دردشات زوجات&*<<<<<<<<<>الشمالي الشرقي>>>>>>>>>*&

الحالة
مغلق و غير مفتوح للمزيد من الردود.
هذا رايي
ودي انك تشاركينا بخبرتك بهالملف اذا ماعندك مانع
 
اكتشفت ان غالبية الشوشويين مايحبون السوق!

ماعندهم صبر عليه نهائيا!

فاللي تحب تروح لحالها وهو رافض نصيحتي لك طووولي في السوق لحد مايحس انه مو قادر يطلع معاك.

ونصيحتي لكم لااااا للتنازل لاتستعجلون باخذ مشترواتكم عشان اهو يرضى !!

دائما فهميه ان مستوى لبسك دليل على انه عازك قدام الناس وقولي وانا مستعجلة ماالحق اخذ اللي يعجبني .. وكافئيه زي ماتعلمنا بالمدح يعني اذا يوم طول وروق معاك في السوق وخذتي لبس بعد ماتلبسين اللبس في مناسبة وترجعين قولي يالله كيف الناس انهبلوا على لبسي واني قلت زوجي الله يخليه لي مايقصر معي وكملي مدددح واذا سعره غالي امدحي كرمه..

ولاتنسون بعد نقطة التعووود يعني عوديه شوي شوي لاتستعجلون .. حتى انكم في يوم من الايام بتقولون كيف كانت دخلاتي للسوق قبل!! وماراح تصدقين تغير زوجك باذن الله!!
 
انا اشوف ان الشمالي الشرقي يعبر عن حبه بالافعال فقط .

يعني ممكن مثلا يسوي لك خدمة او شغلة كنتي من زمان تطلبينها منه ..
ولاتستغربين لو قلت لك انه ممكن يعبر لك عن حبه عن طريق اجراء تصليحات في البيت مهملها من زمااان!! :31:

يعني اهو يسوي لك اشياء نفسك فيها وهذا يعتبر تعبير عن حبه .

فاذا سوا لك شي نفسك فيه من زمان وكان رافضه فاعتبري انه يحبك هالايام من صماصيم قلبه ههههههههههه..:32:

وزي ماقالت ام احلا بنت اذا انتي حابه يقولك كلام حلوو انتي بس قولي وهو يقلدك طبعا هذا كلام الدكتورة ناعمه..

الشمالي مقلد درجة اولى .. جربي وراح تشوفين النتائج ..
 
من خلال تجربه
الشمالي غيور جدا جدا جدا جدا
ولكنه مايبين لأنه يعتبر هذا انتقاص لشخصيته
ومايحب احد يناظر ممتلكاته الخاصه ................ههههههههههههه.......
بس شديد الانكار لهالشي !!!!!
وبنفس الوقت يحب يثير غيرة زوجته ويحب يبين انها تغار وهو واثق من نفسه ماعمره ابدا غار عليها ..
ويح الطاعه العمياء
واهم شي اهم شي اهم شي

الاحترام ثم الاحترام ثم الاحترام

والصوت الهادي الحنون
واذا غلط على زوجته وسكتت هو بيتحسف ويعتذر
لكن الله المستعان مثل البركان الثائر وقت الزعل
 
هذا انا ..

طيب اذا فعلا سوا شي انا ابغاه من زمان مثل طلعه مطعم او روحه سوق

لكن سوا هالشي مقابل انه يراضيني على شي زعلت منه ..

مثلا في العيد وعدني يسفرني كم يوم لحالنا لاني من تزوجته ما سافرت معه لحالنا الا شهر العسل بس ..

و من الصيف و هو يقول الوعد في العيد ..

و يوم جاء اخر ايام رمضان جحد و انكر وعده !!
لدرجه قلت له بسجل وعودك في المستقبل و اخليك توقع عليها دام ذاكرتك كذا ضعيفه !!

طبعا هو ما نسى و لا شي لكن يستهبل ..

و انكر ان عنده اجازه اصلا غير يومين ما تسوى سفره !!

و بليله العيد علمني انه بيروح مع اصدقائه لنفس البلد اللي كنت ابيه يوديني له :30:

و كان اسلوبه هادي و ناعم تحسبا لاي انفعال مني ..
زعلت و برطمت و كل شي و كالعاده صرفني قال اذا ولدتي وديتك ؟؟
و عيا يسفرني لاهلي بالعيد و كذب علي قال سفرتي يومين ما يسوى روحتك لاهلك
و يوم راح جلس 5 ايام :30:

و من ضمن وعوده لي قبل يروح انه بيطلعني مطعم واعدني فيه من 5 شهور و انه بيسفرني بعد الولاده ..

و فعلا يوم رجع بعد 3 ايام وداني المطعم ..

بس ابي تفسير لتصرفاته ؟؟

1- ليش فضل سفرت اصحابه على السفر معي ؟؟ مع العلم اني فرفوشه بشهاده الكل ..

2- روحه المطعم ثقيله عليه جدا جدا و بالرغم من كذا وداني هل تصرفه هذا ارضاء لتأنيب الضمير اللي يعيشه ؟؟ لانه يوم رجع كان تعبان نفسيا و يتحاشاني و شكله مهبب بلاوي في سفرته !!
او انه وداني للمطعم عشانه يحبني و يبي يرضيني ؟؟ :30:


3- كيف اضمن انه يوفي بوعده بالسفره اللي وعدني بها بعد ما اولد ؟؟

مع العلم انه اول عيد لي معه من تزوجنا .. و يوم زعلت عليه قبل يسافر قلت له بعتب
بدال ما انتظر منك عيديه باول عيد لي معك تخلف وعدك معي و تتركني ..
قال ابشري بالهديه و سحب علي ما جاب شي لي !!
جاب لي حلاوه جالكسي :19: صح انا احب ذا الحلاو بس شدعوه هاذي العيديه !!

هو يشوف هدايا حريم اخوانه و هدايا عائلته ؟؟؟
و احسنت الظن فيه قلت يمكن بيشرتيها من هنا و يمكن بيجيب لي شي يسوى ..
يعد كم يوم سألته عن الهديه سفهني و نام !!

بالله وش التفسير لتصرفاته المستفزه ؟؟

:30::30::30::30::30::30::30::30::30::30::30::30::30:
 
واحس الشمالي يصالحك بممارست العلقه معك ولاكن لا يتاسف
 
مشكووورين جزاكم الله خير ..

انا جنوبية شرقية وزوجي شمالي شرقي ..

ولكن عندي بعض الصفات من الشمالية ..

متابعه ان شاءالله :32:
 
ياحياتي انتو عطريه وام احلى بنت
دايم احس اني مظلومه ومسكينه بس وجود هالتمع يحسسني ان اللي مثلي كثار وان الوضع طبيعي
الف شكر



بنات
بطرح سؤال
متى الشمالي يشوف نفسه
هل ممكن المدح يخلي الشمالي الشرقي يشوف نفسه؟
 
متر سؤالك عن تعبير الشمالي عن الحب قهرني كثير
خصوصا انك ذكرتي مايحب الالتصاق ومو راعي هدايا ..........اخ بس
اجل يراضيني بتصليحات في البيت؟
الحمدالله علي كل حال
 
شوفي يامترو

اذا كان واعدك شي واخلف وماسواه قولي له انت وعدتني بسفره فابغى يكون سفرنا في الفترة الفلانيه يعني ممكن تعطينه فترة اربع شهور وهو يختار اي وقت مناسب فيها للسفر .

او قولي في الاجازه الفلانيه او الاجازه العلانية وانت اختار.

الهدف من كذا ان الشمالي الشرقي يحب التخطيط وانتي بتخلينه بطريقة طلبك هذي يدرج سفرتكم في خططه ويبدى يخطط لها ويرتب.. واذا عطيتيه خيارات تصيرين مافرضتي عليه وقت معين لانه ممكن يعاند اذا فرض عليه وقت معين..

وطبعا طلبك لازم يكون بثقة وانتي مبتسمة يعني مو تطلبين وانتي زعلانة.

ولازم تزيدين بهارات كل فترة والثانية يعني اذا جيتوا تنامون او اذا شفتيه رايق قولي احس سفرتنا بتكون حلوة او قولي اني مسويه برنامج لنا اذا سافرنا وبدلعك فيه .. يعني خليه مع الايام خلاص يقتنع بالسفرة ويبدا يدخل في مخه افكارك ويتحمس لمفاجاءاتك ويتحمس للسفر ..
 
روز ذا ون

الشمالي الشرقي ممكن يشوف نفسه اذا مدحتيه هو لكن اذا مدحتي افعاله بالعكس بتعززين هالافعال الحلوة..وتشجعينه عليها.

يعني اذا صار كريم معك امدحي كرمه وقولي والله اذا اجتمعت مع قرايبي دايم انا المميزه فيهم بكشختي واناقتي عشانك كريم معي وطبعا بعدها بينبسط ويحس انه قدم شي ولقى مقابله شكر وتقدير وراح يكون كريم معك دايما..

امدحي تربيته في عيالكم وانهم مميزين ..

اذا غير لك اثاث البيت مثلا وزاركم احد عطيه فكره كيف الناس عاجبهم اثاكم موووت وانه حلوو وفخم وانهم لمحوا على حب رجلك للزين ..

بكذا يكون المدح في صالح الزوجة عشان تصرفاته الحلوة تستمر يعني مثلا لو جاب هدية ومااعجبتك وقلتي رايك بصراحة اتوقع راح يحرم يجيب هدية مرة ثانية و لما يكون العكس وتطيرين ذوقه في السما بيقول هذي تستاهل وراح يحرص على الهدايا..

ونفسها لو طلعك طلعة سخيفة وماصخة وهو من النوع اللي قليل يطلع لازم تمدحين طلعتكم عشان يحرص يطلعك مرة ثانية مو يقول مو كفو اطلعها وهكذا.

وفي كل الحالات لازم يكون المدح معقول على قد الفعل ولا راح يحس انك تكذبين ويكشفك لان الشمالي الشرقي ذكي ولماح.
 
انا جنوبيه غربيه>>يعني اعآآني
زوجي يحب معارض السيارات خخخ ويحب الشغل اللي يجي من وراه فلوس لدرجة انه صار يكلم حريم من وراي اللي دكتوره واللي عندها أملاك وووو >> آآآآخ مقهوره
اللي فهمته ان الشمالي مايخون بس زوجي ابو الخيانه :8:
انا جامعيه والحين هو سجل بالجامعه يبي يصير مثلي ومثل الحريم اللي يكلمهم ويلح علي آخذ ماجستير او اتوظف بس للأسف ماحصل
اكثر الاشياء تغضبه لما اسأله انت وين وهذي مشكلتي من لما عرفت انه يخون صرت ادق كل شوي عليه اسأله هو وين ومع مين
يكره الفوضى وانا ماحب ارتب ياناس ماحب وش اسوي
يبي زوجه مثل الشغاله ترتيب وطبخ وشغل بالبيت وشغل برا البيت منشان اشيل عنه مصروفي وهو بس برا البيت من معارض لعماير يملك فيها شقق مأجره ويكلم هـ الحريم ولما يرجع يبي الحرمه تضحك له وتأكله وتفرك رجوله وانا احس بالقهر واتحسف اضحك له او اطبخ او اسوي شي يحبه لأنه ماقدم لي غير الهم وضيقة الصدر
ومع هذا كله اموووت ع الارض اللي يمشي عليها واحب ادق عليه كل شوي وهو مايحب يقول مزعجه لان القعده اللي يقعدها معي بس وقت الاكل ثم التلفزيون وابن امه اقطع مشاهدته بكلمه يعصب ويسكتني ويقول المكالمات فيها صرفيات طيب والحريم اللي يكلمهم حلال عليهم وانا حرام ليــــه
اممممم ايه لما اطلب منه يوديني مكان مثل لما كنت ادرس كنت احتاج للمكتبه كثير لاني اقتصاد منزلي ما يوديني بالآخر ألجأ لسواق اهلي لا ويبيني ادرس واتوظف والله مذله الحياة مع الشمالي
اذا زعل مااناقشه اذا هو غلطان اقول انت غلطت وبكيفك >> الجدران كثير
واذا انا غلطانه ماأقول آسفه الا اذا الغلط كبيــــر اما اذا تافه اسوي كأنو ماصار شي واتكلم معه عادي طبعآ مايرد علي بس ادور اي شي هو قد سأل عنه يعني موضوع يهمه او يخصه واتكلم معه فيه واعطيه اجابه عنه فيظطر يتكلم وكذا ينسى انه زعلان خاصتآ المواضيع اللي فيها شغل وفلوس
اما الجلسه بالبيت عاد هذي مشكلتي بالحياة يمكن لأني صرت نكديه بس وربي مو طبعي النكد لا والله بس هو لما خاني انقلبت رأسآ على عقب والا من اول ماتشوفون الا اسناني :10:من الضحك
اقول يازين ايام اول عند اهلي مافيه الا الدلع والشغاله ترتب وراي >>> خخخخ اهم شي

يلا حبايبي ابي نصايحكم واسترو ماواجهتو وابي اشوف دعوه صادقه لي بالذريه الصالحه منشان أنشغل عنه مع عيالي فديتهم الله يجيبهم عاجلآ
 
ارجوكم ساعدوني زوجي شم شر كم مره يواعدني نطلع واذا دق عليه احد اصدقاؤه او اخوانه طلع

معاهم وتركني المهم انا ماازعل واقول له عادي اطلع فهل طريقتي صحيحه وضحوا لي ماذا افعل ؟
 
هذا انا شكرا على الرد و جاري تنفيذ الخطه ..

الله يسخر لك و يسخر لنا اجمعين ..
 
م



\\\\\\\\\\\\\\\\\\\باخواتي انا عن نفسي شخصية زوجي نفس ماقالت الا خت بريق الحب بس الحمدلله فيه نوع من الرومنسيه طيب هذي الخصله برجل الشمالي ولا كل الرجال كذا يتقلب المزاج مثال اقرب الناس له يقول زوجتك ما تحترم او ملابسه ليش كذا وهواصلا مو منتبه لك بعدين تعالي شوفي الغضب والخناق بس الي يثيره يتقلب على طول يعني ليش مايفهم زوجته
 
وينكم يازوجات الشمشر
غايبين ليه
اقولكم السبب للأسفاكثرنا جنوبيات كسولات
فين التفاعل يله اللى تدخل تفتح موضوع عن الشمشر
 
زوجي يفضل اصحابه على الجلسه معاي بالبت ومااقدر البي طلباته الجنسيه كامله ..ايش اسوي ؟؟احس بدءت افقده
 
الحالة
مغلق و غير مفتوح للمزيد من الردود.
عودة
أعلى أسفل