|[ دردشة مصورات ،، يرحب باستفساراتكن و أسئلتكن }~

[[ معجبة بـأبي ]]

ياقلبي الف شكر لك
والله استفدت كثيييييييييير من ردك
وسجلت عندي كل شي
وعجبتني كثييير الصور الي حطيتيها

الف شكر لك ويعطيك الف عافيه

ان شاء الله اول مااصور شي بجيبها عشان تنقديها
ولاطرالي سؤال بجي:blushing:


يعطيك الف عافيه وجزاك الله كل خير
ويجعلها بموازين حسنااتك يارب



:cupidarrow::clap::blush-anim-cl:

أهم شي انج استفدتي حبيبتي ^^

و بانتظار مواضيعج اللي تكسر الصخر في القسم :icon30:

و أي استفسار انا موجوده ان شا الله




​

 

[[ معجبة بـأبي ]]

اختي معجبه بابي ...

ماشاء الله عليك ...الله يحفظك

ان شاء الله لما افضى لي شوي اباصورلك كاميرتي <<<<< تعلميني عليها

ردودك راااااائعه

عزيزتي الحياة ..

مرورك نوّر الموضوع ..

افا عليكِ مو لازم تصوريها اكتبي لنا اسمها و ان شا الله نحط لك صورتها :icon30:

و إذا عرفنا اسمها بنقدر نطلع مميزاتها و نعلمك عليها :cupidarrow:

الأروع هي طلتك :icon30:

كوني بالقرب دوما :msn-wink:

​

 

[@ بسمة أمل @]

طيب يالغلا ...

اسمهاNIKON......COOLPIX S500


تعرفين معجبه نفسي اصور مثل هاي الصورة

هنا الكوب واضح جدا والخلفيه مشتته مادري شلون اوصفها <<<فهمتيني

وبالله عليك معجبه هالصور طبيعيه والا حركات فوتوشوب الصور الاخيرة خياااااااااااااااااااااااااااااااااال

 

[[ معجبة بـأبي ]]

هذي كيمرتك ؟

.

و الصورة اللي ودك تصورين فيها يسمون هالخاصية العزل ..


إن شا الله بشرحها لك لما أرجع البيت << عندها كلاس ..

 

[فراشه]

ما شاء الله عليك يا معجبة خبرة تصوير..

((نص الكلام اللي نقال ما فهمته الأخت :nosweat)

انا بعد ودي أصور مثل الكوب.. بس أعرف طريقة وحدة هي بالزووم والفوكس على الأشياء القريبة..

مثل تصويري للورد وتصويري في صلالة اللي راح أحطه إن شاء الله..

بالنسبة للتصوير العادي أو تصوير المناظر ما أدري ليش ما أحبه..

أحس يوم أصور جمال الصورة كله يروح لأن المنظر يطلع بعيد..

يعني المنظر جدامي رائع وقريب، بس بعد التصوير يبين صغير وماله معنى..

طبعاً أنا ما أستخدم الزووم لأني ما أحبه..

فعطينا نصايح أكثر عن تصوير المناظر علشان أستفيد منها..

ويجزيك خير إن شاء الله..

كيمرتي هي soney cybershot

 

[[ معجبة بـأبي ]]

ما شاء الله عليك يا معجبة خبرة تصوير..

((نص الكلام اللي نقال ما فهمته الأخت :nosweat)

انا بعد ودي أصور مثل الكوب.. بس أعرف طريقة وحدة هي بالزووم والفوكس على الأشياء القريبة..

أي خبرة الله يخليج ، هذا مجرد أطلاع و حفظته من كثر ما أجرب بالكيمرة << أحياناً تغمظني كيمرتي يوم أعذبها بس شو نسوي نتعلم ،،

اوكي الأشياء اللي ما فهمتيها خبرينا عنها و ان شا الله نحاول نوضح ، و المصطلحات أكثرها بالأنجليزي أساساً :smoke1:


خلاص أن شا الله بعد ردي هذا بخصص رد للعزل ( مثل تصوير الكوب )



و عن صورة الكوب نستخدم فيها خاصية ( ماكرو ) مب ( زوم ) لأن الماكرو لتصوير الأشياء القريبة و الزوم العكس ..

بالنسبة للتصوير العادي أو تصوير المناظر ما أدري ليش ما أحبه..

أحس يوم أصور جمال الصورة كله يروح لأن المنظر يطلع بعيد..

يعني المنظر جدامي رائع وقريب، بس بعد التصوير يبين صغير وماله معنى..

نفس تفكيري ، ساعات أحس بهالشعور ، بس لازم نحط في بالنا إذا يينا ( جينا ) نصور شي أننا نركز ع شي معين حتى لو كان منظر ،، وفي بعض المناظر تكون روعة بالتصوير ، يعني على حسب نوع التصوير

طبعاً أنا ما أستخدم الزووم لأني ما أحبه..

فعطينا نصايح أكثر عن تصوير المناظر علشان أستفيد منها..

الزوم عادة يخلي دقة الصورة تنخفض شوي شوي ، و الأفضل إذا كنتِ بتصورين شي ما تستخدمين الزوم لأنج تبين تصورين << يعني منظر أو شي تتجنبين الزوم أو تستخدمينه بس مو بشكل كبير ،، أما في التصوير العائلي و التصوير لتجسيد اللحظات و الذكريات فـ تحسين عادي لأنج ما تصوير شي لاحتراف أو الفن


و إن شا الله بحط لج طريقة تصوير المناظر

كيمرتي هي soney cybershot

اممم ،، cybershot هو مجموعة من انواع كيمرات السوني ،،


اسم الكيمره بتلقينه عبارة عن حرف و أرقام مثلاً ،، مثلا L700 أو 400D ..........إلخ


انتظر اسم الكيمرة :icon30:



​

 

[@ بسمة أمل @]

ماشاء الله عليك معجبه جبتيها ..............

 

[[ معجبة بـأبي ]]

نرجع للعزل ،، و هذا مثال على هالنوع من التصوير .. ​

​

عاد أخاف ما أشرح لكن اياه عدل ، لأني ما أعرف أشرحه إلا عملي :nosweat:​

و إذا حسيتوا ان شرحي فيه لبس خبروني عسب أدور لكن درس جاهز ،، :icon30:​

أول شي شو هو العزل ؟ ​

العزل كأننا نعزل الخلفية عن الجسم اللي نبغي نصورة ،،
مثل ما تشوفون في الصورة اللي فوق قدرنا نعزل الكوب عن اللي موجود ورا الكوب ،، ​

كيف نصور بطريقة العزل ؟​

أول شي لازم نغيّر وضع الكيمرة على وضع تحرير الكيمرة من الأوضاع الباقية ،
ما أعرف كيف أقولكم لأن هالشي يعتمد على نوع الكيمرة نفسها لأن حرف هالوضع
يختلف من كيمرة لـ ثانية .. بس بشكل عام هو الوضع اللي نقدر فيه نختار اللي نبغيه في الكاميرا ،،
يعني في كاميرات كانون إذا ما خاب ظني يكون الوضع فيها عبارة عن حرف الـ M
و بالنسبة لكيمرتي فيها حرف P وهو اختصار لكلمة program ( برنامج ) ،،،
بصراحة عن نفسي أحب هالوضع لأني أقدر أغير اعدادات الكيمرة على كيفي ،،
بس في وضع بعد اسمه Macro وهو موجود في كل الكاميرات تقريبا
وفي هالوضع بعد تقدرون تصورون هالصورة ،، ​

ع العموم ، اذا كان الوضع على الوضع اللي تكلمت عنه فـ تختارون من بين خيارات الوضع علامة الوردة ،،
او اذا اخترتوا وضع ماكرو بيكون أوريدي على الوضع فيه علامة الوردة ،،
و علامة الوردة هذي معناها Macro ​

​

بعد تضبيط الوضع ،، نحط الجسم اللي نبا نصورة ،،
ولازم ما تكون في أجسام قريبة منـّه عشان تضبط الطريقة أكثر ،، ​

ليش تستوي هالحركة ؟؟ ​

طبعاً إذا اخترنا وضع ماكرو و هو تصوير الأشياء القريبة العدسة تتبرمج
على أساس انها تصور الأشياء القريبة و الأشياء البعيدة ما تقدر تشوفها ،،

​

يعني مثل اللي يكون عنده نقص فالنظر ،، يشوف الأشياء القريبة
و الاشياء البعيدة يصير عليها ضباب و أحياناً تنمحي الملامح على حسب العين كم ناقص من نظرها
<< دخلنا بالطب

​

بس في خبر مب حلو ،:shutup: ​

أن العزل مستحيل يطلع بنفس النتيجة اللي فالصورة بالكيمرات الديجيتال الصغيرة ،،
عادة تطلع مثل هالنيبجة بالكيمرات الاحترافية او شبه احترافية مثل 400D ​

أحس ما عرفت أشرح عدل و أي استفسار في هالحركة حياكن الله


​

 

[@ بسمة أمل @]

جاري التطبيق

 

[[ معجبة بـأبي ]]

كاميرا نايكون COOLPIX S500

" كاميرا الحياة* "

الميقا بيكسل فيها 7.1

تقدرين تغيرين أحجام الصور اللي تصورينها ،، و الأحجام الموجودة فيها هي :
• 3072 x 2304
• 2592 x 1944
• 2048 x 1536
• 1024 x 768
• 640 x 480

فيها ميزة تصوير الفيديو مع الصوت
<< ترا في بعض الكيمرات فيها تصوير فيديو من غير صوت !

الصور اللي تصورها يكون امتدادها JPEG

الزوم فيها

• 3x Zoom-Nikkor (35-105mm equiv.)

و ×3 موجود في أغلب للكيمرات

الـ ISO ( الآيزو ) [ حساسية الصورة ]

• ISO 50, 100, 200, 400, 800, 1600, 2000,
• Auto (ISO 50-1000)

و إذا خليتيه على الأوتو يكون من بين الـ 50 - 1000

الآيزو الأفضل تخليه على 100 ،، أما في التصوير الليلي بإمكانج تزيدين عليه ،، لأنج إذا فالنهار زدتي عليه بتلاحظين يكون في شاربن ( مثل نقط ) على الصورة يعني مافي دقة عالية ،، بس بالظلام يكون أخف ..



بامكانج تستخدمين ميموري كارد فيها

سرعة الغالق ما عرفت شو قصدهم فيه لأنهم كاتبين n/a ومو كاتبين رقم ،،

بامكانج تستخدمين التصوير البطئ ، وهذا فن بحد ذاته فالتصوير ،، و احلى ما يكون هالتصوير في الظلام أو في الأماكن اللي تكون فيها ألعاب نارية ،، لأن سرعة الغالق في حالة اذا اختري يكون بطيء بيكون
• f/2.8-4.7

يعني من 208 - 4.7 في الثانية ..

اذا بغيتي تصورين شي بخاصية الماكرو فـ تأكدي أن الجسم يبعد عنج أقل شي 15 سم - 50 سم ..
<< هذي المعلومة بتنفعج في العزل

• Macro close-up mode: 15cm (5.9 in.) to infinity (∞)


هذا المواصفات لقيتها في موقع الكيمرة و بإمكانج الإطلاع عليها هنا





بالتوفيق حبيبتي ،،

و تعالي كل يوم :cupidarrow:

​

 

[[ معجبة بـأبي ]]

جاري التطبيق

و بانتظار شي من تطبيقج :smoke1:

​

 

[فراشه]

عزيزتي انا استخدم الماكرو طبعاً لتصوير الأشياء القريبة ((بس مصرة اسميه زووم بالتعود :blushing)

اول تجربة لي بالتصوير كانت كانون وما كانت دجيتال، واشترينالها عدسة ماكرو والتصوير

بها كان روعة..

يسويلنا نفس حركة العزل هذي..

بس بالديجيتال حاولت فيها وما ضبطت..

جربت كل الإعدادات اللي قلتي عليها من قبل وتسوي عزل بس مثل ما قلتي مش بالدقة والجمال

هذا..

كيمرتي نفس اللي في الصورة بالضبط، وما فيها أحرف أو أرقام تدل على نوعها :dunno:

 

[[ معجبة بـأبي ]]

كيمرتي نفس اللي في الصورة بالضبط، وما فيها أحرف أو أرقام تدل على نوعها :dunno:

امم ، اسمحيلي عزيزتي الفراشة ع التأخير ،، بس لازلت أدور كيمرتج ><

اذا كان الاسم موجود بكم ثانيه بقدر احصل معلومات من الموقع ، بس اني ادور كيمرة بالشكل بس صعبة شوي ،،

و ان شا الله احصل معلومات عنها قريب ^^
​

 

[فراشه]

مشكوره عزيزتي معجبة مافي مشكلة لو ما حصلتيها..

انا نبرت قوائمها كلها وما خليت شي ما جربته فيها..

عموماً يوم بافضى باجرب اصور بطريقة العزل وبشوف اذا اقدر اطلع بشي حلو..

 

[[ معجبة بـأبي ]]

مشكوره عزيزتي معجبة مافي مشكلة لو ما حصلتيها..

انا نبرت قوائمها كلها وما خليت شي ما جربته فيها..

عموماً يوم بافضى باجرب اصور بطريقة العزل وبشوف اذا اقدر اطلع بشي حلو..

لا شكر على واجب حبيبتي ،،

اهاا ،، اوكي دامك نبرتي قوائمها أشوى :nosweat: لأني لين الحين ما حصلتها :dunno:


وان شا الله نشوف تطبيقك على العزل :showoff:
​

 

[نفيلة]

معجبة دورت على العزل في كاميرتي فعلا حصلت وردة و لما اخترتها عطاني اوبشن اشغلها او لا و لما شغلتها طلع لي مربع في نص الشاشة بس بشكل عام حسيت الصورة كلها مش واضحة يمكن مثل ما قلتي انه العزل مع الكميرات الاحترافيه افضل
كميرتي كاسيو و الصراحة مو كثير عاجبتني خاطري في وحدة من الكاميرات المحترفة
عموما انا احاول استخدم جميع الوضعيات في الكاميرا بما يناسب المكان و الوقت و اشوف ايهم احلى وضعية و ايش المكان الي يناسبها ان شاء الله بعد التطبيق بنزل الصور هنا
صح اذا عندك اي معلومات ممكن تفيدني في كاميرتي حكون شاكرة
اسمها كاسيو اكسليم
7.2 ميجابيكسل

 

[روح بسمة]

رجعــــــــــــــــــت

شـحالكم ؟ شخباركم ؟

توهلت عليكم

..

يلا عاد رديت ولا بفج

​

 

[[ معجبة بـأبي ]]

معجبة دورت على العزل في كاميرتي فعلا حصلت وردة و لما اخترتها عطاني اوبشن اشغلها او لا و لما شغلتها طلع لي مربع في نص الشاشة بس بشكل عام حسيت الصورة كلها مش واضحة يمكن مثل ما قلتي انه العزل مع الكميرات الاحترافيه افضل
كميرتي كاسيو و الصراحة مو كثير عاجبتني خاطري في وحدة من الكاميرات المحترفة
عموما انا احاول استخدم جميع الوضعيات في الكاميرا بما يناسب المكان و الوقت و اشوف ايهم احلى وضعية و ايش المكان الي يناسبها ان شاء الله بعد التطبيق بنزل الصور هنا
صح اذا عندك اي معلومات ممكن تفيدني في كاميرتي حكون شاكرة
اسمها كاسيو اكسليم
7.2 ميجابيكسل

شي جميل انج تستعملين هالخاصية ،،

بس لازم تخلين مسافة مناسبة بينج و بين الجسم في عملية العزل ،، يعني ما يقارب الـ 15 إلى الـ80 سم بالنسبة للكاميرات الديجيتال الصغيرة ،، و بالإحترافيات يخلتف هالشي شوي :nosweat:

بس لو تكتبيلي الغالية اسم كيمرتج بالإنجليزي مثل ما مكتوب ع الكيمرة عشان أبحث عنها بشكل أدق حبيبتي ^^


لا عدمت تواجدكم






​

 

[[ معجبة بـأبي ]]

رجعــــــــــــــــــت

شـحالكم ؟ شخباركم ؟

توهلت عليكم

..


يلا عاد رديت ولا بفج

يا هلا و غلا باللي نور الموضوع بوجودها ،،


نحن بخير يا أحلى مصورة :1eye:


يالله بانتظار إبداعاتج يالغالية ^^


و مبروك ع الكيمرة اليديدة :icon30:


​

 

[نفيلة]

هلا معجبة بابي حبوبة الكاميرا اسمها exilim from casio
what does
f=6.3 - 18.9 mm means
yah it is 7.2 mega pixels
هذه معلومات كاميرتي
انتظر ما ستجودين به

و هذه محاولة لاستخدام الخاصية الي ذكرتيها مسبقا الي تخلي الخلفية ضبابية
ايش رايك