السلام عليكم وحمة الله وبركاااته
اريد الدكتورة ترد علي بس دخلكم اللي بيرد علي يفهمني ..
قبل لا تقرئون موضوعي فهموني .. انا محسستنه اني ما اشك فيه اني واااثقه فيه قبل كنت يوم ايصارخ اصارخ وياه بس من بعد م رجعت له قررت من داخلي اني اتغير قمت اسمع كلامه فيكل شي تنازلت عن اشياء كثيره ما كنت اتصور اني اتنازل عنها وما قمت اصرخ يوم اتفاهم وياه لا اتكلم بهدوء او اسكت يعني وفرت له كل اللي يباهبس انا هب فاهمة هالريال شو اللي يبغيه .. بعدين انا قريت موضوع في المنتدى عن ما يجب الا تفعليه اذا اكتشفتي خيانة زوجج ومن ضمن الموضوع في نهايته مكتوب لازم تواجهينه هب تطنشينه .. فانا الحين محتارة والله في امري اذا طنشت بيتمادى واذا واجهت هب عارفه شو اللي بيصير .. ( لازم تكون عندي ادلة كافيه ) انا عارفه شوورو علي دخيلكم ..
وحسسو فيني
وهاكم قصتي
اخواتي بغيت اخذ رايكم محتارة في امري وهب عارفة كيف اتصرف اتمنى انكم ما تخذلوني وتنصحوني بما يرضى الله .. انا عارفه ان في المنتدى كل يوم مئات المواضيع من نساء جدا مظلوميين في حياتهم
بس انا ما بعطيكم موضوعي بشكل كامل لاني ماريد اطوول المهم بختصار
انا متزوجه من سنتين وخلال هالسنتين واايد اكتشفت ريلي يخوني بادلة اكيد في في اول خيانه واجهته وتم يحلف ان اخر مرة وخلاص ووعدني بس للاسف ما انصرف عن هذا السلووك
المهم في هالسنتين اكتشفت عنده تلفون من وراي مرتين اول مرة تضاربنا واهله تدخلو بعدين وعدني انه ما بيكررها سامحته
ومر ع الموضوع تقريبا 6 شهور ورجعت اكتشفت عنده تلفون ثاني تعرفون اني سكت وما واجهته بس بعد كم يوم اكتشفته مواعد وظاهر ويا حبيبة القلب هني ما قدرت اسكت عنه ولميت كل هدومي وهدوم ولدي وروحت بيت اهلي طبعا بعد ما تواجهنا جدام اهله امه واخوانه وعمه وكنت طالبة الطلاق
خلاص كنت مصره ع الطلاق تقريبا طاف اسبوع وخلال هالاسبوع كل يوم يطرش لي مسجات انا احبج لا تخليني ما كنت ارد عليه لين في يوم من الايام اتصل فيني ع الدوام وقال بتفاهم وياج مارضيت فالبداية وبعدين تفاهمت معاه
قالي انسي كل اللي طاف ببدا معاج حياة جديده باللي تبغينه انا احبج وما اقدر استغنى عنج البيت بدونكم مو حلو الحياة بدونكم مو حلوه انتي بتكونين عندي اهم شي واللي كنت اكلمهم والله ما يسوون ظفرج هذاكان كلامه
صليت الاستخارة وبعدين قلت يالله بعطيه اخر فرصة مع ان الكل نصحني وقال لي ما بيوز عن طبعه لكني اصريت اني اعطيه فرصة ثانية للعلم ان اهلي ظاربوني ما كانو يبغوني ارجع له وقفت في ويه الكل ورجعت له
عيشني في حب لمدة 3 ايام رجع لطبعه العصبية وقام يقل ادبه علي اكثر عن قبل
يعني قبل هب بس خيانه حتى اهانة كان يهيني بس الحين اكثر عن قبل تخيلو كل الكلام الجارح يقوله لي لدرجة انه في يوم قالي ( انتي بهيمه)
يوم يحبني وعشر يعاملني بمعاملة واايد هب اوكي يجرحني ويحتقرني ..
يصرف علي بالمذله احس انه يخووني الحين بس هب قادرة ايود عليه شي
ليين من يومين مسكت تلفونه وتعرفون شو شفت فيه متصل للخارج ويوم سالت في الاتصالات اي بلاد طلعت المغرب كل يوم الصبح الساعه 8 ونص وهو فالدوام يرمس مال 10 دقايق او اكثر تعرفون يوم انا امسك تلفونه بتصل بيت اهله او بيت اهلي يضاربني اونه الفاتورة واايد بتي هالشهر ( علشان اتصلت في بيت اهلي ما كملت دقيقه مكالمة محلية بتي فاتورته وايد .. بس هو يرمس الخارج عادي )
وبعد في يوم اجازته ناشلي الساعه 9 ونص اونه بيودي السياره المغسله قلت له يعني ما بتتاخر صح قال لي امبله بتاخر بروح بحلق وبغسل الغسيارة وبي .. مع العلم انه محلق امس والمغسله اللي قال عنها والحلاق والله العظيم قراب من البيت .. يعني الجذب هب داخل راسي بالله عليكم حد ينش من رقاده علشان يغسل سيارة مع العلم امس وده سيارتي المغسلة بعد صلاة الظهر ورجع البيت والساعه 4 خلا اخوي يوصله ايب السياره )
قولولي شو اسوي هب قادرة اتحمل ربيعتي قالتلي طنشيه خليه بس جدام الناس عندج ريل بس كلامها ما يدش راسي انا بعدني صغيره واريد اعيش حياة حلوه .. دايما اساله ها انا مقصرة وياك بشي هل انا مزعلتنك بشي يقولي لا عيل ليش يخوني .. خواااتي هذا اللي كتبته ترا ولا شي من اللي في خاطري ..
امس كان قاعد على لاب توبي يرمس ربيعه وانا المحادثات تسجل عندي ربيعه يقوله هايصايع ليش ما ظهرت من البيت اليوم غريبة تعرفون شو رد عليه ريلي قالي ميود( يني انا ميوتنه) تخيلو .. وبعد طلعع ربيعه مطرش له صور خايسه استغفر الله العظيم وريلي يقوله ما بشوفهم الحين المكان فيه غيوم ورعد وبرق تخيلو
بالله عليكم هذا كيف اتصرف وياه دخيلكم نصحوووني مع العلم اني جميله ( بس انا ادري ان الجمال هب كل شي بس اللي اسويه لريلي المفروض يحطني ع راسه لكن الانسان ما يحس بقيمت الشي الا اذا فقده .. ) ادش النت ادور افكار اعزمه وهب مقصره واه بشي واذا احتاج شي علطول وفرته له شو يبغي اكثر من جيه
