دردشة الشمالى

الحالة
مغلق و غير مفتوح للمزيد من الردود.
سوف اطلق على قريبتي زوجة الشمالي
مسمى بيننا حتى تعرفونها وتتعلمون منها
ّّّّ ام محمد ّّّّ
كانت مميزه وجميله
وخطبها الشمالي
من غير مايكون بينهم
قرابه بس لسمعتها وجاه اهلها
وحتى هو كان من اصحاب الجاه
بس هي اغنى منه
ويمكن طمع بمال اهلها
المهم كانت تموت فيه وتعلقت به من البدايه
وتنازلت علشانه عن كل شي
شوي شوي ورااااح اسرد لكم احداثها في كل مره
وربنا يعوضها ويصلح لنا ازواجنا
والحين بستاذنكم عندي شغله بخلصها وراجعه
 
فروحه
والله كلامج صح لو ان بنات جنسنا يتادبون ان جان احنا بخير بس يلا كما تدين تدان والله فوقهم وياخذ حقنا منهم
استغررررررررررب شلون نما يستحقرون روحرهم ويعرفون انهم يكلمون متزوجين ويعرفون انهم بخربون حياه عائلة ؟؟ وقولي بعد الشرهه على الرجال يوم انه يبي يتزوج ويعف نفسه لازم ما يتمسك فيهم هو رجال ويقدر ينهي كل شي بس لله كريم
 
المهم ام محمد هذي
كانت توها وراثه مبلغ كبير جدا
من ابوها
واخوانها جمدوا مالها
حتى يبنون لها فيلا
ويحفظون لها مالها
ولأن الرجال عندهم بعد نظر غيرنا احنا الحريم
ولما عرف انه مابيطول شي تغير 180 درجه
باع ذهبها اللي شراه لها
ب 100 الف ريال
تخيلوا قبل 28 سنه 100 الف !!!!
بس الذهب
المهم صار يستغل عاطفتها وحبها
يهينها يجرحها وهي بنت العز والدلال الوحيده بن اولاد
ولأنها تحبه وتعشقه
صبرت سكتت
وماخبرت اخوانها اللي يموتون عليها ومستحيل يسمحون
له يهين اختهم الوحيده
تدهورت اوضاعه الماديه
ونقل من مدينة اهلها
لمدينه ثانيه
تخيلوا ياناااااس
الغربه والقله والاهانه واليتم
وماتعلم احد ولا تطلب من اهلها
اخوهازارها وبكى من واقعها المرير
وصار يرسل لها مصروف شهري
وياثث بيتها من فتره لفتره
وتخيلوا يعتبرها احقر شي بالدنيا
وطبعا هو شمالي غربي متطرف جدا جدا جدا
وهي جنوبيه شرقيه
وتخيلوا انتم الباقي
والله تمر 3 او 4 سنوات ماتشوف اهلها اللي يبيها يروح لها
واخوانها علشان عندها 4 اطفال مايبون يحرمونها منهم
عيال اخوانها ماتعرفهم
الحزن كساها كسي
ولكم تتخيلون انكسارها
وفوق هذا فصلها من الوظيفه
وتزوج عليها
مايجيها بيومها
معتبرها بنك وخادمه بس
تخيلوا مصروفها ياخذه او بالاصح
هي تعطيه حتى تستدر حبه
كل هذا واكبر اطفالها كان لسى سنه اولى
وفوق هذا كله متعصبين لقبيلتهم هو واهله تعصب الجاهليه
يستقلها هي واهلها
مع انهم كلهم قبيليين
واهله من زود الحظ الردي كمان شماليين متطرفين بجنون
وراح ارجع اكم اعذروني القصه تستحق المتابعه والاهتمام
 
راح احاول اختصر لكم لأني اخاف انشغل بالايام الجايه
بعد زواجه من الثانيه وتطنيشه لها
صار يحتقره قدام زوجته ولا يعدل باي شي
حتى بالمصروف
الثانيه جابت طفلين
هم الغاليين والاولى وعيالها عدد زايد
لما توفى اخوها الكبير
انكسرت اشد الانكسار وزاد تسلطه عليه
حتى طريقة اخباره لها بوفاة اخوها
كانت حقيره مثله
قالها بدون مقدمات وبفرح وشماته
ولا حتى عزاها
قبل مايموت اخوها بنى لها فيلا واجرها وكتبها بأسمها والزوج مايدري عن هالشي
وكان اللاجار يتحول لحساب ولدها الكبير شهريا
وتم ياخذ مصروفها اللى ان كبر ولدها الكبير
واقنعها وقال يمه لاتعطينه شي
احنا اولى
ياخذه يصرفه على زوجته الثانيه واولاده واحنا محرومين
تخدم اهله وانواع الاهانات
والحين ربي عوضها توظفوا اولادها
بس مازالت متعلقه فيه
استغرب من امرها
دايم تردد ان زوجته الثانيه ساحرته
وانه يتصرف بغير وعي منه
وتنتظر الفرج بانه يشفى
والواقع انها هي المسحوره بحبه
والثانيه ذكيه رفت مفاتيحه وكيف تتعامل معه
تخيلوا الحين ياخذ رواتب عيال الاولى
وياثث بيت الثانيه
ويمنع ام محمد من انها تشتري شي لبيها
بحجة انه مايملك شي
يجيب للثانيه مثل اللي تجيبه ام محمد
لا واللي بجد يحرق القلب
تجيب ام محمد لها ولبناتها وبيتها بالدس
وتجي الثانيه ولما تكتشف تخانق وتزعل وتبكي وتعلم عليهم وياويلهم منه
ضرب وشتايم واهانه وليه ماتجيبون لها انتم انانيين !!!
حقيييييييييييييييييييييييييييييييييييييييييييييييييييييييير
مع انه من مصروفها اللي من اهلها
او من اولادها !!!!
قمة الظلم والاستعباد
وهو بنفسه قال لي
المرأه الذكيه هي اللي تفهم زوجها
باقرب مده ممكنه
والمرأه الغبيه
هي اللتي تدب حظها
وكان هذا من باب النصيحه لي
لما كنت مره بزياره لهم
وفهمت انه يقول ام محمد الغبيه
والثانيه الذكيه !!!!
ام محمد معها حق
لما تعتقد ان الثانيه ساحره
لأن اسلوب ام محمد اذا تبي شي البكاء والصراخ والكآبه
والثانيه هدوء وصمت وشوية زعل بدلع
ثواني طلباتها مجابه​

والحين بلخص لكم استنتاجاتي المفيده من القصه
ام محمد من البدايه
كشفت كل اوراقها قدامه وتعلقت فيه
وسمحت له يهينها
ماعمرها اخذت منه موقف قوي
خلته يسنقصها ويستغلها
عطتهه ذهبها
تنازلت عن كل حقوقها
لدرجة حظرت زواجه من الثانيه !!!
حسسته بأنها عايشه معاه وعلشانه لو تحت رجوله المهم تبقى معه
ماعمرها اعترضت
دايم راضخه
اسلوبها غلط بكل شي حتى بالزعل والعتاب
صارت مو جذابه بالنسبه للشمالي
لأنها صارت مو غامضه
ضعيفه مهزوزه ودايم تبكي
وهذا من اكثر الاشياء اللي يمقتها الشمالي
عودته على التازل لين بحث عن وحده يحس معها برجولته المتمثله في العطاء
عرف مكانته عندها انه مهما اهان وجرح وقسى تبقى ولا تروح
وصحيح ان اكرمت اللئيم تمردا
ما ينفع تتنازلين عن حقك اذا انت ماصنتي حقوقك هو ماراح يصونها
اللي يقهر بجد انها ملتزمه والثانيه عكسها حتى الصلاة ماعمرها سجدت سجده
الله لايبلانا
بشهادة جميع اقارب الزوج
اللي انا سمعت منهم
وانها قويه على امه وخواته وماتحترمهم ولا يقدرون يقولون لها كلمه
لكنه يمهل ولا يهمل وتقبلوا تحياتي
ولا تصيرون مثل ام محمد
اللي اموت فيها
واحترمها وعتبرها مثال للمرأه الصابره المستوره المضحيه
بس مع نااااااااس ماتستاهل ولا تخاف الله
ودمتم بود​
 
السلام عليكم ورحمة الله وبركاته
موضوع رائع ودردشة رائعة بصراااحة انا استفدت من كتاباتكم كثير كل البنات الخبيرات بالشمالي الغربي احساس امراة واحساس ماينداس thئe secret والبقية اللي شاركو ا واثروا الموضوع الله يعطيكم العافية وجعله الله في ميزان حسناتكم لما تقدمونه لاخواتكم البلقيسيات
انا زوجة شمالي غربي تعبت منه ومن عصبيته وعنااااده لحد ماتعرفت على هالمنتدى الرائع تغيرت كثير وصرت اعرف كيف اتعامل معه في مواقف كثيرة بس مازلت اعاني من تطنيشه وعايش كأنه عزوبي ينام متى مابغى ويصحى متى مابغى الاكل على مزاجه اذا له مزاج ياكل معي انا وعيالي والا طنشنا وقته كله لاصحابه في اي وقت يجون عنده صبح ليل عصر ظهر مو مشكله اول مايفتح عيونه يدق عليهم وانا من آخر اهتمامته تعبت من جفااااه ايام كثيييرة اجلس لحالي ومايفكر انه يجلس معي يجلس بمجلسه وعنده اصحابه وهو عارف اني عيالي نامييين بدري عشان المدارس ومع ذلك ولايفكر يجي يجلس معي او يتعشى معي اذا دقيت عليه وقلت تعال قالي تبين شيء ناقصك شيء كأن الحياة اكل وشرب ...ابي اهتماااام ابي مشاركة ابيه يفهمني ويكلمني ويشاركني كل شيء ...ابي اجيب راسه بس وشلون لاتقولون لي بالدلع هو مايجلس عشان يمديني اتدلع عليه واكسر راسه والله ان اغلب الاشياء للبيت وللعيال اطلبها منه بالتلفون واعلمه عنها بالتلفون لانه مايجلس معي تدرون اني لي شهر اسوي ريجيم والله انه مافقدني على الغداء لاني لي شهر ماتغديت اكل العصر وجبة وحدة وخلاص لانه يايتغدا لحاله يايكون نايم ومايتغدا الا العصر
ياليت من الاخوات يفيدوني كيف اتعامل معه وياليت من الاخت the secert تفيدني واذا وقتك يسمح اتواصل معك لو على العام ماعندي مشكلة ابي تغيير بحياااتي مليت من الروتين مليت من اهتماااامه باصحابه وبس وجزاكم الله خييييير
 
طيب يا حبيباتي الشمالي الشرقي ما يخون صح؟؟؟

طيب حتى لو اصحابه مو متزوجين وزوجته بعيدة في مدينة ثانية

ممكن يفكر بالخيانة

وجزاكم الله خير

وتسلمي يافرووحة عل القصة نقدر نتعلم منها الكثير

 
انا نفس وضعك اخت بوسي
زوجي بمدينه ثانيه وعايش مع عزوبيه
وتأثر فيهم بس والله اذا كان الرجال يخاف الله ماراح يتأثر
وانت كل صبح ومغرب استودعيه الله وقولي اللهم اني استودعك قلبه وفرجه وسمعه وبصره وسائر جوارحه
وانتي ساجده ادعي هذا الدعاء وتشوفين اللي يرضيك ويطمنك ويريحك ان شاء الله عن تجربه
( اللهم باعد بين زوجي وبنات السوء ورفاق السوء كما باعدت بين المشرق والمغرب )
واخيرا توكلي على الله مع شدة الايمان
(ومن يتوكل على الله فهو حسبه )
ولاتتركين زوجك لوحده مده طويله الحقيه وعيشوا مع بعض ولا تتركيه لشياطين الانس والجن
 
مشكورة فرح عالقصة .
فعلا الشمالي لاتسكتي ابدا على اهانته وتجريحة لانو بيعتبرك ضعيفة وساعتها ياويلك مايرحمك ... وبالعكس هو يحب القوية ..
وشي ثاني لاتتنازلي عن حقوقك ابدا وتاخذك العاطفة طالما هو حق لك طالبي به وبقوة ...
 
مروشه تسلمي حبيبتي ........ الحمد لله بديت اتغير يعني قليل اعصب ومااحاول ابين له اني متضاايقه منه وبدااا يتحسن...من فضل ربي
 
ردوو علي
كيف ممكن اشغل بال الشمالي ؟؟

اممم وكيف ممكن اكسر خاطره واقطع قلبه <~ خخخخ ؟؟؟

اذا شمالي طنشك ايش معناه يعني من جواه يكون مل منك او ثقل او ايشش؟؟

هل الشمالي يحب المبادره ؟؟


 
الشمالي يومين عسل وعشره بصل والله يوم يروق تحسين انك ملكه مالكه الدنيا بس مايجلس اكثر من يومين وبعدين يقلب فجئه وتصيرين انتي الي تبين مشاكل وانتي ماتفهمين وانتي الي والي والي ولو سكتي مشكله وان تكلمني مشكله وينرفزك لين تردين عليه غصب كل شي عنده بسرعه والدنيا طائره وراه يبي يلحق كنه بيموت بكره اتعب وانا أتكلم عن الشمالي بس والله ماجوره زوجت الشمالي لاتقولون اذا روق أنا ادري انه لما يروق مافي منه بي متى يموتك لين يروق وان روق بس يومين أتحداك يجلس اكثر ان الله مع الصابرين
 
:8:ام احلى بنات كفيت وفيييييييييييييييييييت فعلاااااااااااااااااااااااااااااااااااااااااااااا زي مااقلتي بالضبط جااني اكتئااب وعصبيه بس ان شااء المولى ارجع هااديه وريلاكس واحب نفسي <<فديتها:1::10:
 
شوفي ياعصفورة القلوب اللي فهمته بفضل الله ثم من العضوات الكريمات اصير هاديه ومااعانده شو ماايصير وانيقه ومااضرب اولادي خصوصا قداامه والبعد كل البعد عن العصبيه والانتقاد حتى لو مزح والصوووت العالي الله يعيني صوتي مرره عالي بس ان شاء الله اتعود ومممممممممم وااذا ذكرت شيء برجع اااقول ههههههههههه
 
حبيبتي فروحة تسلمي ياقلبي

بس زوجي كان في مدينة وانا في مدينة والان نحنا مع بعض في المدينة اللي هو فيها

بس انا اللي احيانا تفكيري يوديني ويجيبني

انه في فترة غيابي وايش كان يسوي... وينقلب مزاجي

مع انه يحلف بربي انه ما لمس غيري لا الان ولا قبل ما نتزوج بشهادة زوجة صاحبه

اللي كانت في تركيا تدرس معاهم واصحابه كلهم

وانا واثقة منه بس احيانا الشيطان يلعب براسي اعوذ بالله منه
 
عصفورة القلوب ياقلبي سؤالك مهم

عن نفسي كنت شرقية جنوبية والان صرت شرقية شمالية

ومازلت اطمح للافضل

وعل فكرة غيرت بزوجي اشياء بسيطة من دون ما احس بس مع العشرة صار هعو ياخذ من صفاتي وانا اخذ من صفاته

 
شكرا مروشه--وهو يشك اني احكيلهم عن حياتنا--وكمان هم ما يدخلو بحياتي نهائيا لاني مغتربه عنهم--هو بدو اكون الو وبس--وما افكر بغيرو حتى اهلي
 
شكراً اختي فرح على القصة المفيدة وجزاك الله خير وأتمنى أن تكوني **فرح بس سعيدة** (^_^)​
 
الحين

اذا في رجل عصبي - نكدي - متوتر بشكل دايم - خجول جدا - اصدقائة محدودين -

مايحب الاماكن اللي فيها ناس كثير - مايحب التجمعات ولا الاجتمعات العائلية لانة يحس فيها بتوتر

ويكون خايف يتضح علية - مايتحمل اولادة وعلى اتفة اتفة شي يعصب منهم بطريقة هستيرية

تركيزة ضعيف جدا - ومايحب النقاشات ابد - ملووول جدا - ليس عاطفي ولا رومانسي

ومايعرف حتى يتغزل او يمدح - ثقتة بنفسة ضعيفة

هل هذا شمالي ولا ايش لاني ضعت بصراحة ومليت كثير
 
الحالة
مغلق و غير مفتوح للمزيد من الردود.
عودة
أعلى أسفل