دجاج بالكاري .. عجيب لرمضان

الحالة
مغلق و غير مفتوح للمزيد من الردود.
السلام عليكم ورحمة الله وبركاته
وكل عام وانتم بخير و امبارك عليكم الشهر :)

حبيت انقل لكم طريقه حلوه لعمل الدجاج بالكاري بصراحه من اكتشافي .. بس صج عجيبه .. و سهله ....
انشالله تعجبكم

المقادير:
1 دجاجه مقطعة ( 8 قطع )
1 روب ( زبادي )
1 معجون طماط
بهارات مشكله
1 ملعقه متوسطه كاري
بصل مبشور
ثوم مدقوق
ملعقتين كبار كزبر مفروم
1 مكعب ماجي ( ملاحظه اذا حطيتي مكعب ماجي ما يحتاج ملح )
رشة من الفلفل الاحمر البودره ( اختياري )

الطريقة:
1- تخلط جميع المقادير مع بعض ماعدا الدجاج
2- يتبل الدجاج بالخلطة لمده ساعه تقريبا
3- ناخذ الدجاج فقط و نضعه في قدر به قليل من الزيت ونخليه الى ان ينشف ماء الدجاج ( الدجاجه اتطلع ماي ابروحها ) ثم يتحمر اشوي
4- بعد ما يتحمر الدجاج نضيف الخلطة الى الدجاج و نضيف ماء مغلي سابقا الى ان يتغطى الدجاج و نغطي القدر
5- نترك الدجاج الى ان يستوي .. ( اذا نشف الماء و الدجاج ما استوى نزيد الماء قليلا )
6- بعد ان يستوي الدجاج يجب ان تكون المرقه ثقيله اشوي ..
نضع الكزبر المفروم
7- و بس سلامتكم .. طبعا يقدم مع العيش ( الرز )

اقولكم طريقتي للرز عالسريع
احمس بصلة و اشويه ثوم و احط قليل من الزنجبيل ( طازج او بودره ) و ملعقة صغيرة كركم .. ثم اضع الرز و اخلطة مع الحمسة بحذر و اضيف الماء المغلي الى ان يغطي الرز .. و اتركه على نار هادية الى ان ينشف الماء

و بالعافية انشالله

ملاحظة : ممكن تطبيق نفس طريقه الدجاج على اللحم المقطع مكعبات
 

reema

New member
رد : دجاج بالكاري .. عجيب لرمضان

دقيتي على الوتر
:(305):

احب هاي الاكلة كثير
مشكورة عيوني على الوصفة اللذيذة
ما ننحرم من هالطلة

:(305):
 

بسمة

ملكة متوجة
مشكوره الغاليه على هالطبخه ومن عشر سنين وانا اطبخ انواع الكاري:essen:
الحين لو تسوين لي فيزا بشتغل من غير ماتقولين لي الطريقه :flex:
وطريقتج وايد حلوه مع هالعيش :cupidarrow:
 
الحالة
مغلق و غير مفتوح للمزيد من الردود.

المواضيع المتشابهة

أعلى