دخــيــــــــــلك عرّس ... أنا عـفتــك

  • بادئ الموضوع بادئ الموضوع hard2handle
  • تاريخ البدء تاريخ البدء
الله يعينك ويصبرك ويسهل عليك ولادتك وتقومي بسلامه
لاكن كيف تعرفتي عليه وقبلتي تعيشي معاه ونت عارفه بسوالفه وخيانته
ومادام انك موظفه وعندك راتب كنت تقدري تطلقي وتعيشي انت وبنتك بكرامه وماتحتاجي لشي منه او من غيره
 
الله يعينك أختي أخوك الهادي رجعك عيل دقي على العصبي وقوليله يعني تبغوا يجيبني لكم جثة هامدة أنا كاسرة خاطري بنتك هذا كله يتركز في نفسيتها يادخلي ابوه وامه يا تحزمي أمرك على تركه مدة من الزمن لا تقولي طلاق قولي ابغى اريح نفسيتي مدة كم شهر يمكن نشتاق لبعض عموما اختي لم تذكري اسباب خلافاتكم الدائمة طالما ان خياناته لم تعد يهمك إذن ما المحرك لفتيل الخلاف بينكما
 
شوفي يلغلى
انتي تبين نهايتك على(ومن الحب ماقتل)
تفاهمو انتي وياه وقوليلة انا ماعرفت وشلون انت
بتهدى لما تعصب
وسكنو عند اهلك او اهلة لين تهدى النفوس
والله خايفة عليك لا يسير فيك شي
وان شاء االله البنت بتنسى اذا وقفت المعاااااااااااااااارك مالتكم
وييبية من ناحية البنت خوفية قوليلة ان البنت سارت
ماتاكل يمكن لما ت
شوفنى نتهاوش اوسارت تسرح وايد يمكن يتعدل
وروحي عند اهلك وزعلي زعلة عودة حق ابو شهر او 3 ولين ماتولدين بسلامة وخلي كلمتك وحدة هي الطلااق عشان يحس انك
ممكن تروحين من ايدينة
وخلي اخوانك يوقفون قدامة ويقولولة لو تمد يدك ثاني والله اكوفلك هني
تراها بنت رجاجيل وبت شوفين ان ماتعدل لكن لا زم الزعل وكلام الرجاجيل
 
عزيزتي قطرية ..

يعني إنتي في ظنج أني خلاص خسرت الإثنين ريلي وبنتي؟!!


يعني بنتي كل شي تخزن في عقلها الباطن وبيأثر عليها خلاص!

حتى لو هو صغيره والامور تغيرت بعدين .. مارح تنسى؟


أرجو من الأعضاء أن يبدوا رايهم .. مايهمني غير بنتي .. :icon1366:
​
 
يالله ..ياكريم ألن قلوب عبادكـ ..

سبحان الله تجربه قاسيه ومريره ..حسيت بكل كلمه تقولينها ...ياربي على هالبنت ..مسكينه ..

على فكره الضرب ينتج عنه امراض كثيره غير العاهات والكدمات وكسور العظام ..امراض نفسيه جسيمه ..

قريب لي من كثر الضرب ومايشوفه على اخوانه صار شـــــــــــــــاذذذ جنسيا ..والاخر منحرف بقووووووة ..

غير الفشل الدراسي والتوتر والقلق والاكتئاب ... وما اعتقد انج تتمنين ان يكون مستقبل بنتج بهالوضع " بسم الله عليها"

الله يحفظج انتي وبنتج وجنينج ...ويجدم لج الخير
 
ازعلي على موضوع الخيانه لانه شي مب سهل ابدا ومعصيه كبيره ... ويمكن هالوضع اللي عايشته عقوبه من ربي لسكوتك عن هالمعصيه ... انتي ايش منتظره يجيك مرض من خياناته او يبتليك ربي بنتك اذا كبرت الله يحفظها ويصلحها , او تجيك عاهه من ضربه او يجي بنتك شي من الضرب سواء نفسي او عضوي الله لايقوله ... والله ماقصدي اتفاول عليك او على بنتك لكن والله من خوفي عليك ابغى انبهك واصحيك الى متى هالوضع بيستمر لازم يوقف عند حده ويتعدل.. اذا استدعى الامر انك تروحين للمستشفى وتاخذين تقرير بالضرب وتشكينه لازم الموضوع يكبر عشان يتادب... واهم نصيحه عندي ولازم تطبقينه قبل اي شي ثاني ارجعي لربك وابعدي عن اللي يغضبه (ان الله لايغير مابقوم حتى يغيروا مابأنفسهم) ... ولاتنسي الدعاء والاستغفار.
 
الله يفرج همك يفك كربك ويسخر لك زوجك ما اقدر غير اني اقول لك ها الكلام والله يكون في عونك
 
قريت مشكلتج و كأني أقرا معاناتي حياتي تشبه حياتك وااااااايد خصوصا في ضربج و ضرب بنتج ذكرتني سالفة سليفتك لما طرشتيلها مسج و جات بس الفرق بيني و بينج أن غرفة سليفتي كانت جنب غرفتي و أنااااااااااااااااااااااااااادي بأعلى صوتي و ما جات و لا رحمت بكاء بنتي كنت أقولها تعالي بس شيلي بنتي ريلي ساعتها كان سكرااااااااااااااااااااااان و مسكر الغرفة علينا و يضرب فينا ما أنكر أني كرررررررررررررررررررهت زوجي لليوم في الصبح قلت لسليفتي شو أنا يهودية مش مسلمة؟؟؟؟ تسمعين صراخي و صراخ بنتي و لا تتحركين و لا حتى دقين الباب يمكن يستحي منج بس ليلتها راحت نامت في غرفة ثانية في قسم ثاني ياااااااااااااااااااااااااااالله على قسوة القلب بس ربج موجود معنسة و قاعدة و أن شاء الله لا تعرف الزواج و لا العيال وين الرحمة ؟؟؟؟؟؟؟؟ ارحموا من في الأرض يرحمكم من في السماء.
المهم يأختي أحاول أعيش وياريلي عشان اعيالي بعض الحريم الله يهديهم ما يفهمون معنى الأب بالنسبة للأطفال أنا شخصيا تهون معناتي و إهانتي لما أشوف نظرات بنتي لأبوها وولها عليه حتى هو يحبها واااااااايد و لا يرفض لها طلب تقريبا بنتي أكبر من بنتج بشوي و الحين تغير شوي لأني قلتله انا وصلت حدي أنا مش لازم أستحمل ميشان البيت يبقى و ما يدمر خلاااااااااااااااص أنا مش قادرة تعبت من الإهانةو الضرب و كرهتك حتى كلمة أحبك ما سمعها مني من مدة طويلة لما يسألني ليش أقول شوف شو سويت فيا على فكرة أختي أنا وافدة يعني لا أخ و لا أخت و لا بيت أهل فأنصحك بيت أهلج موجود الله يخليهم لج فلا تتحملي منه أي إهانة و بنتج مثل ماهي تحبه هو يحبها و ما راح يقدر على ابعادها و قفيه عند حده لا تعطينه مجال يتمادى إضمني حياة مستقرة لج و لبتج معاه أو من دونه و الله يسهل و لادتج و كلي تمر واااايد و إن شاء الله تتسهل و لادتج و أتمنى أسمع عنج أخبار حلوة عن قريب .
 
أسمعى منى لة تحبين بنتج وتحترمين نفسج وكرامتج أتركيه واحد نفس هذا إنسان وضيع
 
قصتك تشبه قصة كتبتها الاستاذة ناعمة اظن اسمها برد ومطر نسيت لكن المهم نفس قصتك تقريبا كانت في قسم القصص لكن لا ادري اين هي الان اسئلي واقرأي عنها اكيد بتفيدك وان شاء الله ربي يختار ما هو خير لك
 
حبيبتي ريلج أكييييد مب صاااحي !!!
أكيد عنده حالة نفسية عسب جيه يعاملج هالمعاملة ..يمكن هو متعقد من شيء ..
مستحيل يكون انسان طبيعي !! وبعدين شو خصها هالبنت الياهل يعاملها جيه ؟؟!!
هو محتر منج ما قلنا شيء بس بنته ضناه ليييش يسوي فيها جيييه ؟؟!!!

غناتي وقفيه عند حده قوليله لين هنيييه وبس خلاص النفس قنعت منك ومن استهتارك ..
لو ما تبغي تستوي ريال طبيعي نفس باجي الرياييل هاي مشكلتك انت برووووحك لكن انا من حقي اعيش نفس الناس ..
أنا مب حيوانه عندك تعاملني جيه !! حتى الحيوانات الناس ترحمهم !!! لكن انت ما عندك رحمه
وخوفيه وقوليله انج كل يوم تدعين في صلاتج انه الله ياخذ لج حقج منه وانه الله ما بيخليه يتهنى في حياته
يمكن يخاف ...

وان ما فاد يا قلبي ردي بيت اهلج معززه مكرمه ولا هالإهانه ..
 
روحي بيت اهلك بسرعة ليقضي عليكي المره الجاية
وماترجعي غير بشرط يتعالج عند دكتور اعصاب بيعطيه حبوب مهدئه وبيتغير حاله
غير هيك الكلام والوعود مايفيد لانه مريض ومش بايده
واستشيري دكتور منشان بنتك ربنا يحفظها وان شاء الله بتنسى
انا زوجي كان عصبي بسبب انه عنده الضغط واتعالج الحمد لله والاولاد نسيوا مع الوقت
 
الحين على هالضرب اللي يضربك ليش ما إشتكيتي عليه في الشرطه كا اثبات حاله ويكتبون عليه تعهد مايمد ايده عليك مره ثانيه ليش تاركه
حقوقك بطريقه هذي وبعدين بنتك صغيره يعني لسه في حضانتك ما يقدر ياخذها منك لانه المحكمه راح تحكم لك بهذا الشي
الله الهادي
 
الله يعينج بصراحه

انا الي اشوفه انك تطلقين لانه حتى زواجه من ثانيه مابيحل المشكله

هذا اكيد مريض نفسيا وممكن يعامل الثنيه نفس معاملتج

وانتي عشان تحافظين على نفسج وعلى عيالج ارفعي قضية عليه بالمحكمه

لان حتى الاهل مابيقدرون يسوون شي

الله يصبرج على مابتلاج ويعينج

ارجعي لله بالدعاء وسوي الي تشوفينه صح
 
الله يكون بعونك حبيبتي وهدي لك زوجك
انا برايي انك شكيتيه العمك من البدايه
السكوت على الضرب معناها الرضا والقبول بل اهانه
عزيزتي انا ضد انك تطلقين واتمنى انك ترجعين الزوجك بس
موب هسهوله لازم تاخذين من العهود والمواثيق بعد التعرض لكِ
بضرب والبنت خط احمر مايرفع صوته ويضرب و البنت جالسه
والبلاد فيها قانون ملاه حق في ضربك او اهانتك
واذا زوجك مريض ياكثر العيادات النفسيه
واخيرا اتمنى لك حياء ملئها السعاده والهناء والهدايه الزوجك
واتمنى ايضا انا اقراء عنك قريبا كل مايسر ويفرحكِ
ونشاء الله تقومين بسلامه
لك خالص ودي
 
الله يكون بعونك بس الرجال من يبقى يمد أيدك عليه

لزم تتركينه لأنا بيتماده

لاتقولين أنا ما أشتكي لانا هذا مو شكو الرسول (ص) نفس لها حق وينهان عن مضرت النفس

وماعليك ألا تقولين لهلك

أرحمي الي في بطنك ليصير فيه شي وأنتي الي بتندمين مو هو أهو بخليك بحسرتك

ويهتم في نفسه


الله يمون في عونك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل