دردشة الشمالى

الحالة
مغلق و غير مفتوح للمزيد من الردود.
مرررررروشة
العفو يالغلا
تبين تروضينة قوي قلبك وطنشي
والله التطنيش فن على قولة فوزية الدريع​
 
مووووشه نفس حالتي و الله قهررررر


انتي عندك اولاد و الالا؟
 
هلا حبيباتي .... احساس امرأة الله ينور عليكي دنيتك واخرتك يارب

من جد لك معزة حبيبتي

مروشة منورة قلبي .... اذا واثقة فيه لا لف ولا دوران خلاص طنشي

اشغلي وقتك باي شي

صلاة ... قران.... نت .... مجلات ..... تلفونات.... اولاد...هوايات

المهم شوفي شغلة لك ولا تحاسبيه

صراحة زوجي مايسهر من العمل للبيت

بس امس تأخر كثير وماله بالعادة بس قالي صاحبه تعبان وهو معه

وانا تضايقت بس ما بينت ولما جا ولا سألته عن اي شي

وجهي مافي تعبير لازعلانة ولا فرحانة وبعد نصيحة احساس امرأة الحمد لله تحسنت

وقابلته عادي بس هو شكله ينتظر اسأل ولا سألت

ونمت والصباح عند الباب قالي ما بتأخر اليوم

قلت براحتك .... قال : بدال ما تقولي ايوا تعال عشان اشتقالك

قلت... ما احب اثقل على احد.. قال : انا مو أحد انا زوجك

قلت ... اللي يريحك سويه... قال : اللي يريحني اجلس معك

قلت : خلاص تعال واجلس معي...

وقبل ما يخرج قالي عن صاحبه وايش سووا من دون ما أسأله

تاري التنطنيش له سحر غييييييير

طنشي حبيبتي

كثرت كلام سوري
 
هاي احساس انثى خخخخخخخخخخخخخ شوشو حبيبي اشترى بلاك بيي جديد خخخ ياحظي بس عليه ههههههههه بس كل شوي يصي فيه شيء يقول اوووه ياا عينك كيف حاره اقوله ااي علشان تعرف تشتري لي واحد مثلك قعد يضحك يقول انتي وااااااايد تحلمين اقوول عادي تطنز علي مردك بتشوفه بين ايدي

قال خلاص بشتري لي لك موبايل جديد بس مو بلاك بيري قلت ياا سلام عليك بس هالقد خايف عليك

طيب بس ابغى باللمس ههههههه قال يووه الحريم ماينعطون وجه قلت له كيفك و الابتشوف البلاك بيري بين ايدي

قال طيب الاسبوع الجاي بتشوفين الموبايل الجديد عندك خخخخخخخخ هههه و بنتظره بشوفه يجيجب لي واحد وا لالا ؟؟؟؟




احساس امراه بالنسبه للتنطنشي و الله ردك قوي علشان مايطلع بس تدرين لما اقوله حام اقعد معاي اسهر معاي اشوفه يتاخر و لما اسكت يجي ؟؟

طيب يعني حرام نعبر عن اللي بداخلنا ؟؟؟
 
كيفكم بنااااااات
مرووووشه
بوووووسي
احساس امراه
احساس انثى
احساس ماينداس
حورية البحار
يايايا
وحشتوووووووووووووني كلكم

احساس امراه الحمدالله تصالحنا بس هالمررررره صدق احس اني هجدت الشمااااالي حتى
ماصدق على الله اني ارضى ولافتح الموضوووع ابدا
مع ان كلامي كان قاسي معه
 
حورية البحار عندي اولاد الحمد لله والله يعينك ويعيني ...طيب انتي كيف طريقتك معاه ....
بوسي مشكورة ياقلبي ... وانا الحمد لله اشغل نفسي مااقعد انتظره بس مشكلتي مااقدر يبان علي الزعل ...احس انه هذا اهمال منه ....وسبحان الله متعلق باصحابه قبل شوي قهرني دق صاحبو الباب يبغى اسم حبوب منع الحمل حقي عشان بيجيب زيها لزوجته انا ولعت لهذي الدرجة هذي اشياء خاصة والله قهر ......
 
ام احللى بنات

كيف طيب قولي لنا كيف جمدتي قلبه علميني شوي من كلامك خخخخخخ
 
ام احلى بنت منورة ومبروك الصلح .....
يارب انهم كلهم يهجدون خخخخخ الله يهديهم بس .....
 
مرووشه

حبيبتي و الله كسرتي خاطري

شوفي انا احس اني مقصره في حق زوجي من خلال توديعه عند الباب و استقباله له لانه لما يبغى يروح لاصحابه انقهر و مايكون لي خاطر اروح اودعه و انا اضحك لاني اكون بقمة قهرري و يبان على وجهي

و حتى لما يرجع متاخر نفس الحاله و لما اضمه و الا شيء يفهم اني ابغى الجنس ....؟!! فشوووو اسوي يعني مع انه مايكون في بالي شيء بس مشتاقه له


ااي اطنشه و اقعد ارسم و اشوف تلفزيون و الهي نفسي لكن من داخلي مقهووره تدرين شو سويت

قبل امس قال بروح عند اصحابي قلت طيب وداني عند اهلي لحد ما تخلص و بعدين تعال و خذني من عندهم لاني ما احب اقعد لحالي طبعاا انا من القهر اقوله بس ما ودي اروح لانه تدرين انا بس اشوف زوجي يومين بالاسبوع يعني ما اروح لبيتي غير يويمين و هو يقول يوووه طول الاسبوع انتي عندهم بس الحين تبغيهم

قلت ااي لانك ما ترضى تجلس معاي و انا ما احب الوحده قال طيب و رحت عند اهلي و سهرت معاهم و كل شوي يرسل ها رجعتي البيت و الالا اقوله لاحبيبي انا مستانسه مع امي خير شيء عندك تبي شيء قال لا

و بعد نص ساعه يرسل يلا انا رجعت البيت انتظرك خخخخخ يوووه كل هذاا علشاني رحت لاهلي قمت قلت لخالي وداني الكافتيريا ابا عشاء و كانت الساعه 12 بالليل و جلست اتعشى مع خالي و هو بالليت خخخخخ قال يوووه كل هذاا سهر قلت له ليش حلال عليكم حرام علينا خلنا نستانس ...!

و لابعد رايحه الكافتيريا قلت ااي حرام ادلع نفسي خخخ وهو فاتح عيونه و انا اتكلم من خشمي

و اليوم اللي بعده لما قال بروح لاصحابي قلتل ه ودني عند اهلي ما ابغيى اجلس بروحي قال يلا عاد بكرا بتروحين لهم قلت يلااا عااااد وداني و قعدت ادلع قال و الله ماراح اتاخر شوي و برجع

و قعد ساعه وحده بس و رجع الحمدلله خخخخخخخخخخ و انا فاتحه عيوني ؟؟؟؟
 
حورية البحار الله يخليكم لبعض
امكن انتي وضعك مختلف لان هي يومين وما يبغى يزعلك فيها .... بس احنا كل يوم مع بعض عشان كدا ماتفرق عندو .... وانا كنت قبل مو بس ازور اهلي كنت مادام انه يتأخر أبات عندهم ربوع وخميس وقعدت كم سنة على دا الحال تحسبي انه اتأثر والله ولا شي ... وبعدين انا بطلت لان عيالي الله يحفظهم كثروا واشيل عفش وحالة فبطلت .....
 
و الله يمكن انه الحاله تختلف عن بعض بس لا تصدقين انه مايبغي يزعلني بسالفة طلعاته و الله العظيم يسهر لحد 2 و 3بالليل و يطلع من تسع و الا عشر و الهل اظايق يعني انا ما اشوفه الا هاليومين و بعد ما يجلس عندي ؟؟؟؟؟؟؟!!!!


طيب بسألج الحين هو كم عدد الساعات اللي يجلسها عندك ؟
 
هلا مروووووووووشه
وحوووووورية البحار
شوووفوا مشكلتي بالصفحه 74
وانحلت بصفحة 81
هههههههههههههه
الله يعين علييييييهم
 
مرووووووووشه
افضل حل انك تبيني له انك مبسووووطه اذا قالك برووووح
قووولي له صدق حبيبي بتروووووح
بيقووول ايه ابتسمي ابتسااااااامه عريضه
قوووووووولي عندي شي ابي اسووووويه واخذ رااحتي فيه
بيقوووووووول وشو قولي سرررر
وشوفي ان مارجع لك بدري
واذا رجع خلييييييه يلقى زوجه مبتسمه ومستمتعه بووووووووووقتها وان وجوده مو مهم
زوجي قالي بلسانه لما اتذكر اني برجع البيت والقاك زعلانه اتكيسل لااقوووم بدري لاحق على الزعل


شفتي بس لما يتذكر ان في انثىىىىى تنتظررره وهي سعيده لانها تسعد نفسها بنفسهااااا ينقهررررر

انصحك تشغلي نفسك بااي شي
كملي دراسه ادخلي تحفيييييييييظ لاتقضي حياتك تفكري كيف تخلي الشمالي يجلس عندك
هو عايشه حياته ولامهتم
 
حورية هو يجي من العمل يتغدى وينام على طول للمغرب ... لانه يسهر وبس يقعد في البيت الفترة اللي بين المغرب والعشا يعني امكن ساعة ونص وبس ....
واليوم هو ما خرج وقام صاحبه جاه وقاعدين الحين في الحوش وسوى له بنفسه شاهي ... وبعدين سوت الشغالة قهوة ... وضحكهم واصلني وانا فوق صح كلام ام احلى بنت هو مستانس ولا همه وانا قاهرة نفسي ...
ام احلى بنت الله يسعدك يارب والله اني انشغل والحين الحمد لله قاعدة احفظ القرآن من شهر والحمد لله حفظت جزء ونص من سورة البقرة والله يتمم علي ... ويعيني على حفظ الباقي.. بس انا ابغى اهتمام طيب ليه ماكانت هذي القعدة الحلوة معايا ... ولا احنا مانصلح ....
 
ام احلى بنت قريت مشكلتك سابقاً طبعاً الله يهنيكم ....سبحان الله الشمالي اذا زعل يقول كلام يقطع القلب .... وطريقتك معاه حلوة احسن حل لهم التطنيش يحسسهم بغلطتهم ...
 
مرررررروشه
تعالي بصفي
انا ادهى وامر
لما يجي مبكر يقعد تقل مقروص وثم يطلع او ينزل عند امه
ويقول لاجهز الاكل عطيني اتصال وراح اركض لك
يعني البيت للأكل+نوم+تصفح اللاب=جفاف وانفكاك لدى المرأه:(
ويش رايك نتعرف على بعضنا وقت خروجهم نكون مع بعض نسولف ونقضي وقت:)

وبطبق اني اطنشه وابسط عمري
ولما يجي ابتسم له واحضر عشانا وانا مبسوطه
ولاقال بخرج اقول الله معاك لا وين ولا فين ومتى تجي خخخ
 
طيب يا ام احلى بنات انا لا اسأله انتي وين و متى بتجي و لا شيء و بالعكس لما يرجع اضحك و مبسوووطه و مثل ما قلت اقضي وقتي باي شغل لكنه قهر داخلي حرااااااام يجلسون معانا شووو ؟؟؟؟

ما ادري انا اللي عندي حالات مره يسهر لحد 12 و يرجع و مره 2 و مره ل1 و الله كريم شوو نقول بعد


بس صح كلامك احنا نقهر انفسنا نبيهم يجلسون معانا و هم و لاهمهم ...؟؟؟!!!! :24:
 
بوسي ماشاء الله ربي يديمها

انا شوشو حقي صار يطلع بسررعةة البرق

ولو قال مو متأخر كنت اقوله على خير ههههههههههههههه
وبرضوا يتأخر

يالله ربي يسخرهم لنا
 
الحالة
مغلق و غير مفتوح للمزيد من الردود.
عودة
أعلى أسفل