دردشة الكروشات من الشهر السادس الى الشهر التاسع

الحالة
مغلق و غير مفتوح للمزيد من الردود.
كنت اقول الشي رقم واحد ماحبه في الحمل هو الوحام لان وحامي مره مو حلو
طلع الشي رقم ثنين هو الشهر التاسع ...ياثقل طينته يالله نقوم ونقعد وبايتين كلا بالحمام ...غير تحجر البطن ونزول الضغط .الوحده مايمديها تسويلها طبخه الا وتورمت رجولها .....ياربي هووووووونها من عندك يارب ...لا ولسا مامشيت شي ..باقي لي 3 اسابيع واكون في الاسبوع الاربعين ..و.باقي سرير البيبي ماجهزته ...حر وطفش وان طلعنا اتخنقنا بالزحمه ....يارب ساعدنا على وجع الطلق وهونها علينا يارب
مخنوقه وحبيت افضفض :(
 
انا متلك باقي لي اسبوعان للولاده والجنين حجمه كبير ويفكروني من حولي اتدلع
 
ههههههه ماعندهم سالفه ولا يحسووون
انا زوجي باول حملين كان يقول لي كذا ...انتو يابنات هالايام كله تتدلعون ..هذا امهاتنا ترضع واحد وتسحب واحد وحامل بواحد خخخخخخخخخخخ
 
انا يبان على وجههي تعب الحمل ...لان اثار الوحام وعدم الاكل اللي تبان على وجهي تظل مستمره معاي لين اولاده ...والله صرت ماشتهي اطلع لان اللي يشوفني يقولي مايسوى عليج تحملين ..والحمل مو حلو عليج ...حملج مو حلو ....كل هذا يسويه فيج الوحام ....وهلم جرااا ..بدال ماتطلعين عشان تستانسين تطلعين تنغثين
 
مرحبا كروشات
رجعت لكم
زهقوني الناس كل من شافني قال لي ماولدتي
كل الحوامل الي في العائله ولدو وبقيت انا ومعي وحده
لو تولد قبلي اتوقع بيمسكوني وبيولدوني من حنتهم
بكيفي انا الولاده؟ والله لو بكيفي ماانتظرتهم يقولون لي متى بتولدي تهئ تهئ :4:
 
ههههه هونيها وتهون ...لو بنمشي على كلام الناس جان ماحملنا خخخخخخ
يتكلمون وكأن هم اللي حوامل وشايلين الهم ...
 
احلام توووك داخله التاسع على ايش العام مستعجله
وعلى طاري المستشفى انا اخر مره رحت لها يقت صدري اول شئ قالت انا باقي لي اسبوع او اسبوعين على مادخل التاسع مع ان حساب الدوره لي 5ايام من دخلت التاسع بس هي اعتمدت على مقاسات البيبي
وغير كذا تقول موية البيبي قلت عن اول بس يكفيه الى الولاده <<<تيب دام ان يكفي ليش تخوفيني يعني انا ناقصه انا بلا شئ موسوسه احلاكم ياحليلك توك صغنونه
.........................................................................
انا طفشت من الطبخ وعندي زوج مايعذر كل سوي سوي واذا قلت تعبت يقول شدعوووه وانتي وش مسويه تهئ تهئ
لاوبكرا يمكن تجي زوجة حماي يعني غصب عن خشمي اسوي فطور كثير وربي انا مافيني شده اسوي حتى بيضه ربي يكون في عوني
.................................................................................
بدويه وربي اوووولد ولا الكرش اللي فيني ثقل وتعب ونفسيه زي الزفت وكشختي ولا ماكشختي شينه
سواد وانتفاخ والخشم ياكبره على قولة اخوي الجنين في بطنك ولاخشمك
الله المستعان
اصلا يجيني شور اني ماطلع للناس اكبر ام المخده وانام
مانيب ناقصه كلام الناس خشمك كبر صايره سوده متى تولدين اشربي كذا وسوي كذا انا اللي فيني مكفيني
الا اولد واعييد مع اولدي هذا احلى عيد
 
انا ادري عن هالناس الي مايتركو الواحد بحاله
طيب بسألكم كروشات لاحضت على ابطي ورقبتي صارو لونهم اسود من الحمل
والله استحي ارفع ايدي من السواد لدرجة انو ابط زوجي صار ابيض من ابطي خخخخ
والحل ابيه يرجع مثل اول هل يرجع للونه الطبيعي لحاله ولا احط عليه شي؟
 
على قولة اخوي الجنين في بطنك ولاخشمك
أنقر للتوسيع...
هههههه الله يهديه ...الاخوان كلا يتريقون مايخلون حد بحاله
احلام انا اول مره يصير لي هالشي اليوم لاحظت بدايه سواد في رقبتي والابط بدا يغمق
وعندي نفس السؤال
 
عذبهـ الاطباع قال:
بدوية وربي انك متحمسة للعيد عكسي نفسي اولد قبل ...


يالله بروح اتكشخ بالرغم اني افتقد للكشخة مع هالكرشة هههههه الحمدالله
أنقر للتوسيع...
والله نص حماس مو مره
متحمسه لاني متعوده انبسط كل عيد واتكشخ:26:
العيد هذا عندي بنتي حطيت حرتي فيها اشتريت لها ملابس كثير مرره
لانها بعيد العام كانت صغيره يمكن خمس شهور
مايبان عليها اللبس مثل ذحين وهي تمشي
حتى زوجي مستغرب مني يقول بسطت العيد هذا
ربي يحفظها:25:
عشان انا ماله دعي اكثر ملابس
اشتريت لي طقمين وبس
وباقي الفلوس على بنتي وكملت الناقص لبيتي:36:
بنات منو تعرف لستائر الحمام وانتم بكرامه كيف اركبها
لاني شريتها ولقيتها بدون المساكه حقتها ؟؟
مادري كيف اركبها
اشتريتها من رد تاغ
ياليت تدلوني
 
gomar walla قال:
ههههه هونيها وتهون ...لو بنمشي على كلام الناس جان ماحملنا خخخخخخ
يتكلمون وكأن هم اللي حوامل وشايلين الهم ...
أنقر للتوسيع...


يؤ يؤ
لاتذكريني بس
بنت اخت زوجي يمكن عمرها الحين 30
وعندها بنتين اصغر وحده عمرها 4 شهور
متزوجه متاخره
وكل ماشافتني تغثني تغثني بكلامها
مرره غثيثه استغفر الله
كل ماطالعت فيني قالت الله يعينك ومادري ايش1
يعني ولا 10 مرات بالزياره الوحده
تيب بلا هباله
يعني ايش حمل كل الناس تحمل جات علي
انا الوحيده اللي حملت يعني
ناسيه نفسها هي توها ولدت
وتحاول تعرف جنس الجنين
ملقووفه مره مره
ورجتني بقصص ولاداتها
تعيد القصه مية مره
وكل شوي سوي كذا ولاجاكي الطلق سوي كذا
يعني تحب تتفلسف بالعربي
ونشبه نشبه ماعرف افتك منها بس لازقة لي
لو اني بكريه مالومها
بس انا ثاني حمل لي
يعني ماني بحاجتها تعلمني
وبكره فيه فطور ببيت ابوها
اكيد بتكون موجوده
وماني رايحه كل العايله بتروح الا انا
ماني مقابلتها غثتني اعوذ بالله
حرمتني حتى الوناسه
 
غالباا السواد يكون للي حامل بولد انا باولادي كلهم تسود رقبتي
 
انا سمعت الي يصير لهم سواد يكون عندهم بنت
وانا عندي بنوته بس ماقلتو لي والحل مع هالسواد وش استخدم له.؟
 
هههههه الله يصبرج يابدويه مودرن ...انا الحمد لله افتكيت منهم ...ماروح لجتمعو ..ويمكن بعضهم مايدرو عني اني حامل خخخخ لعانه .اهم شي ام زوجي اطل عليها واسلم عليها ..حتى زوجي يقول لي لاتروحي لجتمعو ..مايحب سوالف الحريم كلشي يتدخلو فيه كلشي يبغو يعرفونه ويتفلسفو عليكي ....وليش كذا وليش كذاك وسووي كذا احسن ولا تسوي كذا مو زين .... ياختي الوحده من غير شي الحمل مطفشها ...ابعد تسلم
 
انا احس السواد والانتفاخ مايعطي معنى لجنس الجنين مع ان في ناس تضبط معهم ..تشوفينها بالاولاد خشمها ووجهها متنفخ وبطنها صغير ماينشاف وبالبنات تشوفين بطنها كنها بطه بس وجهها مو متنفخ ..وناس العكس بس الغالبيه مايضبط معهم تلاقيها بالولد والبنت متنفخه وزي البطه ومسوده خخخخخخ
اظن يا احلام ان هذا بيروح بعد الولاده ان شاء الله لانشيل هم ونظل على اهتمامنا المعتاد
 
اااااااااه ي بناااااااات تعبااااااانه

مغص بالظهر والبطن تهئ تهئ صار له اسبووووعين
 
الحالة
مغلق و غير مفتوح للمزيد من الردود.
عودة
أعلى أسفل