دردشة الكروشات من الشهر السادس الى الشهر التاسع

الحالة
مغلق و غير مفتوح للمزيد من الردود.


الف مبروك
احساس حنان
و
مذوبة الورد

والعقبى لشوكولاين ومللت الانتظار
وكل الكروشات
الله يرزقهم هون الطلق وحسن الخلق
وكل من قال امين
 
تفاحة الحلوة قال:
السلام عليكم ورحمة الله وبركاته

مبروووووووووووووووووك لكل اللي ولدوا الله يسهل عليكم يا رب لكل اللي مثلي


يا بنات قولوا لي احس تاخرت بالولادة كل مرة اولد قبل موعدي باسبوعين هالمرة طولت باقي 6 ايام على موعدي سترك يا رب ما ابي يحطون لي طلق صناعي ادعولي يابنات يجيني الطلق الطبيعي من الرحمن قبل موعدي .....:4:
أنقر للتوسيع...





عادي ياقلبي اهم حاجه ماتطوفي موعدك وان شاء الله يجيك الطلق طبيعي وتقومي بالسلامه
 
مرحبااا صبايااا

من فيكم صاحي؟؟

يا بنات انا بكره موعدي ولحد الحين ما احس بشي ابدا ابدا :4:

خبروني شو اسوي ؟؟ اشرب خروع؟؟ :35:
 
آمين يارب
ويسهل علينا الولاده

أنا بكريه وما أفكر فالولاده وساعات أخاف بس أحاول اشغل نفسي عشان ما أفكر
وأقول السهاله من رب العالمين

ربي يفرجها علينا يارب
 
يا الابتسامه العذبه والله انا عكسك كل يوم افكر فى الولاده
ونفسي اولد واخلص
انا رحت الاسبوع هذا موعدي وعلى اساس انى فى الاسبوع ال36 على حساب اخر دوره لى ...
تقوم الدكتوره تكشف على بطنى وتقول بطنك صغيره وارسلتنى للتصوير وبعد التصوير قالو لى انى فى الاسبوع ال33
ما تصدقو كيف كانت الصدمه جات قويه على بصراحه بكيت
ومن يوم جيت من الموعد ونفسيتى زفت ... مانى طايقه ولا كلمه
وحاليا احس بحشكه فى الحوض لانه البيبي اخذ وضع الولاده الحمد لله وشويه الم فى الظهر ... بس مو زي الام الدوره ... الالم يشبه زي الالم اللى تجيك اذا قعدتي فى مكان مو مريح كثير ... اتوقع انه نفس الام الولاده
والله يسهل لى ولادتي
ودحين اعطونى موعد بعد اسبوعين .... يارب اولد قبلها ياااااااااااااااااااااااااااااااااااااااااااااررب
واولد ولاده طبيعيه .. ويكون البيبي في صحه جيده ..يار ب
 
الله يسهل ولادتك يارب
بس صدق صدمه كيف قالوا لك في لاسبوع 33
الله يسهل عليك يارب ويقومك بالسهاله وتولدين ولادة طبيعيه حبيبتي
لا تفكري وايد يالغاليه
لا يكلف الله نفسا إلا وسعها
تذكري أن رب العالمين أرحم بك من عباده
وراح يسهل ولادتك بإذن الله
واقرأي يوميا سورة مريم وأدعية تسهيل الولاده
أنا نسختهم من الحين وأول ما أدخل التاسع بإذن الله بقرأ منهن يوميا إن شاء الله

تصدقين أختي لين الحين ما عارفه جنس الجنين
دايم يقولون مش واضح
بس الكل يقول لي شكلك بتجيبي ولد

فالبدايه كنت متحمسه وعندي فضول أعرف
بس الحين عادي ما تفرق معاي خاصه أني اشتريت ملابس البيبي بألوان محايده
والحمدلله ولد أو بنت أهم شي الصحه والعافيه والسلامه ويكون بخير يارب
 
بس داين الجنين اللى موباين جنسه يقولو بنت
ويا شيخه بنت او ولد كل اللى يجي من الله حياه الله
انا قالت لى جنس الجنين وانا فى بدايه الخامس قالت بنت بس مو اكيد عشان حجم البيبي صغير
بس رحت واستريت كل بنوتى بصراحه ماقدرت والحمد لله تاكدت دحين واتطمنت ...
انا لى 5 سنين على زواجي وهذا حملى الاول
ممكن عشان كده نفسيتى اتأزمت عشان اخروني 3 اسابيع
يالله الحمد لله انا صابره ... اهم شئ بنوتتى تكون بصحه جيده يارب
بس انتظار الشهر التاسع يوتر بصراحه ...بالذات اذا كنتى بكريه ...
قاعده اي الم او شد او حركه ترتبكي على بالك انه الطلق
انا كل شوي اتصل على اخواتى اقولهم احس بكده .. وكده... الين ملو منى ...ودحين صارو هم يدقو على عشان نفسيتى ويطمنوني .انه باقى لى قليل
والحمد لله
 
الحمدلله حبيبتي وربي يرزقك بالبنت كاملة الخلق والخلقه
وسليمة من كل شر يارب
وتتربى بعزكم ان شاء الله
وربي يسهل عليك ويقومك بالسلامه والعافيه

لا تحاتي يالغاليه ربك كريم
وبيفرجها عليك بإذن الله

وتبشريني وتقولين لي مافي أسهل وأحلى من الولاده وأتشجع معاك يارب
 
مساكم الله بالخير كروشات الف الحمد لله علي سلامت اللي ولدو والله يهون ويسهل علي اللي وشك الولاده انا لسه في الشهر السادس ومن حللت وطلعت حامل وانا افكر في الولاده لكن ربي يسهلها ان شاءالله ادعولي لاني من الحين تعبانه
 
الله يعطيك الصحة والعافيه أختي حبة بنادول
ويسهل عليك وعلينا وعلى كل الاخوات يارب

لا تفكري حبيبتي بعد المشوار قدامك وربي يتمم حملك على خير يارب

أنا من الثامن بديت أفكر
بس من السادس كنت أخاف تجيني ولادة مبكرة شوفي ترا هذا من الشيطان يوسوس لنا
والحمدلله لين الحين ما صار من هالافكار الشينه شي
وربي يجعله طفل سليم معافى
ويسهل ولاداتنا ونولد طبيعي بإذن الله ولا نشوف التعب الزايد يارب

ترا سبحان الله في حريم تتسهل ولادتهم وعسى نكون منهن يارب
 
الابتسامةالعذبة قال:
الله يعطيك الصحة والعافيه أختي حبة بنادول
ويسهل عليك وعلينا وعلى كل الاخوات يارب

لا تفكري حبيبتي بعد المشوار قدامك وربي يتمم حملك على خير يارب

أنا من الثامن بديت أفكر
بس من السادس كنت أخاف تجيني ولادة مبكرة شوفي ترا هذا من الشيطان يوسوس لنا
والحمدلله لين الحين ما صار من هالافكار الشينه شي
وربي يجعله طفل سليم معافى
ويسهل ولاداتنا ونولد طبيعي بإذن الله ولا نشوف التعب الزايد يارب

ترا سبحان الله في حريم تتسهل ولادتهم وعسى نكون منهن يارب
أنقر للتوسيع...
اميين الله يريح خاطرك بس ماادري احس اني ثقيله بالمره وكمان بطني نازل غير الامساك اللي متعبني
 
حبيبتى حاولى تاخذي ملينات طبيعيه عشان الامساك زي البرتقال على الريق
والثقل هذا طبيعي لانه البيبي بدا يكبر
وزيما قالت لك الاخت لاتخافى ولاتاخذي هم الولاده الله يسهل لك ولادتك ويسهل لنا يا رب
 
صباح الخير

حاسه بثقل وقله نوم وارهاق من دخل السابع

الله يهون علينا جميع
 
السلام عليكم ورحمة الله وبركاته

انضميت اخيرا للدردشة

امس كان موعدي مع الدكتورة قالت لي انني دخلت السابع

الله يهون علينا جميعا
 
هلا كروشات شخباركم

مامت جود شخبارج حبيبتي وكيفها جودي حبيبت قلبي ؟؟

انا اكون متواجدة الصباح والظهرية وحتى العصر افتح التجمع

بس هالايومين ماقدرت افتح التجمع ما ادري ليش مايفتح المنتدى
 
مباآآآآآآآآآآآآآآآآرك عليكم يابلقيسيات اللي ولدوا
وعقبال الكروشات التواسع يارب
انا اليوم آآآآخر يوم لي في التاسع يارب رحمته وتسهيلك
ايش اسوي عشان اولد من دون طلق صناعي

(( أكلت تمر * امشي تقريبا ساعة ))

اللهم سهّل ..
 
الله يعينكم ااأجمعيييين
والله اني حااسه فيكم
يااارب تسهل ولادت كل وحده
بالتاااسع وتسهل حمل كل
حااااااامل يااااااااااااااارب
 
رزقني الله بمولود

مساءكم راحة ..... كيفكم خواتي....

شخباركم كروشات....؟

حبيت أبشركم إني ولدت والحمدلله جبت ولد لي تقريبا شهر...

بس تأخرت عليكم لأني بالأول تعبت وبعدها ماكان متوفر عندي النت

لكن الحمدلله عقبال الباقين الله يهون عليكم......


لاتنسونا من الدعوات
 
ABOOORH قال:
هلا كروشات شخباركم

مامت جود شخبارج حبيبتي وكيفها جودي حبيبت قلبي ؟؟

انا اكون متواجدة الصباح والظهرية وحتى العصر افتح التجمع

بس هالايومين ماقدرت افتح التجمع ما ادري ليش مايفتح المنتدى [هلا قلبي انا تمام وجود تمام كيفك انتي ليش مختفيه
احاول اتواجد فوقتك
أنقر للتوسيع...
 
الحالة
مغلق و غير مفتوح للمزيد من الردود.
عودة
أعلى أسفل