دردشة الكروشات من الشهر السادس الى الشهر التاسع

الحالة
مغلق و غير مفتوح للمزيد من الردود.
حتى انا للحين مامشيت من هالبرد بس كل مشيي بالسسسسوق



.
 
مشكورة حبة بنادول على الرد بغيت أسأل كم كنت تمشين نص ساعة زين أحس السير المشي عليه متعب
ربانة السلام ليش ما جهزتي و أنت بالتاسع في أي لحظة ممكن تكون ولادتك روحي سنتربوينت مرة وحدة و جهزي من عندهم أنا كل شي أخذته مرة وحدة و ارتحت
 
ليان2000 قال:

ربانة السلام ليش ما جهزتي و أنت بالتاسع في أي لحظة ممكن تكون ولادتك روحي سنتربوينت مرة وحدة و جهزي من عندهم أنا كل شي أخذته مرة وحدة و ارتحت
أنقر للتوسيع...
يسلموووو حبه بنادول والله يهون على الجميع
اليوم جزمت روحي ورحت سنتربوينت وخلصت اغراضي يسلمووو ياقلبي
وباقي الكروشات شخباركم
 
اما انا حددتى لي الدكتورة موعد الولادة في 9-2صفر
بس ان شاللة اولد قبل ها التاريخ



بنات جهزتو شنطة المستشفى
انا بجهزة اذا جانى الطلق علشان اسالى نفسي بس كتبت كلالي ابقية بورقة علشان مانساء شى
 
كيف حالكم يا حلوات انا بنص الثامن واشتريت شوية أغراض للبيبي الحمد لله وبكمل الباقي ان شاء الله
ومين تعطينا نصائح وقت ما يجينا الطلق ووقت الولاده لان كتير قلقانه ربنا يسترها يارب وييسرها علينا وعليكم
 
هلااااااااااااااااااااااا كروشات شخباركم ياحلوين

هلا والله بأم ابي من طول الغيبات جاب الغنايم

انتي رفيجتي نولد ان شاءالله وحدة وراء الثانية
 
مرحبا بنات كيفكم

ضرسي يعووووووووووني وخدي منتفخ الله يستر وموقادره ع البنج والخلع

بنات انا لين الحين مااشتريت شي للبيبي
افكر باليومين هذي اشتري اغراض شنطة المستشفى ... بس مو عارفه وش اخذ ؟؟
 
السلام عليكم
وش اخباركم؟
الله يعينكم على الثقل والله يسهل عليكم يارب
وتكن ولاداتكم سهله ميسره
حبيت اعطيكم شوية معلومات
أولا
اذا رحتي تجهزي للبيبي اشتري له الملابس والبروبتوزات مقاس من ثلاثه الى سته لا تشترين شي من صفر لثلاثه
لان اذا شريتي من صفر لثلاثه بيلبسهم فترة الاربعين وبعدين بيصغرو عليه اشتري من ثلاثه لسته عشان في الاربعين
يكونو راهيين شوي وبعد الاربعين يطونو عدلين
ثانيا
انا افضل انك تجهزي من اكثر من محل عشان تشوفين احلى شي وتشتريه وعشان تعرفي الاشياء الجديده من الاشياء القديمه
وجهزي قبل التاسع عشان على راحتك وبعد عشان لو نسيتي شي يمديك تشتريه قبل تولدي
ثالثا
من ضمن اغراضك الي بتجهزيها مرهم ميبو وغسول بيتاسبت لا تنسي هالشيئين مهمين جدا جدا لا تقولي بعد مااولد بخلي زوجي يجيب لي لا والف لا
لان كان هذا غلطي قلت اذا ولدت بخلي زوجي يجب لي والنتيجه ألتهاب في الخياطه وحسيتها انتفخت لان زوجي اتأخر على ماجاب لي استخدمي الغسول والكريم من اول يوم للجراحه
على فكره مرهم ميبو رهييب جدا للخياطه يخفف الالم
رابعا
المشي لا تجهدي نفسك وتقولي عشان تعجل الولاده لا المشي مايعجل الولاده المشي يسهل الولاده
امشي نص ساعه في اليوم واذا كللش شديتي حيلك امشي ساعه بس لا تجهدي نفسك
خامسا
بقول لكم معلومه انا ماجربتها بشكل واضح يعني مالاحضت النتيجه
اكلي رطب وتمر بكثره <انا اكلت شوي لان كان عندي سكر حمل ومنعتني الدكتوره
يقولو التمر والرطب يسهل عليك بس مثل ماقلت لكم انا ماجربت
سادسا
وقت الطلق رددي سورة الزلزله واكثري الاستغفار وادعية تسهيل الولاده
على فكره وقت الولاده وقت طلوع الراس مستجابه الدعوه كثير قالو لي ادعي لهم بس من الالم نسيت كل شي
صحيح دعيت وقت الطلق لكل من قالي بس وقت الولاده نسيت


الله يقومكم بالسلامه يارب والله كل ماادخل قسم الحمل اذكر الثقل واقول الله يعينكم اكيد نفسياتكم تعبانه خاصه الي بالثامن والتاسع
بنات ادعو لي تنقضي حاجتي محتاجه لدعائكم لعل وحده منكم تستجاب دعوتها لي
 
لـــيـــآآآن قال:
مرحبا بنات كيفكم

ضرسي يعووووووووووني وخدي منتفخ الله يستر وموقادره ع البنج والخلع

بنات انا لين الحين مااشتريت شي للبيبي
افكر باليومين هذي اشتري اغراض شنطة المستشفى ... بس مو عارفه وش اخذ ؟؟
أنقر للتوسيع...

مرااحب تمام انتي وش اخبارك
الله يعينك على الم الاسنان انا سمعت الحامل مايقدرو يسوون لها شي عشان اسنانها
لانه اتوقع البنج يأثر على البيبي الله يعينك لما تولدي
اغراض شنطة المستشفى
1فوط صحيه
2ملابس داخليه
3لبسه وحده مريحه لك
4مشط وفرشاة اسنان ومعجون
5غسول بيتاسبت ومرهم ميبو
ان شاء الله مااكون نسيت شي
 
احلام طفوليه
تسلمين ياقلبي ماقصرتي
طيب البيبي وش اخذ له معي بالشنطه ؟؟؟
والحين الوقت مناسب والا بدري ع الشنطه ؟؟
 
عبووووره وينككك

انتي باي شهر ومتى قالوا لك تدخلين التاسع وموعد الولاده

لاني قريت باحدى الصفحااات انك حول ولادتي حبيت اتأكد

علشااان نتناااافس انا وياااك عاالتاااااسع:33:

وجزيتي خيراً​
 
لـــيـــآآآن قال:
احلام طفوليه
تسلمين ياقلبي ماقصرتي
طيب البيبي وش اخذ له معي بالشنطه ؟؟؟
والحين الوقت مناسب والا بدري ع الشنطه ؟؟
أنقر للتوسيع...
بدري على تجهيز الشنطه انتي في السابع
اول ماتدخلي التاسع جهزيها
والبيبي خذي له ملابس وقبعه ولفتين عشان يدفى عدل
اتوقع بتولدي على نهاية الثتاء بيصير الجو ربيعي بس خذي لفتين عشان لانه البيبي طالع من بطنك مكان دافي
يعني عشان توفري له الدفى عشان مايمرض مايتحمل برد وخذي شيال عشان تشيلي فيه البيبي
وخذي حفاضات وحليب عشان ترضعيه انا اول يومين ماعرفت ارضع بنتي شربتها صناعي واصلا حاولت ارضعها بس مافيني حليب
حاولت اشفط وارضعها واكتشفت اني مافيني حليب نزل الحليب تقريبا بعد يومين
مسحات طبيه عشان تعقمي السره
وبس ان شاء الله مانسيت شي
الحفاضات والحليب وفروها لي المستشفى بس انا اخذت حفاضات
الحليب ماكنت ادري انه مابينزل عندي حليب عطوني حليب المستشى لها
 
كروشات بقول لكم على شي مهم جدا بس حساس حبتين
من تدخلي التاسع شيلي المنطقه الحساسه بستمرار لا تخلي مجال للشعر يطلع واضح
عشان ماتدري متى تجيك الولاده وقت الطلق مابتقدري تشيلي المنطقه الحسااسه
عشان الي بتولدك ماتقرف منك وتقول عنك كلام مش حلو
وكمان اول اسبوعين بعد الولاده مابتقدري تشيلي لانك اساسا ماتقدري تجلسي عدل عشان تشيلي المنطقه
اسفه على جرأتي بس هذا لمصلحتكم
 
يسسسسسسسلمو احلام طفوليه على المعلومات ماتقصري والله يحفظ لك بنتك يارب
 
اهلين بالكرريش الحلوات
مشكورة احلام طفولية معلومات قيمة

بنات اليوم جانى الم مثل الم الدورة او اشد اشوى
ومغص في بطنى واحس انا بطنى تحجر وينزل علي تحت كل الثقل تحت
وقعد معي مدة راحت وشربت قرفة وتحممت بموية دافية
وراح كا الام تتوقعون طلق كاذب ولا برد ولا ايش
واللة فرحت قالت قربت الولادة ببس راحت وشرايكم واذ جات الام مرة ثانية وش اسوى
 
مرررحبا صبايا
اخباركم واخبار كرووشاتكم
الله ييسر لنا ولكم ويهون علينا وعليكم الطلق
 
السلام عليكم حبيت أذكركم بكتيب الإفادة في ورد الولادة تقرين الأدعية في ماء زمزم أو ماء عادي و تشربين منه و تمسحين على بطنك من بداية التاسع
بالنسبة للشنطة خذي لك غيارين و فوط و للبيبي غيار واحد مع البطانية اللي بتطلعين فيها لا تكثرين له أصلا المستشفى يلبسونه من عندهم ما يسمحون لك تلبسينه إلا إذا طلعتي فخذي حق الطلعة بس و خذي معك علبة ماء و نقعي فيها مرة لا تنسون ضروري عن الشمم تشربين منها بعد الولادة على طول بالنسبة للتجهيز للبيبي أنا ما أكثر آخذ 6 من الملابس الداخليه و الخارجية و حوالي خمس من المهادات ما أدري إيش تسمونها البيضاء القطن اللي نلف الصغير فيها و منشفة و بطانية بس اللبس يكون كامل طبعا ما يحتاج شراب و لا حتى قفاز لأنك بتلفينه طول الوقت و أحب آخذها من صفر إلى ثلاثة أشهر مناسبة لمدة شهرين و أكثر الحليب و الرضاعات و الحفايظ ما أفكر فيها الحمدلله كل شي متوفر بعد الولادة زوجك يجيبها و في المستشفى ما تحتاجين هم يوفرونها
​
 
روماسية حبيبتي ما يصير تولدين قبلي خيانة انتظري دورك ههههه
على فكرة أنا قالوا لي بنت و كان عندي احساس قوي إنه ولد و حلمت حلم فسرته بالولد تتوقعون يصدق السونار و لا حلمي أنا الحمد لله عندي ولدين بس ما أدري صدقت الحلم و مازلت متوقعة الولد مين قالوا لها مثلي و طلع العكس​
 
كروشات الله يتقبل صيامكم ويهون عليكم ويقر عيونكم بشوفه اطفالكم بخير , طلبتكم كروشات لا تنسوني من الدعاء :31:
 
الحالة
مغلق و غير مفتوح للمزيد من الردود.
عودة
أعلى أسفل