دخــيــــــــــلك عرّس ... أنا عـفتــك

  • بادئ الموضوع بادئ الموضوع hard2handle
  • تاريخ البدء تاريخ البدء
hard2handle

hard2handle

New member
إنضم
2007/05/31
المشاركات
16

[FONT=&quot]السلام عليكم ورحمة الله وبركاته ..[/FONT]

[FONT=&quot] [/FONT]

[FONT=&quot]متابعة قديمة للمنتدى .. استوالي 3 سنين ونصف السنه تقريبا متزوجة .. عندي بنت .. وعلى وشك إنجاب اطفل الثاني ..[/FONT]

[FONT=&quot] [/FONT]

[FONT=&quot]مشكلتي تبدامن بداية زواجي .. ومشكلتي الأكبر أني كتوم ولا أشكي لأحد... ولو أقرب الناس لي الي لهم أهلي .. زوجي بدوي منذ تزوجته في اليوم الاول وانا رايحة بيت |أهله للمرة الأولى يقولي تبرقعي .. !! قلتله شو! قالي وين برقعج حرمتي لازم تتبرقع؟ قلتله كيف اتبرقع وانا انسانه اداوم .. ولا بكون فالدوام بويه وفالبيت بويه!!! المهم لي من جبرني عليه .. وطاوعته ولا اخفيكم بنفس غير راضية .. بس تعبت منه وايد .. يعني يوم اسير عند الناس ماقدر اكل ولا اشرب لاني ماعرف استخدمه .. واخاف يحتاس ولا شي وانا مادري به .. المهم فالاخير تركته مب غصب عنه بس ماكان راضي.. من بدايات ايامنا وهو يخبرني عن علاقاته القديمة .. ويعطيني اسماء بنات قضى ليالي في معاشرتهن وفي منزلهن واثناء غياب اهاليهن .. وكل البنات اعرفهم .. وبعضهم مب بنات حريم كبار .. وهو شاب صغير .. أنا من النوع الي يحب يسمع للآخر.. ماخب ابدي أي ري أكشن عشان هو مايسكت اريد اعرفه واعرف شخصيته وطبعه ونوعه .. المهم هو خذ علي وكان يقولي كل شي .. ضده او معاه ..[/FONT]

[FONT=&quot] [/FONT]

[FONT=&quot]طبعا بعد مرور اشهر قصيرة من زواجنا بدت خياناته .. ومرات صديقاته يتصلون فيني ..[/FONT]

[FONT=&quot] [/FONT]

[FONT=&quot]وعلى فكرة انا على حظ وافر من الجمال والحمدلله .. وشهادتي جامعية وموظفة.. وبيني وبين زوجي سنه وشهر فقط.. عمري 23 وهو 24 تقريبا ..[/FONT]

[FONT=&quot] [/FONT]

[FONT=&quot]تجاهلت خياناته ومرات واجهته كثير .. لين صرت احس عادي .. شو يعني لو يرمس؟ احسبه ما يهمني ..[/FONT]

[FONT=&quot] [/FONT]

[FONT=&quot]مشكلتي ليست خيانة زوجي .. أنا نصحته ونصحته وفالاخير الله الي بيحاسبه .. مشكلتي الأكبر[/FONT]

[FONT=&quot]هي أنه يمد إيده عليه و بعوافه .. يعني منذ السنه الأولى يوم تستوي بينا مشاجرات حادة يبدى بفقد أعصابه وانا ابدى بالانهيار وبالبكاء وماقدر ابدا اتكلم .. وطبعا هو يقولي ردي علي كلميني ومادري شو .. وانا ماقدر اتكلم غير ابكي بس.. وهالشي يخليه يعصب زيادة ويبدى يمد ايده عليه .. يخنقني يشلني ويرميني .. أو يربطني .. او يضربني على فمي يشد شعري .. كل شي... صبررت لين مامرت سنه ونص تقريبا.. لاني ماحب احد يعرف بمشاكلي معاده .. ولان بينا بنت .. وعلى فكرة البنت دايما كانت تنضرب معاية .. عمرها سنه كان والحين سنتين ونص.. بنتي لما هو يبدا فالضرب والصريخ تبكي .. ويقولها لاتبكين .. هي تستمر فالبكاء لين مايشلها فوق من ثيابها ويخشعها ويقولها اقولج سكتي سكتي بصراخ .. المهم شكيت لاختي وعطتني نصايح .. بس الوضع دايم يتكرر .. وبعدين يرجعلي مايعتذر طبعاا بس يخلي الوضع عادي او يحاول يضحكني او يقولي يلا بنطلع .. "أحس اني كنت في قمة الغباء يوم سكت عنه"[/FONT]

[FONT=&quot] [/FONT]

[FONT=&quot]الحين من 7 شهور تقريبا زعلت منه زعله كبيرة .. بس طبعا بدون علم أمي بس أخواني .. لان مابا اتعب قلبها فديت عينها .. لميت ثيابي وقلت له ودني بيت اهلي قالي ماوديج قلتله ماتوديني خواني بييون يشلوني .. قال اوكي اركبي بس البنت تحلمين تشلينها .. قلتله انا ماريدها .. مع اني ماتحمل فراقها يوم ... ورحت بيت اهلي وطبعا امي. حاسه بكل شي بس ماتكلمت.. اخواني واحد منهم جدا هادى واعصابه باردة والثاني حار.. خبرتهم المشكلة .. خبرت الهادي لانه الكبير.. وطبعا يقولي الحرمه تسمع كلام ريلها مهما يصير والحرمه والحرمه والحرمه .. وانا بكلمه ما يمد ايده عليج وهالكلام .. المهم 3 ايام وانا ابكي على بنتي[/FONT]

[FONT=&quot]اشتقت لها وهي بعد.. تنش فليل عند اخت ريلي تبكي تقولها ماما ماتت .. "اظني هو علمها عالكلام"[/FONT]

[FONT=&quot]بعدين تراضينا بيت اهلي ورجعت على اتفاق وياهم انه يحترمني.. ومايمد ايده عليه ..[/FONT]

[FONT=&quot]اول ماشفت بنتي كرهت زوجي الصراحة وقمت ادعي عليه بدون ماحس وماقدرت ارد وياه طبيعية الا لما مر كمن يوم ..[/FONT]

[FONT=&quot]خلال السبع شهور صارت مشاكل كثيرة .. ماشكيت لاهلي .. ولا شي .. لين من سبوع تقريبا زودتها فالضرب معاية وانا حامل في الشهور الاخيرة .. يشلني ويفرني ويدوس عليه ويخنقني على حادي السرير .. ويعامل بنتي نفس الشي.. بس انا ماقمت اخاف منه صرت استفزه وارد عليه .. ادري هالشي غلط .. بس الانسان طاقات .. طرشت مسج لسلفتي بسرعه .. حسيته بيجتلني ودخلت ومسكته من رقبته لين فجني وهو ماستحى منها يضربني قدامها تخيلوا شكلي وشكله .. [/FONT]

[FONT=&quot]المهم بنتي تعقدت وادمرت .. كل ماتشوف بدا يصارخ تبكي تقول طلعوني طلعوني برى كأنها تقول ماريد أريد أشوف شي.. وانا صرت ماتحمله .. ماصرت اسكت نفس قبل يوم تصير مشكله .. استويت ارد عليه واعامله مثل مايعاملني ..وعلى فكرة يتنوع بأساليب الضرب .. يعني مرات يركبني السيارة ويضربني فيها ويوديني اماكن منقطعه صحرى ويقولي بعقج في البير .. او يسوق بطريقة جنونية في البراري كأنه يبا يجلبنا وبنتي عندي ..[/FONT]

[FONT=&quot] [/FONT]

[FONT=&quot]آآآآه تعبت .. وأمس صارت المشكلة الأخيرة .. أنا من عقب السبوع هذاك مارمت أرد طبيعية معاه .. وماكان في علاقة جنسية بينا مع انه يحب الجنس بجنون كباقي الرياييل..[/FONT]

[FONT=&quot]انا نفسيتي ماتساعد على شي .. كلمته بهدوء قلتله شوف يا اطلقني .. يا تتزوج .. انا ما أكن لك أي مشاعر .. مب من اليوم ... من سنه تقريبا .. وتعبت .. لا جنس أحسبه ولا وجودك عندي يريحني .. وأتمنا موته الصراحة اليوم قبل باجر .. لاني اخاف ان اطلقت اتندم عشان اعيالي ولا اشتتهم .. فموته أحسن شي ... "استغفر الله"[/FONT]

[FONT=&quot]ريلي يحبني وايد وأنا متأكده من هالشي رغم خياناته رغم كل شي.. ويحب شخصيتي القيادية يحب جمالي .. يحب نجاحي .. يحب اعتمادي على نفسي... يعني من اييونه ضيوف فجأة مايشل هم شي .. يعرف ان الفواله بتكون جاهزة والميالس نظيفة ومدخنه وكل شي.. والذبيحة أخلصها له في ساعه ونص.. رغم توفر الخدم .. بس احب اشرف ع شغلته بنفسي..[/FONT]

[FONT=&quot]وفي حال عدم وجود خدامه .. انا اغسل واكوي وانظف واتابع دراستي وبنتي وماتذمر.. وفي حال الغساله كانت خربانه على ايدي اغسل ثيابه المهم مايحتاج شي.. أغلب الاوقات ريوقه موجود في الغرفه اول ماينش.. في أوقات الإجازات .. ولا الدوام لا .. يتريق في البيت العود .. لاني غالبا اسرح الدوام قبله.. نعم أحبه .. كنت أحبه .. بس الحين والله ياناس ابغضته وماريد اشتت عايلتي ونفس الوقت ماريد اجابلة وماريد علاقة جنسية تجمعني معه لانه اكثر شي صار يقززني التفكير فيه ..[/FONT]

[FONT=&quot]المهم البارحة اضاربنا .. ومد ايده .. بس اصريت انه يطلع بنته قبل يبدى بحفلته المعتادة .. وقمت اتصارع وياه دفاع عن نفسي وكرشتي بين عيوني .. المهم اول ماراح يصلي اليمعه .. انا قفلت بابي عليه وطحت 4 ساعات مادريت بعمري راقدة ولا واعية ويدق عليه .. لين عقب المغرب دخل م الشباك وتم يخشعني من ايدي ويقولي يالله تلبسي ماتبيني اركبي السيارة تبين طلاق بطلقج .. قلتله وانا صادقة لاني خايفه منه مب صاحي .. بتريا اخويه بسير وياه .. ويوم شافني بتصل عليه شال التلفون مني وقفل علي باب الغرفه وراح يتسبح.. انا كان عندي مفتاح ثاني للغرفه اول مادخل الحمام لبست عباتي وشليت بنتي وطلعنا بسرعه وكلمت اخوية .. وعمتي وعمي كانوا معاي ويقولهم خلوها تركب السيارة بصراخ ويقولوله لا يقولي من شعرها بركبها .. المهم لي يا اخويه الهادي ... وانا والله مافي نيتي غير الطلاق.. تحطمت منه كرهته ماريده .. وعمي ابو زوجي يقول شو مالكشلة ... قلتله لما ايي انته اساله .. انا ماكنت اريد عمي يدخل ولا عمتي يعني اخوي ويالله يالله .. بس شاءت الاقدار.. المهم اخوي حاول يصلح الموضوع .. وطبعا هذاك كله يضحك يتحرى عمره هو الصح .. وانا احاول اقنع اخويه اني ماريدة .. اقوله انا ماحبه .. ما اميل له .. يقولي هالكلام سخيف.. مشكلتج الوحيدة الضرب.. وان مد ايده عليج دقيلي انا بشلج منه .. المهم انا مب مرتاحه .. كنت اريد اسير بيت اهلي كنت اريد الموضوع يكبر.. كنت اريد اعيشه في فوبيا انه ممكن يخسرني .. او بيخسرني ..[/FONT]

[FONT=&quot] [/FONT]

[FONT=&quot]من امس ماقدرت انام مثل العالم والناس ومن الفجر وانا امشي فالبيت .. تعبت ... شو اسوي؟[/FONT]

[FONT=&quot]ياريته يتزوج ويرحني .. انا ماريد غير إني أربي اعيالي فقط .. ماريد منه شي.. ومارح اسويله مشاكل مع زوجته وكل ماقوله هالكلام يرفض.. شسوي!!!!!!!!!!![/FONT]

[FONT=&quot] [/FONT]

[FONT=&quot]قلبي مايقبله .. ونفسي كرهته ... تعبت منه...[/FONT]

[FONT=&quot]مشكلتي مب في خيانه مشكلتي في الاهانه .. قدرة استوى والزباله واحد .. عزكم الله[/FONT]

[FONT=&quot] [/FONT]

[FONT=&quot]من تقنع النفس قنعت لو تعاتبها .. ماعاد ترجع مثل الأول على العادة[/FONT]

[FONT=&quot]نفسي على ماكرهت ماني بغاصبها.. ماهي على المخدعة والشين معتادة[/FONT]

[FONT=&quot].[/FONT]

[FONT=&quot].[/FONT]

[FONT=&quot].[/FONT]​
 
الله يعينج يا اختي ..

لازم اتسوين جلسه ويا عمج وعمتج وهو يكون موجود .. وتطلبين انج تتكلمين ومحد يقاطعج وبعدين تعددين كل اللي تسوينه علشانه وهو شو سوى علشانج .. وبالاخير تطلبين منه اللي تبينه
و ريلج هذا لازم يتعالج لانه مريض رايح ياي ضرب ..
اختي ترى بنتج بتمرض حرام عليج اذا مارحمتي روحج ارحمي بنتج واللي في بطنج
وما عليج من اخوج البارد ..
انتي اوقفي وقفه عدله هالمره .. يا يتعدل او بلاها هالعيشه .. شو فايده وجود اب اربع وعشرين ساعه يطق فيهم ؟؟
لازم تتخذين موقف جاد .. وتفشلينه جدام اهله ..
واستعيني بالصبر والصلاه .. واستخيري الله قبل كل خطوه .
 
<P>الله يعينج يا اختي .. </P>
<P> </P>
<P>لازم اتسوين جلسه ويا عمج وعمتج وهو يكون موجود .. وتطلبين انج تتكلمين ومحد يقاطعج وبعدين تعددين كل اللي تسوينه علشانه وهو شو سوى علشانج .. وبالاخير تطلبين منه اللي تبينه </P>
<P>و ريلج هذا لازم يتعالج لانه مريض رايح ياي ضرب .. </P>
<P> اختي ترى بنتج بتمرض حرام عليج اذا مارحمتي روحج ارحمي بنتج واللي في بطنج </P>
<P>وما عليج من اخوج البارد .. </P>
<P>انتي اوقفي وقفه عدله هالمره .. يا يتعدل او بلاها هالعيشه .. شو فايده وجود اب اربع وعشرين ساعه يطق فيهم ؟؟ </P>
<P>لازم تتخذين موقف جاد .. وتفش
 
الله يسهل عليك ولادتك ويفرج همك ويكشف ضرك قولي امين
بصراحة مدري وش اقول بس لو اني مكانك باترك له البيت واطلع ولازم تصارحين اهلك مو شرط بالتفاصيل
بس بيني لهم على الاقل انك تبينه يتادب ويتسنع وانه لازم هم يوقفون معاك فوجهه وما يكونون ضدك
الله يسخر لك زوجك ويحننه عليك وخلي دايم دعوتك بكل صلاة يا رب حننه علي بقدرتك يا رحمن يا رحيم
موفقة حبيبتي
 
بصراحه كلامج غريب كيف ما تبين تشتتين عيالج لو اطلقتي
ليش يعني انتي تشوفين بنتج عايشه حياه طبيعيه و الا يعني هي ما تشتت لين الحين
يابوي هذا انسان ما ينفع معاه الا القوه هو ياج بالقوه تعالي معاه بالقوه
اما اذا تميتي ساكته و ما تشتكين بتمين على حالج هذا يعني لا تتوقعين يتغير

انا بقولج بصراحه اللي لو انا كنت ف مكانج كنت بسويه
بعد ما يضربني بروح المستشفى و براويهم اثر الضرب و برفع عليه بلاغ فالشرطه و فالمحكمه
هوه بيشوفني قويه و ما اسكت عن حقي
انتي لما تقولين والله صرت ارد عليه و ما اخاف منه حسبالج هوه يسمع لكلامج هوه من يعصب ما يشوف جدامه

بصراحه من رايي لازم تتاخذين موقف حراام فالبنت اللي تشوف هذا كله و حرام اليهال اللي بي الحين يشوف نفس الشي بصراحه تعيش مع ام مطلقه تعوضها عن ابوها لاكن تعيشها ف جو مستقر افضل لها مليون الف مره من انها تعيش بين ابوها و امها و تشوف هالشي جدامها

بصراااحه اسمحيلي انتي لما تسكتين تقولين عن نفسج انا قويه و بدافع عن نفسي بس انا ما اشوفج غير وحده ضعيفه و هوه مستغل ضعفج لانه كل ما ضربج ادخل اخوج الهادي على قولتج و انحل الموضوع ودي لو دخلتي اخوج العصبي جان شفتي شي غير جان وقفه عند حده

بصراحه مب قادره اتخيل كيف في انسان يقدر يسوي جيه ف حرمته و عياله يضربج فالسياره و الا يوديج الصراحه و الا يسرعبكم شو هاه هذا انسان مب صاحي هذا انسان مريض ما اقول غير الله يشفيه

و الله يهديه و ما اتمنالج الا تعيشين حياه طيبه و ما فيها اي مذله و مهانه والله يعينج و يصبرج
 
ادعي ربك في جوف الليل ان يسخر قلبه ويحننه عليك الله ماعليه عسير
 
يأختي زوجك مو طبيعي لين متى السكوت شكلك تبين النهايه الموت بس زوجك الي بيختار الطريقه
ضرب خيانه اهانه
وضع بنتك وكيف فكرتي تجيبين طفل اخر منه ياختي اصحي لنفسك قبل مايصير لك شي
والي مو كفوا العيال لايجيب حرام نطلع ابناء المجتمع بحاله مريضين نفسيا بسبب قسوة وضياع ابائهم او ضعف أمهاتهم
حرام والله الابناء امانه وانفسنا لها حق علينا
والزوج لابد من معاقبته وياخذ درس يخليه يصحى من افعاله
واسفه على صراحتي
 
الله يعينك اختي واهم شئ البنت حراااااااااام عليكم تدخلونها في مشاكلكم توهاااااااا وبعدين نفسيتها خليها عند امك او جدتها اذا انتم كل يوم هوشه وبعدين كلميه لما يكون هادي وتكون آخر مره يايتعدل والا روحي بيت اهلك لييييييييييييين يهدى ويتعدل واذا استمر وضعه خلاص تطلقي اهم شئ الكرااااااااااااااااامه


الله يعينك ويفرج همك تقبلي مروري
 
انا اعترض قال:
الله يعينج يا اختي ..

لازم اتسوين جلسه ويا عمج وعمتج وهو يكون موجود .. وتطلبين انج تتكلمين ومحد يقاطعج وبعدين تعددين كل اللي تسوينه علشانه وهو شو سوى علشانج .. وبالاخير تطلبين منه اللي تبينه
و ريلج هذا لازم يتعالج لانه مريض رايح ياي ضرب ..
اختي ترى بنتج بتمرض حرام عليج اذا مارحمتي روحج ارحمي بنتج واللي في بطنج
وما عليج من اخوج البارد ..
انتي اوقفي وقفه عدله هالمره .. يا يتعدل او بلاها هالعيشه .. شو فايده وجود اب اربع وعشرين ساعه يطق فيهم ؟؟
لازم تتخذين موقف جاد .. وتفشلينه جدام اهله ..
واستعيني بالصبر والصلاه .. واستخيري الله قبل كل خطوه .
أنقر للتوسيع...


يزاج الله خيرر عزيزتي عالرد..

اليوم الصبح جاني عمي يحضني ويقولي امسحيها في ويهي هالمرة وبس.. واخوي نفس الكلام قالي..

وان شاءالله مايعيدها ..

ظنج بنتي بتتأثر؟ بقدر أمحو هالشي من ذاكرتها؟؟ عمرها سنتين ونص الحين بس هي ذكية
​
 
yoffi قال:
الله يسهل عليك ولادتك ويفرج همك ويكشف ضرك قولي امين
بصراحة مدري وش اقول بس لو اني مكانك باترك له البيت واطلع ولازم تصارحين اهلك مو شرط بالتفاصيل
بس بيني لهم على الاقل انك تبينه يتادب ويتسنع وانه لازم هم يوقفون معاك فوجهه وما يكونون ضدك
الله يسخر لك زوجك ويحننه عليك وخلي دايم دعوتك بكل صلاة يا رب حننه علي بقدرتك يا رحمن يا رحيم
موفقة حبيبتي
أنقر للتوسيع...



يزاج الله خير عزيزتي ..

أهلي وأهله كلهم عرفوا البارحة .. وهاذي المرة الثانية الي أعلن فيها المشكلة لاهلي والاولى لأهله..

وعشان خاطر اخوي رضيت .. وقلتله المرة الياية مستحيل اعيش معاه
​
 
ونيس الروح قال:
بصراحه كلامج غريب كيف ما تبين تشتتين عيالج لو اطلقتي
ليش يعني انتي تشوفين بنتج عايشه حياه طبيعيه و الا يعني هي ما تشتت لين الحين
يابوي هذا انسان ما ينفع معاه الا القوه هو ياج بالقوه تعالي معاه بالقوه
اما اذا تميتي ساكته و ما تشتكين بتمين على حالج هذا يعني لا تتوقعين يتغير

انا بقولج بصراحه اللي لو انا كنت ف مكانج كنت بسويه
بعد ما يضربني بروح المستشفى و براويهم اثر الضرب و برفع عليه بلاغ فالشرطه و فالمحكمه
هوه بيشوفني قويه و ما اسكت عن حقي
انتي لما تقولين والله صرت ارد عليه و ما اخاف منه حسبالج هوه يسمع لكلامج هوه من يعصب ما يشوف جدامه

بصراحه من رايي لازم تتاخذين موقف حراام فالبنت اللي تشوف هذا كله و حرام اليهال اللي بي الحين يشوف نفس الشي بصراحه تعيش مع ام مطلقه تعوضها عن ابوها لاكن تعيشها ف جو مستقر افضل لها مليون الف مره من انها تعيش بين ابوها و امها و تشوف هالشي جدامها

بصراااحه اسمحيلي انتي لما تسكتين تقولين عن نفسج انا قويه و بدافع عن نفسي بس انا ما اشوفج غير وحده ضعيفه و هوه مستغل ضعفج لانه كل ما ضربج ادخل اخوج الهادي على قولتج و انحل الموضوع ودي لو دخلتي اخوج العصبي جان شفتي شي غير جان وقفه عند حده

بصراحه مب قادره اتخيل كيف في انسان يقدر يسوي جيه ف حرمته و عياله يضربج فالسياره و الا يوديج الصراحه و الا يسرعبكم شو هاه هذا انسان مب صاحي هذا انسان مريض ما اقول غير الله يشفيه

و الله يهديه و ما اتمنالج الا تعيشين حياه طيبه و ما فيها اي مذله و مهانه والله يعينج و يصبرج
أنقر للتوسيع...


مرحبا الغالية ..

بنتي وايد تحب أبوها رغم كل شي.. وماريد أحرمها منه ..

هو صح اتجيه هالحالة كثير.. بس يوم يكون طبيعي يكون وايد زين معانا .. ويبدلها حفاظ ويلاعبها..

أنا ماسكت الموضوع يطور بس تدريجي .. ماريد أندم ع شي .. وظنج بنتي بتنسى الموضوع اذا تعدل؟؟ هي عمرها 2 ونص
​
 
الامراة الشامخه قال:
يأختي زوجك مو طبيعي لين متى السكوت شكلك تبين النهايه الموت بس زوجك الي بيختار الطريقه
ضرب خيانه اهانه
وضع بنتك وكيف فكرتي تجيبين طفل اخر منه ياختي اصحي لنفسك قبل مايصير لك شي
والي مو كفوا العيال لايجيب حرام نطلع ابناء المجتمع بحاله مريضين نفسيا بسبب قسوة وضياع ابائهم او ضعف أمهاتهم
حرام والله الابناء امانه وانفسنا لها حق علينا
والزوج لابد من معاقبته وياخذ درس يخليه يصحى من افعاله
واسفه على صراحتي
أنقر للتوسيع...


أبوها وأنا وايد زينين وياها .. بس انا وبنتي نتدمر لما هو يعصب بطريقته المجنونة.. عرفتي

وإن شاءالله بإذن الله الأمور بتتعدل ومابيطلعون مرضى نفسيين .. بإذن واحد أحد.. ومشكورة عالرد
​
 
يزاكم الله الف خير عزيزاتي عالردود ... والله لا هانكم
​
 
الامراة الشامخه قال:
يأختي زوجك مو طبيعي لين متى السكوت شكلك تبين النهايه الموت بس زوجك الي بيختار الطريقه
ضرب خيانه اهانه
وضع بنتك وكيف فكرتي تجيبين طفل اخر منه ياختي اصحي لنفسك قبل مايصير لك شي
والي مو كفوا العيال لايجيب حرام نطلع ابناء المجتمع بحاله مريضين نفسيا بسبب قسوة وضياع ابائهم او ضعف أمهاتهم
حرام والله الابناء امانه وانفسنا لها حق علينا
والزوج لابد من معاقبته وياخذ درس يخليه يصحى من افعاله
واسفه على صراحتي
أنقر للتوسيع...



نفس الكلام ...اختي شكله مريض نفسي والله اعلم
 
الله يكون بعونك
والله خايفه عليك من جد هذا مريض
وبقوه
حبيبتي انتبهي على نفسك واتمنى واحد من اخوانك او اهله يجون عندك فتره او ياخذونه بلقوه لدكتور نفسي
طالما انها
اوقات لازم تعرفين اش اسبابها عشان يتعالج
وبنتك حراااااااااام والله حرام
واذا مد يده ثاني لالالالالالالالالاتعطينه اي فرصه وخذيها من صالحك واشتكيه بلمستشفى عشان يكون الاطفال من حقك لوصار طلاق لانه افضل حل
لك واذا تعالج يعرف طريق البيت
زين
 
والله يا اختي مادري شاقولج انا في البداية اظايقت وايد وحسيت اني اريد اضربه بنفسي وفيه حره عليه ..وكنت باقولج مافي مجال مصالحه ولا تفاهم لاني حسيت انج عفتيه وماتبينه ..بس من خلال ردج على الاخوات حسيت انج ما تبيين الطلاق ..يعني ماتبيين الطلاق وتبيين ذل الزوجه الثانيه مفكرة بتتحملين العديله ..الا بتشوفيين الذل الوان ..وبتقوليين ليتني اطلقت قبل لايتزوج عليه ويعافني ..وبعديين ابو طبيع مايوز عن طبعة وانا اعرف البدو عمره مابيفكر يروح لدكتور نفسي مثل ماقالن الخوات وبيقول انا هب مجنون ..وبيتم على حاله اذا كنتي تبينه وما تستغنيين عنه حاولي تغيرين اسلوبج معاه وشوفي الشي اللي يضايقه ولا تسوينه وحاولي تتحاشيين الصراخ والبكاء ولا تخليين بنتج تتواجد في المكان وقت هوشتكم ......والله يهديه ..........مع اني اشك........واسمحيلي انت مثل اختي
 
اولا اسمحي لي عندي نقاط بوقف عندها :
1- انتي ما يهمج خياناته .. يهمج اهانته لج !!! حبيبتي الاثنين وجهين لعمله وحده ما ينفع نص ونص .. وبعدين شلون ما تهمج خياناته ؟ من الاساس هاي حرام شرعا شنو ما يهمج ؟

2- ذكرتي انج شخصيه قويه وقياديه و و و والي اشوفه من مشكلتج انج انسانه ضعيفه مو قادره تسند عمرها شلون بتحمين اعيالج ؟

3- انتي تشمين حياه اليهال مع هالاب حياه ؟؟؟؟ عجبي عليج صراحه .

4- في رايي كل تصرفات ريلج وضربه لج من قهره منج وحره قلبه انج من البدايه وانتي تسمعين قصص علاقاته وعادي عندج عشان ايش ؟ عشان تعرفينه وتفهمينه ؟ انتي اصلا حسستيه انج ولا شي ومب مرته الي المفروض تغار وتزعل وهالشي ينرفز الريال ويوتره ..

5- سؤال : ليش ريلج متمسك فيج للحين ؟؟؟ ومو راضي يجيب على راسج مره ؟؟؟؟ انتي جاوبتي لانه يحبج .. طيب ليش يضربج ؟ وليش يخونج ؟؟؟ لان انتي بينتي له ان عادي يخون دام تسمعين وتكلمين الي يخونج معاهم ويش بقى ؟

6- الريال اذا ضرب مره وما توقف عند حده .. انسي انه يوقف عن الضرب .. وانتي جبتيه لنفسج لمن سكتي من الاول ..

7- لا تقولين ان بنتج تهمج .. انتي اصلا خلاص دمرتي نفسيه بنتج باللي سويتيه وسمحتي له يسويه فيها .. الياهل ينغرس فيه حتى لو كبرت ونست بيتخزن في عقلها الباطن وماراح يبين الا عقب .. خافي الله في هالبنت ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل