بقولكم على اللي في جعبتي و أفيدكم مثل ما افدتوني
عن الشــرقــي
ما راح أقولكم ايش يحب لأنه ما شاء الله الكل ما قصر بس بعطيكم أفكار تفيدكم
- البيت لازم يكون نظيف 24 ساعه كيف طيب ؟
بخاخ و فيه شوي صابون و اي مطهر بريحة توحي بالنظافة و ما تكون قويه + فوطه نظيفه ❤
في الصباح بخي و امسحي + في الليل قبل النوم و شوفي كيف يبقى بيتك نظيف و ييلق
البخور بس انتبهي تكون ريحته قويه و يا حبذا لو تبخري و الشرقي مش موجود
الحمامات و انتم بكرامه حطي فيها المعطر اللي كل خمسه و لا ربع ساعه يرش من حاله
كنس البيت في مكنسه ( احنا نسميها لمامه ) خفيفة و تنظف بدون اي صوت ههههههههه
غرفتكِ عدلي مفرشها اول ما تصحي غرفة اطفالك كمان
+ هاذا ما يغني عن التنظيف العميق للبيت
- نجي لكِ انتي وقت الترتيب او الطبخ مو مطلوب منك تكوني على سنقة عشرة
لكن بعد هذا كله انتي كيف هنا اللي يهم الشرقي
أنا صرت مخصصة ملابس للنظافة مرتبه و ما فيها اي حركات و شعرك ارفعيه و خليكِ على مسكره و كحلة خفيفة و قلوس مو روج
و بعد ما انهي اعمالي استرخي و اتحمم و و اتمكيج و ادلع نفسي
- الطبخ اختاري الطبخات اللي ما تاخذ منكِ جهد و لا وقت
و اتفنني فيها و اصلا احسب اغلب الشرقيين يحبون الكبسات خخخخخخ
انا في وقت فضوتي اجهز المرقة و الدجاج اليوم الثاني ارمي الرز فقط و لا ياخذ منك نص ساعة
و شعري اغطيه بفوطه و ملابسي ع الغسيل و اغسل جسمي فقط و عطر خفيف و يا سلام
- ابتسامتكِ ابتسامتكِ ابتسامتكِ حاااااااااااافظي عليها
لو قال لكِ الشرقي ما احبك ابتسمي و قولي انا كمان
- وقت الطبخ افرشي سفرة و خلي كل شغلك عليها بمجرد ما تنتهين ارميها في الزبالة و كأن شيئاً لم يكن
- في اي خرجه خذي معاكِ مناديل مبلله + معقم ضرووووورية جداً جداً جداً
اذا تذكرت اي شي رجعتلكم حبيباتي ❤❤❤
