطي عيالك ونفسك في المقدمه وماعليك منه
اسفه كلامي كثير بس احب اقول رايي
 
صحيح انا ذخلت لموضوعك يا انيقة لكي امدك بالمساعدة بس من فضلكم يا اخوات انا محتاجة لخبرتكم في الزواج لو ممكن اطرح عليكم ما حاملة في خاطري نفسيتي كثير تعبانة لو ممكن قولولي لاشكي همي على الله وعليكم وحابة تجوبوني بسرعة عشان انا محتاجة حل سريع استناكم
 
أختي أهلا بك في مملكة الرجل الجنوبي
الاتكالي و المسوف الرجل الذي يملك عقل المراهقين
لكي تعرفي كيف تتعاملين معه اقرئي قصة شموخ أنثى باذن الله رايحة تفيدك
خلي أمور المحاكم هي الأخيرة
أعطيه فرصة لكي يتغير لكن بالأول تغيري انتي
لأن الله لا يغير ما بقوم حتى يغيروا ما بأنفسهم
لا تصرفين على البيت و الخدامة و أيضا السيارة
غيري أختي من نفسك لكي يتغير معك الجنوبي
لكي تتمكني منه يجب عليك أن تكوني حازمةو لا تفكرين في شيء غير نفسك
ربنا يعينك و يوفقك في حياتك
الجنوبي يساوي كيد النساء زائد الثقة القوية بالنفس لكي تتمكني منه.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل