احكيلكم ايش سار معاي اليومين اللي فاتت
يوم الجمعه الشوشو قرر يخرج طبعا رحله مع اصحابه.....تخيلو متى رجع...مارجع الا الساعه عشره بالليل
وانا سمعت كلامكم وفعلن ماكان عندي وقت حتى افكر فيه وهو برى....رتبت بيتي وقريت الكهف...وروحت ع المطبخ سويت غدا واتدلعنا انا وبنتي وسويت حلا .....الموهم لهيت نفسي
ع العصر ارسل الاخ رساله انو طمنيني عليك وبطاقة شحن......ما كأني شوفت شي....
كملت اليوم المفتوح لي انا وبنتي ولعب والحمد لله من جد انبسطت معاها حسيت اني لهيت نفسي عن الافكار البايخه اللي تجيني من الشمالي....
اتصل ع المغرب وقال وصلتك المسج قولت ايوه ماكان عندي وقت قال شحتني قولت لا نسيييييت اصلن....قال ايش نساك؟؟
وبإيش مشغوله؟
وكانت ساعتها بنتي تبكي تبى تكلمه قولت تصريفه عشان ينشغل شوي اديته يكلم بنته....وقالت له انا وماما نلعب وجلس يحقق معاها على خفيف....
جا عشره وانا مجهزه بنتي للنوم خلاص وجلس جنبي يبغاني اسئل وانا بالقوه ماسكه نفسي....هههههه لقافه بعيد عنكم
قال اتمنيت انكم معاي الجو حلو ...ومدري ايش....وبعدين حل الصمت على المنطقه مره لا مني ولا منه....
بنتي كانت متجهزه للنوم وشافته وسارت تسوي رجه بمساعدته وانا كونت اتابع مسلسل ومسويه نفسي خاشه في التلفزيون
عليت اصواتهم وزعقت عليهم قولت اللي يبغى يلعب يطلع برى ...قال انتي تزعقي علي قولت مو قصدي بس انا حابه اتابع فهدوء.... وسكت وعليها الين سحب نفسه وراح نام....ولا رحت ولا كلمته ولا قلت له تصبح على خير ولا شي من دا نشفاااااان عاطفي!!!!!
احس انه مع نفسه دي اليومين كلامنا مع بعض قليل مشغول عني ...معد يهمه انا اكلمه والا لا....شايف حاله مدري اشبه يكلمني بفوقيه...
امس كانت عندي مرت صاحبه وعزمت اختي وصاحباتي....كلهم اعتذروا ماعدا مرت صاحبه...قال مين اللي حيجيك اليوم قلت مرت فلان اعطاني نظره غريييييييييييييبه مدري ليه!!!!!!
جاب اغراض وقال اسمعي ياام فلانه...قلت خير قال انا يوسوس لي الشيطان ان انتي تستغفليني وان اللي جايتك مو مرت فلان قلت اتعوذ من ابليس وابليسك اديته وش الين سار يشكك فأشياء واضحه ومافيها شكك.....قال انا والله قلت لك لانو من اول التفكير دا معمي عيوني ...قلت احنا فيها بعد مايجو انا اسويلك قهوه وتعال خدها للديوانيه وسلم على الصغار.....عشان تتأكد وترى مهما سار بيني وبينك مستحيل ادخل احد ماتبغاه فبيتك....باسني وراح.....صااااااااااااااااااااااامت
وبعدين جا وتأكد من نفسه
اللي قاهرني سكوته اللي طول
وحقوقي اللي ضاعت حقي في الطلبات في الخروج في العاطفه
اللي ابغاه منكم كيف اتكلم معاه عن نواقصي ومتى ؟؟
كيف اطلب منه طلباتي بثقه نواقص البيت اللي يماطل فيها؟؟؟
