دردشة الشمالى

الحالة
مغلق و غير مفتوح للمزيد من الردود.
بنات الله يسلمكم
لموعة انا ماقلت انو ش .غ شكلك ملخبطة طول عمرو ش.ش مايتنازل هههه
عموما احس الشمالي لما يكون مريض مايحب انك تشوفيه بها الحالة اتوقع مايحب تشوفي ضعفه ....بس اذا طلب شي نفذيه واخرجي ...انا قريبتي زوجها شمالي وتجيه آلام فضيعة بسبب حصوات في المثانة تقول لدرجة انه يبكي .. وتقول لما ادخل عليه يعصب ويقول اطلعي برة ماابغى اشوف وجهك ....سبحان الله ..
بقايا جروح خليكي على موقفك بيزعل شوي ويرجع .....
 
موية ورد

حبيبتي و الله تسلمين كلامك تاج على راسي

ااي انا صغيره عمري 21 سنه وا لحين بكمل 22 سنه ان شاء الله

و الله تصدقين لو ماكنت اعرف للشمالي و الجنوبي قبل زواجي ما كنت اعرف استمر معاه و مع اطباعه

و الحين انصح اختي المقبله على الزواج تتثقف بالانماط لكنها ما تحب م العلم انها تعرف شخصية زوجها بس كسووله قلت لها و الله راح تندمين الناس تتمنى قبل انها كانت تعرف للانماط علشان يمشون حياتهم و انتي ترفسين النعمه باديك كيفك انتي الخسرانه


و بانسبه لمرض الشمالي من جدك و الله اممممم غريبه صح زوجي احسه ما يحب اشفق عليه لكن تدرين ابوي شمالي و يحب يشوف عطف امي عليه و تمسح على راسه و تدلعه آخر دلع و هو يدلع عليها كثير و حتى لما يمرض نقووول يووه خلاص ننسى امي ماراح نشوفها

لانها كله تظل معاه خخخخ الله يخليهم ان شاء الله


و بالنسبه للاسرار و الله يمكن يكون كلامج صح و عين العقل اممممممم بس مثل ما قلت كيفهم مو محتاجين لاسرارهم ههههه
 
مروووشه

اهليين حبيبتي احترم وجهة نظرك من ناحية مرضه بس لما تشووفينه كذاا يكون نفسك تضمينه مثل الطفل الصغير لكن رااسهم يابس ههههههههههه كيفهم هم خسرانين حنان الجنوبيات ههههه
 
شخص راقي عادي لاتشيلي هم الهدايا انا مثلك لي 8 شهور والدة وما شفت شي و قلت له مرة ..تدري ان الرجال اذا ولدوا حريمهم يجيبون لهم هدايا هذا للمعلومية بس .... قال لا اجل بعطيكي فلوس وانتي روحي اشتري اللي تبغي هههههه .... وحتى الفلوس ما شفتها ......
 
حورية تسلمين انا عدد سنين زواجي بعدد عمرك !!!!!!!!!!!!!!!!!
الله يوفقك كل اللي اعرفهم متزوجات او لا
اعطتهم روابط الانماط من عرفتها وحسيت باهميتها..............
لاحظت عليك شي ياليت تتقبلين ملاحظتي
لا تقارنين بين ابوك وزوجك ليش ؟؟؟؟؟؟؟؟؟؟؟
لان البيئة والتربية لها دور على الانسان
وراخ تلاحظين بعد عمر يمر عليكم انه تغير
يسوي اشياء كان مستحيل يسويها
زي الحضن انا زوجي كان ينام بطرف السرير
كانه خايف اكل منه شي هههههههههههههههههه
وهالحين هو اللي يتلصق وانا اتهرب سبحان الله:32::32:
الهدايا اللي ماتجي من نفس راضية كمفاجاة ماابيها ابد........
اشحذه علشان يهديني لا والله مااذل نفسي
ان جاب خير وبركة وافرح فيها واشكره وان ماجاب اجيب لنفسي
واجيب له ومع الوقت يتعلم منك
 
يله يا حلوات .............
ابناااااااااام ورانا صلاة ودوام الله يعين
وانا دايما متابعة نادرا اشارك
لكن اذا بغيتوا شي اسالوا
اعطيكم اللي اعرفه من خبرتي
استودعكم الله الذي لاتضيع ودائعة:32::32:
 
موية ورد

حبيبتي وجهة نظرك على راسي و احترمها لا صدقيني انا المقارنه اللي اشوفها مو لشيء بس على شكل مزح

يعني ما اعصب لما اشوف زوجي غير و ابوي غير عنه ؟؟ لا عادي جداا و عارفه بسبب البيئه و العمر يلعبوا دور

اايدك بكل كلمه قلتيها تسلمين لي و الله فديتك

هههههههه اصلاا امي ماكنت تعرف بالشمالي و الجنوبي و هي عمرها 40 سنه و لما علمتها صارت تقارن بين ابوي و زوجي بس ما اقولها شيء انو لاتقارني و الا شيء

اخذها على شكل مزحه و اقول في خاطري طاف و الحياه مستمره ههههههههه مدام عرفنا للشماليين و مفاتيهم و لله الحمد صارت الحياه معاهم اسهل و احلى و لله الحمد
 
مروششة عن جد حالة يوم تفكرين تحسين انه اقل شي انه يعطيك هدية سلامتك ندري انه البيبي اغلى فرحة وهو اغلى هدية بس مافيها شي العطايا...انا عاذرته بس عشان اموره الماديه مش ولابد بسسس (للفائده يابنات بما انه شمالي
تراي قلت له,,,اني موناسية وقت ماتضبط امورك انا منتظرة هدية ولادتي وميلادي)
 
شخص راقي

اتمنى كلامي ما زلك و اقنعك حبيبتي بس بجد ماودي تزعلون شوي من صراحتي اللي بخاطري اقووله لكم و ما ابغيكم تتضايقوا من توافه دنيا يزيزنها لنا الشيطان و يكبرها بعقولنا

يعني يقول شووفي زوج هذي جاب لها هديه و انتي زوجك ما يجيب لك هديه و تصيرين تتحسرين على زوجك و حظك

صدقيني كلها عمايل الشيطان
 
حورية صرت بعمر امك ..........
ناديني ماما ههههههههههههههههه
ابطلع ورجعت لفت نظري عمر الوالدة الله يخليها لكم
 
شخص راقي

و الله حاسه فيج و في حالتك حبيبتي بس شقوول لك اللي عندي قلته

و انتي متى ولدتي الحمدلله على سلامتك ؟
 
موية ورد زعلتيني ليه تعتبريها شحاذة وذل للنفس لما نطلب من ازواجنا هذا نوع من الدعابة عشان ماتكون الحياة كلها رسميات وجد ..... لانه احنا عارفين انه مابيجيب هذا طبعهم وعادي والله احنا متقبليييييين جداً....
 
موية ورد

هههههههههههه حياك حبيبتي ماما اتمنى لما تكوني متواجده هنا تشاكرينا ولو بمواقف بسيطه نستفيد منها او تذكرتيها

صدقين المواقف اكثر شيء تركز براسنا و نستفيد من تجاربكم
 
مروووشه

موية ورد مو قصدها جذي

شوفي هي قصدها اللي تذل نفسها لزوجها مو بشكل دلع لان في حريم يقولون لازواجهم يلا نبي هديه انتي ما جبت لي و انا سويت كذا و انا اعطيتك كذا متى بتجيب لي هديه و مو على شكل مزح هنا تسمى اهانه و ذل


لكن اذا على شكل مزح مثل ما قلت انا انه زوجي مسافر و قلت له يااريت ما تنساني من الهدايا ططبعاا امزح و اعرف انه ما راح يجيب و على فكره هو اول مره يسافر و بس طالع يوم و راجع و ان جاب خير و بركه و ان لا تراه هو هديتي عادي ما ابغي هدايا كل شيء عندي و لله الحمد


اتمنى فهمتي علي مرووشه
 
اوه بنات موضوعكم حلو
كالعاده ش /ش
امممم
جيتكم مع المذكره حقتي
اوريكم وش فيها
تفضلوا
للفائده :)
هذا طازج كتبته قبل عشر دقايق
نعم .. ان لي كرامه تمنعني!
-وحدي هنا في زاوية السرير اعيش،،
حيث الألم
لا اعرف النوم .. وكيف انام وانا بهذا الحال .. اريد ان الم شعثي في هذا الورق .. اجسد المي في كلمات ثم ارمي بها في الورق لأنام
كيف انام .. وانا بهذا البرد القارس
بين زوايا نفسي .. امد يدي لالتحف الغطاء ..فيسحبه مني غاضبا .. تركته له .. لاضير .. فبردي لن يفيد معه لحاف!
كلما اقتربت وجدت البرد والصد والتظاهر بالانشغال .. كفى كفى يانفسي
ان لي كرامه تمنعني
اريد حضنا .. اريد زوجا .. رجلا يفهم انوثتي ويروي عطشها
يرفق بها
تعلمت الصد والهجر .. والقسوه والانتقاد .. قسوت علي من حولي واولهم ابنائي
وكيف اعطيهم مالم احققه لنفسي؟
بعد نقاش اليم .. اقتربت منه وقلت .. اسفه علي كلمتي .. ثم وليت!
وضعت راسي على وسادتي اتظاهر بالنوم ..
كم هو جبار ان تحاول النوم وانت .. بامس الحاجه الي حناااان
من هو بجانبك؟!
لم اشأ ان اهين نفسي اكثر .. لم استدر الحب والاحتضان .. لم اتلصق هذا اليوم ..
ان لي كرامه تمنعني
لم لا يفهم هذا الرجل ما اريد؟
لمه يجعلني ابيت عطشى
لمه يراني اكتب في ضوء خافت ولا يسألني؟
لمه لا يقترب ليقبلني وقد تركني عند عائلتي يومين كاملين؟
لا استطيع حتى البكاء .. لقد كانت نعمه

لقد نام!!
..
نام وتركني
حزينه
في ليلة بارده
قست علي
هنا .. هطلت دموعي
رب .. امطر على قلبه الحنان علي والرفق بي
رب اعفني واكفني به واعفه واكفه بي
رب وفقني *
انتهى
ـــــــــــــــــــــــــــــــــــــــــ

 
حوحو والله فاهمة هههههه
والله يرد لك زوجك بالسلامة ...
 
حبيبتي روز ذا ون
ماشاء الله اسلوبك حلو ... وحلو انك تعبري عن الي متعبك بمذكرات ....مافكرت تكتبي اللي في قلبك وتخليه يشوفه .....
 
حياتي انتي يامرووشه
انت الحلوه
امم بصراحه لاني اعرف ش/ش مايحب التطويل بالكلام
ولا يفهم المشاعر كويس
ورح ياخذها انها تهمه بالتقصير
فليش افتح على نفسي باب
الف شكر حبيبتي
 
الحالة
مغلق و غير مفتوح للمزيد من الردود.
عودة
أعلى أسفل