دبي مول هل صدق مايقال

[فتوو رايقة]

السلام عليكم ورحمة الله وبركاته 0000000اخواتي انا من السعودية وناوية اسافر دبي في العيد وابغى اروح دبي مول عشان الاكواريا وغيره وسمعت انه بيئة فاسدة من البنات المتبرجات وخاصة يقولون بعض الخليجيات والسعوديات كاشفين وجوههم وفالين شعورهم وتعرفون الرجاجيل السعوديين ما يطالعون في الاجنبيات من يوم يشوفون وحدة لابسة عباية وفالة شعرها قالوا سعودية وعيونهم مبققة عليها هل صدق الكلام هذا لاني نفسي اروح له بس يوم سمعت كذا انصدمت لا تقولون ما عليك منهم لازم كل وحدة تخاف على زوجها يمكن يصادف بنات حلوين وكذا طبعا تشتغل الغيرة وتتنكد السفرية وش رايكم :8:

 

[هدوء أميرة]

والله ياقلبي الفساد بكل مكان والله يحفضنا أنتي أختاري أماكن محافضة​

 

[فتوو رايقة]

الله يجزاك خير ياقلبي بس زوجي مصر نروح له ومابغى ابين له اني مابغاه ودبي نادرا ماتلقين مناطق محافظة ومايبغى يروح الشارقة

 

[سهام اليل]

حبيبتى كل الاماكن كذا
بس انتى استودعى ربك نفسك وزوجك
وروحى وانبسطى ولاتخليين الاشكال هذي
تاثر ع سفركم وع سعادتكم
ناس تسافر برا وتنبسط ولاتفكر في الاشيا هذي
لانك رايحه تنبسطيين
ولاتخليين اى شي يعكر مزاجك او مزاج زوجك
وحتى لو شفتى شي يضايقك
لاتهتميين فيه
حطى في بالك شي واحد عشان تنبسطين
انتم رايحين تغيروون جو
فنبسطو بكل لحظه وفي كل مكانن
الله يوفقك
ويسهل امرك
وتجين تكتبين تقرير سفرتك

 

[fo0ofe]

ياقلبي انا رحت دبي 5 مرات وكل مره اروحها اروح دبي مول
وترا هو من احلى واعظم وارقى واكبر المولات الي شفتها في حياتي صراحه شي راااااااائع وتنبسطي في بشكل مو طبيعي وهو مليان اجانب كثييييير بس كل واحد في حالو حتى البنات الاماراتيه محترمات جدا بصراحه وماشين بعباياتهم وطرحهم صح كاشفين بس برضو في حاااالهم اسمعي كلامي وروحي وانبسطي ترااااا روووووووووووعه

 

[فتوو رايقة]

شكرا لكم انا عارفة ان الاجانب كل في حالة انا مو اول مره اروح دبي رحت مرتين بس هالمرة فيه دبي مول يااختي فوفو الخوف من البنات السعوديات يكشفون وييتمكيجون وبعدين يقول اثاريهم مغطين على جمال في السعودية انا خوفي من كذا تعرفون الرجال اف منهم رحت ماليزيا وانبسطت مع الاجانب كل في حاله وهنا في الرياض تطلعين مع زوجك السوق يبلشونك البنات الفاضيات الله المستعان

 

[قطـــــريه]

انتي من صجج ماتبين تروحين دبي مول عشان هالموضوع ؟؟ الله يهديج يا اختي عالاقل ثقي في نفسج شوي .. لو مكانج اربطي على عيونه دام ماتبينه يشوف ..

 

[اميرة مميزه]

خخخخخخخخخخخخخخخخخخخخخخخخخخخخخخخخخخخخخخخ
انا رايحه دبي مول وبتلقين كل الاوربيات هناك لكن انا مستحيل اغار على زوجي من الاشكال هذي وبالعكس نضحك عليهم وعموما السعوديين مو لمك وفيه خليجيات كثار ومثل ماقلتي وعلى فكره دبي مول ذكرني بااوربا كل واحد يمشي ولايطالع الثاني حتى السعوديين وانا مامر علي كذا ابد فديييييت دبي ولايفوتك النافوره جناان والاكواريوم وسوق البحار روحي للكافي وتفرجي على النافوره فديتها دبي مول جلست 5 ساعات ولامليت زوجي يسحبني عشان اطلع
وفيه فساتين وكل الماركات الشنط والساعات خيالي السوق هذا وكل المصممين فيه
وانصحك لاتضغطين على زوجك خليك واثقه من نفسك انا والله عادي انا اطلنتس رحت له واااااو هذا بالذات اذا ماتتحملين لاتروحين له لانه انا عادي عندي
وعلى فكره حتى السعوديات اللي قاتشات ومتمكيجات جدا محترمات وعموما انا تفاجئت لانه حسيت انهم بيروحون زواج مو سوق
فديت الاوربيات جمال طبيعي بدون مساحيق

 

[سـمـو الآمـيـرة]

لآ عيوني خلك وآثقه واستودعيه ربي وروحي وإنبسطي
ودآيم خلك مآليه عيونآته ومآ رآح يشوف غيرك أبد
الله يخليكم لبعض ويسعد قلوبكم بما تحبون

محبتي​