دردشة الكروشات من الشهر السادس الى الشهر التاسع

الحالة
مغلق و غير مفتوح للمزيد من الردود.
bar22be قال:
انا باقي ما ولدت يا ام نصيب
الله يكتب لنا الذريه الصالحه و الولادة السهلة الميسره
انا بكريه ودوبنى اول اسبوع بالتاسع ومره مليت
بس كل اللى حولى يقولون لى البكريه لازم تخلص التاسع عشان تولد
والله وانامررررررررررررررره مليت من الانتظار احس الايام ما تمشي ....تهي:4:تهي:4:تهي:4:
الله يكتب لنا ساعه السلامه
أنقر للتوسيع...
يا حبيبتي استرخي ولا تستعجلين ....كل شي فوقته حلو
 
بنات انا احس زي ادبابيس ف بطني وتألم مره طبيعي ولا لا
يااااااااااارب سهل ولادتي وولادت البنات يارب
 
السلام عليكم ياكروشات

انا موو مره ادخل الدردشه بس على قد مااقدر ادخل

ودي اسالكم

انا في نهاية الشهر الثامن وراح ان شاءالله ادخل التاسع الله يعين ان شاءالله
وبكريه

ابغى اسأل انا ينزل مني افرازات مثل زلال البيض وبعض الاحيان اصفر وبعض الاحيان شفاف
واحس بتعب بظهري بس ابغى انسدح

ايش السبب .....
ومشكله ثانيه الحرقان والغثيان اللي يجيني بعد مااكل اي وجبه

يجيني غثيان وبعض الاحيان استفرغ كل اللي اكلته ...ليش !!​
 
صباااااااح الخييييييييير كروشاااااااااااااااات
 
مبرووووووووووك احساس حنان مذوبة الورد الحمدالله على سلامتكم

الفال للجميع انشالله
 
مامت جود والله ماعندي خلفية عن الموضع انشالله مافيك الا العافية

س ج انشالله يكون طبيعي لانة الافرازات في نهااية الاشهر تزيد بس عشان تتطني شوفي طبيبتك وانشالله خير
 
سلام عليكم وصبااااحكم ريحة نونو صغيروووون ههههههه يازين ريحة الصغااار تجنن احمسكم عشااان تولدووون

اخباااركم واخباار ابناات الدردشه بدووون استثناء
ومبروووك للي ولدوو وعقباااال كروشات الشهر التااسع باالولاده السهله الميسره حبااايبي رااح احكيلكم قصة ولادتي مثل مااوعد تكم ورااح انصحكم باللي ااقدر عليه



اليوم اللي حسيت فيه باالالم كااان يوم عرفه كنت صاااايمه وكنت احس الم خفيف يجيني الصباااح ويرووح بس اكنت انااام وكل شووي ارووح الحمام وانتو بكراامه


وجلست طووول اليووم باالسرير اتقلب احس فيني شي موطبيعي زوجي ناظر لي وقالي وش فيكي ماراح تصحي تسوووي فطور قلت احس اني تعباانه وداايخه ابي ارتاااح

قالي ارتااحي ونمت وصحاااني وقت اذان المغرب وقااال قوومي افطري ومااشافني إلا واناااا اصيح نااااظر لي وقال وش فيكي قلت فيني مغص بيذبحني



قال اللحين وقالي ماجاااكي المغص إلا اللحين قلت ماهووب كيفي غصبن علي


وجلست اتألم وهوو يحاول يقولي يالله المستشفى قلت لا ماابي ارووح

وجلست لماا العشاء اخذت لي مسكن وجلست امشي وارتب البيت على خفيف للعيد واجهز ملابس اطفالي للعيد بس الم يزيد
يزيد وولدي يقولي ماما وش فيكي قلت ماما فيني مغص ماودي اخرب عيدكم بس شكل النوونو يبي يجي غصبن علي


وكان المغص يجيني كل خمس دقايق وكنت مستبعده فكرة الولاده وجاااني احساس قووي انه طلق وعرفت انه طلق لانه كاان منتظم يعني تنتهي الطلقه وتبدى الثانيه ويكون الوقت اللي بينهاا خمس دقايق
ماتتأخر ومنتظمه والطلقه يابناات هوو المغص

رحت بسرعه ورتبت شنطة المستشفى واخذت ملابس لي ولنونو واخذت شنطه للعيالي وحطيت فيهاا لهم ملابس

وجااء زوجي وقالي يالله المستشفى قلت يالله وتوكلت على الله

وطووول مااناا باالسياااره كنت امسك نفسي بااقوى ماعندي اتعصر من جوووه عشاان مااخووف ولدي ووبنتي

رحت المستشفى وقالت الدكتوره مفتووح اربعه ولاده لازم تنويم

ودعت زوجي ووصيته على اولادي
ودخلت مرحلة الولاده دخلت المستشفى الساااعه 12 ونص الليل وجلست ااتأألم لمااا الساااعه ثلاثه الليل
واجلست اقرى سورهالزلزله وادعي ربي يسرهااا لي ويسهل لي الولاده كشفت علي الدكتوره وفتحت موية الراس وقاالت لي هاالنونو يبي ذبيحه يبي يجي وانتي بااقي لك اسبوعين على موعد الولاده

واحااول استغفر وبس اصيييييييييح وابكي ولمااا جت الساااعه اربعه حسيت خلص ان النونو بيطلع واقووول للممرضه النونو خلص بيطلع

وهي تقووولي البيبي تعبااان مافي خذي نفس اقووولهااا لا لا النونو بيطلع واجلس ادعي ربي واناااظر للجهااز حق نبض الجنين وهوو ينزل

واجلس ادفع وهي تقووولي لالا وتعطيني شي في الوريد وتقووولي خذي نفس يالله البيبي تعباان وتصااارخ علي خذي نفس

اقولهااا غصبن علي ادفع واصييييييييييح وادعي ربي يارب سهلهاا لي يااارب وادفع غصبن علي واقولهااا ناااضري شوووفي النونو بيطلع وتروووح تدق على الدكتوره

وانااا ادفع بدوون ماااحس غصبن علي وتجي الدكتوره بسرعه تقووولي يالله تشقني من تحت وتقولي ادفعي وطلع النونو الحمد لله وصاااااح واناا حسيت اني الحمد لله برااااحه

وماااكنت مصدقه اني بولد حسيت اني بجلس كذااا اتأألم طوول حيااتي بس الحمد لله شفت ولدي وحطووه على صدري وانااا ادعي ربي واشكره وابكي من اللي صااار لي مااتوقعت الولاده

والحمد لله يااارب بنااات لاتخاافون من الولاده توكلووو على الله واستعدوو لهاا اول ماتدخلوو التااسع وادعوو واستغفروو ربي رااح يسهلهااا



الحمد لله لي سته ايااام والده والحمدلله ولدي سميته طلال صغيرووون من ماقااالو لي باالاشعه وزنه 2 كيلو وخمس مئه ياااربي صغيروون
ان شاء لله يكبر ياارب


ادعووولي ان ربي يكبر ولدي ويسهل لي اختبااراتي لانه بعد شهر الله يعين وانجح وتكمل الفرحه
 
عبوره متى تدخلين علشان ادخل معك
.................وينكم ...............
ترا ازعل :tears::schmoll:
 
مذوبة الورد الحمدلله على السلامه والف الف مبرووووووك طلولي ويتربى بعزكم
وان شاء الله ربك يوفقك باختباراتك الجايه وتكمل فرحتك
ايش اخباركم بنات وش مسوين
مامت جود وينك حبيبتي انا زيك دايم اطفش ابي ادردش مع احد بس للاسف القى التجمع فااضي
اخباارك
 
مذوبه الف الف الحمدلله على السلامه والله اني خفت وما كملت قصت ولادتك جعله من مواليد السعاده يااااااااااارب


انا اليوم كانت عندي مراجعه ويوم رحت قالت لي الدكتوره الجنين جالس تيعني راسه فووووووق وانا ابسبع وعشرين ان شاء الله من هالشهر اكمل الشهر السابع وادخل التاسع
تكفوووووون بناااااااااات الولاده راح تكون طبيعي والا عمليه

لاني قبل ما اروح للمستشفى كنت جالسه مع وحده من المدرسات >> تعلمكم انها مدرسه
وقالت لي ان اختها والده وكان جنينها جالس وكانت ولادتها عمليه


الله يسعدكم ويقر عيونكم اخبروني وعلموني
لان انا بكر ولا اعرف شيء ابد
 
ريماس كول قال:
مذوبة الورد الحمدلله على السلامه والف الف مبرووووووك طلولي ويتربى بعزكم
وان شاء الله ربك يوفقك باختباراتك الجايه وتكمل فرحتك
ايش اخباركم بنات وش مسوين
مامت جود وينك حبيبتي انا زيك دايم اطفش ابي ادردش مع احد بس للاسف القى التجمع فااضي
اخباارك
أنقر للتوسيع...
تمام انتي كيفك
متى تدخلين الدردشه علشان ادخل معك
 
مذوبة الورد الف مبرووووووووووووووووك ويتربى في عزك يارب
وعقبال ما تشوفيه عريس يارب
وعقبالى واعقبال الباقين يارب بولاده سهله ميسره
والله انى كل يوم اتحمس للبيبي
\الله يبلغنى اليوم اللى اشوف فيه بنتى بالسلامه ولا يحرمنى انا وزوجي هذى الفرحه
ويرزق كل البنات بالذريه الصالحه يا رب
 
مذوبة الورد
ماشالله تبارك الله الف مبروك يالغاليه ويتربى بعزكم يارب وتفرحين فيه ان شالله
وعقباااااااااااااااالي وكل كروشه يارب...
^_^
 
ABOOORH قال:
مامت جود والله ماعندي خلفية عن الموضع انشالله مافيك الا العافية

س ج انشالله يكون طبيعي لانة الافرازات في نهااية الاشهر تزيد بس عشان تتطني شوفي طبيبتك وانشالله خير
أنقر للتوسيع...


مشكووره على الرد

الدكتوره سوت لي مسحه بس مااعرف النتيجه حتى الاان
وان شاءالله خير

ومبرووك لكل اللي ولدوو وعقبالنا يارب
 
صبااح الورد كروشااااااااااااااااااااااات ..وحشتووووووووووووووووووووني..
 
بناااااااااااااااااااااااااات ادعووووووووووووووووووووووووووولي تعبت ابى اولد ..
 
السلام عليكم ورحمة الله وبركاته

مبروووووووووووووووووك لكل اللي ولدوا الله يسهل عليكم يا رب لكل اللي مثلي


يا بنات قولوا لي احس تاخرت بالولادة كل مرة اولد قبل موعدي باسبوعين هالمرة طولت باقي 6 ايام على موعدي سترك يا رب ما ابي يحطون لي طلق صناعي ادعولي يابنات يجيني الطلق الطبيعي من الرحمن قبل موعدي .....:4:
 
الحالة
مغلق و غير مفتوح للمزيد من الردود.
عودة
أعلى أسفل